رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتتەرى قىستاق تۇرعىندارىمەن مەرەكەنى بىرگە وتكىزدى −

مەملەكەت مەرەكەسىن بىرگە تويلاپ، ءبىر نيەتپەن پارتيانىڭ مەيىرىن جىرلادى

 انار بۇلت \ شينجياڭ گازەتىنىڭ تىلشىلەرى

　10 - ايدىڭ 1 - كۇنى ونسۋ اۋداندىق قاتىناس - تاسىمال مەكەمەسىنىڭ شاعىراق اۋىلى گۇلباق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ ۇلتتار ىنتىماعىنىڭ بىرلەسكەن دوستىق قيمىلىن ورىستەتتى، كادرلار مەن بۇقارا بىرگە ءدامدى تاعامنان اۋىز ءتيىپ، ىنتىماقتى تىلگە تيەك ەتىپ، مەملەكەت مەرەكەسىن تويلادى.

　　 سۋرەتتى ازەز سامساق تۇسىرگەن

مەملەكەت مەرەكەسى كەزىندە، رايونىمىزداعى ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى قيمىل ۇيىمداستىرۋ، جاعداي ۇعىسۋ، حال سۇراۋ، شارۋالاردىڭ كۇزگى جيىن - تەرىنىنە كومەكتەسۋ سياقتى كوپ ءتۇرلى فورمالارمەن ءار ۇلت بۇقاراسىمەن مەرەكەنى بىرگە وتكىزىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتتەرىمەن قارسى الدى.

ىنتىماقتاسا بىرلەسكەن دوستىق قيمىلىن وتكىزىپ، باقىتتى تىلگە تيەك ەتتى

10 - ايدىڭ 2 - كۇنى، شاپشال سىبە اۆتونوميالى اۋدانى كەن اۋىلى چىعىلىق قىستاعىنىڭ تۇرعىنى شامشقامار سىمايىلدىڭ وتباسىنان جايدارى كۇلكى، جارقىن ۇندەر ەمىس - ەمىس ەستىلىپ جاتتى.

”كەلىڭىزدەر، كەلىڭىزدەر، تاماق دايىن بولدى، بارلىقتارىڭىز وتىرىپ ءدام تاتىپ قايتىڭىزدار“. شاپشال سىبە اۆتونوميالى اۋدانى اۋىل شارۋاشىلىعى، اۋىل - قىستاق مەكەمەسىنەن چىعىلىق قىستاعىنا تۇسكەن ءبىرىنشى شۋجي، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى تان دۇڭچۋ كوپشىلىكتى كۇلە سويلەپ شاقىردى.

سول كۇنى، قىستاقتا تۇراتىن قىزمەت اترەتى مۇشەلەرى مەن قىستاق ”ەكى كوميتەتىندەگى“ كادرلار شامشقامار وتباسىنىڭ ءجۇزىم سورەسىنىڭ استىندا ”مەملەكەت مەرەكەسىن تويلاۋ، ءدامدى تاعامنان بىرگە اۋىز ءتيۋ“ ۇلتتار ىنتىماعى بىرلەسكەن دوستىق قيمىلىن وتكىزدى. كوپشىلىك بىرگە قورالانا وتىرىپ، ءدامدى تاعامنان اۋىز ءتيىپ، تۇرمىستاعى وزگەرىستەردى اڭگىمەلەدى. ”قازىر مەنىڭ ءبىر بالام قىزمەت ىستەدى، ەندى ءبىر بالام داشۋەگە ءوتتى، بۇگىنگى باقىتتى تۇرمىسىم پارتيانىڭ جاقسى ساياساتىنان ايىرىلا المايدى. بۇگىن مەملەكەت مەرەكەسى، ۇلى وتانىمىزدىڭ ءتىپتى دە كوركەيىپ - گۇلدەنۋىن تىلەيمىن“، - دەدى شامشقامار.

