اۆتونوميالى رايوندىق پارتكوم تۇراقتى كوميتەتى ٴماجىلىس اشتى

باس شۋجي شي جينپيڭنىڭ ماڭىزدى ارناۋ ٴسوزىنىڭ رۋحىن جەتكىزدى، ۇيرەندى، دايەكتىلەندىردى

اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ قىزمەت مالىمەتىن تىڭدادى، شارلاۋ قىزمەتىنىڭ جوعارى ساپالى دامۋى سياقتىلاردى اقىلداستى، ورنالاستىردى

ما شيڭرۇي ٴماجىلىستى باسقاردى

شينجياڭ گازەتىنىڭ حابارى (ٴتىلشى ۋاڭ شيڭرۇي). اۆتونوميالى رايوندىق پارتكوم تۇراقتى كوميتەتى 12 - ايدىڭ 22 - كۇنى ٴماجىلىس اشىپ، باس شۋجي شي جينپيڭنىڭ 15 - كەزەكتى جۇڭگو - لاتىن امەريكاسى ەلدەرى كاسىپكەرلەرىنىڭ باسشىلار ٴماجىلىسىنىڭ، «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ 2 - كەزەڭدەگى جوعارى دارەجەلىلەر ٴماجىلىسىنىڭ اشىلۋ سالتىنداعى ماڭىزدى ارناۋ ٴسوزىنىڭ رۋحىن جەتكىزدى، ۇيرەندى، دايەكتىلەندىردى، ورتالىق كوميتەتتىڭ ۇگىت، يدەيا، مادەنيەت شەبىنىڭ پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋى جونىندەگى قاتىستى ورنالاستىرۋلارىن، تالاپتارىن دايەكتىلەندىردى، تياناقتاندىردى، اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ قىزمەت مالىمەتىن تىڭدادى، اۆتونوميالى رايوندىق 9 - كەزەكتى پارتكومنىڭ شارلاۋ قىزمەتىن قورىتىندىلاۋ بايانداماسىن تىڭدادى، قاتىستى قىزمەتتەردى اقىلداستى، ورنالاستىردى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى.

ٴماجىلىس مىنالاردى باسا دارىپتەدى: پارتيا 20 - قۇرىلتايىنىڭ جانە ورتالىقتىڭ ەكونوميكالىق قىزمەت ٴماجىلىسىنىڭ رۋحىن جاپپاي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ماڭىزدى ارناۋ ٴسوزىنىڭ رۋحىن مۇقيات ۇيرەنىپ، دايەكتىلەندىرىپ، جوعارى دەڭگەيدە ەسىك اشۋدى ونان ارى كەڭەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، شينجياڭنىڭ وڭىرلىك ورىن باسىمدىعىن تولىق ساۋلەلەندىرىپ،اۋىس - كۇيىس، سەلبەستىك تۇعىرىنان ويداعىداي پايدالانىپ، ونى ويداعىداي قۇرىپ، «ٴبىر بەلدەۋ، ٴبىر جول» سياقتى مەملەكەتتىڭ ەكونوميكا - ساۋدا سەلبەستىگىنە قاتىستى جاڭا ۇلگىسى، جاڭا جولى جونىندە ىزدەنىس جاساپ، حالىقارالىق ەكونوميكا - ساۋدا سەلبەستىگىنىڭ جاڭا ارتۋ ٴتۇيىنىن جەتىلدىرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋ؛ تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ەكولوگيانى الدىمەن ويلاستىرۋ، جاسىل دامۋ جولىمەن بۇلجىماي ٴجۇرىپ، شينجياڭنىڭ ەكولوگيالىق جۇيە ٴتۇرى الۋان ٴتۇرلى بولۋ، ورگانيزمدەردىڭ الۋان تۇرلىلىگى وزگەشە بولۋ ٴىس جۇزىندىگىن تياناق ەتىپ، ەكولوگيالىق وركەنيەت قۇرىلىسىن بەلسەندى ىلگەرىلەتىپ، جاراتىلىستىق قورعالاتىن جەر جۇيەسىن جەدەل قۇرىپ، ورگانيزمدەردىڭ الۋان تۇرلىلىگىن قورعاۋ مەن باياندى دامۋدى باسقارۋ دەڭگەيىن جوعارىلاتىپ، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، باياندىلىعىن ويداعىداي قورعاپ، ادام مەن تابيعات جاراسىمدى قاتار ٴومىر سۇرەتىن كورىكتى شينجياڭدى قۇلشىنا قۇرۋ كەرەك.

ٴماجىلىس مىنالاردى باسا دارىپتەدى: تۇتاس رايوننىڭ ۇگىت، يدەيا، مادەنيەت شەبى نازاردى پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ سىندى وسى ماڭداي الدى ساياسي مىندەتكە شوعىرلاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرۋعا، رۋحتى سومداۋعا تاباندى بولىپ، دۇرىس بەتالىستى، باعداردى مىقتاپ يگەرىپ، تۋ ۇستاۋ، جۇرت تىلەگىن ۇيىستىرۋ، جاڭا ادام تاربيەلەۋ، مادەنيەتتى كوركەيتۋ، وبرازدى ايگىلەۋ بورىش - مىندەتىن ارقاۋ ەتىپ، جاپپاي ۇيرەنۋ، جاپپاي يگەرۋ، جاپپاي تياناقتاندىرۋ جاعىنا كۇش سالىپ، ۇگىتتەۋ، ۇگىت لەكسيا جاساۋ، زەرتتەۋ، ٴتۇسىندىرۋ سياقتى قىزمەتتەردى تىڭعىلىقتى ورىستەتىپ، ۇگىتتەۋدى، حابارلاۋدى جاندى دا جالىندى تۇردە ويداعىداي ىستەپ، نەگىزگى اعىمدىق يدەيالىق قوعامدىق پىكىردى بەكەمدەپ، زورايتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، جۇڭگو حيكاياسىن، شينجياڭ حيكاياسىن جان - جاقتى، كوپ ساتىلى، سترەولدى ويداعىداي بايانداپ، پارتيا 20 - قۇرىلتايى رۋحىنىڭ تيانشان الابىندا تياناقتانىپ، تامىر تارتۋىن، گۇل اشىپ، جەمىس بەرۋىن ۇزدىكسىز ىلگەرىلەتۋ كەرەك.

