چياۋمين ىستەرى قىزمەتىن ويداعىداي ىستەپ، ۇلتتىڭ گۇلدەنۋىنە كۇش - قۋاتىمىزدى ارنايىق

− جاڭا ٴداۋىردىڭ 10 جىلىنداعى چياۋمين ىستەرى قىزمەتىنىڭ تابىستارى جونىندە جالپى شولۋ

چياۋمين ىستەرى قىزمەتى − پارتيا مەن مەملەكەتتىڭ ۇزاق ۋاقىتتىق سيپاتتى، ستراتەگيالىق سيپاتتى قىزمەتى، قاشاندا مەملەكەتتىڭ دامۋ كەلەلى جاعدايىمەن ەتەنە بايلانىستى بولىپ، ەكونوميكانىڭ، قوعامنىڭ دامۋىمەن تىعىز ۇشتاسىپ جاتادى.

پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ەل ٴىشى، حالىقارا سىندى ەكى كەلەلى جاعدايدى ٴبىر تۇتاس جوسپارلاپ، چياۋمين ىستەرى قىزمەتىن ويداعىداي ىستەۋ، چياۋميندەردىڭ تىلەگىن، چياۋميندەردىڭ كۇش - قۋاتىن ۇيىستىرۋ ارقىلى جۇڭگو ارمانىن جۇزەگە اسىرۋ جولىندا قۇلشىنۋ جونىندە جاڭا ورنالاستىرۋ جاسادى، جاڭا تالاپ قويدى.

جەر - جەر جانە قاتىستى تاراۋلار پارتيا مەن مەملەكەتتىڭ چياۋمين ىستەرى قىزمەتى باعىتىن، ساياساتىن جانە چياۋميندەرگە قاتىستى زاڭدار مەن زاڭ - ەرەجەلەردى جاپپاي دايەكتىلەندىرىپ، مەملەكەتتىڭ دامۋ كەلەلى جاعدايىن تىعىز ارقاۋ ەتىپ، شەتەلدەردەگى چياۋباۋلارمەن جانە وتانعا ورالعان چياۋميندەرمەن، چياۋميندەردىڭ تۋىس - تۋعاندارىمەن بايلانىستى جيىلەتىپ، شەتەلدەردەگى چياۋباۋلاردىڭ ەلىمىزدىڭ ٴار سالاداعى اۋىس - كۇيىسىنە، سەلبەستىگىنە ات سالىسۋىن زور كۇشپەن ىلگەرىلەتىپ، چياۋميندەرگە قىزمەت وتەۋ شارالارىن ۇزدىكسىز تەرەڭدەتىپ، چياۋمين ىستەرى قىزمەتىندە كورنەكتى ونىمدىلىككە قول جەتكىزدى.

تۋ ۇستاپ، باعدار بەلگىلەپ، جالپى تۇلعالىق جاقتان ىلگەرىلەتتى

2020 - جىلى 10 - ايدا گۋاڭدۇڭدا قىزمەت تەكسەرگەن باس شۋجي شي جينپيڭ چاۋشان چياۋميندەر مەكەنىنىڭ ەرەكشەلىگىنە يە چياۋميندەر حات - شەك مادەني ەسكەرتكىش سارايىنا باردى. ەسكەرتكىش سارايدىڭ سول كەزدەگى باستىعى لين چيڭشي باس شۋجي شي جينپيڭگە حات - شەك جازۋدىڭ، حات - شەك جولداۋدىڭ، حات - شەك جەتكىزۋدىڭ، حاتقا جاۋاپ قايتارۋدىڭ ناقتى ٴتارتىبىن، سونداي - اق ”چياۋميندەر حات - شەگىنىڭ“ استارىنداعى اسەرلى اڭگىمەلەردى ەگجەي - تەگجەيلى تانىستىردى.

