2023 - جىلى 1 - ايدىڭ 5 - كۇنى ىلە قازاق اۆتونوميالى وبلىستىق 15 - كەزەكتى حالىق قۇرىلتايى 2 - ٴماجىلىسى ٴتوراعالار القاسىنىڭ 2 - جيىنىندا جاسالدى

اۆتونوميالى وبلىستىق 15 - كەزەكتى حالىق قۇرىلتايى زاڭ - ٴتۇزىم كوميتەتىنىڭ مەڭگەرۋشىسى جاڭارسىن نۇراش ۇلى

قۇرىلتاي ٴتوراعالار القاسى: 

اۆتونوميالى وبلىستىق 15 - كەزەكتى حالىق قۇرىلتايى زاڭ - ٴتۇزىم كوميتەتىنىڭ تاپسىرۋىمەن «ىلە وزەنى الابىندا جەر اشۋدى باسقارۋ ەرەجەسىن» (جەكە ەرەجەنى) كۇشىنەن قالدىرۋ جونىندە مىناداي تۇسىنىك جاسايمىز:

2006 - جىلى 2 - ايدىڭ 22 - كۇنى اۆتونوميالى وبلىستىق 11 - كەزەكتى حالىق قۇرىلتايىنىڭ 4 - ٴماجىلىسى «ىلە وزەنى الابىندا جەر اشۋدى باسقارۋ ەرەجەسىن» (تومەندە قىسقاشا «ەرەجە» دەلىنەدى) قاراپ ماقۇلدادى، 2006 - جىلى 9 - ايدىڭ 29 - كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ 26 - ماجىلىسىندە بەكىتىلىپ، 2006 - جىلى 12 - ايدىڭ 1 - كۇنىنەن باستاپ اتقارىلعان. «ەرەجە» اتقارىلعان 16 جىلدا ىلە وزەنى الابىندا جەر بايلىعىن باسقارۋدى، جەردەن ۇيلەسىمدى پايدالانۋدى كۇشەيتۋدە بەلسەندى جەبەۋ جانە قامتاماسىزداندىرۋ رولىن اتقاردى. ٴبىراق «جۇڭحۋا حالىق رەسپۋبليكاسىنىڭ جەر باسقارۋ زاڭى (وزگەرىس ەنگىزىلگەن جوبا)» جانە «جۇڭحۋا حالىق رەسپۋبليكاسىنىڭ جەر باسقارۋ زاڭىن اتقارۋ جونىندەگى ەرەجەسىنىڭ (وزگەرىس ەنگىزىلگەن جوبا)» شىعارىلۋىنا ساي، «ەرەجەنىڭ» كوپتەگەن تارماقتارى وزگەرىس ەنگىزىلگەننەن كەيىنگى جوعارىداعى زاڭدارمەن بىردەي بولماعاندىقتان، ونىڭ ۇستىنە «جۇڭحۋا حالىق رەسپۋبليكاسى جەر باسقارۋ زاڭىن اتقارۋ جونىندەگى ەرەجەسىنىڭ» مازمۇنى «ەرەجەدەگى» رەتتەلگەن مازمۇندى ٴوز ىشىنە الاتىندىقتان بۇدان بىلاي ىلە وزەنى الابىندا جەردى قورعاۋ، اشۋدى باسقارۋ قىزمەتى بارىسىندا مەملەكەتتىڭ قاتىستى زاڭدارى مەن اكىمشىلىك زاڭ - ەرەجەلەرى اتقارىلسا بولعانى، «ەرەجە» قازىرگى جاڭا جاعدايدىڭ، جاڭا مىندەتتىڭ تالابىنا ۇيلەسپەي قالعاندىعى سەبەپتى ونى كۇشىنەن قالدىرۋعا تۋرا كەلەدى.

سوندىقتان، 2022 - جىلى 12 - ايدا اۆتونوميالى وبلىستىق حالىق ۇكىمەتى اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتىنىڭ 5 - ماجىلىسىنە «<ىلە وزەنى الابىندا جەر اشۋدى باسقارۋ ەرەجەسىن> كۇشىنەن قالدىرۋ جونىندەگى كەڭەس جوباسىن» قاراۋعا ۇسىنعان.

2023 - جىلى 1 - ايدىڭ 3 - كۇنى اۆتونوميالى وبلىستىق 15 - كەزەكتى حالىق قۇرىلتايىنىڭ زاڭ - ٴتۇزىم كوميتەتى ٴماجىلىس اشىپ، كەڭەس جوبالاردى قارادى. زاڭ - ٴتۇزىم كوميتەتى بىلاي دەپ قارادى: جەرگىلىكتى زاڭ - ەرەجەلەردىڭ پارتيا ورتالىق كوميتەتىنىڭ قاتىستى رۋحىمەن، زاڭدارىمەن، اكىمشىلىك زاڭ - ەرەجەلەرىمەن بىردەي بولۋىنا شىنايى كەپىلدىك ەتىپ، مەملەكەتتىڭ زاڭ - تۇزىمدەرىنىڭ بىرلىگىن شىنايى قورعاپ، «ەرەجەنى» كۇشىنەن قالدىرۋ توتەنشە قاجەتتى، كۇشىنەن قالدىرىلعان جوبالاردى قۇپتايمىز دەلىنىپ، اۆتونوميالى وبلىستىق 15 - كەزەكتى حالىق قۇرىلتايى تۇراقتى كوميتەتى 5 - ٴماجىلىسىنىڭ قاراۋىمەن اۆتونوميالى وبلىستىق 15 - كەزەكتى حالىق قۇرىلتايى 2 - ٴماجىلىسىنىڭ قاراۋىنا ۇسىنۋ ۇيعارىلعان - دى.

زاڭ - ٴتۇزىم كوميتەتى تۇراقتى كوميتەت قۇرامىنداعىلاردىڭ قاراپ شىققان پىكىرىنە ساي، ىلە قازاق اۆتونوميالى وبلىستىق 15 - كەزەكتى حالىق قۇرىلتايىنىڭ «ىلە وزەنى الابىندا جەر اشۋدى باسقارۋ ەرەجەسىن» كۇشىنەن قالدىرۋ جونىندەگى قاۋلىسىن (جوبا) العا قويىپ، وسى رەتكى ٴتوراعالار القاسى ٴماجىلىسىنىڭ قاراۋىنا ۇسىنعان سوڭ، ٴماجىلىستىڭ داۋىسقا سالۋىنا ۇسىندى. 

جوعارىداعى تۇسىنىكتى قاۋلى جوباسىمەن بىرگە قاراپ شىعۋلارىڭىزدى ۇسىنامىز.