تىلشىلەرىمىز ليۋ بيڭ، شۇي جيجي حابارلايدى. 11 - ايدىڭ 17 - كۇنى اۆتونوميالى وبلىستىق پارتكومنىڭ تۇراقتى كوميتەتى كەڭەيتىلگەن ٴماجىلىس اشىپ، باس شۋجي شي جينپيڭنىڭ ماڭىزدى ٴسوزىنىڭ، جاۋاپ حاتىنىڭ رۋحىن جەتكىزدى، دايەكتىلەندىردى؛ «جۇڭگو كوممۋنيستىك پارتياسىنىڭ ۋستاۆىن» ۇيرەندى، يگەردى؛ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ٴماجىلىسىنىڭ جانە مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى تەلەۆيزور - تەلەفون ٴماجىلىسىنىڭ رۋحى، اۆتونوميالى رايوندىق پارتكوم تۇراقتى كوميتەتىنىڭ ٴماجىلىس رۋحى جانە اۆتونوميالى رايوندىق پارتكومنىڭ شۋجيى ما شيڭرۇيدىڭ جۋىردا سويلەگەن سوزدەرىنىڭ رۋحى سياقتىلاردى جەتكىزدى، دايەكتىلەندىردى؛ قاتىستى قۇجاتتاردى جەتكىزدى، ۇيرەندى؛ تۇتاس وبلىستىڭ شارلاپ تەكسەرۋ، ورتتەن ساقتانۋ، جەر سىلكىنىسىن باقىلاۋ، اۋا رايى، سازدى جەرلەردى قورعاۋ جانە جوعارى ورىندار تەكسەرۋ بارىسىندا اڭىس ەتكەن ماسەلەلەردى تۇزەتۋ سياقتى قىزمەت دوكلادتارىن تىڭدادى، قاتىستى قۇجاتتاردى قارادى. وبلىستىق پارتكومنىڭ شۋجيى پۋ شۋەمەي ٴماجىلىستى باسقاردى.

ٴماجىلىس مىنالاردى اتاپ كورسەتتى: باس شۋجي شي جينپيڭنىڭ 20 ەل توبى باسشىلارىنىڭ 17 - رەتكى باسشىلار ماجىلىسىندە سويلەگەن ماڭىزدى ٴسوزىنىڭ رۋحىن ىشكەرىلەي دايەكتىلەندىرىپ، «ەكى كەلەلى جاعدايدى» كوكەيدە ساقتاپ، مەملەكەتتىڭ «ٴبىر بەلدەۋ، ٴبىر جول» قۇرىلىسىنا ىرىقتى قىزمەت وتەپ، «ەكى قورعاس، ەكى قۇلجانى» ٴبىر تۇلعالاندىرۋ ستراتەگياسىن ىشكەرىلەي اتقارىپ، «شەكارا وتكەلى ەكونوميكالىق بەلدەۋىنىڭ» ەسىك اشۋ قاقپاسىن قۇرۋدى جەدەلدەتىپ، شينجياڭنىڭ باتىسقا ەسىك اشۋداعى الدىڭعى شەبىن جانە ەكونوميكانىڭ جوعارى ساپالى دامۋىنداعى ماڭىزدى ارتۋ ۇيەگىن كۇش سالا قالىپتاستىرۋ كەرەك. باس شۋجي شي جينپيڭنىڭ «بۋدانداستىرىلعان كۇرىشپەن شەتەلگە كومەكتەسۋ جانە دۇنيە ٴجۇزى استىق حاۋىپسىزدىگى» حالىقارالىق تالقى مىنبەرىنە ارناعان