”ٴبىزدىڭ رەفورما جاساۋىمىزدى، ەسىك اشۋىمىزدى جانە دامىپ، كوركەيۋ ىستەرىمىزدى اتا مەكەنمەن كوڭىلى توعىسقان، جۇرەگى وتان دەپ سوققان قىرۋار حۋاچياۋلاردان بولە قاراۋعا كەلمەيدى“.

باس شۋجي شي جينپيڭ قاتتى اسەرلەندى، ”حۋاچياۋلاردىڭ ٴبىر ماڭىزدى ەرەكشەلىگى وتاندى سۇيەدى، اتا مەكەندى سۇيەدى، ولار وزگە جەردە جاپا - ماشاقاتتى باستان كەشىپ، قاجىرلىلىقپەن شارۋاشىلىق قۇرىپ، قايسارلىقپەن تىرشىلىك كەشىرىپ كەلدى، ورنىققاننان كەيىن دە ٴوزىنىڭ اتا مەكەنى مەن تۋىس - تۋعاندارىن باياعىداي كوكەيدە ساقتاپ، ٴبىر جارماق اقشاسى بولسا ٴبىر جارماق اقشاسىن جىبەردى، 10 جارماق اقشاسى بولسا 10 جارماق اقشاسىن جىبەردى. مىنە، بۇل جۇڭگولىقتار، جۇڭگو مادەنيەتى، جۇڭگو رۋحى، جۇڭگو جۇرەگى“.

پارتيا 18 - قۇرىلتايىنان بەرى باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ستراتەگيالىق وي - ارمانىمەن ”ىنتىماقتى، ٴبىر تۇتاس جۇڭحۋا ۇلتى − ەل ٴىشى - سىرتىنداعى جۇڭحۋا پەرزەنتتەرىنىڭ ورتاق تامىرى، كەنىشتى دە شۇرايلى جۇڭحۋا مادەنيەتى − ەل ٴىشى - سىرتىنداعى جۇڭحۋا پەرزەنتتەرىنىڭ ورتاق جانى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − ەل ٴىشى - سىرتىنداعى جۇڭحۋا پەرزەنتتەرىنىڭ ورتاق ارمانى“ دەگەن ماڭىزدى بايىمداۋدى العا قويىپ، ”ەل ٴىشى - سىرتىنداعى قالىڭ چياۋباۋلاردى جانە وتانعا ورالعان چياۋميندەردى، چياۋميندەردىڭ تۋىس - تۋعاندارىن تىعىز ىنتىماقتاستىرىپ، ولاردىڭ جۇڭحۋا ۇلتىنىڭ ۇلى گۇلدەنۋىندەگى بەلسەندى رولىن ساۋلەلەندىرۋ − پارتيا مەن مەملەكەتتىڭ ٴبىر ماڭىزدى قىزمەتى“ ەكەندىگىن باسا دارىپتەدى. 2022 - جىلعى ورتالىقتىڭ بىرلىكساپ قىزمەتى ماجىلىسىندە باس شۋجي شي جينپيڭ ەل ٴىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋىن جەبەپ، جۇڭحۋا ۇلتىنىڭ ۇلى گۇلدەنۋىنە ۇلى كۇش توپتاۋدى ايقىن تالاپ ەتتى. پارتيا 20 - قۇرىلتايىنىڭ بايانداماسىندا: ”چياۋمين ىستەرى قىزمەتىن كۇشەيتىپ جانە جاقسارتىپ، ۇلتتىڭ گۇلدەنۋىنە بىرگە كۇش سالاتىن قۇدىرەتتى كۇش قالىپتاستىرۋ كەرەك“ دەپ العا قويىلدى.

وسى ماڭىزدى بايىمداۋلار جانە شەشىمدەر مەن ورنالاستىرۋلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ چياۋمين ىستەرى قىزمەتىنە ايرىقشا ٴمان بەرەتىندىگىن تولىق ايگىلەپ، چياۋمين ىستەرى قىزمەتىن ويداعىداي ىستەۋگە عىلمي جەتەكشىلىك جانە ٴتۇبىرلى بويسۇنۋ ولشەمىن ازىرلەدى.

