شام جۇمباعىن شەشتى، ياڭگى ءبيىن بيلەدى، كونسەرت كوردى

　　تيانشان الابى يۋانشياۋ مەرەكەسىن شات - شادىمان وتكىزدى

　□ انار بۇلت \شينجياڭ گازەتىنىڭ تىلشىلەرى

الۋان ءتۇستى شامدار اعاشتى گۇلدەي قۇلپىرتىپ، كوزدىڭ جاۋىن الاتىن گۇلدەر ءتۇندى جايناتتى. يۋانشياۋ مەرەكەسى تاياعان ساتتە رايونىمىزدىڭ جەر - جەرى باي مازمۇندى قيمىل وتكىزىپ، قۋانىشتى مەرەكەنى دىر - دۋمانمەن قارسى الدى.

يۋانشياۋ مەرەكەسى قارساڭىندا، ءۇرىمجى جوعارى، جاڭا تەحنيكالىق كاسىپ سالاسىن اشۋ رايونىنداعى (جاڭا قالا رايونى) الەۋمەتتىك اۋماقتار باي مازمۇندى، الۋان ءتۇرلى جاڭا جىل سالت - سانا مادەنيەتى جانە مادەني كوڭىل اشۋ قيمىلدارىن ورىستەتتى.

شام جۇمباعىن شەشتى، ويىن وينادى، تاڭيۋان جەدى... 2 - ايدىڭ 3 - كۇنى تۇستەن بۇرىن ءۇرىمجى قالالىق مادەنيەت جانە ساياحات مەكەمەسىنىڭ (قالالىق مادەني ەسكەرتكىشتەر مەكەمەسى) ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) نانۋي جولى ءمالىسى بەيۋي 1 - جولى الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى الەۋمەتتىك اۋماقپەن بىرلەسىپ، ”يۋانشياۋ مەرەكەسىندە سيلىقتى شام جۇمباعىن شەشۋ“ قيمىلىن ورىستەتىپ، قىرۋار تۇرعىندى ىنتالى بەينەمەن قاتىناسۋعا باۋرادى.

قيمىل الاڭىندا 54 جاستاعى گو يۇڭچي جۇزىنەن كۇلكى ءۇيىرىلىپ: ”بۇل ارا مەرەكەلىك ءتۇس كورنەكتىلەندىرىلىپ، ەرەكشە ورنالاستىرىلىپتى! شام جۇمباعىن شەشكەننەن كەيىن عانا، كوكتەم مەرەكەسى كەمەلدى بولادى“، - دەدى.

2 - ايدىڭ 3 - كۇنى ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) باجياحۋ ءمالىسىنىڭ حۇڭياڭ الەۋمەتتىك اۋماعىندا ”’ۇلتتار ىنتىماعىنىڭ بەرەكەلى شاڭىراعى‘ ادەبيەت - كوركەمونەر كونسەرتىن الەۋمەتتىك اۋماققا جەتكىزىپ، شينجياڭدى مادەنيەتپەن نارلەندىرىپ، جۇرت جۇرەگىن سۋسىنداتۋ“ اتىنداعى الەۋمەتتىك يگىلىك كونسەرتى دۋماندى باستالدى. 20 نەشە تارتىمدى كونسەرت ءنومىرى ارقىلى تۇرعىندارعا مەرەكەلىك مادەنيەتتىڭ ”مول داستارقانى“ جايىلدى. سول كۇنى ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) ىرگۇڭ اۋىلى نيڭبو كوشەسى الەۋمەتتىك اۋماعىنىڭ جاڭا ءداۋىر وركەنيەتىن امالياتتا ايگىلەۋ پۋنكتىندەگى قارتتاردى كۇتىمدەۋگە قىزمەت وتەۋ ورتالىعى ”يۋانشياۋ مەرەكەسىن شات - شادىمان وتكىزىپ، مەيىرمەن تاڭيۋان ۇسىنۋ“ اتىنداعى ەرىكتى قىزمەت وتەۋ قيمىلىن ورىستەتتى. الەۋمەتتىك اۋماقتاعى 30 نەشە ەرىكتى مەن 40 نەشە ساقا پارتيا مۇشەسى بىرگە شام جۇمباعىن شەشىپ، يۋانشياۋ دايىندادى.