جازباشا ارناۋ ٴسوزىنىڭ رۋحىن ىشكەرىلەي دايەكتىلەندىرىپ، استىق حاۋىپسىزدىگىن ورنىقتىرۋ جاۋاپكەرشىلىگىن باتىل ارقالاپ، «استىق القاپتارىن قورعاۋ، ەگىستىك جەر بايلىعىنان عىلمي، ۇيلەسىمدى پايدالانۋ» ستراتەگياسىن جاپپاي تياناقتاندىرىپ، استىق ٴوندىرىسى قۋاتىن كۇش سالا جوعارىلاتىپ، استىق حاۋىپسىزدىگىنىڭ ىرىقتىلىق ۇقىعىن مىقتى يگەرۋ كەرەك. باس شۋجي شي جينپيڭنىڭ جۇڭگو اۆياتسيا ونەركاسىبى توبى شىن - ياڭ ۇشاق ونەركاسىپ (توبى) شەكتى سەرىكتەستىگىندەگى «لو ياڭ جاس ەكپىندىلەر اترەتىنىڭ» مۇشەلەرىنە جازعان جاۋاپ حاتىنىڭ رۋحىن ىشكەرىلەي دايەكتىلەندىرىپ، جاستار قىزمەتىن ستراتەگيالىق قىزمەت رەتىندە مىقتى يگەرىپ، پارتيانىڭ عىلمي نازارياسى ارقىلى جاستاردى قارۋلاندىرىپ، پارتيانىڭ اۋەلگى ماقساتى جانە بورىشى ارقىلى جاستاردى ۇندەپ، پارتيانىڭ شۇعىلالى تۋى ارقىلى جاستارعا جول نۇسقاپ، پارتيانىڭ ۇزدىك ستيلى ارقىلى جاستاردى سومداپ، تۇتاس وبلىسىمىزداعى ٴار ۇلت جاستارىن كورىكتى ىلە قۇرۋدى جەدەلدەتۋدىڭ جاڭا جورىعىندا تىڭ جۇمىس تىندىرىپ، تىڭ ىسكەرلىك كورسەتۋگە تاربيەلەۋ جانە جەتەلەۋ كەرەك.

ماجىلىستە مىنالار باسا دارىپتەلدى: پارتيانىڭ 20 ـ قۇرىلتايىندا قارالىپ ماقۇلدانعان «جۇڭگو كوممۋنيستىك پارتياسىنىڭ ۋستاۆىندا (وزگەرىس ەنگىزىلگەن نۇسقا)» بۇكىل پارتيانىڭ ورتاق ەركى شوعىرلانىپ، پارتيا 20 - قۇرىلتايىنىڭ كەلەلى ساياسي جەتىستىكتەرى بەكەمدەلدى، بۇكىل وبلىستاعى ٴار دارەجەلى پارتيا ۇيىمدارى مەن قالىڭ پارتيالى كادرلار پارتيا ۋستاۆىنا باستاماشىلىقپەن قۇرمەت ەتىپ، ۇيرەنىپ، پارتيا ۋستاۆىنا بويسۇنىپ، پارتيا ۋستاۆىن اتقارىپ، پارتيا ۋستاۆىنا وزگەرىس ەنگىزۋدىڭ وزەكتى ماڭىزىن، رۋحاني ٴمانىن، باي مازمۇنىن جانە امالياتتىق تالابىن ىشكەرىلەي يگەرىپ، «ەكىنى تۇراقتاندىرۋدى» باتىل قورعاپ، «ەكىنى قورعاۋدى» باتىل ورىنداپ، پارتيا ۋستاۆىن يدەيادا شىنايى ايگىلەۋ، ارەكەتتە تياناقتاندىرۋ، قىزمەتپەن ساباقتاستىرۋ كەرەك.