پارتيا ورتالىق كوميتەتىنىڭ پارمەندى باسشىلىعىندا چياۋمين ىستەرى قىزمەتىندە جوعارى دەڭگەيدە جوبالاۋ جانە جالپى تۇلعالىق جوسپارلاۋ كۇشەيتىلىپ، ٴتۇزىلىس - مەحانيزم رەفورماسى ٴساتتى ىلگەرىلەتىلدى.

− مەملەكەتتىك چياۋمين ىستەرى قىزمەت ٴماجىلىسى اشىلىپ، چياۋمين ىستەرى قىزمەتىن رەفورمالاۋ، دامىتۋ جونىندە ٴبىر تۇتاس ورنالاستىرۋ جاسالدى، جەر - جەر جانە قاتىستى تاراۋلار مىندەتتەردى، نىسانالاردى جانە باستى شارالاردى اشالاپ، جوعارى مەن تومەن بىرلەسىپ قيمىلدايتىن، جۇمىستى ٴبولىسىپ سەلبەسەتىن، جاپپاي كەڭەيتەتىن، بىرگە ىلگەرىلەتەتىن تاماشا جاعداي قالىپتاستىردى.

− چياۋمين ىستەرى قىزمەت قۇرىلىمى رەفورماسىنىڭ مىندەتتەرى تابىستى ورىندالىپ، مەملەكەتتىك كەڭەستىڭ چياۋمين ىستەرى كەڭسەسى جالپى تۇلعالىق جاقتان ورتالىق كوميتەتتىڭ بىرلىكساپ بولىمىنە قوسىلىپ، سىرتقا قاراتا مەملەكەتتىك كەڭەستىڭ چياۋمين ىستەرى كەڭسەسى ماڭدايشالىعىن ساقتادى.

− جەرگىلىكتى ٴار دارەجەلى چياۋمين ىستەرى كەڭسەلەرى ورتالىقتىڭ قۇرىلىم رەفورماسى ۇلگىسى بويىنشا، دارەجەلەس پارتكومداردىڭ بىرلىكساپ بولىمدەرىنە قوسىلىپ، چياۋمين ىستەرى قىزمەتىن ٴبىر تۇتاس جوسپارلاپ ورىستەتتى.

قۇرىلىم رەفورماسى ارقىلى پارتيانىڭ چياۋمين ىستەرى قىزمەتىنە باسشىلىعى اناعۇرلىم تياناقتاندىرىلىپ، چياۋمين ىستەرى بايلىعى ٴونىمدى بىرىكتىرىلىپ، چياۋميندەرگە قاتىستى تاراۋلاردىڭ ىشكى قوزعاۋشى كۇشى قاۋلاپ، جوعارى مەن تومەن سايكەسكەن، الدىڭعى جاق پەن ارتقى جاق سەلبەسكەن، ٴىش پەن سىرت سايكەستىرىلگەن چياۋمين ىستەرى قىزمەتى ارناسى قالىپتاسىپ، چياۋمين ىستەرى قىزمەتىنىڭ جۇيەلىلىگى مەن ٴبىر تۇلعالىلىعى ٴونىمدى جوعارىلادى.

چياۋميندەر كۇشىن ۇيىستىرىپ،  دامۋعا قىزمەت وتەدى

3 - ايداعى حاينان، ەركە سامال بەتتەن ايمالاپ، كوكتەم لەبى ەسەدى. 3 - ايدىڭ 29 - كۇنى تۇستەن بۇرىن بو - اۋ ازيا تالقى مىنبەرىنىڭ 2023 - جىلعى جىلدىق ٴماجىلىسى · حۋارىن ساۋداگەرلەرىنىڭ جەتەكشىلەرى مەن حۋارىندار اقىل - پاراسات قويماسى دوڭگەلەك ۇستەل ٴماجىلىسى حايناننىڭ بو - اۋىندا اشىلدى.

