رايونىمىزداعى جۇپ قۇراپ، تۋىس بولعان كادرلار قۇربان ايت مەرەكەسىن تۋىستارىمەن بىرگە قۇتتىقتادى

ىزگى تىلەك تىلەپ، اڭگىمە دۇكەنىن قۇرىپ، وزگەرىستى اڭگىمەلەدى

□ انار بۇلت \ شينجياڭ گازەتىنىڭ ءتىلشىسى سۇڭ ۋيگو، ەرىكتى تىلشىلەر ياڭ پىڭ، حۋاڭ ليجۋان، ليۋ ۋي

قۇربان ايت دەمالىسى كەزىندە، رايونىمىزداعى جۇپ قۇراپ، تۋىس بولعان كادرلار جابال تۋىستارىنىڭ ۇيىنە بارىپ، مەرەكەنى تۋىستارىمەن بىرگە قۇتتىقتادى.

ياڭ جيان - ان قىزىلسۋ باسپاسى پارتيا ياچەيكاسىنىڭ ورىنباسار شۋجيى، ورىنباسار مەكەمە باستىعى. 6 - ايدىڭ 29 - كۇنى تۇستەن بۇرىن ول اتۇش قالاسى ازاق قالاشىعى ءىتپاق قىستاعىنىڭ تۇرعىنى قۇربان ابلەت وتباسىنا كەلدى.

قۇرباننىڭ ءۇيىنىڭ شاي ۇستەلىنە قاربىز، شاپتول، نان سياقتى ازىقتىقتار مەن ءبىر بۋدا گۇل قويىلىپتى، ۇيدەگى جاڭا كيىم كيگەن ءاربىر جاننىڭ جۇزىنەن باقىت كۇلكىسى ەسەدى.

”پارتيانىڭ ابزال ساياساتىنىڭ ارقاسىندا سوڭعى جىلدارى ءبىزدىڭ بايۋ جولىمىز دا بارعان سايىن كوبەيدى. 3 بالانىڭ ەكەۋى جۇمىستاندى، ءۇشىنشىسى ورتالاۋ مەكتەپتە وقيدى، وتباسى كىرىسىمىز جىلدان - جىلعا كوبەيدى، تۇرمىسىمىز وتە جايلى“، - دەدى قۇربان.

ياڭ جيان - ان مەن قۇربان ەكەۋى جۇپ قۇراپ، تۋىس بولعاننان بەرى تۋىلعان ۇساق - تۇيەك اڭگىمەلەردى تىلگە تيەك ەتىپ، اقتارىلا سىر شەرتىستى. ”وسى بىرنەشە جىلدا ارامىزداعى سۇيىسپەنشىلىك بارعان سايىن تەرەڭدەپ، قانداس تۋىستارداي ەتەنە بولىپ كەتتىك، ءوزارا قارايلاسىپ، ءوزارا كومەكتەسەتىن، بىرگە العا باساتىن ءبىر ءۇيلى جانعا اينالدىق“، - دەدى ياڭ جيان - ان.

6 - ايدىڭ 28 - كۇنى يانجي حۇيزۋ اۆتونوميالى اۋدانى اۋدان ورتالىعى جيەفاڭ شىعىس جولىنداعى ەركىن ءراشيت وتباسى شاتتىققا شومدى. جۇپ قۇراپ، تۋىس بولعان كادر ما يانرۇڭ ەركىننىڭ ۇيىنە كەلىپ، 2 بالاسىنا وقۋ قۇرالدارى مەن كىتاپ ۇسىنىپ، ۇيلەرىنە تۇرمىستىق بۇيىمدار اپارىپ بەردى.

ما يانرۇڭ يانجي قالاشىعى جيەفاڭ الەۋمەتتىك اۋماعى پارتيا ياچەيكاسىنىڭ ورىنباسار شۋجيى، سونداي - اق ەركىن وتباسىمەن جۇپ قۇراپ، تۋىس بولعان كادر. ەركىن ادەتتە شاعىن ساۋدا ىستەيدى، تاياۋدان بەرى قاربىز سياقتى جەمىس - جيدەك ساتۋدا، ساۋداسى جامان ەمەس. ونىڭ ايەلى تازالىقشى. 7 جىلدان بەرى ەكى وتباسى ءبىر ءۇيلى جاندارداي ءوزارا كومەكتەسىپ، ءوزارا قارايلاسىپ، ەتەنە ءوتتى.

ءار جولى ما يانرۇڭ ەركىننىڭ ۇيىنە كەلگەندە، ولار ەرەكشە قۋانادى، ويتكەنى ما يانرۇڭ ولارعا ساياسات ءتۇسىندىرىپ قانا قويماي، بالالاردىڭ تاپسىرما ورىنداۋىنا جەتەكشىلىك ەتىپ، جارىم كۇننەن استام ۋاقىت تۇرادى. ەكى بالا ءار ۋاق ەركىننەن يانرۇڭ اپاي قاشان ۇيگە كەلىپ قوناق بولادى دەپ سۇرايدى.

