12 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭ دياۋيۇيتاي مەملەكەتتىك قوناق ۇيىندە كامبودجا حالىق پارتياسىنىڭ ءتوراعاسى، كەڭەس پالاتاسىنىڭ ءتوراعاسى حۇڭسىنمەن كەڭەس وتكىزدى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

شينحۋا اگەنتتىگىنىڭ 12 ـ ايدىڭ 3 ـ كۇنى بەيجيڭنەن بەرگەن حابارى (ٴتىلشى ما جويان). 12 ـ ايدىڭ 3 ـ كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ بەيجيڭ دياۋيۇيتاي مەملەكەتتىك قوناق ۇيىندە كامبودجا حالىق پارتياسىنىڭ ٴتوراعاسى، كەڭەس پالاتاسىنىڭ ٴتوراعاسى حۇڭسىنمەن كەڭەس وتكىزدى.

شي جينپيڭ مىنالاردى ٴبىلدىردى: جۇڭگو مەن كامبودجانىڭ قۇرىشتاي بەرىك دوستىعىنىڭ نەگىزى بەكەم، ەكى ەل حالقىنىڭ ورتاق مۇددەسىنە بۇكىلدەي ۇيلەسەدى. جۇڭگو جاق كامبودجانى باستان ـ اياق توڭىرەكتىك ديپلوماتيانىڭ ٴتۇيىندى بەتالىسى ەتىپ كەلدى، كامبودجا جاقپەن جوعارى ساپالى، جوعارى دەڭگەيلى، جوعارى ولشەمدى جاڭا ٴداۋىر جۇڭگو _ كامبودجا تاعدىرلاس ورتاق تۇلعاسىن قول ۇستاسا تۇلعالاۋدى قالايدى. ەكى جاق، بىرىنشىدەن، ٴبىرىن ـ ٴبىرى باتىل قولداپ، قۇرىشتاي بەرىك دوستىقتى بەكەمدەۋى كەرەك. جۇڭگو جاق كامبودجانىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىنا باتىل قولداۋ كورسەتەدى. ەكىنشىدەن، اۋىس ـ كۇيىستى، ٴوزارا ۇلگى الۋدى تەرەڭدەتىپ، دامۋدى، گۇلدەنۋدى بىرگە قاراستىرۋ كەرەك. جۇڭگو كوممۋنيستىك پارتياسى كامبودجا حالىق پارتياسىمەن ستراتەگيالىق بايلانىستى جانە كادرلاردى باۋلۋ سەلبەستىگىن كۇشەيتىپ، كامبودجانىڭ ٴوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىنا دەم بەرۋدى قالايدى. ۇشىنشىدەن، سەلبەستىك ورايىن يگەرىپ، تەڭ يگىلىككە كەنەلۋ جاڭا جاعدايىن اشۋ كەرەك. جۇڭگو جاق كامبودجا جاقپەن جاڭا نۇسقاداعى تاعدىرلاس ورتاق تۇلعا ارەكەت جوباسىن تياناقتاندىرۋدى نەگىزگى جەلى ەتىپ، ”الماستىڭ التى قىرى“ سەلبەستىك جۇلگەسىن ۇزدىكسىز تولىقتاپ، ”ونەركاسىپتى دامىتۋ ٴدالىزى“ جانە ”بالىق، كۇرىش ٴدالىزى“ سەلبەستىك جوباسىن جاساپ، ٴتۇيىندى سەلبەستىك نىساندارىنىڭ تياناقتانىپ ونىمدىلىك كورسەتۋىن جەبەپ، ”ٴبىر بەلدەۋ، ٴبىر جولدى“ بىرگە قۇرۋ باستاماسى مەن كامبودجانىڭ ”بەس بۇرىش ستراتەگياسىن“ جوعارى ساپالى تۇيىلىستىرۋگە دەم بەرۋدى قالايدى.

