ٴتىلشىمىز جاڭ جيڭيۇي، ەرىكتى تىلشىلەر فىڭ چيحىڭ، ٴساليما، حۋاي جيچاۋ، ليۋ چيفىڭ حابارلايدى. بيىل 5 - اي − اۆتونوميالى رايوننىڭ 43 - رەتكى ۇلتتار ىنتىماعى، العاباسارلىعى تاربيە ايى. ىلە وبلىسىنىڭ جەر - جەرى جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلتتار ىنتىماعى، العاباسارلىعى تاربيە ايى قيمىلىن جان - جاقتى، كوپ ساتىلى، ستەرەولدى ورىستەتىپ، ۇلتتاردىڭ كەڭ كولەمدى ارالاسۋىن، جان - جاقتى ىشتەسۋىن، تەرەڭ توعىسۋىن جەبەدى.

تاياۋدا قورعاس قالاسىنىڭ ۇلتتار ىنتىماعى، العاباسارلىعى تاربيە ايى قيمىلىنىڭ باستالۋ سالتى جاڭا ٴداۋىر وركەنيەت امالياتى ورتالىعىندا وتكىزىلدى. مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە جياۋ جياچياڭ ٴوزىنىڭ كەشىرمەلەرىمەن ۇشتاستىرىپ، نەگىزگى ساتى قىزمەتىندە ٴار ۇلت اعا ـ باۋىر، اپەكە ـ سىڭلىلەرمەن بىرگە ٴوزارا كومەكتەسىپ، بىرگە العا باسقان اسەرلى اڭگىمەلەرىن باياندادى.

قورعاس قالاسى ونەركاسىپ باقشا رايونى ٴمالى باسقارماسىنىڭ كادرى سۋ حۇي ۇگىت ـ لەكسيانى تىڭداعاننان كەيىن تەرەڭ اسەر الدى: ” ۇگىت ـ لەكسيا ەرەكشە اسەرلى بولدى، مەن ۇلگىلەردەن مۇقيات ۇيرەنىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، قاراستى رايونداعى بۇقاراعا ٴتىپتى دە جاقسى قىزمەت وتەيمىن“.

قورعاس قالاسى ”جۇڭحۋا ۇلتى ورتاق تۇلعا تانىمىن بەرىك ورناتۋدى“ ارقاۋ ەتىپ، 10 نەشە ٴتۇرلى تاقىرىپتىق قيمىل ورىستەتىپ، تۇتاس قوعامدا ”ۇلتتار ىنتىماعىنىڭ بەرەكەلى شاڭىراعى“ سىندى قويۋ اۋان قالىپتاستىردى. باستالۋ سالتىندا وسى قالانىڭ ٴان ـ ٴبي ۇيىرمەسىنىڭ ارتيستەرى تارتىمدى ويىن كورسەتىپ، ٴار ۇلت بۇقاراسىنىڭ ٴبىر نيەتپەن ىنتىماقتاسىپ، كورىكتى مەكەندى بىرگە قۇرعان جاندى كارتيناسىن ايگىلەدى.

قورعاس قالالىق پارتكوم بىرلىكساپ ٴبولىمىنىڭ ورىنباسار باستىعى جۋ حايفىڭ بىلاي دەپ تانىستىردى: ”ٴبىز ۇلتتار ىنتىماعى بىلىمدەرى جارىسى، مادەنيەت لەكسياسى، بىرلەسكەن ساۋىق كەش سياقتى جەلىلەس قيمىلداردى ۇدايىلاندىرىپ وتكىزىپ، جالپى حالىقتىڭ ات سالىسۋ ىنتاسىن قوزعايمىز. سونىمەن بىرگە، ٴار ۇلت بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋىنە كومەكتەسىپ، ۇلتتاردىڭ بىرگە گۇلدەنۋىن، دامۋىن جەبەيمىز“.

تەكەس اۋدانى ”جۇڭحۋا ۇلتى ورتاق تۇلعا تانىمىن بەرىك ورناتۋ“ نەگىزگى تاقىرىبىنداعى ۇگىت ـ لەكسيانى، تاڭداۋلى ٴداستۇرلى مادەنيەتتى جالعاستىرۋدى ۇلتتار ىنتىماعى تاربيەسىمەن ورگانيكالى ۇشتاستىرىپ، ٴار ۇلتتىڭ ارالاسۋ، ىشتەسۋ، توعىسۋ بارىسىندا ”بىرگە ىنتىماقتاسا كۇرەس جۇرگىزۋ، بىرگە گۇلدەنىپ دامۋ“ سىندى داۋىرلىك جاڭا تاراۋىن جازۋىن ىلگەرىلەتتى.

كۇنەس اۋدانى بيڭتۋان 4 ـ ديۆيزياسىمەن بىرلەسىپ 5 ـ كەزەكتى بيڭتۋان مەن جەرگىلىكتى ورىننىڭ دوستاسۋى بويىنشا ورتا - باستاۋىش مەكتەپ  كلاس جەتەكشىلەرىنىڭ ساپاسىن جوعارىلاتۋ ينجەنەرياسى نەگىزگى تاقىرىپتىق ساباق بايقاۋىن وتكىزدى، قيمىلدا وتانشىلدىق، ۇلتتار ىنتىماعى سياقتى ٴمورال تاربيەسىنىڭ تۇيىندەرىن مىقتاپ ارقاۋ ەتىپ، كورىنىستىك ەلىكتەۋ، گرۋپپا تالقىسى سياقتى فورمالار ارقىلى مەكتەپتىڭ وقۋشىلاردىڭ ۇيرەنۋ بەلسەندىلىگىن جۇمىلدىرۋى، وقىتۋشى ـ وقۋشىلاردىڭ ىقپالداستىعىن كۇشەيتۋى سياقتى جاقتارداعى جاندى ىزدەنىستەرىن ايگىلەدى.

بيڭتۋان 4 - شىسى 72 - تۋانى ورتا مەكتەبىنىڭ وقىتۋشىسى ۋاڭ شياشيا تىلشىگە: ”وسى رەتكى قيمىل ارقىلى كوپتەگەن كلاس جەتەكشىلەرىنىڭ وزىق وقۋ - وقىتۋ ٴتاسىلىن ۇيرەندىم، بۇدان كەيىنگى وقىتۋ بارىسىندا مەن وسى ۇزدىك وقىتۋ ٴتاسىلىن كلاس جەتەكشىسى قىزمەتىندە قولدانىپ، وقۋشىلاردىڭ وتانشىلدىق سۇيىسپەنشىلىگىن جەتىلدىرىپ، ۇلتتار ىنتىماعى تانىمىن كۇشەيتەمىن“ - دەدى.