2022 - جىلدان 2026 - جىلعا دەيىنگى ىلە وبلىستىق پارتكومنىڭ 3 - كەزەكتى شارلاپ تەكسەرۋ قىزمەتى باستالادى

ٴتىلشىمىز ۋاڭ جىحۋا حابارلايدى. 12 - ايدىڭ 18 - كۇنى ٴتىلشىنىڭ 2022 - جىلدان 2026 - جىلعا دەيىنگى ىلە وبلىستىق پارتكومنىڭ 3 - كەزەكتى شارلاپ تەكسەرۋ قىزمەتى جونىندەگى جۇمىلدىرۋ، ورنالاستىرۋ ماجىلىسىنەن ۇعىسۋىنشا، وبلىستىق پارتكومنىڭ 3 - كەزەكتى شارلاپ تەكسەرۋ قىزمەتى جۋىقتا باستالادى ەكەن، ەكى ايعا جۋىق ۋاقىتتان پايدالانىپ، «اۋىلداردى شارلاۋ، قىستاقتارعا جەتەكشىلىك ەتۋ» ٴتاسىلىن قولدانىپ، 10 شارلاپ تەكسەرۋ گرۋپپاسىن وبلىسقا توتە قاراستى اۋدان - قالالارداعى 20 اۋىل - قالاشىق، فەرماعا جىبەرىپ، داعدىلى شارلاپ تەكسەرۋ قىزمەتىن ورىستەتپەكشى. سونىمەن بىرگە اۋدان - قالالاردىڭ شارلاپ تەكسەرۋ گرۋپپاسىن قۇرىپ، شارلاپ تەكسەرۋ جۇرگىزىلەتىن اۋىل - قالاشىقتارعا قاراستى 83 قىستاققا (الەۋمەتتىك اۋماق) ٴبىر ۋاقىتتا شارلاپ تەكسەرۋ جۇرگىزبەكشى ەكەن.

بيىل جىل باسىنان بەرى وبلىستىق پارتكومنىڭ شارلاۋ - تەكسەرۋ قىزمەتى باسشىلىق گرۋپپاسى شارلاپ تەكسەرۋدى پارتيانى جاپپاي قاتاڭ باسقارۋدىڭ ىشكەرىلەي دامۋىن جەبەۋدىڭ، وزىنە توڭكەرىس جاساۋدى ىلگەرىلەتۋدىڭ پارمەندى تۇتقاسى ەتىپ، ساياسي شارلاپ تەكسەرۋ فۋنكتسيالىق ورنىن بەرىك ساقتاپ، داۋىرمەن بىرگە العا باسىپ، شارلاپ تەكسەرۋ قىزمەتىن تەرەڭدەتىپ، شارالاردى ناقتىلاندىرىپ، جاۋاپكەرشىلىكتى قاتايتىپ، سەرپىندى ارتتىرىپ، وبلىسقا توتە قاراستى ورىنداردىڭ شارلاپ تەكسەرۋ قىزمەتىن تاباندى بولۋ بارىسىندا تەرەڭدەپ، جاڭالىق اشۋ بارىسىندا دامۋىن ىلگەرىلەتتى.

شارلاپ تەكسەرۋ ارقىلى وتكىر سەمسەرلىك رول اناعۇرلىم ايگىلەنىپ، شارلاپ تەكسەرۋ، باقىلاۋ جاعدايى اناعۇرلىم كەمەلدەنىپ، شارلاپ تەكسەرۋدىڭ، رەتتەۋ - تۇزەتۋدىڭ سوڭعى جارتىسىنداعى قىزمەتتەر بارعان سايىن ناقتىلانىپ، قۇرىلىم قوسىنى قۇرىلىسى اناعۇرلىم كۇشەيدى. 

