جىبەك جولىنداعى چۋانجوۋ − سانجى سۇيىسپەنشىلىگى سەنترلەس شەڭبەرلەردى ۇيىستىردى. 4 ـ ايدىڭ 9 ـ كۇنى تۇستەن بۇرىن ”جىبەك جولى بويىنداعى چۋانجوۋ − سانجى سۇيىسپەنشىلىگى“ شينجياڭدى مادەنيەتپەن نارلەندىرۋ قيمىلى اپتالىعى ۇلتتار ىنتىماعىنىڭ بەرەكەلى شاڭىراعى قيمىلى سانجى قالاسى اشىلى اۋىلى اققۋ قالاشىعىندا وتكىزىلدى، ٴارى مادەنيەت باعدارلامالارى كونسەرتىن تىكە تاراتتى.

قيمىل «تيانشان ۇلاندارى وتانعا باقىت تىلەيدى» اتتى ٴان ـ ءبي نومىرىمەن شىمىلدىعىن اشتى، «اڭقىعان شايدىڭ ءيىسى»، «شاشۋ» سياقتى شينجياڭنىڭ ۇلتتىق ەرەكشەلىككە يە ٴان ـ بيلەرى قويۋ ۇلتتىق سالت ـ سانانى بەينەلەدى. فۋجياننىڭ چۋانجوۋ قالاسىنان كەلگەن «تەڭىز قىزى» اتتى ٴبي، «باقشاعا كىرۋ» اتتى فۋجوۋ تەاترى اۋەنىندە ايتىلاتىن ٴان، اعاش قۋىرشاق ويىنى «مايمىل ۇيرەتۋ» قاتارلى ميننان ەرەكشەلىگىنە يە تاڭداۋلى نومىرلەر كورەرمەندەردىڭ قىزۋ القاۋىنا يە بولدى.

چۋانجوۋ − سانجى ەكى جەردىڭ ادەبيەت ـ كوركەمونەر قىزمەتكەرلەرى ەكى جەردىڭ كوركەمونەر فاكتورلارىن توعىستىرۋ نەگىزىندە جاسامپازدىق جاراتىپ، شينجياڭنىڭ «گۇل نەگە وسىنشاما قىزىل» اتتى ٴان ـ ٴبيىن چۋانجوۋدىڭ سىبىزعى انىمەن توعىستىرىپ، وزگەشە ەرەكشەلىك جاراتتى. ”چۋانجوۋ − سانجى سۇيىسپەنشىلىگى“ دارقان ادەبيەت ـ كوركەمونەر ۇگىت لەكسيا اترەتى مەن چۋانجوۋ قالاسىنىڭ شينجياڭعا باعىتتامالى كومەكتەسۋ بولىمشە قولباسشىلىق شتابىنداعى بارلىق كادرلاردىڭ قازاق تىلىندە، ميننان اكسەنتىندە ورىنداعان «تاماشا تۇرمىستى جىرلايمىز» جانە «قۇلشىنىس جەڭىسكە جەتەلەيدى» اتتى ءنومىر تۇتاس قيمىلدىڭ دۋمانىن اسىردى.

اشىلى اۋىلى اشىلى قىستاعىنىڭ تۇرعىنى مارجان سەرىك بىلاي دەدى: چۋانجوۋ اۋەنىندە ءان ورىنداۋ ەرەكشە تارتىمدى بولدى، وزگەشە مادەنيەتتى سەزىندىك، ميننان ەرەكشەلىگىندەگى ءان - ءبي مەن شينجياڭنىڭ ەرەكشەلىگى ءوزارا توعىسىپ، ءوزىنىڭ تاماشا سالتاناتىن ايگىلەدى.

قيمىل الاڭىندا چۋانجوۋ − سانجى ەكى جەردىڭ كوركەمونەرشىلەرىنىڭ حاتكەرلىك، سۋرەت تۋىندىلارى، اۆتونوميالى رايوننىڭ بەيزاتتىق مادەنيەت مۇرالارى — قازاق ۇلتىنىڭ سۇيەك ويماسى كوركەمونەر بۇيىمدارى، قازاق ۇلتىنىڭ ٴداستۇرلى كيىز، كەستە، قامشى، باس كيىم سياقتى قولونەر بۇيىمدارى كورمەگە قويىلدى. اشىلى اۋىلىنىڭ مالشىسى دۇيسەن نۇرشارىپ اۆتونوميالى رايوننىڭ بەيزاتتىق مادەنيەت مۇرالارى تىزىمدىگىنىڭ ۋاكىلدىك جالعاستىرۋشىسى، ول 30 نەشە سۇيەك ويماسى قولونەر بۇيىمدارىن كورمەگە قويدى ءارى تىكە تاراتۋ ارقىلى ينتەرنەتتە ساتتى.

دۇيسەن نۇرشارىپ بىلاي دەدى: ”بىزگە نازار اۋدارۋشىلار دا ٴبىرشاما كوپ، ساتىپ الۋشىلار دا كوپ، تاڭەرتەڭنەن قازىرگە دەيىن 10 نەشەسى ساتىلىپ بولدى“.

