ٴتىلشىمىز ۋاڭ ليلي حابارلايدى. «1 - تامىز» ارميا مەرەكەسى قارساڭىندا، 7 - ايدىڭ 26 - كۇنى ىلە وبلىستىق ادەبيەت - كوركەمونەرشىلەر بىرلەستىگى، قۇلجا قالاسى ٴدوڭمالى ٴمالى باسقارماسى باقشا كوشەسى الەۋمەتتىك اۋماعى، قۇلجا قالاسى 17 - بالا باقشاسىنىڭ قىزمەتكەرلەرى جۇڭگو حالىق ازاتتىق ارمياسىنىڭ بەلگىلى اسكەري بولىمىنە كەلىپ، «اسكەري لاگەرگە  مادەنيەت جەتكىزىپ، 1 - تامىز مەرەكەسىن قۋانىشپەن تويلايىق» اتىندا حال سۇراۋ قيمىلىن بىرلىكتە ورىستەتتى.

حال سۇراۋ الاڭىندا ىلە وبلىستىق ادەبيەت - كوركەمونەرشىلەر بىرلەستىگى مەن جۇڭگو حالىق ازاتتىق ارمياسىنىڭ بەلگىلى قوسىنى «ارميا مەن حالىق بىرگە قۇرۋ كەلىسىمىنە» بىرگە قول قويىپ، «ارميا حالىقتى ٴسۇيۋ، حالىق ارميانى قولداۋ، ارميا مەن حالىق ەتەنە بولۋ جاعدايىن» ايگىلەدى.

قيمىل بارىسىندا ىلە وبلىستىق حاتكەرلەر قوعامى، بيڭتۋان 4 - ديۆيزياسى كوكدالا قالالىق حاتكەرلەر قوعامى، ىلە وبلىستىق اسەمونەرشىلەر قوعامى، جۇڭگوشا سۋرەت كوركەمونەرشىلەر قوعامىنان كەلگەن حاتكەرلەر مەن كوركەمونەرشىلەر ازاتتىق ارميانىڭ قولباسشىلارى مەن جاۋىنگەرلەرىنە ارناپ قالام تەربەپ، سۋرەت سالىپ بەردى.

سوڭىنان ىلە وبلىستىق مۋزيكانتتار قوعامىنىڭ انشىلەرى ورىنداعان «مەرەكە شاتتىعى»، «سۇيەم سەنى، جۇڭگو» اتتى اندەرمەن ادەبيەت - كوركەمونەر كونسەرتىنىڭ شىمىلدىعى اشىلدى، «شاتتىق»، «ساۋىردىن» سياقتى بيلەر، ىرحۋدا ورىندالعان جەكە كۇي «تۇلپار»، «مەرەيلى ٴتۇن»، ازاتتىق ارميا جاۋىنگەرى ساكسپەن جەكە ورىنداعان «قۇلازىعان قۇمدى قايراڭ سۋىعى» اتتى مۋزيكا، «مەن سەنەمىن» اتتى ٴان جانە «وتكىر قىلىش» اتتى سايىسكەرلىك ونەرى  سياقتى نومىرلەر ورىندالىپ، الاڭدى دۋمانعا بولەدى، كورەرمەننىڭ ٴالسىن - ٴالى سيلاعان گۇلدەرى مەن شاپالاق ٴۇنى  ونەرپازدارعا شابىت بەردى.

سۋرەتتە: ادەبيەت ـ كوركەمونەر كونسەرتى الاڭى.

سۋرەتتى ۋاڭ ليلي تۇسىرگەن