ماجىلىستە مىنالار اتاپ كورسەتىلدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ٴماجىلىسى كەزەكتەگى ىندەتتەن ساقتانۋ ـ تىزگىندەۋ جاعدايىنا ىشكەرىلەي تالداۋ جاساپ، ىندەتتەن ساقتانۋ ـ تىزگىندەۋ قىزمەتىن ونان ارى ساپالىلاندىرۋدىڭ 20 تارماقتى شاراسى جونىندەگى ماڭىزدى ورنالاستىرۋىن العا قويدى؛ مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ٴماجىلىسىنىڭ رۋحىن دايەكتى تياناقتاندىرۋ جونىندە ناقتى ورنالاستىرۋ جاساپ، ٴبىزدىڭ ىندەتتەن ساقتانۋ جانە ونى تىزگىندەۋ قىزمەتىن عىلمي، دالمە ـ ٴدال ويداعىداي ىستەۋىمىزگە العا باسۋ بەتالىسىن كورسەتىپ، ٴتۇبىرلى ولشەم ازىرلەدى. اۆتونوميالى رايوندىق پارتكومنىڭ شۋجيى ما شيڭرۇي پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرۋدى، تياناقتاندىرۋدى ارقاۋ ەتىپ، ٴۇرىمجى قالاسىنا ىشكەرىلەي بارىپ تەكسەرۋ ـ زەرتتەۋ جۇرگىزىپ، جەتەكشىلىك ەتىپ، 14 ايماق، وبلىس، قالانىڭ بەينە ەكراندىق ورنالاستىرۋ ٴماجىلىسى سياقتىلاردى اشىپ، كەڭەسىپ ورنالاستىرۋ جاساپ، ىندەتتەن ساقتانۋ ـ تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ ٴۇشىن اناعۇرلىم ايقىن تالاپ قويدى. بۇكىل وبلىستا جوعارىدان تومەنگە دەيىن ىندەتتەن ساقتانۋ - تىزگىندەۋدىڭ كۇردەلىلىگىن، جاپالىلىعىن، قايتالامالىلىعىن سەرگەكتىكپەن تانىپ، ىندەتتەن ساقتانۋ - تىزگىندەۋ شارالارىن ساپالىلاندىرۋدىڭ بوساڭسۋ ەمەس، «قويا بەرۋ ەمەس» ەكەندىگىن تولىق تانىپ، سالعىرتسۋ يدەياسىن، بوساڭسۋ پيعىلىن باتىل جەڭىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن تولىق، دالمە - ٴدال، جان - جاقتى دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت تالاپتارىن بۇلجىتپاي تياناقتاندىرىپ، «ەكىنى ٴبىر تۇتاس جوسپارلاۋعا» تاباندى بولۋدان اۋىتقىماۋ كەرەك. «سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ» باس تاكتيكاسى مەن «يكەمدى نولگە ٴتۇسىرۋ» باس باعىتىنان اۋىتقىماي، ىندەتتەن ساقتانۋ ـ تىزگىندەۋدىڭ عىلميلىعىن، دالمە - دالدىگىن اناعۇرلىم جوعارىلاتىپ، حالىقتىڭ ٴومىرىنىڭ حاۋىپسىزدىگى مەن دەنساۋلىق اقاۋسىزدىعىن ەڭ جوعارى شەكتە قورعاپ، ىندەتتىڭ ەكونوميكالىق، قوعامدىق دامۋعا جاسايتىن ىقپالىن ەڭ جوعارى شەكتە ازايتۋ كەرەك.

ماجىلىستە مىنالار باسا دارىپتەلدى: قازىر ىلە وبلىسىنىڭ ىندەتتەن ساقتانۋ - تىزگىندەۋ جاعدايى ٴۇرتىس ورنىقتى بولىپ، جاقسارىپ، قالىپتى ٴوندىرىس، تۇرمىس ٴتارتىبى جاپپاي قالپىنا كەلتىرىلۋدە. ٴبىراق، سىرتتان كىرۋدەن ساقتانۋ، قايتا بەلەڭ بەرۋدەن ساقتانۋ، سىرتقا جايىلۋدان ساقتانۋ، تارالۋدان ساقتانۋ قىسىمى ٴالى دە ٴبىرشاما اۋىر. مەملەكەتتىڭ ىندەتتەن ساقتانۋ - تىزگىندەۋ جوباسىنىڭ 9 - نۇسقاسى مەن ىندەتتەن ساقتانۋ - تىزگىندەۋ قىزمەتىن ساپالىلاندىرۋدىڭ 20 تارماقتى شاراسىنىڭ تالاپتارى بويىنشا ۇدايىلانعان