ٴماجىلىس مىنالاردى باسا دارىپتەدى: اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسى مەن اۆتونوميالى رايوندىق ساياسي كەڭەس پارتيا باسشىلىق گرۋپپاسى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، «ەكىنى تۇراقتاندىرۋدىڭ» شەشۋشى ٴمانىن جەتە ٴتۇسىنىپ، «ەكىنى قورعاۋدى» باتىل ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ٴبىر اۋىزدىلىقتى ساقتاۋى كەرەك. ورتالىقتىڭ حالىق قۇرىلتايى قىزمەتى ٴماجىلىسىنىڭ، ورتالىقتىڭ ساياسي كەڭەس قىزمەتى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، وزەكتى ارقاۋ ەتىپ، كەلەلى جاعدايعا قىزمەت وتەپ، حالىق قۇرىلتايىنىڭ زاڭ شىعارۋ، باقىلاۋ، ۋاكىلدەر رولى مەن ساياسي كەڭەستىڭ ساياسي جاقتان كەڭەسۋ، دەموكراتيالىق باقىلاۋ، ۇكىمەت ىسىنە قاتىسۋ، كەڭەس بەرۋ رولىن تولىق ساۋلەلەندىرىپ، نازاردى باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەرگە شوعىرلاندىرا وتىرىپ مىندەت وتەپ، جاۋاپكەرشىلىكتى ادا ەتىپ، ٴتۇزىم باسىمدىعىن باسقارۋ ونىمدىلىگىنە شىنايى اينالدىرۋ كەرەك. وزىندىك قۇرىلىستى كۇشەيتۋگە كۇش سالىپ، جاڭا داۋىردەگى پارتيا قۇرىلىسىنىڭ جالپى تالابىن جاپپاي تياناقتاندىرىپ، پارتيانى جاپپاي قاتاڭ باسقارۋ نەگىزگى تۇلعالىق جاۋاپكەرشىلىگىن مۇقيات اتقارىپ، جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، ورتالىقتىڭ 8 ٴتۇرلى بەلگىلەمەسىنىڭ جانە ونى اتقارۋ ەگجەي - تەگجەيلى ەرەجەسىنىڭ رۋحىن قاتاڭ تياناقتاندىرىپ، تاماشا رۋحاني كۇيمەن جانە قىزمەت كۇيىمەن حالىق قۇرىلتايى، ساياسي كەڭەس قىزمەتىنىڭ جاڭا جاعدايىن اشۋ كەرەك.

ٴماجىلىس مىنالاردى باسا دارىپتەدى: پارتيا 20 - قۇرىلتايىنىڭ بۇلجىماستان پارتيانى جاپپاي قاتاڭ باسقارىپ، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەريالارىن ىشكەرىلەي ىلگەرىلەتۋ جونىندە جاساعان ماڭىزدى ورنالاستىرۋلارىن جانە شارلاۋ قىزمەتىنە قويعان ايقىن تالاپتارىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، جاڭا داۋىردەگى جاڭا جورىقتاعى شارلاۋ قىزمەتىنىڭ بورىشىن، مىندەتىن ىشكەرىلەي يگەرىپ، شارلاۋ قىزمەتى باعىتىن جاپپاي دايەكتىلەندىرىپ، نازاردى «ەكىنى قورعاۋ» ٴتۇبىرلى مىندەتىنە شوعىرلاندىرىپ، ساياسي شارلاۋدى ۇزدىكسىز تەرەڭدەتۋ؛ ماسەلەنى باعدار ەتۋگە تاباندى بولىپ، ٴار دارەجەلى پارتيا ۇيىمدارىنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋىنە، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋىنە، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال دايەكتىلەندىرۋىنە باقىلاۋدى، تەكسەرۋدى كۇشەيتىپ، باقىلاۋدىڭ اتقارۋدى قامتاماسىز ەتۋ، دامۋدى جەبەۋ، كەمەلدەندىرۋ رولىن اناعۇرلىم ويداعىداي ساۋلەلەندىرۋ؛ شارلاۋ ارقىلى تۇزەتۋدى جەبەۋدى، شارلاۋ ارقىلى قۇرىلىستى جەبەۋدى، شارلاۋ ارقىلى باسقارۋدى جەبەۋدى كۇشەيتىپ، شارلاۋدىڭ جاپپاي قامتۋ ساپاسىن جوعارىلاتىپ، شارلاۋدا، شارلاپ تەكسەرۋدە جوعارى مەن تومەننىڭ بىرلەسىپ قيمىلداۋىن، باسقا باقىلاۋلارمەن ساباقتاسۋىن، توعىسۋىن تەرەڭدەتىپ، شارلاۋ جەتىستىگىنەن پايدالانۋدى كۇشەيتىپ، جۇيەلىلەنۋ، زاڭمەن باسقارىلۋ دەڭگەيىن ۇزدىكسىز جوعارىلاتىپ، كورىكتى شينجياڭ قۇرۋعا پارمەندى قامتاماسىزدىق ازىرلەۋ كەرەك.