جۋىردا، ءپىشان اۋدانىنىڭ ءجۇزىمى بىرتىندەپ پىسا باستادى، تۇرپان كاسىپتىك تەحنيكالىق شۋەيۋانىنىڭ ءپىشان اۋدانى تۇيىق اۋىلى ياڭحايشيا قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن قىستاق ”ەكى كوميتەتى“ پارمەندى، ءونىمدى شارالاردى قولدانىپ ءجۇزىم ساۋدالاۋدىڭ ارناسىن كەڭەيتىپ، كوپ ءتۇرلى شارانى قاتار قولدانىپ ءجۇزىم كاسىپ سالاسىن دامىتىپ، قىستاق تۇرعىندارىنىڭ اۋقاتتانىپ، كىرىستەرىن ارتتىرۋىنا دەم بەردى.

”قىستاققا كەلىپ جاس ءجۇزىمدى ساتىپ العاندار بار، جاس ءجۇزىمدى ساتقانىما ەكى كۇن بولدى، جالپى 100 قورابىن ساتىپ، 17 مىڭ 500 يۋان كىرىس كىرگىزدىم. بيىل وتباسىمىزدىڭ ءجۇزىمى جاقسى ءونىم بەرگەنى قىزمەت اترەتىنىڭ الدىن الا ءجۇزىم ۇيمەسىن اشۋدان بۇرىن اۋىل شارۋاشىلىق تەحنيكاسى مامانىمەن بايلانىس جاساپ، بىزگە اقىسىز كۋرس اشىپ بەرگەنىنىڭ ارقاسى بولىپ وتىر. ماماننىڭ نازاريالىق تۇسىندىرمەسى مەن ناق مايدانداعى تەحنيكالىق جەتەكشىلىگىنىڭ ارقاسىندا ءجۇزىم ەگۋ تەحنيكام مەن ءجۇزىمىمنىڭ ساپاسى ەداۋىر جوعارىلادى“،- دەدى قىستاق تۇرعىنى الەت رازاق قۋانا.

ياڭحايشيا قىستاعى قىزمەت اترەتىنىڭ باستىعى، ءبىرىنشى شۋجي اركىن حالەل بىلاي دەدى: ”قىستاق تۇرعىندارىنىڭ جاس ءجۇزىمدى ساتۋ قىزمەتىن اناعۇرلىم ويداعىداي ىستەۋىنە دەم بەرۋ ءۇشىن ءبىز الدىن الا جەر - جەردەگى ءجۇزىم ساتىپ الاتىن ساۋداگەرلەرمەن بايلانىس جاساپ، ’تاپسىرىس +‘ ۇلگىسى ارقىلى جاس ءجۇزىمنىڭ ساتىلۋىن جوعارىلاتىپ، قىستاق تۇرعىندارىنىڭ كىرىسىن ارتتىرۋدى جەبەپ، اۋىل - قىستاقتى گۇلدەندىرۋگە دەم بەردىك، بيىل مەجەمەن 10 مىڭ توننا جاس ءجۇزىم ساتىلادى“. (ەرىكتى ءتىلشى ما جياحاۋ)