”گۇڭ شۋجي، ءسىز قيعان ’福‘ ءارىبى وتە ادەمى ەكەن، مىنا مەنىڭ قيعانىم قانداي ەكەن“؟ - دەدى 10 - ايدىڭ 3 - كۇنى كوكتوعاي اۋدانى قارابۇلعىن اۋىلى قاراتاس قىستاعىنىڭ قيما سۋرەت قوعامى قىزمەت كەڭسەسىندە قىستاق تۇرعىنى گۇلسارا جۇماقان كوكتوعاي اۋداندىق ەمدەۋدى قامتاماسىزداندىرۋ مەكەمەسى، كوكتوعاي اۋداندىق پارتكوم پارتيا تاريحىن زەرتتەۋ كەڭسەسى، جۇڭگو پوچتا توبى شەكتى سەرىكتەستىگى كوكتوعاي اۋداندىق بولىمشە سەرىكتەستىگىنەن بىرلەسىپ قاراتاس قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي گۇڭ جيانگوعا.

قاراتاس قىستاعى ەگىن، مال شارۋاشىلىعى بىرلەسكەن قىستاق، 2021 - جىلى قىستاقتىڭ كوللەكتيۆ ەكونوميكا كىرىسى 500 مىڭ يۋانعا جەتتى. سول جىلى قىستاق قيما سۋرەت قوعامىن قۇرىپ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرۋمەن بىرگە، قىستاق تۇرعىندارىنىڭ قيما سۋرەت ارقىلى تاماشا تۇرمىستارىن ەستەلىككە الىپ، قيما سۋرەت تۋىندىلارىن ساتۋ ارقىلى كىرىستەرىن ارتتىرۋىنا مۇمكىندىك جاسادى.

بيىل مەملەكەت مەرەكەسى دەمالىسى كەزىندە قىستاقتا تۇراتىن قىزمەت اترەتى ءار ۇلت قىستاق تۇرعىندارىن ۇيىمداستىرىپ، قيما سۋرەت قوعامى قىزمەت كەڭسەسىندە ”اۋەلگى ماقساتتى ’اماناتتاپ‘، ادال جۇرەكتى ’كەسكىندەۋ‘“ تاقىرىبىندا ۇلتتار ىنتىماعى بىرلەسكەن دوستىق قيمىلىن ورىستەتتى. ”پارتيانىڭ ابزال ساياساتىنىڭ ارقاسىندا، ءبىزدىڭ تۇرمىسىمىز بارعان سايىن جاقساردى، وسى تۋىندىلار كوپشىلىكتىڭ وتانعا دەگەن قويۋ سۇيىسپەنشىلىگىن توعىستىرىپ وتىر“، - دەدى گۇلسارا.

جاعداي ۇعىسىپ، حال سۇراپ، مەيىر جەتكىزدى

10 - ايدىڭ 3 - كۇنى قۇمىل قالاسى اراتۇرىك اۋداندىق ءتارتىپ تەكسەرۋ، باقىلاۋ - تەكسەرۋ كوميتەتىنەن اراتۇرىك قالاشىعى شيۋشۇييۋان الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قاراستى اۋماقتاعى جالعىز باستى قارتتارعا امانداسىپ، حال سۇراپ، ولارعا كۇرىش، ۇن، ماي سياقتى حال سۇراۋ بۇيىمدارىن جەتكىزىپ، مەملەكەت مەرەكەسىن قارتتارمەن بىرگە وتكىزدى.

بيىل 78 جاسقا كەلگەن جاڭ لانشيۋدىڭ كوزى جاقسى كورمەيتىندىكتەن، تۇرمىسىنا قولايسىز ەدى. سول كۇنى قىزمەت اترەتىنىڭ باستىعى رابيا انادۇل اترەت مۇشەلەرىن باستاپ قارتتىڭ ءۇيىن تازالادى، جاڭ لانشيۋ قارت قاتتى اسەرلەنىپ بىلاي دەدى: ”جايشىلىقتا دا سەندەر ۋاق - ۋاق كەلىپ امانداسىپ، كوپتەگەن تۇرمىس قيىنشىلىقتارىمدى شەشىپ بەردىڭدەر. سەندەر مەنىڭ تۋىسىمسىڭدار، سەندەرگە راقىمەت “!