بيىل وبلىستىق پارتكومنىڭ شۋجيى پۋ شۋەمەي پارتكوم تۇراقتى كوميتەتى ٴماجىلىسىن، ارناۋلى تاقىرىپتىق ٴماجىلىسىن ىلگەرىندى - كەيىندى 14 رەت باسقارىپ اشىپ، شارلاۋ، شارلاپ تەكسەرۋ، رەتتەۋ - تۇزەتۋ قىزمەتىن اقىلداسىپ، ورنالاستىرىپ، بۇكىل وبلىستاعى ٴار دارەجەلى پارتيا ۇيىمدارىنا ۇلگى كورسەتتى.  وبلىستىق پارتكوم شارلاپ تەكسەرۋ قىزمەتى جونىندە ارناۋلى ٴماجىلىس اشىپ، ٴتارتىپ تەكسەرۋ، باقىلاۋ ورگاندارىنىڭ، ۇيىمداستىرۋ تاراۋلارىنىڭ شارلاپ تەكسەرۋدى، رەتتەۋ - تۇزەتۋدى باقىلاۋ جاعدايى جونىندەگى دوكلادىن تىڭدادى، پارتكوم تۇراقتى كوميتەتى ٴماجىلىسىن اشىپ، وبلىسقا توتە قاراستى 9 ورىننىڭ استىققا ساياتىن ارناۋلى شارلاپ تەكسەرۋ، رەتتەۋ - تۇزەتۋ جانە جوعارى دارەجەلى ورىنداردىڭ باقىلاۋ - تەكسەرۋىندە اڭىس ەتىلگەن ماسەلەلەردى رەتتەۋ - تۇزەتۋ جاعدايى جونىندەگى دوكلادىن ارناۋلى تىڭدادى، جاۋاپكەرشىلىك قىسىمىن ساتىلار بويىنشا جەتكىزىپ، وبلىس، اۋدانداردىڭ شارلاپ تەكسەرۋ، رەتتەۋ - تۇزەتۋ مولشەرىن %94.3 كە جەتكىزدى. وبلىستا، اۋدانداردا ىلگەرىندى - كەيىندى اۋىل - قىستاقتاردىڭ جىلجىمايتىن مال - مۇلىك ۇقىعىن تۇراقتاندىرۋ، تىزىمگە الۋ، ولشەۋ - سىزۋ اقىسى سياقتىلاردان 8 ىن ارناۋلى وڭاۋدى ورىستەتىپ، 410 ٴتۇرلى ٴتۇزىم - مەحانيزمىن كەمەلدەندىرىپ، بەلگىلەمەگە قايشى 44 ميلليون 93 مىڭ يۋان قارجىنى اداقتاپ قايتارىپ الدى. وبلىستا، اۋدانداردا شارلاپ تەكسەرۋ ارقىلى جالپى 10 مىڭ 791 ٴتۇرلى ماسەلە بايقالىپ، 713 دەرەك تاپسىرىپ بەرىلىپ، پارمەندى سەس كورسەتۋ جاعدايى قالىپتاستى.

تەرەڭدىك جاعىنان، اۆتونوميالى رايون، اۆتونوميالى وبلىس، اۋدان سىندى ٴۇش دارەجەلى جوعارى - تومەن ورىننىڭ بىرلەسىپ قيمىلداۋىنا تاباندى بولدى، وبلىستىق پارتكوم 2 - كەزەكتى شارلاپ تەكسەرۋ جۇرگىزگەن 9 ورىن اۆتونوميالى رايوننىڭ شارلاۋ ولشەمىنە تۋرالانىپ، بىرلەسىپ قيمىلدادى، اۋدان - قالالار وبلىستىڭ ٴوز دارەجەسىندەگى ولشەمگە تۋرالانىپ، 12 ورىنعا بىرلەسىپ قيمىلداپ شارلاپ تەكسەرۋ جۇرگىزىپ، ٴبىر باعىتتا بىردەي كۇش سالىپ، ۇندەس بولدى. سالالىق جاعىنان شارلاپ تەكسەرۋ ورگانى، حالىق قۇرىلتايى، ساياسي كەڭەس سياقتى ورىندارمەن سايكەسۋ، سەلبەسۋ مەحانيزمىن ورناتىپ، تۇڭعىش رەت قۇپيالىقتى ساقتاۋ قىزمەتىنە ارناۋلى تەكسەرۋ ورىستەتتى، وبلىستىق ايەلدەر بىرلەستىگى سياقتى 3 ورىندا «شارلاپ تەكسەرۋ مەن قازىنالىق باقىلاۋدىڭ بىرلەسىپ قيمىلداۋىن» ورىستەتىپ، ٴتۇرلى باقىلاۋدىڭ ساباقتاسۋىن، توعىسۋىن ىلگەرىلەتتى.