”سۋرەت كورمەسى اۋىلىمىزدا وتكىزىلدى، وتە جاقسى بولدى. كوپتەگەن تۋىندىلاردا بۇل ارانىڭ كورىنىسى مەن سالت ـ ساناسى ايگىلەندى، قويۋ مادەنيەت لەبى ەسەدى، وتانىمىزدىڭ كوركەم تاۋ ـ وزەندەرىن، كەنىشتى تاريحىن، كوپ نەگىزدى وركەنيەتىن شوعىرلى بەينەلەدى“،- دەدى اشىلى اۋىلى نۇرجا قىستاعىنىڭ مالشىسى قاناتاي امەي.

سول كۇنى سانجى قالالىق حالىق شيپاحاناسى سۇيەك ٴبولىمى، اۋىز قۋىسى ٴبولىمى، بالالار اۋرۋلارى ٴبولىمى سياقتى 10 ٴبولىمدى ۇيىمداستىرىپ، شينجياڭعا كومەككە كەلگەن 14 شيپاگەر مەن ەمدەۋ قىزمەتكەرى سول جەردىڭ وزىندە جەرگىلىكتى مالشىلارعا اقىسىز دياگنوز قويۋ قيمىلىن وتكىزدى.

اشىلى اۋىلىنىڭ ورىنباسار باستىعى اسەن بىلاي دەدى: ”شينجياڭعا كومەككە كەلگەن شيپاگەرلەر جىل سايىن وسى اراعا كەلىپ مالشىلاردىڭ ناۋقاسىن تەگىن كورەدى، وسىنداي قيمىل ارقىلى مالشىلاردىڭ جوعارى دەڭگەيدەگى قىزمەت وتەۋدەن يگىلىكتەنۋىنە مۇمكىندىك جاسالدى،ٴبىز ەرەكشە باقىتتى سەزىنەمىز، ءبىر وتباسىنىڭ ادامدارىندايمىز“.

چۋانجوۋ قالالىق پارتكوم ۇگىت ٴبولىمىنىڭ ورىنباسار باستىعى حۋاڭ شاۋۋي، چۋانجوۋ قالالىق پارتكوم ۇگىت ٴبولىمىنىڭ ورىنباسار باستىعى، چۋانجوۋ قالالىق راديو ـ تەلەۆيزيا مەكەمەسى پارتكومىنىڭ شۋجيى، مەكەمە باستىعى ياڭ شۇيدۇڭ، سانجى قالالىق پارتكومنىڭ ورىنباسار شۋجيى، فۋجياننىڭ شينجياڭعا كومەكتەسۋ چۋانجوۋ قالالىق بولىمشە قولباسشىلىق شتابىنىڭ قولباسشىسى فۋ ۋىنشيڭ، سانجى قالالىق پارتكومنىڭ تۇراقتى مۇشەسى، ورىنباسار قالا باستىعى، فۋجياننىڭ شينجياڭعا كومەكتەسۋ چۋانجوۋ بولىمشە قولباسشىلىق شتابىنىڭ ورىنباسار قولباسشىسى ۋاڭ جياڭتاۋ مەن چۋانجوۋ − سانجى ەكى جەردىڭ مادەنيەت ـ كوركەمونەر سالاسىنىڭ ۋاكىلدەرى، اقپارات قۇرالدارىنىڭ ۋاكىلدەرى جانە بۇقارا ۋاكىلدەرى اتالعان قيمىلعا قاتىناستى.

سول كۇنى حۋاڭ شاۋۋي، ياڭ شۇيدۇڭ، فۋ ۋىنشيڭ، ۋاڭ جياڭتاۋ قاتارلى باسشىلار چۋانجوۋ − سانجى ەكى جەردىڭ مادەنيەت، كوركەمونەر سالاسىنىڭ ۋاكىلدەرىمەن بىرگە اشىلى اۋىلى اققۋ قالاشىعى، اشىلى سەنترلى مەكتەبىنىڭ ”چۋانجوۋ−سانجى سۇيىسپەنشىلىگى · اۋىل - قىستاق جاس وسپىرىمدەر سارايى“، ”چۋانجوۋ − سانجى سۇيىسپەنشىلىگى · داۋىستاپ وقۋ سامالدىعى“، ”چۋانجوۋ − سانجى كاسپورىن، مەكتەپتى بىرگە قۇرۋ“، ”چۋانجوۋ − سانجى دوستىق مەكتەبىن بىرگە قۇرۋ“ سياقتى ىقپالداستىققا يە اۋىس ـ كۇيىس نىساندارىن كوزدەن كەشىردى ٴارى اققۋ قالاشىعىنداعى ءبىر ءبولىم قيىنشىلىعى بار بۇقارادان حال سۇرادى. (سانجى قالالىق توعىسپالى مەديا ورتالىعىنىڭ تىلشىلەرى حۋ شياۋلي، باي لۋ، يىن شۋەجۋان، ۋاڭ يانياڭ)