11 - ايدىڭ 20 - كۇنى قۇرىلىسى اياقتالۋ الدىندا تۇرعان سۋ باستاۋ ينجەنەرياسى. سۋرەتتى ليۋ چۋانچي تۇسىرگەن
تيانشان تورى – شينجياڭ گازەتىنىڭ حابارى (ٴتىلشى حان لياڭ حابارلايدى) ”مىنا سۋ باستاۋ ينجەنەرياسى وتە جاقسى بولدى، بۇدان كەيىن مالدى، كوكونىس باقشاسىن سۋارۋدان الاڭدامايتىن بولدىق“. بۇراتالا قالاسى ۇتىبۇلاق قالاشىعى جيدەبۇلاق قىستاعىنىڭ تۇرعىنى ناسىنبات قىستاقتاعى سۋ باستاۋ ينجەنەرياسى جايلى ءسوز بولعاندا باس بارماعىن شىعارىپ القادى.
ناسىنبات ايتقان سۋ باستاۋ ينجەنەرياسى بۇراتالا موڭعۇل اۆتونوميالى وبلىستىق ٴتارتىپ تەكسەرۋ، باقىلاۋ ـ تەكسەرۋ كوميتەتىنىڭ بۇراتالا قالاسى ۇتىبۇلاق قالاشىعى جيدەبۇلاق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ قىستاق تۇرعىندارىنا ىستەپ بەرگەن ناقتى ٴىسى ەدى.
اۋىل – قىستاقتى گۇلدەندىرۋدە سۋ يگىلىگىنە كەپىلدىك ەتۋ كەرەك. سوڭعى جىلدارى جيدەبۇلاق قىستاعى قىستاقتى جاسىلداندىرۋ، كورىكتەندىرۋ اۋماعىنىڭ كەڭەيۋىنە، باعىمشىلىق كاسىبىنىڭ كۇن سايىن دامۋىنا ىلەسە، سۋ بايلىعى جاعىنان ”بوگەتكە“ جولىقتى. قىستاقتا تۇراتىن قىزمەت اترەتى بۇقارانىڭ جۇرەك ٴۇنىن تىڭداپ، تىرەكتىك رولىن تولىق ساۋلەلەندىرىپ، بۇراتالا وبلىسىنىڭ سۋ يگىلىگى تاراۋلارىمەن بىرگە سول جەردە تەكسەرۋ ـ زەرتتەۋ جۇرگىزۋ ارقىلى وسى قىستاقتان 10 كيلومەتر قاشىقتىقتاعى سۋ قاينارىن سۋ باستاۋ شاعىن ينجەنەرياسىنا ەنگىزۋدى ۇيعاردى. بۇل ينجەنەريا سالىنىپ بىتكەننەن كەيىن، قونىسقا جايلى، كاسىپكە ىڭعايلى جانە كورىكتى اۋىل ـ قىستاق قۇرىلىسىنا پايدالانىلاتىن سۋ ماسەلەسى ٴونىمدى تۇردە شەشىلەدى.
قۇرىلىس جۇرگىزىلۋ ۇستىندەگى سۋ باستاۋ ينجەنەرياسى (10 - ايدىڭ 15 - كۇنى تۇسىرىلگەن). سۋرەتتى ياڭ ليچىڭ تۇسىرگەن
”سۋ باستاۋ ينجەنەرياسى بيىل 9 ـ ايدان باستاپ قۇرىلىس جۇرگىزىپ، قىستاقتا بار شۇقاناقتاردان 3 سۋ ساقتاۋ كولشىگى وزگەرتىلىپ سالىندى. ٴاربىر سۋ ساقتاۋ كولشىگىنىڭ يەلەگەن جەر اۋماعى 15 مۋ اينالاسىندا بولىپ، 28 مىڭ تەكشە مەتر سۋ ساقتاۋعا بولادى. قىستاقتا تۇراتىن قىزمەت اترەتىنىڭ باستىعى، ٴبىرىنشى شۋجي چىن جىن بىلاي دەپ تانىستىردى: ينجەنەريا بيىل 12 ـ ايدا سالىنىپ بولادى، سۋ ساقتاۋ كولشىگى قىستا سۋ ساقتاعاننان كەيىن، جازدا سۋدان پايدالانۋدىڭ قاۋىرت مەزگىلىندە قىستاقتى جاسىلداندىرۋ، مال سۋارۋ، سۋ ونىمدەرى باعىمشىلىعى سياقتى قاجەتتەردى قاناعاتتاندىرا الادى.
”قىستاقتا تۇراتىن قىزمەت اترەتى مەن قىستاق ’ەكى كوميتەتى‘ اۋىل ـ قىستاقتى گۇلدەندىرۋ ستراتەگياسىن ىشكەرىلەي ىلگەرىلەتىپ، ولقىلىقتاردى تولىقتاۋعا، ٴالسىز تۇستاردى كۇشەيتۋگە تاباندى بولىپ، قونىسقا جايلى، كاسىپكە ىڭعايلى جانە كورىكتى اۋىل ـ قىستاق قاتارلى قۇرىلىس نىساندارىن ۇزدىكسىز كەمەلدەندىرىپ، ٴار ۇلت بۇقاراسىنىڭ تابىس سەزىمىن، باقىت سەزىمىن ۇزدىكسىز كۇشەيتەدى“، - دەدى چىن جىن قىستاقتىڭ دامۋىنا تولىق سەنىم ارتىپ.
اۋدارعان: قادىر ماقان