- ۇلتتار ىنتىماعىندا پارتيا تۋىن نۇرلاندىرىپ،  دامۋدىڭ جاڭا تاراۋىن جازۋ جونىندەگى جەلىلەس حابار (1)

شى شۋەحۇڭ (ٴوز ٴتىلشىمىز)

ۇلتتار ىنتىماعى − ٴار ۇلت حالقىنىڭ جان تامىرى. باس شۋجي شي جينپيڭ ورتالىقتىڭ ۇلت قىزمەتى ماجىلىسىندە جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك دەپ اتاپ كورسەتكەن ەدى. 

جۋىردا ٴتىلشى شينۋىن كەن كاسىبى توبى (ىلە) تايشان ياڭگۋاڭ فارفور جاڭاشا قۇرىلىس ماتەريالدارى شەكتى سەرىكتەستىگىنە بارىپ، كاسىپورىننىڭ جاڭا داۋىردەگى پارتيانىڭ ۇلت قىزمەتىن ورىستەتۋى، كاسىپورىننىڭ ىشكى قوزعاۋشى كۇشتى قاۋلاتۋى، كاسىپورىننىڭ جوعارى ساپالى دامۋىن ىلگەرىلەتۋى جونىندە تىلشىلىك جاسادى.

ۇلتتار ىنتىماعى قىزمەتىن دەن قويا، سۇيىسپەنشىلىكپەن ويداعىداي جاقسى ىستەدى

2006 - جىلى قۇرىلعان شينۋىن كەن كاسىبى توبى (ىلە) تايشان ياڭگۋاڭ جاڭاشا قۇرىلىس ماتەريالدارى شەكتى سەرىكتەستىگى نەگىزىنەن فارفور كەرپىش ٴوندىرۋ جانە ساتۋ كاسىبىمەن شۇعىلدانادى، كاسىپورىندا جالپى 360 جۇمىسكەر بار، مۇنىڭ %85 ىن از ۇلت جۇمىسكەرلەرى يەلەيدى. 

«كاسىپورىن ٴتۇرلى فورما، ٴىس جۇزىندىك ارەكەت ارقىلى ٴار ۇلت جۇمىسكەرلەرىن ۇلتتار ىنتىماعى قىزمەتىن ويداعىداي ىستەۋگە باستادى» دەدى 6 - ايدىڭ 1 - كۇنى سەرىكتەستىكتىڭ ديرەكتورى دۇڭ لين تىلشىگە. سەرىكتەستىك قۇرىلعان 17 جىلدان بەرى ۇلتتار ىنتىماعى قىزمەتىن دەن قويا، سۇيىسپەنشىلىكپەن ويداعىداي جاقسى ىستەپ، «كاسىپورىن − وتباسىم، وتباسى بەرەكەلى بولسا، بارلىق ٴىس تابىستى بولادى» دەگەندى كاسىپورىن مادەنيەتىندەگى باستى بويسۇنۋ ولشەمى ەتىپ، ٴار ۇلت جۇمىسكەرلەرى قول ۇستاسىپ، ۇلتتار ىنتىماعىنىڭ بەرەكەلى شاڭىراعىن بىرگە قۇرۋعا قۇلشىنىپ كەلەدى.

دۇڭ لين تىلشىگە بىلاي دەدى: سەرىكتەستىك العاش قۇرىلعان كەزدە ۋاقىتتىق پارتيا ياچەيكاسى دا قۇرىلدى، پارتيا ياچەيكاسىن كاسىپورىندا قۇردىق، پارتيا مۇشەلەرىنىڭ باستاماشىلىق ەتۋى مەن جەتەكتەۋىندە، ٴىس جۇزىندىك ارەكەتىمىز ارقىلى جاڭا داۋىردەگى پارتيانىڭ ۇلت قىزمەتىن ويداعىداي جاقسى ىستەدىك. كاسىپورىن ٴار ۇلت جۇمىسكەرلەرىنە وتانشىلدىق تاربيە جۇرگىزۋدى مىقتى يگەرۋدەن باستاپ ىسكە كىرىسىپ، نەگىزگى تاقىرىپتىق پارتيا كۇنى قيمىلىن ورىستەتۋدەن پايدالانىپ، جۇمىسكەرلەردى تاريحتى ەستە بەرىك ساقتاپ، اعا بۋىنداردىڭ شينجياڭدى دامىتۋ جولىنداعى قالتقىسىز ۇلەس قوسۋ، قايسپاس قايسارلىقپەن كۇرەس جۇرگىزۋ رۋحىنان ۇيرەنۋگە تاربيەلەدى. كاسىپورنىمىز پارتيا مۇشەلەرىنىڭ ۇلگىلىك، باستاماشىلىق رولىن ساۋلەلەندىرىپ، جانىمىزداعى ىستەر، جانىمىزداعى ادامدار ارقىلى جۇمىسكەرلەردى شابىتتاندىرىپ، كوپشىلىكتى قۇلشىنا قىزمەت ىستەپ، قوعام ورنىقتىلىعى مەن باياندى تىنىشتىق ٴۇشىن ۇلەس قوسۋعا جىگەرلەندىردى. كاسىپورنىمىزدان كوپتەگەن مەملەكەتتىك ەڭبەك ەرى، ىلە وبلىسىنىڭ ۇلتتار ىنتىماعى، العاباسارلىعىنداعى وزات جەكەلەر سىندى تيپتىك ۇلگىلەر جارىققا شىقتى ٴارى ولار بىرتىندەپ كاسىپورىننىڭ دامۋىنداعى مىعىم كۇشكە اينالدى. 