جۇڭگو ۇلگىسىندەگى وسىزامانداندىرۋ، ”ٴبىر بەلدەۋ، ٴبىر جول“، حۋارىن ساۋداگەرلەرىنىڭ دامۋ جولى ... ماجىلىسكە قاتىناسقان سيلى قوناقتار كەڭەس تاقىرىبى توڭىرەگىندە ٴبىر تۇعىردا پىكىر اۋىستىردى، ٴماجىلىس ورنى قىزۋ بەينەگە شومدى. بۇل جاعداي چياۋميندەر پاراساتى، چياۋميندەر كاپيتالى ابزالدىلىعىن ساۋلەلەندىرۋدىڭ، مەملەكەتتىڭ ەكونوميكالىق، قوعامدىق دامۋىنا قىزمەت وتەۋدىڭ ٴبىر ىقشام كورىنىسى.

جاڭا داۋىردە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جەر - جەر جانە قاتىستى تاراۋلار چياۋميندەردىڭ زەيىن - زەردەسى مەن چياۋميندەردىڭ كۇش - قۋاتىن ۇيىستىرۋدى چياۋمين ىستەرى قىزمەتىنىڭ شىعار ٴتۇيىنى جانە كۇش سالۋ ٴتۇيىنى ەتىپ، شەتەلدەردە دوس كۇشتەردى جەتىلدىرۋدى جانە دامىتۋدى ىلگەرىلەتتى.

وسىمەن بىرگە جەر - جەر جانە قاتىستى تاراۋلار حۋاچياۋ، حۋارىن ىستەرىنىڭ دامۋىن جەبەۋدى عىلىم - تەحنيكا، وقۋ - اعارتۋ ارقىلى مەملەكەتتى گۇلدەندىرۋ ستراتەگياسى، دارىندىلار ارقىلى مەملەكەتتى قۇدىرەتتەندىرۋ ستراتەگياسى، دامۋعا جاڭالىق اشۋ ارقىلى دەم بەرۋ ستراتەگياسى جانە وڭىرلىك سايكەستى دامۋ ستراتەگياسى سياقتى مەملەكەتتىڭ كەلەلى ستراتەگيالارىمەن تىعىز ۇشتاستىرىپ، چياۋميندەر پاراساتى مەن چياۋميندەر كاپيتالىن ەنگىزۋ تەبىنىن كۇش سالا ارتتىردى.

− شەتەل ساۋداگەرلەرى قارجى قوسۋ زاڭى جانە ونىڭ ەرەجەسى شىعارىلىپ، شەتەل قارجىسى بازارعا كىرۋدىڭ الدىندا حالىقتىق مامىلەگە ۇنامسىز ٴتىزىم قوسىپ باسقارۋ ٴتۇزىمى جانە شەتەلدىك ساۋداگەرلەردىڭ قارجى قوسۋ ينفورماتسياسىن مالىمدەۋ ٴتۇزىمى جاپپاي اتقارىلىپ، شەتەلدىك ساۋداگەرلەردى قارجى قوسۋعا شابىتتاندىرۋ كولەمى ٴۇرتىس كەڭەيتىلىپ، چياۋميندەر قارجىلاندىرعان كاسىپورىندارعا قاراتىلعان قىزمەت وتەۋ قامتاماسىزدىعى كۇشەيتىلىپ، چياۋمين كاپيتالىن باۋراۋ قىزمەت تەبىنى ٴۇرتىس ارتتىرىلدى.