”قۇربان ايت مەرەكەسىن تۋىسىممەن بىرگە قۇتتىقتاپ، قويۋ مەرەكە رايىن سەزىنۋمەن بىرگە، تۋىسىمنىڭ دۋماندى تۇرمىسىن دا كورىپ قاتتى قۋاندىم“، - دەدى ما يانرۇڭ.

6 - ايدىڭ 29 - كۇنى تۇستەن كەيىن ساۋان قالاسى سانداۋحىزى قالاشىعى دەنە تاربيە الاڭى جولى الەۋمەتتىك اۋماعىنىڭ تۇرعىنى مۇحامەت يلاحۇننىڭ ۇيىنە ساۋان قالالىق ۇكىمەت كەڭسەسىنىڭ كادرى جۋ چيۋچين بارىپ ءبىر ءۇيلى جاندى قۋانىشقا بولەدى. ”شياۋجۋ، اكە - شەشەڭىزدىڭ جۋىقتان بەرى دەنساۋلىعى قالاي“؟ مەرەكەلىك تىلەك ايتىپ، ءوزارا سالەمدەسكەننەن كەيىن، مۇحامەت جۋ چيۋچيننىڭ اكە - شەشەسىنىڭ جاعدايىن سۇرادى.

جۋ چيۋچين مەن مۇحامەت جۇپ قۇراپ، تۋىس بولعاننان كەيىن، ءار جىلعى مەرەكە - مەيرامدا ەكى وتباسى ءوزارا بارىس - كەلىس جاساپ، قۇربان ايت، ورازا ايتتا جۋ چيۋچين وتباسىنداعىلاردى ەرتىپ مۇحامەتتىڭ وتباسىنا امانداسا بارادى، كوكتەم مەرەكەسى، جۇڭچيۋ مەرەكەسى بولعاندا مۇحامەت تە جۋ چيۋچيننىڭ ۇيىنە ساڭزى، بالكۇلشە سياقتى ۇلتتىق ءدامدى تاعامداردى جەتكىزىپ بەرۋدى ۇمىتپايدى، ەكى وتباسى ءوزارا بارىس - كەلىس جاساۋ بارىسىندا جۇرت قىزىعاتىن ۇلتتار ىنتىماعىنىڭ ۇلگىسىنە اينالدى.

”قازىر ەرلى - زايىپتى ەكەۋىمىز عانا بىرگە تۇرمىس كەشىرىپ جاتىرمىز، شياۋجۋ بىزبەن جۇپ قۇراپ، تۋىس بولعاننان كەيىن، بەينە ءوز بالام سياقتى ۇنەمى ۇيگە كەلىپ تۇرادى، ول ءار جولى ۇيگە كەلگەندە قاتتى قۋانامىز“، - دەدى مۇحامەت.

”اپاي، جۋىقتان بەرى دەنساۋلىعىڭىز قالاي؟ ءدارىنى، ءسوز جوق، ۋاعىندا ءىشىڭىز، سوندا عانا ساۋ - سالامات بولاسىز“، - دەدى. 6 - ايدىڭ 28 - كۇنى بۇراتالا موڭعۇل اۆتونوميالى وبلىسى اكىمشىلىك قىزمەت وتەۋ ورتالىعىنىڭ كادرى ساۋ جۇنشين بۇراتالا قالاسى چىندەل قالاشىعى تامعىن زاڭگىن قىستاعىنا بارىپ، جۇپ قۇراپ، تۋىس بولعان وتباسى توحتاحۇن يمىنگە مەرەكەلىك سالەمىن جەتكىزدى جانە باقىت تىلەدى.

بيىل 72 جاستاعى توحتاحۇن جۇبايىمەن بىرگە تۇرادى، كىشى ۇلىنىڭ ءۇيى جاقىن ماڭدا، ولار ءوز ءۇيىنىڭ جەرىن اينالىمعا سالۋمەن بىرگە، 2 سيىر باعىپ وتىر، تۇرمىستارىندا ەشقانداي اۋىرتپالىق جوق. ساۋ جۇنشيندى اۋىزعا العاندا، توقتاحۇننىڭ جۇزىنە كۇلكى ءۇيىرىلىپ: ”شياۋساۋ جۇبايىمنىڭ سوزىلمالى اۋرۋى بار ەكەنىن بىلەدى، ءار جولى كەلگەندە وعان ءدارىنى ۋاعىندا ءىشۋدى تاپسىرادى. كەيدە ءدارىسى تاۋسىلعاندا، شياۋساۋ بىزگە كومەكتەسىپ ءدارى الا كەلەدى، ونىمەن جۇپ قۇراپ، تۋىس بولعاننان كەيىن، جۇبايىم ەكەۋىمىزدىڭ تاعى ءبىر جان اشىرىمىز كوبەيدى“، - دەدى.