ەرىكتى ٴتىلشى حۋا يانميڭ چاپچالدان حابارلايدى. تاياۋدا چاپچال سىبە اۆتونوميالى اۋدانى سايۋيشى ەگىن ـ ورمان شارۋاشىلىعى كاسىپتىك سەلبەستىك كووپەراتيۆىنىڭ جەمىس باعىندا جايقالا وسكەن جەمىس اعاشتارىنان ٴتاتتى جەمىستىڭ ٴيىسى اڭقيدى.
چاپچال اۋداندىق باجى مەكەمەسىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا سەگىزسۇمىن اۋىلى سەگىزسۇمىن قىستاعىندا تۇراتىن قىزمەت اترەتىنىڭ مۇشەلەرى مەن باقتاشىلار الما ٴۇزدى. ۇزىلگەن شەلەك - شەلەك المالار ٴبىر دەمدە ىرىكتەلىپ جاشىككە سالىندى، دۋماندى دا رەتتى ەڭبەك ۇستىندە باقتاشىلاردىڭ جۇزىنەن مول ٴونىم قۋانىشى ەسەدى.
سايۋيشى ەگىن، ورمان شارۋاشىلىعى كاسىپتىك سەلبەستىك كووپەراتيۆىنىڭ القا باستىعى ليۋ يىڭ بىلاي دەپ تانىستىردى: سەلبەستىك كووپەراتيۆى 2016 ـ جىلى قۇرىلعان، جەمىس باقتىڭ كولەمى 3000 مۋ، چاپچال اۋدانىندا 5 بازاعا ٴبولىنىپ ورنالاسقان، قازىر حۋاشو، حۇڭگايلۋ، ميسۇي، چيسۇي، شيشىحۇڭ، ارچيۋزى سياقتى 6 الما سورتى، سونداي ـ اق قارا ورىك، بۇتاعىندا قۇرعايتىن ورىك سياقتى ەرەكشە سورتتار بار. بيىل جالپى ٴونىم 500 توننادان، قارا ورىكتىڭ جالپى ٴونىمى 100 توننادان اسىپ، جىلدىق ساتىلىم سوماسى 8 ميلليون يۋاننان اسادى دەپ مەجەلەنۋدە.
سۋرەتتە: الما ۇزۋدەن كورىنىس.
حۋا يانميڭ فوتوسى