− شانتوۋ حۋاچياۋ ەكونوميكا، مادەنيەت سەلبەستىگى سىناق رايونى قۇرىلىپ، تالاي جىلعى كوركەيتۋ جانە دامىتۋ ارقىلى سىناق رايونىنىڭ ٴتۇزىلىس - مەحانيزمدە جاڭالىق اشۋدى تەرەڭدەتۋ، سىرتقا ەسىك اشۋدى كەڭەيتۋ سياقتى جاقتارداعى رولى ٴۇرتىس كورنەكتىلەندىرىلدى. بۇكىل ەلدەگى 15 ولكەدە (قالا) 17 ”چياۋميندەر ارمان باقشاسى“ قۇرىلىپ، ۇلگى كورسەتۋ سيپاتتى ٴبىر توپ چياۋمين ساۋداگەرلەرى كاسىپ سالاسىن شوعىرلاندىرۋ رايونى جانە حۋاچياۋلاردىڭ، حۋارىنداردىڭ جاڭالىق اشۋ، شارۋاشىلىق قۇرۋ بازاسى قۇرىلدى. ەكى كەزەكتى دۇنيە جۇزىلىك حۋاچياۋلار، حۋارىندار ساۋدا - ونەركاسىپشىلەر جينالىسى جانە جۇڭگو چياۋمين ساۋداگەرلەرى قارجى قوسۋ جينالىسى جەكە - جەكە وتكىزىلىپ، ماڭىزدى چياۋمين ساۋداگەرلەرى ەلىمىز ەكونوميكاسىنىڭ جوعارى ساپالى دامۋىنا ات سالىسۋعا شابىتتاندىرىلدى.

− حۋاچياۋلاردىڭ، حۋارىنداردىڭ شارۋاشىلىق قۇرۋ، دامۋ كەڭەسى، جۇڭگو باتىس بولىك شەتەلدەردەگى جوعارى، جاڭا عىلىم - تەحنيكا دارىندىلارى كەڭەسى، جۇڭگو حالىقارالىق دارىندىلار اۋىس - كۇيىس جينالىسى، جۇڭحۋادا شارۋاشىلىق قۇرۋ سياقتى ٴتۇرلى اقىل - پاراسات ەنگىزۋ قيمىلدارى ٴۇرتىس وتكىزىلىپ، شەتەلدەردەن جوعارى دەڭگەيلى چياۋباۋ دارىندىلارىن ەنگىزۋ تەبىنى ۇزدىكسىز ارتتىرىلدى.

تالايلاعان شارالار چياۋمين پاراساتى، چياۋمين كاپيتالى ابزالدىلىعىن ساۋلەلەندىرۋگە قوزعاۋشىلىق ەتىپ، مەملەكەتتىڭ ەكونوميكالىق، قوعامدىق دامۋىنا پارمەندى قىزمەت وتەدى.

چياۋمين ىستەرىنىڭ مادەنيەت ۇگىتى جاعىندا جەر - جەر جانە قاتىستى تاراۋلار تۇتاس تۇلعالىق جوسپارلاۋ مەن ٴبىر تۇتاس جوسپارلاپ ورنالاستىرۋدى كۇشەيتىپ، ٴار جاقتىڭ بايلىعىن توپتاۋعا جەتەكشىلىك ەتىپ، جۇڭحۋا مادەنيەتىن بەلسەنە جالعاستىردى جانە اسقاقتاتتى. دۇنيە جۇزىلىك جۇڭگو ٴتىلى وقۋ - اعارتۋى جينالىسىن اشىپ، جۇڭگو ٴتىلى مەكتەپتەرىنىڭ ولشەمدەنۋ، جۇيەلىلەنۋ، ماماندانۋ، ينفورماتسيالانۋ بەتالىسىنا قاراي دامۋىنا جەتەكشىلىك ەتتى، باستاماشىلدىق ەتتى. ەل ىشىندەگى جۇڭگو ٴتىلى وقۋ - اعارتۋ بازاسى مەكتەپتەرىنىڭ نەگىزگى تۇلعالىق رولىن ساۋلەلەندىرىپ، ”جۇڭگو توركىنىن قاراستىرۋ ساپارى“ اتىنداعى جازدىق (قىستىق) لاگەر، جۇڭحۋا مادەنيەتى ۇلكەن ساۋىقحاناسى سياقتى مادەنيەتتى سەزىنۋ قيمىلدارىن كوپ دەڭگەيدە وتكىزدى. ”قۋانىشتى كوكتەم مەرەكەسى“، ”مادەنيەتتى جۇڭگو“، ”باۋىرمال جۇڭحۋا“ سياقتى جەلىلەس ماركا قيمىلدارىن ساپالىلاندىرىپ، كۇشەيتىپ، شەتەلدەردەگى چياۋباۋلاردىڭ مادەنيەتتى جالعاستىرۋداعى وزگەشە رولىن ساۋلەلەندىرىپ، جۇڭحۋا مادەنيەتىنىڭ ”سىرتقا شىعۋىن“ بەلسەنە ىلگەرىلەتىپ، جۇڭحۋا مادەنيەتىنىڭ ىقپالىن جوعارىلاتتى.

