قىستاقتا تۇراتىن 85 قىزمەت اترەتى، قىزمەت اترەتىنىڭ 641 مۇشەسى، 30 ورىن وبلىس جاعىنان ماداقتالىپ - سيلاندى

ٴتىلشىمىز لي شين - ان حابارلايدى. 3 - ايدىڭ 27 - كۇنى اۆتونوميالى وبلىس «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى ٴماجىلىسىن اشىپ، 2021 - جىلعى قىستاقتا تۇرۋ قىزمەتىن قورىتىندىلاپ، 2021 - جىلعى قىستاقتا تۇرۋ قىزمەتىندەگى ۇزدىك كوللەكتيۆتەردى، ۇزدىك جەكەلەردى ماداقتاپ - سيلاپ، 2022 - جىلعى قىستاقتا تۇرۋ قىزمەتى جونىندە ورنالاستىرۋلار جاسادى. وبلىستىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى، ۇيىمداستىرۋ ٴبولىمىنىڭ باستىعى ليۋ شينلي ماجىلىسكە قاتىناستى ٴارى ٴسوز سويلەدى.

وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، باس حاتشىسى جاڭارسىن نۇراش ۇلى، وبلىستىق ساياسي كەڭەستىڭ ورىنباسار ٴتوراعاسى نۇراحىمەت زۇنۇن ماجىلىسكە قاتىناستى. وبلىستىڭ ورىنباسار باستىعى ليۋ چيڭحۋا ٴماجىلىستى باسقاردى جانە ماداقتاۋ - سيلاۋ قارارىن وقىدى.

ماجىلىستە ىلە وبلىستىق بازاردى باقىلاۋ - باسقارۋ مەكەمەسىنىڭ قۇلجا قالاسى تاسكوپىر اۋىلى جاڭا ٴمالى قىستاعىندا تۇراتىن قىزمەت اترەتى سياقتى 85 ۇزدىك كوللەكتيۆ، جين گاڭ قاتارلى 641 ۇزدىك جەكە، ىلە وبلىستىق پارتكومنىڭ بىرلىكساپ ٴبولىمى سياقتى 30 ۇزدىك ۇيىمداستىرۋشى ورىن ماداقتالىپ - سيلاندى.

