ٴتىلشىمىز ياڭ جيڭ ـ ي، جاڭ لياڭ حابارلايدى. 9 - ايدىڭ 12 ـ كۇنى قۇلجا قالاسى ٴدوڭمالى ٴمالى  باسقارماسى دوستىق كوشەسى الەۋمەتتىك اۋماعى ”جۇڭچيۋ مەرەكەسىندە دوستىق جىرى شىرقالعان كوشە“ نەگىزگى تاقىرىبنداعى جۇڭچيۋ مەرەكەسى جىر ٴمۇشايراسىن وتكىزدى.

بۇل رەتكى قيمىل جۇڭحۋانىڭ تاڭداۋلى ٴداستۇرلى مادەنيەتىن بارىنشا ساۋلەلەندىرىپ، جۇڭچيۋ مەرەكەسىندە قۋانىشتى قويۋ راي قالىپتاستىرىپ، الەۋمەتتىك اۋماق تۇرعىندارى اراسىنداعى اۋىس ـ كۇيىستى، ىقپالداستىقتى كۇشەيتىپ، الەۋمەتتىك اۋماقتىڭ ۇيىسۋ قۋاتىن  اناعۇرلىم جوعارىلاتۋدى ماقسات ەتتى.

جىر ٴمۇشايراسى باستالىسىمەن الەۋمەتتىك اۋماق كادرلارى ”شاراپ ٴىشىپ شالقىپ ٴان سالىپ، تولعان ايدى تاماشالايىق“ دەگەن دەكلاماتسيانى توپتىق وقىدى، اسەرلى اۋەندە وقىلعان دەكلاماتسيا كوپشىلىكتى جۇڭچيۋ مەرەكەسىنە ارنالعان ادەمى جىرمەن سۋسىنداتتى. ىلە - شالا وتكىزىلگەن شام جۇمباعىن شەشۋ مەن سۋدان اي ٴسۇزۋ ويىنى باستالعاندا، قاتىناسۋشىلار ٴتىپتى دە ىنتالى بولدى.

تۇرعىن ۋاڭ مەي بىلاي دەدى: ”جۇڭچيۋ جىر ٴمۇشايراسى الەۋمەتتىك اۋماق تۇرعىندارىنا جۇڭحۋانىڭ تاڭداۋلى ٴداستۇرلى مادەنيەتىنىڭ قۇدىرەتىن تەرەڭ سەزىندىرۋمەن بىرگە، تۇرعىندار اراسىنداعى سۇيىسپەنشىلىكتى دە كۇشەيتتى“. تۇرعىن سانيام نياز بىلاي دەدى: ”جۇڭچيۋ مەرەكەسى قارساڭىندا ٴبىز وسى ارادا باس قوسىپ، مەرەكەنىڭ شاتتىعىنان بىرگە ٴلاززاتتانعانىمىزعا توتەنشە قۋانىشتىمىز“.

سۋرەتتە: جۇڭچيۋ جىر ٴمۇشايراسىندا تۇرعىندار ٴان سالىپ، بيگە باسۋدا.          ياڭ جيڭ - ي فوتوسى