ەتەنەلىككە باي، اسەر ەتۋ قۋاتىنا تولى بولىپ، باۋراۋ قۋاتىن ارتتىردى. تالايلاعان مادەنيەت اۋىس - كۇيىسىندە مادەنيەتتى شىنايى مويىنداۋ ۇزدىكسىز كۇشەيىپ، دوس كۇشتەر ۇزدىكسىز زورايدى.

چياۋميندەرگە قىزمەت وتەپ، چياۋميندەرگە تيىمدىلىك جەتكىزىپ، چياۋميندەردى  مەيىرگە بولەدى

بۇل ٴبىر ۇمىتىلماس چياۋميندەردى شەگىندىرۋ ارەكەتى −

جەرگىلىكتى ۋاقىت 4 - ايدىڭ 27 - كۇنى تۇستەن بۇرىن ساعات 10 مولشەرىندە كۇمىس ٴتۇستى 2 اسكەري كەمە ساۋد ارابياسىنىڭ باتىس بولىگىندەگى جيددا كەمەجايىنا باياۋ كىردى، جەلكەن باعاناسىنداعى بەس جۇلدىزدى قىزىل تۋ جەلمەن بىرگە جەلبىرەيدى. كەمە تۇراعىندا قارسى الۋشى قاۋىم ۇلكەن بەس جۇلدىزدى قىزىل تۋ كوتەرگەن ٴارى مەيىرىمگە تولى ”وتباسىنا ورالعان وتانداستارىمىزدى قارسى الامىز“ دەگەن جازۋ جازىلعان قىزىل كەرمەنى كەرە ۇستاعان. جۇڭگو تەڭىز ارمياسىنىڭ اسكەري كەمەسى سۋداننان شەگىنگەن 678 ادامدى وتىرعىزىپ قىزىل تەڭىزدەن ٴوتىپ، ساۋد ارابياسىنا جەتتى.

”قۇدىرەتتى وتانىمىز − ٴبىزدىڭ بەرىك تىرەگىمىز“! ”مەملەكەتكە العىس ايتامىز! اسكەري كەمەمىزدى كورگەن كەزدە وتانىمىزدىڭ قۇدىرەتىن سەزىندىم، ايرىقشا ماقتانىش ەتەمىن“. قاراپايىم ٴسوز كوڭىلدىڭ تەبىرەنىسىنەن تۋىنداپ جاتتى.

جاڭا داۋىردە جەر - جەر جانە قاتىستى تاراۋلار چياۋميندەرگە قىزمەت وتەۋ شارالارىن تەرەڭدەتىپ، شەتەلدەردەگى چياۋباۋلار مەن وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ زاڭدى ۇقىق - مۇددەسىن شىنايى قورعادى.