اۋقاتتانۋ جولىندا بىردە - ٴبىر ادامدى قاعىس قالدىرمادى

قۇلجا اۋدانىنىڭ «100 كاسىپورىن 100 قىستاققا كومەكتەسۋ» كومەكتەسۋ، سۇيەمەلدەۋ قىزمەتىنە ات سالىسىپ، «ۇلتتار ىنتىماعىنىڭ بەرەكەلى شاڭىراعى» بويىنشا جۇپ قۇراۋ قيمىلىن ورىستەتىپ، كاسىپورىننىڭ ماڭايىنداعى اۋىل، قالاشىق، قىستاق تۇرعىندارىنىڭ اۋقاتتانۋىنا كومەكتەسۋ بارىسىندا، بۇل كاسىپورىن ٴونىمدى شارالار قولدانىپ، ناقتى ناتيجەگە قول جەتكىزدى.

2018 - جىلى شينۋىن كەن كاسىبى توبى (ىلە) تايشان ياڭگۋاڭ جاڭاشا قۇرىلىس ماتەريالدارى شەكتى سەرىكتەستىگى قۇلجا اۋدانى مازار اۋىلى جوعارعى بوربوسىن قىستاعى پارتيا ياچەيكاسىمەن جۇپ قۇراپ، بىرگە قۇرۋ ارقىلى «100 كاسىپورىننىڭ 100 قىستاققا كومەكتەسۋىن» اتقاردى. كاسىپورىن مەن قىستاق پارتيا ياچەيكاسى ٴجۇپ قۇراپ بىرگە قۇرۋ كەلىسىمىن جاساسىپ، جۇمىسقا ورنالاستىرۋ، كومەكتەسۋ، سۇيەمەلدەۋ ارقىلى ىلگەرىندى - كەيىندى 50 دەن استام قىستاق تۇرعىنىن جۇمىستاندىردى. كاسىپورىن ىلگەرىندى - كەيىندى 20 مىڭ يۋان قاراجات شىعارىپ، قىستاق پارتيا ياچەيكاسىنىڭ قىزمەت ورنىن جوندەۋىنە كومەكتەسىپ، تۇرمىستىق بۇيىمدار اپارىپ، قىستاقتاعى ٴار ۇلت تۇرعىنداردان حال سۇرادى.

بۇل كاسىپورىن وسىنداي كومەكتەسۋ - سۇيەمەلدەۋ قىزمەتىن كوپ ىستەدى. جۇمىسكەرلەردىڭ وتباسىندا قيىنشىلىق بولسا كاسىپورىن ەڭ الدىمەن كومەك قولىن سوزىپ، ولاردىڭ قيىن وتكەلدەن وتۋىنە كومەكتەستى. ويتكەنى كاسىپورىن «ورتاق اۋقاتتانۋ جولىندا بىردە - ٴبىر ادامدى قاعىس قالدىرماۋ» ۇستانىمىندا باستان - اياق تاباندى بولدى.

گۇلمان داۋلەت قىزى وتباسىنىڭ قيىنشىلىعى اۋىر، گۇلميرا ەركەباي قىزىنىڭ وتباسىن سۇيەمەلدەۋ قاجەت، حاميت جانىس ۇلى وتباسى كومەككە ٴزارۋ...كاسىپورىن ۇلتتار ىنتىماعىن جەبەيتىن جەلىلەس كومەكتەسۋ - سۇيەمەلدەۋ جوسپارىن اتقارىپ، جۇمىسكەرلەردىڭ وتباسى تۇرمىسىن جاقسارتتى، ٴار ۇلت جۇمىسكەرلەرىنىڭ كوكەيىنە ۇلتتار ىنتىماعىنىڭ ۇشقىنىن ۇيالاتتى. جۇمىسكەرلەردىڭ تۇرمىسى جاقسارعاننان كەيىن وڭايلىقپەن قولعا كەلمەگەن ۇلتتار ىنتىماعىنىڭ تاماشا جاعدايىن بارىنشا قاستەرلەدى.

