ٴتىلشىمىز ۋاڭ ليلي حابارلايدى. پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ نەگىزگى ساتىعا، بۇقاراعا ىشكەرىلەي جەتكىزىلۋىن، جۇرت جۇرەگىنە تەرەڭ ۇيالاۋىن اناعۇرلىم ىلگەرىلەتۋ ٴۇشىن، 10 - ايدىڭ 30 - كۇنى ىلە وبلىسىنىڭ پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ارالاپ ۇگىت - لەكسيا جاساۋ ۇيىرمەسى قۇلجا قالالىق ٴماجىلىس ورتالىعىندا ارالاپ ۇگىت - لەكسيا جاسادى.

ۇگىت - لەكسيا ۇيىرمەسىندەگىلەر تاعى ىلە وبلىسىنا توتە قاراستى باسقا اۋدان، قالالارعا بارىپ ارالاپ ۇگىت - لەكسيا جاسايدى.

سول كۇنى ۇگىت - لەكسيا ۇيىرمەسىنىڭ 8 مۇشەسى «ماڭگىلىك وشپەيتىن ەستەمەلەر»، «تەرەڭ سۇيىسپەنشىلىك، شەكسىز ماحاببات»، «زيالى جاستاردىڭ جولىن قۋىپ، كۇرەسكەرلىك رۋحتى جالعاستىرايىق»، «20 - قۇرىلتاي رۋحىن ۇعىنىپ، ”ٴبىر بەلدەۋ، ٴبىر جولدا“ ارمانعا قۇلاش سەرمەۋشىلەردەن بولايىق»، «قاراپايىم ادام بولۋعا ۇمتىلىپ، جاستىق جىرىن شىعانداتايىق»، «وتاندى كوڭىل تۇكپىرىنە تەرەڭ ۇيالاتايىق»، «تاماشا داۋىردە اۋىل - قىستاقتى گۇلدەندىرۋدىڭ جاڭا ساحناسىن جىگەرلەنە قۇرايىق»، «جاستىق كوكتەمنىڭ لەبىمەن جاڭا داۋىردە قايراتتانا ەكپىندەي ىلگەرىلەيىك» سياقتى مازمۇنداردا ۇگىت - لەكسيا جاساپ، جاندى مىسالدار، ەگجەي - تەگجەيلى ساندى مالىمەتتەر ارقىلى قاراپايىم تىلمەن ٴماجىلىس رۋحىن جۇيەلى، ىشكەرىلەي ٴتۇسىندىردى، جۇلگەسى ايقىن، جاندى دا وبرازدى، ٴتۇيىنى كورنەكتى، ٴىس جۇزىندىككە ۇيلەسەتىن ۇگىت - لەكسيا جاسادى.

ٴماجىلىس مىنالاردى العا قويدى: ”ۇيرەنۋ“ ساپاسىن جوعارىلاتىپ، شىنايى ۇيرەنۋگە، قۇنتتاپ ۇيرەنۋگە، ىشكەرىلەي ۇيرەنۋگە، جەتە تۇسىنۋگە كۇش سالۋ كەرەك. پارتيا 20 - قۇرىلتايىنىڭ رۋحىن، اسىرەسە، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ٴسوزىنىڭ رۋحىن ۇيرەنۋدى ماڭىزدى ورىنعا قويىپ، ونىمدىلىكتى باعدار ەتۋدەن جازباي، اۋداندىق، قالالىق پارتكومداردىڭ نازاريا ۇيرەنۋ وزەكتى گرۋپپاسى، ٴار دارەجەلى پارتكومداردىڭ (پارتيا قىزمەت كوميتەتى)، (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى، شۋجيلەرى پارتيا ساباعىن سويلەپ، نەگىزگى ساتى پارتيا ۇيىمدارىنىڭ ”3 جيىن، ٴبىر ساباق“، شوعىرلى تاربيەلەۋ، ۇيرەنۋ، اڭگىمەلەسۋ، پىكىر الماستىرۋ، پارتيالى كادرلاردىڭ وزدىگىنەن ۇيرەنۋى سياقتى تاسىلدەر ارقىلى ٴار دارەجەلى پارتيا ۇيىمدارى مەن پارتيالى كادرلاردى رۋحتى ۇزدىكسىز ىشكەرىلەي ۇيرەنۋگە ۇيىمداستىرىپ، ىشكەرىلەي ۇيرەنۋدى، جەتە ٴتۇسىنۋدى، توعىستىرۋدى، ساباقتاستىرۋدى شىنايى ورىنداۋ كەرەك.

”لەكسيا جاساۋدىڭ“ ناقتى ونىمدىلىگىنە باسا ٴمان بەرىپ، كەڭ كولەمدە ۇگىتتەۋگە، يكەمدى ۇگىت ـ لەكسيا جاساۋعا كۇش سالۋ كەرەك. لەكتورلار ۇيىرمەسى، بۇقارالىق ۇگىت ـ لەكسيا ۇيىرمەسى، ”يلۋ ماداق جىرى“ بۇقارالىق ۇگىت ـ لەكسيا ۇيىرمەسى، جەرگىلىكتى ۇگىت ـ لەكسيا ۇيىرمەسى سياقتى ۇگىت قوسىندارىنىڭ رولىن ساۋلەلەندىرىپ، پارتيا 20 ـ قۇرىلتايىنىڭ رۋحىن كەڭ كولەمدە جاپپاي قامتىپ، سترەولدى، ٴۇرتىس ىشكەرىلەي ۇگىتتەپ، پارتيانىڭ جاسامپاز نازارياسىنىڭ جاي بۇقارا وتباسىنا جەدەل جەتكىزىلۋىن ىلگەرىلەتۋ كەرەك.

”ىسكەرلىك كورسەتۋ“ سەرپىنىن ارتتىرىپ، ۇيرەنگەندى كادەگە جاراتۋعا، تانىم مەن ارەكەتتىڭ بىرلىگىنە كۇش سالۋ كەرەك. پارتيا 20 ـ قۇرىلتايىنىڭ رۋحىن ۇيرەنۋدى، دايەكتىلەندىرۋدى باس شۋجي شي جينپيڭنىڭ شينجياڭ قىزمەتى جونىندەگى جەلىلەس ماڭىزدى سوزدەرى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرۋعا تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرۋمەن ۇشتاستىرىپ، جاڭا بورىش پەن مىندەتتى ٴدال كوزدەپ، پارتيا 20 ـ قۇرىلتايىنىڭ رۋحىن ”ٴبىر بەلدەۋ، ٴبىر جولدا“ باتىسقا ەسىك اشقان مەرۋەرت قالا قۇرۋدىڭ قۇدىرەتتى رۋحاني قوزعاۋشى كۇشىنە شىن مانىندە اينالدىرۋ كەرەك.

قۇلجا قالاسىنداعى تاراۋلاردىڭ (ورىندار) جاۋاپتىلارى، كاسىپورىن جۇمىسشى ـ قىزمەتكەرلەرىنىڭ ۋاكىلدەرى، مەكتەپتەگى وقىتۋشى ـ قىزمەتكەرلەردىڭ ۋاكىلدەرى جانە نازاريا قىزمەتكەرلەرىنىڭ ۋاكىلدەرى نەگىزگى ٴماجىلىس الاڭىندا ۇگىت ـ لەكسيانى تىڭدادى. ٴارقايسى اۋىل، قالاشىق، فەرمالاردا (ٴمالى باسقارماسى) بولىمشە ٴماجىلىس الاڭى قۇرىلدى.