− ورتالىقتىڭ ەكونوميكالىق قىزمەت ٴماجىلىسى وبلىسىمىزدا قىزۋ اڭىس قوزعادى

ٴتىلشىمىز جاڭ لياڭ حابارلايدى. ەندى عانا جابىلعان ورتالىقتىڭ ەكونوميكالىق قىزمەت ٴماجىلىسى ىلە وبلىسىنداعى كادرلار مەن بۇقارا اراسىندا قىزۋ اڭىس قوزعادى. كوپشىلىك ٴبىر اۋىزدان مىنانى ٴبىلدىردى: ٴماجىلىس قازىرگى ەكونوميكالىق جاعدايعا قالاي قاراۋ، كەلەر جىلعى ەكونوميكالىق قىزمەتتى قالاي ىستەۋ دەگەن ٴتۇبىرلى ماسەلەگە عىلمي جاۋاپ بەرىپ، كەزەكتەگى جانە بۇدان بىلايعى ٴبىر مەزگىلدەگى ەكونوميكالىق قىزمەتتى ويداعىداي ىستەۋگە ٴتۇبىرلى ولشەم جانە ارەكەت قىبلاناماسىن ازىرلەدى. ٴبىز مۇقيات ۇيرەنىپ، جەتە ٴتۇسىنىپ، يدەيا مەن ارەكەتتى پارتيا 20 ـ قۇرىلتايىنىڭ رۋحىمەن جانە پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، دايەكتىلەندىرۋدى، تياناقتاندىرۋدى جاسامپازدىقپەن مىقتى يگەرىپ، شىنايى يگەرىپ، ناقتى ىستەپ، جاڭا بەينە، جاڭا ىسكەرلىك ارقىلى ىلە ەكونوميكاسىنىڭ جوعارى ساپالى دامۋىندا تىڭ تابىستارعا قول جەتكىزۋدى ىلگەرىلەتەمىز. 

ناتيجە وڭاي - وسپاق قولعا كەلگەن جوق، دامۋ سەنىمىمىزدى بەكەمدەدى. شينجياڭ كۇنەس اسىل تۇقىمدى قوي فەرماسى شەكتى سەرىكتەستىگى پارتكومىنىڭ شۋجيى، القا باستىعى ان ۋي بىلاي دەدى: «بىرنەشە جىلدان بەرى سەرىكتەستىگىمىز كاسىپورىن باسقارۋ، اينالىم ۇلگىسى، ەگىن، مال شارۋاشىلىعى ٴوندىرىسى، ٴبيازى ٴجۇندى قوي جەتىلدىرۋ جانە ونىمدەرىن جالپىلاستىرۋ جاعىندا ۇزدىكسىز جاڭالىق اشتى جانە سىناق جاسادى، قازىر وسىزاماندانعان كاسىپورىننىڭ ۇلگىسى العاشقى قادامدا قالىپتاستى. ٴبىز ورتالىقتىڭ ەكونوميكالىق قىزمەت ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، كاسىپورىننىڭ دامۋ بەتالىسىن ويداعىداي جوسپارلاپ، سەرىكتەستىكتەگى بارشا قىزمەتكەردى كاسىپورىندى اناعۇرلىم زورايتۋعا، الۋەتتەندىرۋگە باستايمىز». 

ورتالىقتىڭ ەكونوميكالىق قىزمەت ماجىلىسىندە: «ەكونوميكالىق قىزمەتتى ويداعىداي ىستەۋ سەنىمىن بەكەمدەۋ كەرەك» دەپ اتاپ كورسەتىلدى. 

توعىزتاراۋ اۋدانى كولدەنەڭ كورىنىس رايونىن باسقارۋ كوميتەتى پارتيا باسشىلىق گرۋپپاسىنىڭ شۋجيى چىن جاۋحۇڭ بىلاي دەدى: «ورتالىقتىڭ ەكونوميكالىق قىزمەت ٴماجىلىسىنىڭ اشىلۋى ٴبىزدى ايرىقشا شابىتتاندىردى. قازىر كورىنىس رايونىمىز قىسقى ساياحاتتى اشۋعا جانە ىسكە قوسۋعا كىرىسىپ كەتتى. كەلەر جىلعى ساياحاتتى دامىتۋدا جانە وي جەلىسىندە، ٴبىز كورىنىس ٴوڭىرى قۇرىلىسى ارقىلى تيجارات ۇستانىمىن ۇزدىكسىز جاڭالاپ، توعىزتاراۋ ساياحات بازارىمەن دالمە ـ ٴدال سايكەسىمدىلىگىن ٴداپ باسىپ، ساياحاتتىڭ كاسىپ سالالانۋ دەڭگەيىن ونان ارى جوعارىلاتىپ، جەرگىلىكتى ورىنداعى بۇقاراعا باقىت جاراتامىز».

«ورتالىقتىڭ ەكونوميكالىق قىزمەت ٴماجىلىسىنىڭ اشىلۋى، ٴبىز سياقتى شاعىن، ۇساق كاسىپورىندارعا جاقسى حابار جەتكىزدى، اسىرەسە، ماجىلىستە: <فينانس قۇرىلىمدارىن شاعىن، ۇساق كاسىپورىندار، عىلىم - تەحنيكادا جاڭالىق اشۋ، جاسىل دامۋ سياقتى سالالارعا قولداۋ سەرپىنىن ارتتىرۋعا باستاۋ كەرەك> دەپ العا قويىلدى. ورتالىقتىڭ ٴبىرقىدىرۋ ەكونوميكالىق ساياساتتارىنىڭ شىعارىلۋى بازاردىڭ گۇلدەنۋىن جەبەپ، شاعىن، ۇساق كاسىپورىندارعا اناعۇرلىم كوپ ساۋدا ورايىن جاراتىپ، اناعۇرلىم زور دامۋ كەڭىستىگىنە يە ەتەتىندىگى ٴشۇباسىز» دەدى قۇلجا قالاسى جۇڭچۋاڭ كيىم ـ كەشەك جوبالاۋ سەرىكتەستىگىنىڭ مەڭگەرۋشىسى جاۋ فييۇي.