”ءبارىمىز بىرگە يۋانشياۋ دايىندادىق، شام جۇمباعىن شەشتىك، بيىلعى يۋانشياۋ مەرەكەسى ءماندى دە كوڭىلدى ءوتتى“، - دەدى 71 جاستاعى ساقا پارتيا مۇشەسى جاۋ شۋشيا.

ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) ليۋشىحۋ اۋىلى شيڭحو قىستاعىنىڭ تۇرعىندار كوميتەتىندە قىستاق تۇرعىندارى جانە بيڭتۋان 12 - شىسى 1 - مامىر ەگىس الاڭى 2 - ليانىندەگى كادر - قىزمەتكەرلەر قورالانا وتىرىپ، يۋانشياۋ دايىنداپ، اڭگىمە دۇكەنىن قۇردى... بيڭتۋان مەن جەرگىلىكتى ورىن دوستىقپەن يۋانشياۋ دۋمانىن اسىرىپ، ۇلتتار ىنتىماعى سۇيىسپەنشىلىگى ءتىپتى قويۋلاي ءتۇستى بىرلەسكەن دوستىق قيمىلى الاڭىنان شاتتىق كۇلكىسى كوتەرىلدى.

بارابان سوعىپ، شاتتانا ياڭگى بيىنە باستى. ءۇرىمجى جوعارى، جاڭا تەحنيكالىق كاسىپ سالاسىن اشۋ رايونى (جاڭا قالا رايونى) ىرگۇڭ اۋىلىنىڭ جيڭشۋان الەۋمەتتىك اۋماعىنداعى ءساندى كيىنگەن ياڭگى ءبيى اترەتىنىڭ مۇشەلەرى الۋان ءتۇرلى شارشى توبى مەن تۇرلەرىن قۇبىلتۋ ارقىلى بۇقاراعا قۋانىش جانە شاتتىق سيلادى.

2 - ايدىڭ 4 - كۇنى اقسۋ قالالىق قوعام حاۋىپسىزدىگى مەكەمەسى وسى قالانىڭ شينچىڭ مالىسىمەن بىرگە ”يۋانشياۋ قۋانىشتى ساۋىق كەشى“ قيمىلىن ورىستەتتى، حالىق ساقشىلارى مەن تۇرعىندار شام جۇمباعىن شەشىپ، اشەكەيلى شام جاساپ، دوڭگەلەك جەلپۋىش سىزىپ، قۋانىشتى يۋانشياۋ مەرەكەسىن بىرگە تويلادى.

شينچىڭ مالىسىندەگى ”شام جۇمباعى ءدالىزى“ تۇمشالامالى شامدار مەن 100 نەشە جۇمباققا تولدى، جۇمباقتار پارتيا 20 - قۇرىلتايىنىڭ رۋحى، سوتسياليستىك وزەكتى قۇن كوزقاراسى، تۇرمىستىق ساۋاتتار، عىلىم جالپىلاستىرۋ بىلىمدەرى سياقتى مازمۇنداردى قامتيدى. ولار توپ - توبىمەن، سەرىكتەرىمەن بىرگە جۇمباق شەشتى، جۇمباق شەشكەن بالالار تاعاتسىزدانا سيلىق بۇيىمدارىن ايىرباستاپ، قيمىل وتكىزىلگەن جەر شاتتىققا شومدى.

”دوڭگەلەك جەلپۋىش ءبىر اراعا باس قوسىپ، تاتۋ - ءتاتتى ءوتۋ، قۇت - ىرىس ۇيالاۋ دەگەن ماعىنانى بىلدىرەدى. الدىمەن اسپاننان باستاپ سىزايىق“... حالىق ساقشىلارى دوڭگەلەك جەلپۋىش جاساۋ ءادىسىن دەن قويا ءتۇسىندىردى. بالالار تاعاتسىزدانا اپپاق دوڭگەلەك جەلپۋىش بەتىندە ەلىكتەپ سۋرەت سالىپ جانە تۋىندى شىعارىپ، مىڭ بوياۋلى دوڭگەلەك جەلپۋىش سۋرەتىن سالدى.