ماجىلىستە مىنالار تالاپ ەتىلدى: «ۇعىسۋ، تيىمدىلىك جاساۋ، توعىستىرۋ» بويىنشا قىستاقتاردا تۇراتىن قىزمەت اترەتتەرى نەگىزگى ساتى پارتيا ۇيىمىن قۋاتتى ەتىپ قۇرۋدان جازباي، قىستاق (الەۋمەتتىك اۋماق) پارتيا ۇيىمىن قۋاتتى ەتىپ قۇرۋدى ماڭداي الدى مىندەت ەتىپ، قابىلەتتىلەردى تاڭداپ، جاڭا ادام تاربيەلەپ، قابىلەتتى جوعارىلاتىپ، ساپانى كۇشەيتىپ، ولقىلىقتاردى تولىقتاپ، ٴالسىز بۋىنداردى كۇشەيتىپ، نەگىزگى ساتى پارتيا ۇيىمىن بۇقاراعا قىزمەت وتەۋدەگى، ورنىقتىلىقتى قورعاۋداعى، بولشەكتەۋشىلىككە قارسى تۇرۋداعى قۇرىش قورعان ەتىپ قۇرۋى؛ قىستاقتى الۋەتتەندىرۋدى، حالىقتى اۋقاتتاندىرۋدى ىلگەرىلەتۋدەن جازباي، كەدەيلىكتەن ارىلتۋ ۇلى رۋحىن كۇش سالا ساۋلەلەندىرىپ، كەدەيلىكتەن ارىلتۋ جەتىستىكتەرىن بەكەمدەپ جانە كەڭەيتىپ، اۋىل - قىستاق كاسىپتەرىن دامىتىپ جانە ىرگەلەندىرىپ، قورشاعان ورتانى رەتتەۋ - وڭاۋدى ٴبىر تۇتاس جوسپارلاپ ىلگەرىلەتىپ، نەگىزگى ساتى ۇيىمدارىمەن، نەگىزگى ساتى كادرلارىمەن ٴبىر نيەتپەن سەلبەسىپ، اۋىل - قىستاقتى گۇلدەندىرۋدى جەبەۋگە دەم بەرۋى؛ جونگە سالۋ ورەسىن جوعارىلاتۋدان جازباي، تىنىشتىق قۇرىلىسىن تىڭعىلىقتى ىلگەرىلەتىپ، پارتيا ۇيىمىنىڭ نەگىزگى ساتىنى جونگە سالۋداعى باسشىلىعىن كۇشەيتىپ، ٴوزىن - ٴوزى باسقارۋدى، زاڭ بويىنشا باسقارۋدى، ٴمورال ارقىلى باسقارۋدى ٴوزارا تىعىز ۇشتاستىرىپ، پارتيانىڭ ساياسي ابزالدىعىن، ۇيىمدىق ابزالدىعىن اۋىل - قىستاقتى جونگە سالۋدىڭ ونىمدىلىگىنە اينالدىرۋى؛ حالىق ٴۇشىن ٴىس ىستەۋدەن، قىزمەت وتەۋدەن جازباي، وزدەرى تۇرعان قىستاقتاعى (الەۋمەتتىك اۋماق) ٴارقايسى كۇشتەرمەن بىرگە بۇقارانىڭ وتباسىلارىنا بارىپ، بۇقارادان جاعداي ۇعىسىپ، بۇقارانىڭ جاناشىرىنا اينالىپ، قامىن ويلاپ، بۇقارانىڭ قيىن ماسەلەلەرىن شەشىپ، بۇقاراعا مەيىر جەتكىزىپ، بۇقارالىق قىزمەتتى ويداعىداي ىستەۋ قابىلەتىن ۇزدىكسىز جوعارىلاتۋى كەرەك.ماجىلىستە مىنالار باسا دارىپتەلدى: ٴار دارەجەلى پارتكومدار تۇلعالىق جاۋاپكەرلىكتى شىنايى ارقالاپ، قىزمەت اترەتىن جىبەرگەن ٴارقايسى مەكەمە - ورىندار تىكەلەي جاۋاپكەرشىلىكتى قاتاڭ تياناقتاندىرىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسى مەن كەڭسەلەرى ٴبىرىنشى شەپتە قىزمەتتى جوسپارلاۋى، ٴبىرىنشى شەپتە ماسەلەلەردى تەكسەرۋى، ٴبىرىنشى شەپتە تياناقتاندىرۋدى جەبەۋى كەرەك. ٴارقايسى قىستاقتا (الەۋمەتتىك اۋماق) تۇراتىن قىزمەت اترەتتەرى سايكەستىرۋ، جەتەكشىلىك ەتۋ، باقىلاۋ - قۋزاۋ، كومەكتەسۋ رولىن، «ۇيرەتۋ، كومەكتەسۋ، جەتەكتەۋ» رولىن تولىق ساۋلەلەندىرىپ، قىستاق (الەۋمەتتىك اۋماق) پارتيا ۇيىمى شۋجيلارى مەن تاڭداۋلى جاس تىرەكتى كادرلاردى تاربيەلەپ باۋلۋعا كومەكتەسىپ، قىستاق (الەۋمەتتىك اۋماق) «ەكى كوميتەتىنىڭ» بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، قىستاق (الەۋمەتتىك اۋماق) «ەكى كوميتەتىمەن» بىرلىكتە ٴتۇرلى قىزمەتتى ويداعىداي ىستەۋى كەرەك. ساياسي جاقتان شابىتتاندىرۋدى، تۇرمىستىق جاقتان قامتاماسىزداندىرۋدى، نەگىزگى ساتىنىڭ اۋىرتپالىعىن جەڭىلدەتۋدى كۇشەيتىپ، ۇگىت تەبىنىن ارتتىرىپ، ٴارقايسى جاق نازار اۋداراتىن، تەڭ يگەرىپ، بىرگە باسقاراتىن، بارلىق ادام كوڭىل بولەتىن، بارلىق ادام ات سالىساتىن قويۋ اۋان قالىپتاستىرۋ كەرەك.

وبلىستىق سوتتىڭ، پروكۋراتۋرانىڭ نەگىزگى باسشىلارى، بيڭتۋان 4 - ديۆيزياسىنىڭ، اۆتونوميالى رايوننىڭ ىلەدە تۇراتىن مەكەمە - ورىندارىنىڭ قاتىستى جاۋاپتى جولداستارى، اۆتونوميالى وبلىستاعى ٴبولىم، كوميتەت، كەڭسە، مەكەمە، حالىقتىق ۇيىمداردىڭ نەگىزگى جاۋاپتى جولداستارى، اۆتونوميالى وبلىستىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە باسشىلىق ەتۋ گرۋپپاسىنىڭ مۇشەلەرى، سيلانىپ - ماداقتالعان قىستاقتا تۇرۋ قىزمەتىندەگى ۇزدىك كوللەكتيۆتەردىڭ، ۇزدىك جەكەلەردىڭ جانە ۇزدىك ۇيىمداستىرۋشى ورىنداردىڭ ۋاكىلدەرى نەگىزگى ٴماجىلىس الاڭىندا جانە پاراللەل ٴماجىلىس الاڭىندا ماجىلىسكە قاتىناستى. ٴماجىلىس بەينە - كەسكىن فورماسىندا اشىلىپ، وبلىسقا توتە قاراستى اۋدان، قالالاردا، وتكەلدەردە بولىمشە ٴماجىلىس الاڭى ورنالاستىرىلدى.