وبلىس، اۋدان ەكى دارەجەلى ورىن 98 ٴتۇرلى ٴتۇزىم مەحانيزمىنە وزگەرىس ەنگىزىپ، كەمەلدەندىرىپ، جۇيەسى كەمەلدى، عىلمي ارناعا تۇسكەن، اينالىمى ٴونىمدى شارلاپ تەكسەرۋ ٴتۇزىمى جۇيەسىن بىرتىندەپ قالىپتاستىردى. ٴار دارەجەلى ۇزدىك كادردان 210 ادامدى سەپتەپ، شارلاپ تەكسەرۋ قىزمەتىنە قاتىناستىردى، رەت سانى بويىنشا جيىنى 330 شارلاپ تەكسەرۋشى كادر كۋرسقا قاتىناستى. وبلىس، اۋداننىڭ شارلاپ تەكسەرۋ ورگاندارى ٴبىر ميلليون 20 مىڭ يۋان بوساتىپ، ينفورماتسيالاندىرىلعان اسپاپتار ساتىپ الدى، 12 شارلاپ تەكسەرۋ كەڭسەسىنە تۇگەلدەي ٴتارتىپ تەكسەرۋ، باقىلاۋ - تەكسەرۋ ىشكى تورابى جالعاندى، جينجي ٴۇشىنشى مەرزىمدىك شارلاۋ، شارلاپ تەكسەرۋ ينفورماتسيا جۇيەسىن قولدانۋدى جالپىلاستىرىپ، تۇزىمدەندىرۋ، ينفورماتسيالاندىرۋ ارقىلى جۇيەلىلەندىرۋدى جەبەدى.

سول كۇنگى ورنالاستىرۋ ماجىلىسىندە بىلاي دەپ اتاپ كورسەتىلدى: 2022 - جىل − پارتيا 20 - قۇرىلتايى اشىلعان جىل ٴارى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ٴماجىلىسىنىڭ رۋحىن ىشكەرىلەي دايەكتىلەندىرەتىن، تياناقتاندىراتىن، اۆتونوميالى رايوندىق 10 - كەزەكتى پارتكومنىڭ ٴۇشىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرەتىن، تياناقتاندىراتىن شەشۋشى جىل، كەزەكتەگى جانە بۇدان بىلايعى ٴبىر مەزگىلدەگى شارلاپ تەكسەرۋ قىزمەتىنىڭ ٴمانى زور، جاۋاپكەرشىلىگى كۇشتى. ٴار دارەجەلى شارلاپ تەكسەرۋ ورگاندارى ساياسي جانە جالپى جاعداي تۇرعىسىنان، شارلاپ تەكسەرۋ قىزمەتىنىڭ ماڭىزدى ٴمانىن ىشكەرىلەي جەتە تانىپ، «ەكى كەلەلى جاعدايدى» كوكەيدە ساقتاپ، «مەملەكەتتىڭ زور ٴىسىن» ەستە بەرىك ساقتاپ، شارلاپ تەكسەرۋ قىزمەتىن ويداعىداي ىستەۋدەگى جاۋاپكەرشىلىك سەزىمدى، بورىشتىلىق سەزىمدى جانە كوكەيتەستىلىك سەزىمدى اناعۇرلىم نىعايتىپ، باتىل پوزيتسيا، قاتاڭ ٴتارتىپ، ناقتى شارا ارقىلى جاڭا داۋىردەگى شارلاپ تەكسەرۋ قىزمەتىنىڭ تىڭ بەلەسكە كوتەرىلۋىن جاپپاي جەبەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال دايەكتىلەندىرۋى، پارتيا ورتالىق كوميتەتىنىڭ ورنالاستىرۋلارىن، اۆتونوميالى رايوندىق پارتكومنىڭ تالاپتارىن جانە وبلىستىق پارتكومنىڭ ورنالاستىرۋلارىن دايەكتىلەندىرۋگە، تياناقتاندىرۋعا پارمەندى قامتاماسىزدىق ازىرلەۋى كەرەك.

سول كۇنى وبلىستىق ٴتارتىپ تەكسەرۋ، باقىلاۋ - تەكسەرۋ كوميتەتى وبلىستىق پارتكوم 3 - كەزەكتى شارلاپ تەكسەرۋ گرۋپپاسىنىڭ باستىعىن، ورىنباسار باستىقتارىن ۇقىق بەرىپ مىندەتكە تاعايىندادى جانە ولارعا مىندەت ٴبولدى، ٴار دارەجەلى شارلاپ تەكسەرۋ قىزمەتىنە قاتىناساتىن قىزمەتكەرلەرگە سول جەردىڭ وزىندە جانە بەينە ەكراندا تاربيەلەۋ جۇرگىزدى.