□ گاۋا

دوس - جاراندار باس قوسىپ، ويناقى ءماشىراپ بيىنە باستى؛ كورشى - قولاڭدار ءبىرىن - ءبىرى شاقىرىپ، دىر - دۋمان بولىپ ساڭزى پىسىرىپ، ءدامدى تاعامداردان ءدام تاتتى؛ جاعىمدى اۋەن، اسەم ءبي، كەرەمەت تارتىمدى ادەبيەت - كوركەمونەر ويىندارى تۇرعىنداردى، ساياحاتشىلاردى تالاسا - تارماسا بارۋعا باۋرادى... قۇربان ايت مەرەكەسى گۇلدەر قۇلپىرا اشىلعان، قاۋىن - قاربىزدىڭ، جەمىس - جيدەكتىڭ حوش ءيىسى اڭقىعان ساياحاتتىڭ قاۋىرت كەزىنە تۋرا كەلىپ، كورىكتى شينجياڭ شاتتىقتىڭ شالقار تەڭىزىنە اينالدى.

مەرەكە − ءبىر ءوڭىردىڭ ەكونوميكالىق دامۋىن، قوعام جاراسىمدىلىعىن، ۇلتتار ىنتىماعىن باقىلايتىن تەرەزە. تيانشان الابى شاتتىققا شومىپ، ءار ۇلت بۇقاراسى قۋانىشقا بولەنگەن مەرەكەلىك راي بىزگە بۇگىنگى شينجياڭنىڭ دامىعان، العا باسقان، قوعامدىق كەلەلى جاعدايى جاراسىمدى، ورنىقتى بولعان، ءار ۇلت بۇقاراسى ارالاسقان، ىشتەسكەن، توعىسقان جاراسىمدى دا اسەم كارتيناسىن كورسەتتى ءارى دۇنيە جۇزىنە اناعۇرلىم ستەرەولدى، اناعۇرلىم جان - جاقتى، اناعۇرلىم شىنايى شينجياڭدى ايگىلەدى.

شات - شادىمان، بەرەكەلى بولۋ بۇگىنگى شينجياڭنىڭ ناعىز بەينەسى. پارتيا 18 - قۇرىلتايىنان بەرى رايونىمىز جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتى قۇلشىنا ىلگەرىلەتىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، ءار ۇلت بۇقاراسىنىڭ اعا - باۋىرداي ەتەنە بولىپ، ءبىر - بىرىنە قارايلاسۋىن جەبەپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساعاندىعىنان عانا بۇگىنگىدەي تىنىش، ىنتىماقتى اسا تاماشا جاعداي جارىققا شىقتى.

شاتتىققا شومعان بەرەكەلى شينجياڭ ءبىزدىڭ بىرگە كوركەيتۋىمىزدى قاجەت ەتەدى. ءبىز مەرەكەنىڭ قىزىعىنان بارىنشا لازاتتانۋمەن بىرگە، ونان دا ماڭىزدىسى، وڭاي - وسپاق قولعا كەلمەگەن وسى باقىتتى تۇرمىستى ونان ارمان قاستەرلەۋىمىز، ءار ۇلت باۋىرلاستارى تىزە قوسا وتىرىپ، ىنتىماقتاسا ەكپىندەي ىلگەرىلەۋدىڭ كۇش - قۋاتىن مۇمكىندىكتىڭ بارىنشا ۇيىستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ تاراۋىن بىرگە جازۋىمىز كەرەك.