2 - ايدىڭ 3 - كۇنى مارالباسى اۋداندىق قوعام حاۋىپسىزدىگى مەكەمەسىنىڭ سانچاكوۋ قوعام حاۋىپسىزدىگى تەكسەرۋ پۋنكتىندە وسى اۋدانداعى ”انار گۇلى اشىلدى“ اتتى الەۋمەتتىك يگىلىك ۇجىمىنىڭ ەرىكتىلەرى بۋى بۇرقىراعان تاڭيۋاندى مىندەت وتەپ جاتقان حالىق ساقشىلارىنا ۇسىندى.

”تاڭيۋان ءدامدى دە ءتاتتى ەكەن. مەرەكەدە ۇيدەگىلەرمەن باس قوسا الماسام دا، بۇقارامەن بىرگە مەرەكە وتكىزۋدىڭ ءوزى دە وزگەشە باس قوسۋ سانالادى“، - دەدى وسى قوعام حاۋىپسىزدىگى تەكسەرۋ پۋنكتىنىڭ باستىعى جاڭ لەي.

2 - ايدىڭ 3 - كۇنى تۇستەن كەيىن بۋىرشىن اۋداندىق ءادىليا مەكەمەسى وسى اۋداننىڭ ءورت ءوشىرۋ، ورتتەن ساقتانۋ، قۇتقارۋ - كومەكتەسۋ تاراۋىمەن جانە بۋىرشىن قالاشىعىنىڭ جينحى الەۋمەتتىك اۋماعىمەن بىرلەسىپ، ”يۋانشياۋدى كوڭىلدى وتكىزەيىك . زاڭمەن باسقارۋ ساپارىندا بىرگە بولايىق“ نەگىزگى تاقىرىپتىق قيمىلىن ورىستەتتى. بۇل جولعى قيمىلدا 50 نەشە ”زاڭمەن باسقارۋعا قاتىستى شام جۇمباعى“ جاسالدى. بۇلار نەگىزگى زاڭ، ازاماتتىق زاڭناما سياقتى مازمۇندارعا سايادى، كوڭىلدىلىك سيلايتىن تاربيەلەۋ فورماسى زاڭمەن باسقارۋ ۇگىت قيمىلىنىڭ تارتىمدىلىعى مەن ات سالىسۋ دەڭگەيىن جوعارىلاتتى.

2 - ايدىڭ 1 - كۇنى تۇستەن بۇرىن تۇرپان قالاسى ءپىشان اۋدانى ءپىشان قالاشىعى شوقىتام قىستاعى تۇرعىندار كوميتەتىنىڭ قيمىل بولمەسىنەن كوڭىلدى كۇلكى، شادىمان ۇندەر ەستىلىپ تۇردى. بۇل ارادا ”شەبەر قولمەن تۇمشالامالى شام جاساپ، جۇڭحۋا سۇيىسپەنشىلىگىن جالعاستىرۋ“ قيمىلى وتكىزىلۋدە.

سول كۇنى قىستاق كادرلارى، اۋىلعا ورالعان جوعارى مەكتەپ وقۋشىلارى جانە قىستاقتاعى بالاقايلار ءبىر ارادا باس قوستى. كوپشىلىك ءتۇرلى ماتەريالداردان پايدالانىپ، ورناتۋ، بەكىتۋ، قۇراستىرۋ ارقىلى حۇڭباۋلاردى الۋان ءپىشىندى يۋانشياۋ تۇمشالامالى شامىنا اينالدىردى، وسى ارادا شات مەرەيلى مەرەكەلىك لەپ ەستى.

(تىلشىلەر لي لي، جاۋ يۋە، سۇي يۇنيان، جاڭ رۇيلين، پراكتيكانت جاڭ مو، ەرىكتى ءتىلشى زۋارگۇل قادىر)