ٴبىر ـ بىرىنە قارايلاسىپ، قول ۇستاسا العا باسىپ، ۇلتتار ىنتىماعى گۇلىن دەن قويا باپتادى
− ىلە وبلىسىنداعى ٴار ۇلت بۇقاراسى ۇلتتار ىنتىماعىنىڭ جاڭا كارتيناسىن ٴبىر نيەتپەن بىرگە سالدى
ىلەدە مىناداي ٴبىر توپ ادام بار، ولار پارتيانىڭ اۋەلگى ماقساتىن ۇمىتپاي، ٴار ۇلت بۇقاراسىمەن سۇيىسپەنشىلىكتە بولىپ، ٴوز قىزمەت ورىندارىندا قاجىرلىلىقپەن ەڭبەكتەندى؛ ولار جۇڭحۋا ۇلتى ۇلى ىنتىماعى تۋىن باستان ـ اياق بيىك ۇستاپ، بۇقارا ٴۇشىن ناقتى ٴىس، جاقسى ٴىس ىستەۋدى، بۇقارانىڭ قولامتالى، قيىن ماسەلەلەرىن شەشۋدى قىزمەتتىڭ ەڭ ماڭىزدى ٴتۇيىنى ەتىپ، جەرگىلىكتى ورىننىڭ ەكونوميكالىق، قوعامدىق دامۋىنا كورنەكتى ۇلەس قوستى. تاعى مىناداي بىرنەشە ورىندار بار، ولار بارشا بۇقاراعا ٴوزىن ايگىلەيتىن جانە اۋىس - كۇيىس جاسايتىن تەكشە ازىرلەپ بەردى، ٴتۇرلى قيمىلدار وتكىزۋ ارقىلى كوپشىلىككە جۇڭحۋا مادەنيەتىنىڭ كوپ نەگىزدى، ٴبىر تۇلعالى تارتىمدىلىعىن تولىق سەزىندىرىپ، ٴوزارا ٴتۇسىنىسۋدى كۇشەيتىپ، ۇلتتار ىنتىماعىن ونان ارى جەبەدى.
گۋ شۇيمەي، ۋ شيۋفاڭ، شۋە چين، مامەتجان ٴومار قاتارلى اسقاق ەسىمدەر، ىقىلاستى دا قايسار كۇلىمسىرەگەن جۇزدەر، ولار قۇلشىنا جۇمىس ىستەپ، ۇكىمەت قىزمەتكەرى بولۋ جاۋاپكەرشىلىگىن ادا ەتىپ، كىرشىكسىز ادام بولىپ، پارتيا مۇشەسىندىك نەگىزىن ساقتاپ، ۇلەس قوسۋعا پەيىل بولىپ، ۇلتتار ىنتىماعىنىڭ ۇلگىسى بولۋعا تالپىنىپ، بارلىق زەيىن ـ زەردەسىن قيىنشىلىعى بار بۇقاراعا كومەكتەسۋگە ارناپ، وزدەرىنىڭ جۇرەگىندەگى پارتياعا دەگەن ادالدىعى، كاسىپكە دەگەن سۇيىسپەنشىلىگى ارقىلى ۇلتتار ىنتىماعىن سومدادى. ولار وزدەرىنىڭ ٴىس جۇزىندىك ارەكەتتەرى ارقىلى”قاي - قاشان دا ۇلتتار ىنتىماعىن دارىپتەيتىن سوزدەردى ايتۋدى، بارلىعى ۇلتتار ىنتىماعىنىڭ ادامى بولۋدى، بارلىق جەردە ۇلتتار ىنتىماعىنىڭ گۇلىن ەگۋدى“ بەلسەنە امالياتتا ايگىلەدى، ولار وزدەرىنىڭ ونەگەلىك كۇشى ارقىلى ٴبىزدى قايراتتانا العا ۇمتىلۋعا جىگەرلەندىردى.
ۇلتتار ىنتىماعىنىڭ بەرەكەلى شاڭىراعى ارقىلى جۇڭگو ارمانىن ٴبىر نيەتپەن سومدادى. ەكىنشى 100 جىلدىق كۇرەس نىساناسىنا قادام تاستاعان جاڭا ساپاردا ٴبىز قول ۇستاسىپ، تىزە قوسا وتىرىپ، بىرگە قۇلشىنا كۇرەس جۇرگىزەمىز. ٴبىز وسى ۇلگىلەرگە قۇرمەت ٴبىلدىرىپ، ٴبىر ـ بىرىمىزگە قارايلاسىپ، قول ۇستاسا العا باسىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جويقىن كۇشىن ۇيىستىرىپ، جۇڭحۋا ۇلتىنىڭ اناعۇرلىم شۇعىلالى بولاشاعىن اشامىز!
مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، قۇلجا قالاسى ىلە وزەنى جولى ٴمالى باسقارماسى ٴادىليا بولىمشەسىنىڭ باستىعى ميھىرنيسا تۇردى بۇقاراعا زاڭ بىلىمدەرىن جالپىلاستىردى.
«1 ـ شىلدە وردەنىنىڭ» يەگەرى، قۇلجا اۋدانى ونيار قالاشىعى بولەكەي قىستاعى پارتيا ياچەيكاسىنىڭ بۇرىنعى شۋجيى مامەتجان ٴومار جاس كادرلارمەن ىقىلاسپەن اڭگىمەلەسۋدە.
كۇنەس اۋدانى قارابۋرا قالاشىعى اقتوعان قىستاعىنىڭ نەگىزگى ساتى ۇگىتشىسى جانار نۇرمۇقان قىزى مال شارۋاشىلىق رايوندارىنا بارىپ، مالشىلارعا پارتيانىڭ حالىققا تيىمدىلىك جاساۋ ساياساتىن ۇگىتتەدى.
مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، چاپچال سىبە اۆتونوميالى اۋدانى چاپچال گازەتحاناسىنىڭ زەينەتكە شىققان قىزمەتكەرى ۋ شيۋفاڭ ٴوزى سۇيەمەلدەگەن وقۋشىلارمەن بىرگە.
مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، مەملەكەتتىك ەلەكتر تورابى ىلە يحى ەلەكترمەن قامداۋ شەكتى جاۋاپكەرشىلىك سەرىكتەستىگى موڭعۇلكۇرە اۋداندىق ەلەكترمەن قامداۋ سەرىكتەستىگى ەلەكتر ۇلەستىرۋ، تاسىمالداۋ، تەكسەرۋ كلاسىنىڭ باستىعى امانتۇر يسامدين ۇلى ۇزاق ۋاقىت قامقورلىق جاساعان جەتىم ـ جەسىر قارتتارعا امانداسا باردى.
اۆتونوميالى رايوننىڭ ۇلتتار ىنتىماعى، العاباسارلىعىنداعى ۇلگىلى جەكە، تەكەس اۋدانىنان زەينەتكە شىققان كادر شىن جيانجيا بالالاردىڭ شاشىن الىپ بەرۋدە.
اۆتونوميالى رايوندىق ۇلتتار ىنتىماعى، العاباسارلىعىنداعى ۇلگىلى جەكە، قورعاس قالاسى يشىگاشان اۋىلى شىجىگاشان قىستاعىنداعى ”مەيىربان انا“ گۇلباحان ٴيۇسۇپ وتباسىلارىن ارالاپ، نەگىزگى جاعدايلاردى ۇعىستى.
توعىزتاراۋ اۋدانى كوبەلەك كولى الەۋمەتتىك اۋماعىنداعى تۇرعىندار قياق كۇرىش مەرەكەسىن بىرگە وتكىزدى.
مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، قۇلجا اۋدانى مامىر شۇيمەي كيىم ـ كەشەك شەكتى سەرىكتەستىگىنىڭ زاڭدىق ۋاكىلى گۋ شۇيمەي شاكىرتتەرىمەن بىرگە سۋرەتكە تۇسۋدە.
كۇيتۇن قالاسى فىڭحۋالي الەۋمەتتىك اۋماعىنداعى بۇقارانىڭ ۇلكەن ساحنالىق ادەبيەت ـ كوركەمونەر بايقاۋى.
قورعاس اۋدانى كۇرە قالاشىعى زىشۇي سەنترلى مەكتەبى ”ۇلتتار ىنتىماعىنىڭ بەرەكەلى شاڭىراعى، كلاسسيكالىق شىعارمالاردى بىرگە وقىپ، جۇرەكتەس بولۋ“ قيمىلىن ورىستەتتى.
ماقالاسىن شىن شياۋمىڭ جازعان سۋرەتتى وبلىستىق پارتكومنىڭ بىرلىكساپ ٴبولىمى قامداعان