«ٴبىر رەتكى تۋىستاسۋ - ماڭگىلىك سۇيىسپەنشىلىك ورناتۋ دەگەن ٴسوز، ٴبىز ماڭگى ٴبىر وتباسىنىڭ ادامىمىز....» دەدى ٴبىر جۇمىسكەر تەبىرەنىپ.

بەينە اناردىڭ دانىندەي تىعىز ۇيىستى

دۇڭ لين بىلاي دەدى: «سەرىكتەستىگىمىزدەگى جۇمىسكەرلەر 8 ۇلتتان قۇرام تاپقان. ولار تاتۋ - ٴتاتتى ارالاسىپ، ىنتىماقتاسا ورتاق كۇرەس جاساپ، جۇڭحۋا ۇلتى ورتاق تۇلعا تانىمىن بەرىك ورناتتى».

سەرىكتەستىك كەڭسەسىنىڭ مەڭگەرۋشىسى جاڭ جۋان بىلاي دەدى:«سەرىكتەستىگىمىز قۇرىلعان العاشقى كەزدە ٴار ۇلت جۇمىسكەرلەرىنىڭ ارالاسۋى كاسىپورىندى باسقارۋ قىزمەتىندەگى ٴبىر قيىن ماسەلەگە اينالعان ەدى. 2007 - جىلى سەرىكتەستىگىمىزدىڭ باسقارۋ قىزمەتكەرلەرى جۇمىسكەرلەرگە جەتەكشىلىك ەتىپ، مەملەكەتتە ٴبىر تۇتاس قولدانىلاتىن ٴتىلدى ۇيرەنۋدى، قولدانۋدى باستاعان ەدى. وسىدان كەيىن ٴار جىلى مەملەكەتتە ٴبىر تۇتاس قولدانىلاتىن تىلدە دەكلاماتسيا جارىسىن وتكىزىپ، 1 - دارەجەلىگە 800 يۋان سيلىق بەرۋ سياقتى تۇرلىشە سيلىق تۇرلەرىن ورنالاستىردى. سونىمەن بىرگە، قىزمەت ورنىنداعى ەڭبەك باسەكەسى سياقتى الۋان ٴتۇرلى قيمىلدار وتكىزىپ، ٴار ۇلت جۇمىسكەرلەرىن ۇيرەنۋدە باسەكەلەسۋگە، باسىپ وزۋعا شابىتتاندىردى. ٴار ۇلت جۇمىسكەرلەرى ۇزاق ۋاقتتىق ارالاسۋ، ىشتەسۋ، توعىسۋ بارىسىندا قويۋ سۇيىسپەنشىلىك ورناتىپ، بەينە اناردىڭ دانىندەي تىعىز ۇيىستى».

قىزمەتتەن تىس ۋاقىتتا جاڭ جۋان تاعى سەرىكتەستىكتىڭ باسقارۋ قىزمەتكەرلەرىن ەرتىپ جۇمىسكەرلەردىڭ وتباسىن ارالاپ، قانداي قيىنشىلىقتارى بار ەكەنىن ۇعىساتىن. ۋاقىت ۇزارا كەلە ٴار ۇلت جۇمىسكەرلەرى كىمنىڭ ۇيىندە قيىنشىلىق بولسا، ٴوزارا كومەك قولدارىن سوزاتىن بولىپ، ارالاسۋ، ىشتەسۋ دە بارىنشا جيىلەپ، ٴبىر نيەت، ٴبىر تىلەكتە بولىپ، ورتاق كۇش سالىپ، كاسىپورىننىڭ دامۋىنا ۇلەس قوستى.

ۇلتتار ىنتىماعىنداعى جۇپ قۇراۋ حيكاياسى، جۇمىسكەرلەر اراسىنداعى ٴبىر - بىرىنە كومەكتەسىپ، قارايلاسقان جان تەبىرەنتەرلىك ىزگى ىستەر، ۇيرەنۋدە باسەكەلەسىپ، باسىپ وزعان العا باسار ىزگى ىستەر ... كاسىپورىندا ارت - ارتىنان جارىققا شىقتى. ٴار ۇلت جۇمىسكەرلەرى بەينە اناردىڭ دانىندەي تىعىز ۇيىسىپ، كاسىپورىننىڭ ارشىندى قاداممەن العا ىلگەرىلەپ، ورتاق كوركەم بولاشاق جاراتۋىنا دەم بەردى.