ىندەتتەن ساقتانۋ - تىزگىندەۋ تاكتيكاسى مەن شاراسىن مۇقيات تياناقتاندىرىپ، مەحانيزمدى وزگەرتپەۋ، جاۋاپكەرلىكتى كەمەيتپەۋ، قىزمەتتى توقتاتپاۋ، تالاپتاردى تومەندەتپەۋ، شارالاردى بوساڭسىتپاۋ كەرەك. ىندەتتەن ساقتانۋ - تىزگىندەۋدىڭ ساپاسىن، ونىمدىلىگىن جوعارىلاتىپ، حىسۋان سارالاپ تەكسەرۋدە وسكەلەڭ قىراعىلىقتى ساقتاپ، بولىمدى بولعانداردى ەپيدەميولوگيالىق تەكسەرۋ بويىنشا قاداعالاۋ قارقىنىن تەزدەتىپ، تەكسەرۋ ناتيجەسى بولىمدى بولعان جۇعىمدالۋشىلار مەن تىعىز جاناسۋشىلار بايقالسا دەرەۋ ورىن اۋىستىرىپ، ٴتۇيىندى وڭىرلەردى باسقارۋ - مەڭگەرۋدى بارىنشا كۇشەيتىپ، تەكسەرۋلەرگە تيىستىلەرىن تۇگەل تەكسەرىپ، ورىن اۋىستىرۋعا تيىستىلەرىن تۇگەل ورىن اۋىستىرىپ، اۋاشالاۋعا تيىستىلەرىن تۇگەل اۋاشالاپ، باسقارۋعا تيىستىلەرىن تۇگەل باسقارۋ كەرەك. بۇقاراعا ۇگىتتى، باسقارۋدى كۇشەيتىپ، بۇقارانىڭ ماسكانى جۇيەلى تاعۋىنا، قوعامدىق بايلانىستا قالىپتى ارالىق ساقتاۋىنا، ٴبىر اراعا جينالماۋىنا، توپتاسپاۋىنا، جەكە قورعانۋدى شىنايى كۇشەيتۋىنە باقىلاۋ - قۋزاۋشىلىق جۇرگىزۋ كەرەك. ىلەدە بوگەلىپ قالعانداردىڭ ىلەدەن قايتۋ قىزمەتىن مۇقيات ويداعىداي ىستەپ، ادامداردى اداقتاپ تەكسەرۋدى، باعالاپ - تەكسەرۋدى، دالمە - ٴدال ۇشتاستىرۋدى كۇشەيتىپ، بوگەلىپ قالعان ادامداردىڭ ىلەدەن حاۋىپسىز شىعۋىن تارتىپپەن ۇيىمداستىرىپ، مۇقيات قىزمەت وتەۋ كەرەك. «ەكىنى ٴبىر تۇتاس جوسپارلاۋعا» تاباندى بولىپ، «التىنى قامتاماسىز ەتۋ»، «التىنى ورنىقتىرۋ» قىزمەتىن شىنايى، ويداعىداي ىستەپ، ٴوندىرىستى، كاسىپتى، ساۋدا بازارلارى مەن ەرەن بازارلارىن، وقۋدى، ساباقتى جاپپاي ٴتارتىپتى قالپىنا كەلتىرۋدى جەدەلدەتىپ، كاسىپ سالاسىن جەتىلدىرۋ، نىسان قۇرىلىسى، ساۋداگەر شاقىرىپ، قارجى ەنگىزۋ، تۇتىنۋدى قايتا تولىقتاۋ جانە كومەسكى قۋاتتى تولىق اشۋ، حالىق تۇرمىسىن قامتاماسىزداندىرۋ سياقتى قىزمەتتەردى كۇش سالا ويداعىداي ىستەپ، ىندەتكە توسقاۋىل قويىپ، ەكونوميكانى ورنىقتىرىپ، دامۋدى حاۋىپسىز ەتۋ كەرەك. قىزمەت جاۋاپكەرلىگىن قاتاڭداستىرىپ، ٴار دارەجەلى پارتكومدار مەن ۇكىمەتتەر ٴار قايسىسى ٴوز جاۋاپكەرشىلىگىن بىلۋگە، ٴوز جاۋاپكەرشىلىگىن ارقالاۋعا، ٴوز جاۋاپكەرشىلىگىن ادا ەتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ ٴتۇرلى شارالارىنىڭ تياناقتانۋىن شىنايى، مۇقيات مىقتى يگەرىپ، ٴىس جۇزىندىك ارەكەت ارقىلى پارتيا 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ تاماشا ونىمدىلىگىن امالياتتا ايگىلەۋى كەرەك.

ەلشات تۇرسىنباي ۇلى، نياز اشىم، جياۋ ي - مين، كۇلان سەيپىلقان قىزى، جۋ بين، رازبەك قامزا ۇلى، تاۋ چيڭسۇڭ، جياۋ شياۋفان، ٴنابيجان يبىرايىم، چىن شياڭ، ياڭ شينپيڭ، قايرات اشىك ۇلى قاتارلى وبلىس باسشىلارى مەن قاتىستى تاراۋلارداعى جاۋاپتى جولداستار ماجىلىسكە قاتىناستى.