سول كۇنى ماناس اۋدانى لىتۇ - ي قالاشىعى ۋىنجياجۋاڭ قىستاعىندا ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قيىنشىلىعى بار بۇقاراعا حال سۇراۋ بۇيىمدارى مەن مەرەكەلىك تىلەكتەرىن جەتكىزدى. ”ءبىز بۇگىن 10 نەشە وتباسىنداعى قارتتاردان جاعداي ۇعىستىق. جاعداي ۇعىسۋ ارقىلى ولاردىڭ قيىنشىلىعىن دەر كەزىندە ۇعىسىپ، ۋايىمنان، قيىنشىلىقتان ارىلتىپ، پارتيا مەن ۇكىمەتتىڭ قامقورلىعىن سەزىندىردىك”، - دەدى قىستاقتا تۇراتىن ءبىرىنشى شۋجي، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ۋي پيڭگۋاڭ.

ناقتى ءىس، جاقسى ءىس ىستەپ، جۇرت تىلەگىن ۇيىستىردى

بيىل اتۇش قالاسى ازاق قالاشىعى ازاق قىستاعىنان 7 وقۋشى داشۋەگە قابىلداندى. 10 - ايدىڭ 1 - كۇنى قىزىلسۋ قىرعىز اۆتونوميالى وبلىستىق ءتارتىپ تەكسەرۋ، باقىلاۋ - تەكسەرۋ كوميتەتىنەن ازاق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى وقۋعا كومەكتەسۋ قيمىلىن باستاپ، ءاربىر وقۋشىعا وقۋ كومەك قاراجاتىن تاراتىپ، ولاردى جاقسى وقىپ، بولاشاقتا وتاننىڭ تىرەكتى دارىندىسى بولۋعا جىگەرلەندىردى.

”قىزمەت اترەتىنىڭ جىگەرلەندىرگەنىنە ايرىقشا العىس ايتامىن. مەن، ءسوز جوق، كوپشىلىكتىڭ ءۇمىتىن اقتاپ، قۇلشىنا ۇيرەنىپ، ەرتەرەك دارىندى ادام بولامىن”، - دەدى نيڭبو داشۋەسىنە قابىلدانعان ابدۇزايىر ابىلا.

10 - ايدىڭ 3 - كۇنى بۇگۇر اۋدانى يەيۇنگوۋ اۋىلى اقتام قىستاعىندا بۇگۇر اۋداندىق مال شارۋاشىلىعى جانە مال دارىگەرلىگى پۋنكتىنەن وسى قىستاقتا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى اتىزدا قىستاق تۇرعىنى اينۇر كەرىمگە كومەكتەسىپ ماقتا تەردى.

”قازىر ءدال ماقتا تەرەتىن مەزگىل، قىستاق تۇرعىندارى تۇگەلدەي ماقتا تەرىپ قاربالاس. ءبىز وتباسىلارىن ارالاپ، جاعداي ۇعىسۋ بارىسىندا كەيبىر قىستاق تۇرعىندارىنىڭ ماقتا اتىزى وتە شاعىن، ماقتا تەرۋ ماشيناسى جۇرە المايتىنىن ءبىلىپ، ولارعا كومەكتەسىپ ماقتا تەردىك“، - دەدى بۇگۇر اۋداندىق مال شارۋاشىلىعى جانە مال دارىگەرلىگى پۋنكتىنەن اقتام قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋاڭ لى.

(ءتىلشى جازيرا نەسىپبەك، قاتىناسقان تىلشىلەر جاڭ تيڭ، دۋ جيانحۇي، سۇڭ ۋيگو، ۋي يۇڭگۇي، ەرىكتى ءتىلشى لي ۋىن)