□ انار بۇلت \ شينجياڭ گازەتىنىڭ ٴتىلشىسى جاڭ جىلي

قول ۇستاسا كونسەرت قويىپ جاڭا جىلدى قارسى الدى، ىقپالداسىپ تىكە تاراتۋ ارقىلى ٴونىم ساتتى، كاسىپ سالاسىن بىرگە گۇلدەندىرىپ، دامۋعا تالپىندى... جۋىقتا اقسۋ ايماعىنىڭ جەر ـ جەرىندە نەگىزگى ساتى كادرلارىنىڭ بۇقارامەن الۋان فورمادا، سۇيىسپەنشىلىك توعىستىرۋ اۋىس ـ كۇيىس قيمىلىن ورىستەتۋى قىستىكۇنى جۇرەككە شۋاق سيلاعان ٴبىر اسەم كورىنىسكە اينالدى.

”ماڭىزدى مەرەكە سايىن قىستاق كادرلارى، قىستاقتا تۇراتىن قىزمەت اترەتى مۇشەلەرى، جۇپ قۇراپ تۋىس بولعان كادرلار جانە اۋىل ـ قالاشىق كادرلارى قىستاق تۇرعىندارىمەن ٴبىر داستارقاندا باس قوسىپ، اڭگىمە دۇكەنىن قۇرىپ، كونسەرت قويىپ، توتەنشە دۋماندى بەينەگە شومادى. كادرلار مەن بۇقارا اراسىنداعى وسى ’سۇيىسپەنشىلىك توعىستىرۋ كوپىرى‘ بارعان سايىن بەرىك بولا ٴتۇستى“، ـ دەدى 2024 ـ جىلى 12 ـ ايدىڭ 30 ـ كۇنى جاڭا جىلدى قارسى الۋ ”قىستاق بىرلەسكەن ساۋىق كەشىنە“ دايىندالىپ جاتقان كۇشار قالاسى چىمان قالاشىعى يوڭكۋ ىنتىماق قىستاعى پارتيا ياچەيكاسىنىڭ شۋجيى سۇن جىباۋ.

سوڭعى جىلدارى اقسۋ ايماعى ”ٴبىر جۇيەدە ٴبىر ەرەكشەلىك، ٴبىر تاراۋدا ٴبىر جارقىن ٴتۇيىن بولۋ“ وي جەلىسىنە ساي، 41 مىڭ پارتيا مۇشەسىن، كادردى، جۇمىسشى ـ قىزمەتشىنى 116 مىڭ وتباسىنداعى بۇقارامەن جۇپ قۇراپ تۋىس بولۋعا ۇيىمداستىرىپ، بۇقارا تىلەك ـ تالاپ قوياتىن، كادرلار تياناقتاندىرۋعا كومەكتەسەتىن، ورىندار قامتاماسىز ەتەتىن ”ٴۇشتى ٴبىر تۇلعالاندىرعان“ جۇپ قۇراپ تۋىس بولۋ قىزمەت ۇلگىسىن كەمەلدەندىردى، ”تورتتە بىرگە بولۋ، سەگىزدى جەتكىزۋ“، ”مەن بۇقارا ٴۇشىن ناقتى ٴىس تىندىرامىن“، ”تاريحقا كوز جىبەرۋ، مەكەندى ساياحاتتاۋ، وتاندى ٴسۇيۋ“ سياقتى امالياتتىق قيمىلداردى ٴۇرتىس تەرەڭدەتتى. 2024 ـ جىلى جۇپ قۇراپ تۋىس بولعانداردىڭ ٴتۇرلى تالاپ ـ تىلەگىنەن جيىنى 93 مىڭ 300 ٴىس شەشىلدى.

كادرلار مەن بۇقارانىڭ سۇيىسپەنشىلىك توعىستىرۋىنىڭ نەگىزى بولعان ”كادرلار مەن بۇقارانىڭ سۇيىسپەنشىلىك كوپىرىن“ بەكەمدەۋدەن سىرت، اقسۋ ايماعى تاعى ”قوعامدا سۇيىسپەنشىلىك توعىستىرۋ كوپىرىن“، ”بيڭتۋان مەن جەرگىلىكتى ورىننىڭ سۇيىسپەنشىلىك توعىستىرۋ كوپىرىن“، ”ارميا مەن جەرگىلىكتى ورىننىڭ سۇيىسپەنشىلىك توعىستىرۋ كوپىرىن“، ”مۇناي الابى مەن جەرگىلىكتى ورىننىڭ سۇيىسپەنشىلىك توعىستىرۋ كوپىرىن“، ”جىجياڭ مەن اقسۋدىڭ سۇيىسپەنشىلىك توعىستىرۋ كوپىرىن“ دە ورناتتى.

سوڭعى كۇندەرى اقسۋ قالالىق ۇلتتار ىنتىماعى، العاباسارلىعىن جەبەۋ قوعامىنداعى قىزمەتكەرلەر مۇشەلەردىڭ كەڭەس سۇراعان تەلەفونىن تىنباي قابىلدادى. وسى مۇشەلەر تۇرلىشە ۇلتتاردان قۇرام تاپقان ساۋداگەرلەر بولاتىن. ٴار جىلى كونە جىلدىڭ سوڭى مەن جاڭا جىلدىڭ باسىندا جەبەۋ قوعامى ۇلتتار ىنتىماعى بىرلەسكەن دوستىق قيمىلىن ۇيىمداستىرادى، مۇشەلەردىڭ ۇزدىكسىز كوبەيۋىمەن بىرلەسكەن دوستىق قيمىلىنىڭ كولەمى دە جىلدان ـ جىلعا كەڭەيدى.