10 جىلدان بەرى ەلىمىز ەل ىشىندەگى چياۋميندەرگە الەۋمەتتىك قىزمەت وتەۋ جۇيەسى قۇرىلىسى جونىندە جەتەكشى پىكىر شىعارىپ، جەر - جەردىڭ چياۋميندەرگە الەۋمەتتىك قىزمەت وتەۋ جۇيەسى قۇرىلىسىن ىلگەرىلەتۋىنە جەتەكشىلىك ەتتى. سونىمەن بىرگە شەتەلدىك حۋارىنداردىڭ كوپ رەت ۆيزا اشتىرۋدى ٴوتىنىش ەتۋىنە، ۇزاق ۋاقىت قونىستانۋىنا، ومىرلىك قونىستانۋىنا قولايلىلىق جاساۋ ساياساتتارىن اتقاردى؛ شەكارا سىرتىنداعى جۇڭگو ازاماتتارىنىڭ رەسميات بىتىرۋىنە قولايلى ساياسات - شارالاردى اتقارىپ، حۋاچياۋلاردىڭ شوفەرلىك كۋالىگى، ازاماتتىق كۋالىك جانە شەكارادان كىرىپ - شىعۋ سياقتى جاقتارداعى رەسمياتتاردى بىتىرۋىنە قولايلىلىق تۋدىردى؛ حۋاچياۋلاردىڭ بالالارىنىڭ مىندەتتى وقۋ - اعارتۋدان يگىلىكتەنۋى، حۋاچياۋ وقۋشىلاردىڭ ورتا مەكتەپ ساتىسىنداعى وقۋ - اعارتۋدان يگىلىكتەنۋى، ادەتتەگى جوعارى دارەجەلى مەكتەپتەردىڭ حۋاچياۋ وقۋشىلارىن قابىلداۋى سياقتى ساياساتتىق قۇجاتتاردى شىعارىپ، باسىپ تاراتىپ، حۋاچياۋلاردىڭ بالالارىنىڭ جانە حۋاچياۋ وقۋشىلاردىڭ ٴبىلىم الۋ ۇقىعىن زاڭ بويىنشا قامتاماسىز ەتتى.

10 جىلدان بەرى ەلىمىز 1000 داي الەۋمەتتىك اۋماقتا چياۋمين ىستەرى قىزمەتىنەن ۇلگى كورسەتۋ ٴتۇيىنىن قۇرىپ، ”چياۋميندەر شاڭىراعى“، ”چياۋباۋلار شاڭىراعى“ سياقتى چياۋميندەرگە قىزمەت وتەۋ تۇعىرىن ورناتتى؛ چياۋميندەر قارجىلاندىرعان كاسىپورىندارعا قىزمەت وتەيتىن زاڭدىق اقىلشىلار ۇيىرمەسىن ۇيىمداستىرىپ قۇرىپ، چياۋمين ساۋداگەرلەردىڭ زاڭدى ۇقىق - مۇددەسىن زاڭ بويىنشا قورعايتىن كاسىپتىك ۇيىم تۇلعالاپ، داۋ - شارلار مەن تالاس - تارتىستاردى شەشۋگە كومەكتەسۋدى ىلگەرىلەتتى. تالاي رەت شەتەلدەردەگى جۇڭگو ازاماتتارىنىڭ شەگىنىپ شىعۋ ارەكەتىن ٴساتتى ۇيىمداستىرىپ، شەكارا سىرتىنداعى جۇڭگو ازاماتتارىنا ساياتىن كەلەلى كونسۋلدىق قورعاۋ ىسىنەن جۇزدەگەن ٴىستى ٴبىر جاقتى ەتىپ، 12308 ٴنومىرلى كونسۋلدىق قورعاۋ ىركىلىسسىز تەلەفونى ارقىلى 2 ميلليون 900 مىڭنان استام تەلەفون قابىلدادى؛ ٴار ەلدەگى حاۋىپ - قاتەر دارەجەسى جونىندەگى ساراپتاۋدى جانە سايكەستى حاۋىپسىزدىك ەسكەرتۋىن دەر كەزىندە جاريالاپ، ازاماتتاردىڭ حاۋىپ - قاتەر تانىمى مەن ٴوزىن قۇتقارۋ قابىلەتىن ۇزدىكسىز جوعارىلاتتى.