شي جينپيڭ بىلاي دەپ اتاپ كورسەتتى: كەزەكتە حالىقارالىق جاعدايدا وزگەرىس پەن بىلىقپالىق قاباتتاسىپ، الەمدىك سىن ـ سايىستار تولاسسىز تۋىلىپ، ٴار ەلدىڭ توتەپ بەرۋىن جانە تاڭداۋىن سىننان وتكىزۋدە. جۇڭگو مەن كامبودجا ەكى ەل دە دۇنيە ٴجۇزىنىڭ بەيبىتشىلىك كۇشى، دامۋ كۇشى، العا باسۋ كۇشى بولۋعا كۇش سالادى. جۇڭگو جاق كامبودجانىڭ حالىقارالىق جانە وڭىرلىك ىستەردە اناعۇرلىم زور رول اتقارۋىنا ۇزدىكسىز قولداۋ كورسەتىپ، ”جەر شارىنىڭ وڭتۇستىگىنىڭ“ كۇشىن زورايتادى، شىعىس وڭتۇستىك ازيا ەلدەرى وداعىنىڭ ستراتەگيالىق جاقتا وزىنە ـ ٴوزى قوجايىن بولۋعا تاباندى بولىپ، وزەكتى ورنىن قورعاپ، سىرتقى كۇشتەردىڭ قىرعي قاباق سوعىس ويىن وسى وڭىرگە كىرگىزۋىنە باتىل قارسى تۇرىپ، شىعىس وڭتۇستىك ازيا ەلدەرى وداعىنىڭ ٴبىر تۇلعالانۋىن جانە ورتاق تۇلعا قۇرىلىسىن بۇلجىماي ىلگەرىلەتۋىنە قولداۋ كورسەتەدى. جۇڭگو جاق كامبودجا جاقپەن بىرگە جولدى وزگەرتپەۋ، مۇراتتان اينىماۋ بەكىمىن نىعايتىپ، تومەنگى شەكتە ويلاۋدى كۇشەيتىپ، ىستەستىكتى جانە سايكەسۋدى كۇشەيتىپ، ٴتۇرلى حاۋىپ ـ قاتەرلەرگە بىرگە توتەپ بەرۋدى قالايدى.

حۇڭسىن مىنالاردى ٴبىلدىردى: كامبودجا مەن جۇڭگو دوستىعىن ەكى جاقتىڭ اعا بۋىن باسشىلارى بىرگە تۇراقتاندىرعان، تاريح پەن ۋاقىتتىڭ سىنىنان وتكەن، كامبودجا _ جۇڭگو تاعدىرلاس ورتاق تۇلعاسى ەكى جاقتىڭ ورتاق مۇددەسىنە ۇيلەسەدى. كامبودجا جاق جۇڭگو جاقتىڭ ۇزاق ۋاقىتتان بەرى كامبودجانىڭ ساياسي، ەكونوميكالىق، قوعامدىق دامۋىنا قىمباتتى قولداۋ جانە كومەك كورسەتكەندىگىنە العىس ايتادى، جۇڭگو _ كامبودجانىڭ ەڭ سەنىمدى دوسى. جۇڭگومەن دوس بولۋ _ كامبودجا حالىق پارتياسىنىڭ مىزعىماس ساياسي ورتاق تانىمى، كامبودجا باسشىلىق جىگىنىڭ ۇرپاق ارالىق وتكىزىپ بەرۋ ـ وتكىزىپ الۋىنا بولا ەشقانداي وزگەرىس تۋىلمايدى. كامبودجا جاق ۇزدىكسىز ٴبىر جۇڭگو ساياساتىن باتىل ۇستانىپ، جۇڭگو جاقتىڭ وزەكتى مۇددەسىن قورعاۋىنا قولداۋ كورسەتەدى، جۇڭگو جاقپەن بىرگە پارتيالار ارا بارىس ـ كەلىستى جاپپاي كۇشەيتىپ، ساياسي ٴوزارا سەنىمدىلىكتى تەرەڭدەتىپ، ٴار سالاداعى ناقتى ىستەر سەلبەستىگىن جەبەپ، جاستار، گۋمانيتارلىق ىستەر بويىنشا اۋىس ـ كۇيىستى جيىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايدى. كامبودجا جاق جۇڭگو جاقپەن بىرگە حالىقارالىق، وڭىرلىك ىستەردەگى سايكەسۋدى، سەلبەسۋدى كۇشەيتۋدى قالايدى.

ساي چي، ۋاڭ ي كەڭەسكە قاتىناستى.