ۇعىسۋعا قاراعاندا، اقسۋ ايماعى ”ۇلتتار ىنتىماعىنىڭ بەرەكەلى شاڭىراعى“ قيمىلى باياندى مەحانيزمىن ورناتۋ ٴۇشىن كورشىلەر ارا، ساۋداگەرلەر ارا، قىزمەتكەرلەر ارا جۇپ قۇراپ تۋىس بولۋعا جەتەكشىلىك ىستەپ، ”انار كۇنى“، ”ٴجۇز وتباسى قوناعاسى“، ”كورشىلەر مەرەكەسى“ سياقتى قيمىلداردى ۇدايىلاندىرا ورىستەتىپ، كىرىكپەلى قونىستانۋ بويىنشا 1430 ۇلگى كورسەتۋ الەۋمەتتىك اۋماعىن، شاعىن اۋماعىن، اكىمشىلىك قىستاق جانە قىستاق تۇرعىندارى گرۋپپاسىن قۇرعان ٴارى ۇلتتار ىنتىماعى، العاباسارلىعىن جەبەۋ قوعامىن ٴۇرتىس دامىتىپ، زورايتقان، ايماق، اۋدان، اۋىل 3 دارەجە بويىنشا 120 ۇلتتار ىنتىماعى، العاباسارلىعىن جەبەۋ قوعامى مەن بايلانىس پۋنكتىن قۇرىپ، شامامەن 70 مىڭ مۇشە قابىلداپ، بۇكىل ايماقتاعى بۇقارانىڭ جۇڭحۋا ۇلتى ورتاق تۇلعا تانىمىن ۇزدىكسىز كۇشەيتۋىنە ىقپال كورسەتىپ، جەبەۋ بولعان.

اقسۋ ايماعىنداعى بيڭتۋاننىڭ تۋان ـ الاڭدارىمەن ىرگەلەس ٴىشىنارا اۋىل ـ قالاشىقتار مادەنيەت، دەنە تاربيە قيمىلىن ورىستەتكەندە ٴاردايىم تۋان ـ الاڭ جۇمىسشى ـ قىزمەتكەرلەرىن بىرگە ات سالىسۋعا ۇسىنىس ەتەتىن. بيڭتۋان مەن جەرگىلىكتى ورىننىڭ سۇيىسپەنشىلىك توعىستىرا دامۋىن ىلگەرىلەتۋدە اقسۋ ايماعى مەن بيڭتۋان 1 ـ شىداعى ورگان، مەكتەپتەر، شيپاحانالار قاتارلىلار بىرگە قۇرۋ كەلىسىمىن جاساسىپ، ماۋسىم سايىن ٴبىر رەت ٴوزارا امانداسۋ، ىقپالداستىق، جۇپ قۇراپ تۋىس بولۋ بىرلەسكەن دوستىق قيمىلىن، كاسىپتىك اۋىس ـ كۇيىس ورىستەتتى.

مۇنان سىرت، وسى ايماققا قاراستى وڭىردەگى مۇناي الابى كاسىپورىندارى جۇمىسشى ـ قىزمەتكەرلەردى قىستاقتا تۇرىپ كومەكتەسۋگە ـ سۇيەمەلدەۋگە تاڭداپ جىبەرىپ، جيىنى 3000نان استام (رەت) ٴتۇرلى ەرىكتى قىزمەت وتەۋ قيمىلىن ورىستەتتى، 13 مىڭنان استام ادامدى (رەت) جۇمىستاندىرىپ، مۇناي الابى مەن جەرگىلىكتى ورىننىڭ سۇيىسپەنشىلىك توعىستىرۋ ارناسى مەن ونىمدىلىگىن ۇزدىكسىز جوعارىلاتتى.

سونىمەن بىرگە، جىجياڭ مەن اقسۋدىڭ سۇيىسپەنشىلىك توعىستىرۋ ماركاسى ۇزدىكسىز جارقىرادى. جىجياڭ ولكەسىندەگى قۋاتتى كاسىپورىندار، قۋاتتى قالاشىقتار اقسۋ ايماعىنداعى ەكونوميكالىق دامۋى ٴالسىز قىستاقتارمەن قول ۇستاسىپ، شينجياڭعا كاسىپ سالاسى ارقىلى كومەكتەسۋدى، شينجياڭدى وقۋ ـ اعارتۋ ارقىلى گۇلدەندىرۋدى، شينجياڭعا اقىل ـ پاراسات ارقىلى تيىمدىلىك جاساۋدى، شينجياڭدى مادەنيەتپەن نارلەندىرۋدى ۇزدىكسىز تەرەڭدەتتى. قازىر اقسۋ ايماعىنداعى ”سۇيىسپەنشىلىك توعىستىرۋ كوپىرلەرى“ سان مىڭداعان جۇرەكتى ۇيىستىردى.