توسىن تۋىلعان جاڭا تيپتى ايدارشا ۆيرۋس ىندەتىنە مەڭزەس، ەلىمىز كوپ ٴتۇرلى شارانى قاتار قولدانىپ، قيىنشىلىققا ۇشىراعان چياۋمين قاۋىمىنا كومەكتەستى. ٴبىر جاعىنان، تاۋلىك بويى جالعاناتىن ىركىلىسسىز تەلەفون اشىپ، كوبەيتىپ، شەتەلدەردەگى چياۋباۋلارعا كەڭەس بەرۋ، جاۋاپ قايتارۋ جاقتارىندا دەر كەزىندە قىزمەت وتەدى؛ شەتەلدەردە تۇراتىن ەلشىحانالار مەن كونسۋلحانالار ارقىلى سول جەردەگى مەملەكەت ۇكىمەتىن ىندەت جۇقتىرعان چياۋباۋلاردى دياگنوز قويىپ ەمدەۋگە، ولارعا كومەك كورسەتۋگە دەر كەزىندە قۋزاپ، شەتەلدەرگە جىبەرىلگەن جۇڭگونىڭ ەمدەۋ جاعىندا شەتەلگە كومەكتەسۋ اترەتتەرىنىڭ شەتەلدەردەگى چياۋباۋلارعا دياگنوز قويۋ - ەمدەۋ جاعىندا بەلسەنە قىزمەت وتەۋىنە جەتەكشىلىك ەتتى، ت. ب. ەندى ٴبىر جاعىنان، جەر - جەر چياۋميندەر قارجىلاندىرعان كاسىپورىندارعا ىشكەرىلەي بارىپ تەكسەرۋ، زەرتتەۋ جۇرگىزىپ، چياۋميندەر قارجىلاندىرعان كاسىپورىنداردىڭ شارۋاشىلىق جۇرگىزۋدەگى قيىنشىلىعىن ۇعىسىپ، باعىتتامالىلىققا يە كومەكتەسۋ - سۇيەمەلدەۋ ساياساتتارىن شىعارۋدى ىلگەرىلەتىپ، چياۋميندەر قارجىلاندىرعان كاسىپورىنداردىڭ جۇمىستى، ٴوندىرىستى قالپىنا كەلتىرۋىنە جانە تيبىن وزگەرتىپ، دارەجەسىن وسىرۋىنە دەم بەردى.

جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ − ەل ٴىشى - سىرتىنداعى جۇڭحۋا پەرزەنتتەرىنىڭ ىنتىماقتاسا كۇرەس جۇرگىزۋىن قاجەت ەتەدى.

مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا چياۋمين ىستەرى شەبى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا شەتەلدەردەگى چياۋباۋلار مەن وتانعا ورالعان چياۋميندەردىڭ، چياۋميندەردىڭ تۋىس - تۋعاندارىنىڭ ويداعىداي جان اشىرى بولىپ، چياۋمين ىستەرى قىزمەتىنىڭ ەگەيىنە اينالىپ، شەتەلدەردەگى چياۋباۋلار جانە وتانعا ورالعان چياۋميندەر، چياۋميندەردىڭ تۋىس - تۋعاندارى اراسىندا ساقتالعان وراسان زور ەنەرگيانى مۇمكىندىكتىڭ بارىنشا ۇيىستىرىپ، ساۋلەلەندىرىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە چياۋمين قاۋىمىنىڭ كۇش - قۋاتىن ارنايدى.

(شينحۋا اگەنتتىگىنىڭ 5 - ايدىڭ 7 - كۇنى بەيجيڭنەن بەرگەن حابارى)