”انار ٴدانىن“ بىرگە باپتاپ، ”ىنتىماق گۇلىن“ نارلەندىردى
− ىقىلاستى تاپسىرمانى ەستە بەرىك ساقتاۋ جونىندەگى جەلىلەس حابار − جۇڭحۋا ۇلتى ورتاق تۇلعا تانىمىن بەرىك ورناتۋ
كاميلا (ٴوز ٴتىلشىمىز)
وتكەن جىلى 7 - ايدا باس شۋجي شي جينپيڭ شينجياڭدى كوزدەن كەشىرىپ، ٴار ۇلت كادرلارى مەن بۇقاراسىنا امانداسا كەلىپ، ماڭىزدى ٴسوز سويلەدى. داشۋەدە، الەۋمەتتىك اۋماق - قىستاقتاردا باس شۋجي بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەۋ كەرەك. ٴبىر جىلدان بەرى ىلەدەگى ٴار ۇلت كادر - بۇقاراسى باس شۋجي شي جينپيڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋدەن جازباي، ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىنىڭ ”دارەجەسى جوعارىلاتىلعان نۇسقاسىن“ كۇش سالا قالىپتاستىرىپ، جاڭا داۋىردەگى كورىكتى ىلە قۇرۋعا كۇش - قۋات ۇيىستىردى.
40 جىلدى ٴبىر كۇندەي وتكىزىپ، مەيىر باعىشتاپ، وقۋعا كومەكتەسىپ، 176 بالانىڭ «اكەسى» بولعان شىن جيانجيا؛ حۋاڭ جيڭجىن كاريا مەن اسەنجان ٴيۇسۇپجاننىڭ ونداعان جىلدار بويى «ٴسىز مەنى ەرجەتكىزدىڭىز، قارتايعاندا سىزگە سەرىك بولامىن» دەگەن اكە - بالا سۇيىسپەنشىلىگى؛ بۇقارالىق قىزمەتتىڭ ەڭ الدىڭعى لەگىندە ٴجۇرىپ، الەۋمەتتىك يگىلىك ىستەرىن دەن قويا، سۇيىسپەنشىلىكپەن ويداعىداي ىستەپ، ۇلتتار ىنتىماعى حيكاياسىن جازعان گۇلباحار ٴيۇسۇپ قاتارلىلاردىڭ مەيىرگە تولى اڭگىمەلەرى ىلە وبلىسىنداعى ٴار ۇلت كادرلارى مەن بۇقاراسىنىڭ تىنىستاس، تاعدىرلاس، تىلەكتەس ەكەنىن بەينەلەدى.
جۋىردا ىلە وبلىستىق پارتكومنىڭ شۋجيى ياڭ شيۋلي ىلە شىفان داشۋەسىندە يدەيا - ساياسي ساباعىن وتكەندە بىلاي دەپ باسا دارىپتەدى: شينجياڭنىڭ، ىلەنىڭ ۇلت قىزمەتىن جاقسى ىستەپ، جۇڭحۋا ۇلتى ورتاق تۇلعا تانىمىن بەرىك ورناتۋ توتەنشە ماڭىزعا جانە كوكەيتەستىلىككە يە. ىلە شىفان داشۋەسى ”ٴۇش باقشا، ەكى ٴدالىز، ەكى بازا، ٴبىر بۇلتتىق تەرمينال“ يدەيا - ساياسي تاربيە شەبىن قۇرىپ، تۇتاس مەكتەپ اۋلاسىن ساباقتاستىرعان قىزىل مادەنيەت كورىنىستەرى مەن يدەيا - ساياسي تاربيەنى دانەكەر ەتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋدەن جازباي، ارالاس كلاسقا، ارالاس اترەتكە، ارالاس جاتاققا ٴبولۋ سالىستىرماسىن %100 كە جەتكىزىپ، مەكتەپ اۋلاسىندا كۇن سايىن تىلەكتەر توعىسىپ، رۋح سومدالعان قويۋ اۋان قالىپتاستىرۋ كەرەك.
شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، جۇڭحۋا ۇلتى ورتاق تۇلعا تانىمىن اناعۇرلىم بەرىك ورناتۋ ٴۇشىن، ىلە وبلىسىنداعى قىستاقتار (الەۋمەتتىك اۋماق) قاراستىلىعىنداعى مادەنيەت مايتالماندارىن ىشكەرىلەي ىزدەپ تاۋىپ، ادەبيەت ـ كوركەمونەر اترەتىن قۇرىپ، كوكتەم مەرەكەسى، يۋانشياۋ، دۋان ـ ۋ، جۇڭچيۋ سياقتى جۇڭحۋا ۇلتىنىڭ ٴداستۇرلى مەرەكەلەرىنەن پايدالانىپ، ”ٴبىزدىڭ مەرەكەمىز“ جەلىلەس نەگىزگى تاقىرىپتىق قيمىلدارىن ىشكەرىلەي ورىستەتتى.
ىلە وبلىسى ”كلەتكا ينجەنەرياسىن“ جانداندىرىپ، ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىنىڭ ٴتۇيىنىن الەۋمەتتىك اۋماق، مەكتەپ، كاسىپورىن سياقتى نەگىزگى ساتى ورىندارىنا بەيىمدەپ، ۇلتتار ىنتىماعى، العاباسارلىعىنداعى وزات ورىن قۇرۋ قىزمەتىنىڭ ىشكەرىلەي كەڭەيۋىن ىلگەرىلەتتى، اۆتونوميالى وبلىستىڭ ۇلتتار ىنتىماعى، العاباسارلىعى بويىنشا وزات ورىن قۇرۋىن اۋىل - قالاشىقتارعا، ورگاندارعا، مەكتەپتەرگە، قىستاقتارعا (الەۋمەتتىك اۋماق) جەتكىزۋ سالىستىرماسى تۇگەلدەي %100 كە جەتتى.
التىشۋار كوشەسىنىڭ ورتالىعىنداعى الاڭدا ٴار ۇلت بۇقاراسى ٴبي بيلەپ، پىكىر اۋىستىرىپ، سۇيىسپەنشىلىكتەرىن تەرەڭدەتىپ، باقىتتى دا كوركەم تۇرمىستى ايگىلەدى. زاۋ كىلان فوتوسى
شينۋىن كەن كاسىبى توبى (ىلە) تايشان ياڭگۋاڭ جاڭا ماتەريالدار شەكتى سەرىكتەستىگىنىڭ ٴوندىرىس سەحىندا ٴار ۇلت جۇمىسشى - قىزمەتشىلەرى ٴوزارا ۇيرەنىپ، تەحنيكالىق دەڭگەيىن بىرگە جوعارىلاتتى. ليۋ چىڭگاڭ فوتوسى
قىزمەتكەرلەر از ۇلت ساۋداگەرلەرىنە قولفون جۇمساق بولشەگى ارقىلى ىلەنىڭ ەرەكشە ونىمدەرىن ساتۋعا جەتەكشىلىك ەتۋدە. لاي يۇينيڭ فوتوسى
ساياحاتشىلار قازانشى ۇلتتىق سالت - سانا ساياحات رايونىندا از ۇلتتاردىڭ ٴبيىن تاماشالاۋدا. جاڭ چيڭحۋا فوتوسى
نەگىزگى ساتىعا كوڭىلدىلىك باعىشتاۋ ٴۇشىن ايگىلى كوركەمونەرشىلەر الەۋمەتتىك اۋماققا باردى. چاڭ شيۋليڭ فوتوسى
5 - ايدىڭ 27 - كۇنى قۇلجا قالاسى بەيجيڭ جولى ٴمالى باسقارماسى فاڭساۋحۋ الەۋمەتتىك اۋماعى ”ۇلتتار ىنتىماعىنىڭ بەرەكەلى شاڭىراعىندا بىرگە قياق كۇرىش ٴتۇيىپ، دۋان - ۋ مەرەكەسىن قارسى الۋ“ قيمىلىن ورىستەتتى، قاراستى اۋماقتاعى پارتيا مۇشەلەرى، تۇرعىندار ۋاكىلدەرى قاتىناستى، كوپشىلىك قۋانىشپەن ٴبىر اراعا باس قوسىپ، بىرگە قياق كۇرىش ٴتۇيىپ، دۋان - ۋ مەرەكەسىن قارسى الدى. قۇلجا قالالىق پارتكوم ۇگىت ٴبولىمى قامداعان
قۇلجا قالاسى «ٴبىزدىڭ جۇڭگو ارمانىمىز − مادەنيەتتى بارشا وتباسىنا جەتكىزۋ» اتتى يۋانشياۋ قيمىلىن وتكىزدى. سۇن ي - نان فوتوسى