5 ـ ايدىڭ 6 ـ كۇنى التاي قالاسى الاقاق قالاشىعى كوگەرتۋ قىستاعىنىڭ قىستاق تۇرعىندار كوميتەتى ەرەكشە دۋمانعا بولەندى، قىستاق تۇرعىندارى تاۋىق قاپاسىن، قاعاز جاشىگىن كوتەرىپ، شوجە مەن جەمىس اعاشى قالامشاسىن الۋدى تارتىپپەن كۇتۋدە، جۇرتشىلىقتىڭ جۇزىنەن قۋانىش لەبى ەسەدى.”اۋىل ـ قىستاقتى گۇلدەندىرۋ ساياساتى جاقسى بولدى، وسى جولى قىزمەت اترەتى بىزگە شوجە، جەمىس اعاشى قالامشاسىن تەگىن تاراتتى. بۇدان كەيىن اۋلا شارۋاشىلىعىن ويداعىداي دامىتىپ، تۇرمىسىمدى بارعان سايىن جاقسارتۋعا قۇلشىنامىن“، ـ دەدى الاقاق قالاشىعى كوگەرتۋ قىستاعىنىڭ تۇرعىنى بولاتبەك باعداۋلەت.

تاراتۋ ورنىندا قىستاق كادرلارى مەن ”ۇعىسۋ ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرى قىستاق تۇرعىندارىنا باعىمشىلىق بارىسىندا كوڭىل بولۋگە ٴتيىستى ىستەردى ٴتۇسىندىردى ٴارى قىستاق تۇرعىندارىنا اۋىل ـ قىستاق قونىس ورتاسى تازالىعىن ساقتاپ، اۋقاتتانۋ مەن كوركەمدىكتى قاتار ىلگەرىلەتۋدى ەسكەرتتى. قىستاق شوجە تاراتۋ ارقىلى قىستاق تۇرعىندارىنىڭ باعىمشىلىقتى دامىتۋ ىنتاسىن قوزعاپ، كىرىستى ارتتىرۋ ارناسىن كەڭەيتىپ، ”قان جاساۋ ۇلگىسىندەگى“ كومەكتەسۋ ـ سۇيەمەلدەۋدى شىن مانىندە جۇزەگە اسىردى، سونداي ـ اق تەحنيكالىق جەتەكشىلىك ەتۋ قىزمەت وتەۋىمەن دەر كەزىندە قامداپ، قىستاق تۇرعىندارىنىڭ قوس قولىنا سۇيەنىپ كىرىسىن ارتتىرىپ، اۋقاتتانۋىنا مۇمكىندىك جاسادى. ۇعىسۋعا قاراعاندا، التاي قالالىق اۋىل شارۋاشىلىعى، اۋىل - قىستاق مەكەمەسىنىڭ الاقاق قالاشىعى كوگەرتۋ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ٴوز باسىمدىعىن ساۋلەلەندىرىپ، قىزمەت اترەتىنىڭ قاراجاتىنان پايدالانىپ، قىستاق تۇرعىندارىنا 400 شوجە، 222 ٴتۇپ جەمىس اعاشى قالامشاسىن تەگىن تاراتقان.

التاي قالالىق اۋىل شارۋاشىلىعى، اۋىل - قىستاق مەكەمەسىنىڭ الاقاق قالاشىعى كوگەرتۋ قىستاعىندا تۇراتىن ”ۇعىسۋ ، تيىمدىلىك جاساۋ ، توعىستىرۋ“ قىزمەت اترەتىنىڭ باستىعى، ٴبىرىنشى شۋجي ٴشارىپ جۇماي بىلاي دەدى: ”كەلەسى قادامدا شوجە باعۋ جانە ىندەتتەن ساقتانۋعا جەتەكشىلىك ەتۋ قىزمەتىن ۇزدىكسىز جاقسى ىستەپ، قىستاق تۇرعىندارىن اۋلا شارۋاشىلىعىن بەلسەنە دامىتۋعا ىشكەرىلەي جەتەكتەپ، ناقتى شارالار ارقىلى حالىققا تيىمدىلىك جاساۋ ساياساتتارىن ناقتى تياناقتاندىرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتامىز“ ، ـ دەدى. (ەرىكتى ٴتىلشى لۋ شۋليڭ)