بەيجيڭ - تيانجين - حىبەي − ەلىمىزدەگى ەكونوميكاسى ەڭ ومىرشەڭدىك كۇشكە يە، ەسىك اشۋ دەڭگەيى ەڭ جوعارى، جاڭالىق اشۋ قابىلەتى ەڭ كۇشتى وڭىرلەردىڭ ٴبىرى. بەيجيڭ - تيانجين - حىبەيدىڭ سايكەستى دامۋىن ىلگەرىلەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا ٴداۋىر شارت - جاعدايىندا جاساعان كەلەلى شەشىمى، ورنالاستىرۋى، وڭىرلەردىڭ سايكەستى دامۋىن جەبەۋدەگى، جاڭا ارتۋ ۇيەگىن قالىپتاستىرۋداعى كەلەلى مەملەكەتتىك ستراتەگياسى.
5 - ايدىڭ 11 - كۇنىنەن 12 - كۇنىنە دەيىن، باس شۋجي شي جينپيڭ حىبەيدە قىزمەت تەكسەرگەندە جانە بەيجيڭ - تيانجين - حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ٴماجىلىسىن باسقارىپ اشقاندا اناعۇرلىم قايراتتانا ٴىس تىندىراتىن رۋحاني كۇيمەن ٴتۇرلى قىزمەتتەردى ىلگەرىلەتىپ، بەيجيڭ - تيانجين - حىبەيدىڭ سايكەستى دامۋىنىڭ ۇزدىكسىز تىڭ بەلەسكە كوتەرىلۋىن ىلگەرىلەتۋدى باسا دارىپتەدى.
دارقان پەيىل، ىنتا - ىقىلاس، اۋىر تاريحي جاۋاپكەرشىلىك.
باس شۋجي شي جينپيڭنىڭ ٴوزى جوبالاپ، ٴوزى ورنالاستىرۋ جاساپ، ٴوزى ىلگەرىلەتۋىنىڭ ارقاسىندا، بەيجيڭ - تيانجين - حىبەيدىڭ سايكەستى دامۋى وي جەلىنى اقىلداسۋدان، نەگىز قالاۋدان، جاڭالىق قاراستىرۋدان تاستى دومالاتىپ تاۋعا شىعۋعا، كەزەڭ اسىپ، كەدەرگىلەردەن وتۋگە، قيىنشىلىقتى جەڭىپ قامال الۋعا دەيىنگى جاڭا داۋىردەگى جوعارى ساپالى دامۋدىڭ جاڭا تاراۋىن ۇزدىكسىز جازدى.
تاريحي جورىق اياق الىسىندا تالايلاعان بەلگى سيپاتتى تۇيىندەردە، تالايلاعان شەشۋشى جەتەكشىلىك ەتۋلەردە، تالايلاعان ەستەن كەتپەس كورىنىستەردە باس شۋجي شي جينپيڭنىڭ بەيجيڭ - تيانجين - حىبەيدىڭ سايكەستى دامۋىن ىلگەرىلەتۋگە جەتەكشىلىك ەتكەن ەرەن بارىستارى جازىلدى، سونىمەن بىرگە، وسى ٴبىر تاريحي سيپاتتى ينجەنەريانىڭ ٴتىپتى دە ايبىندى دا اسەم بولاشاق كارتيناسى ايگىلەندى.
(1) جاپىراقتار بولەك - بولەك بولعانىمەن، وزەگى ٴبىر
”بەيجيڭ - تيانجين - حىبەي ٴبىر وزەكتەن ونگەن گۇل جاپىراقتارى ىسپەتتى، جاپىراقتار بولەك - بولەك بولعانىمەن، وزەگى ٴبىر“
5 - اي ٴساتى، تاڭ ٴسارى، كۇن بايتاق دالاعا شۇلەن شۋاعىن شاشقان.
ٴار كۇنى ساعات 6 دان 56 مينۋت وتكەندە گۇلدەنۋ اتتى ٴبىر جۇردەك كەزەكشى پويەز بەيجيڭ باتىس ۆوگزالىنان ٴدال ۋاقىتىندا جولعا شىعىپ، شيۇڭ - ان جاڭا رايونىن بەتكە الىپ زىمىرايدى. تەرەزەدەن سىرتقا كوز سالعاندا ۇشى - قيىرسىز جاپ - جاسىل ٴبيداي اتىزى، بەيجيڭ - تيانجين - حىبەيدىڭ ۇلان - قايىر بايتاق دالاسىنىڭ كورىنىسى كوز الدىعا تارتىلادى −
بۇل ارا ايرىقشا دامۋ كومەسكى كۇشىنە يە قالا شوعىرى: استانا ىرگەسىندەگى ماڭىزدى جەر، بوحايمەن شەكتەسكەن، ”ٴۇش تەرىستىكتى“ باۋرايىنا العان، جەر اۋدانى 216 مىڭ شارشى كيلومەتر، 100 ميلليوننان استام جان سانى سيادى، جۇڭگونىڭ ەكونوميكالىق دامۋىن دەمەيتىن ماڭىزدى قوزعالتقىش.
بۇل ارا كەزىندە دامۋدىڭ بىركەلكى، سايكەستى بولماۋى سىندى قىسپاقتا قالعان: ”ٴىرى قالا كىناراتىنىڭ“ ازابىن تارتقان ٴارى دامۋ بوگەتىنىڭ قىسپاعىندا قالعان، بايلىق ورتاسىنىڭ كوتەرىمدىلىكتەن اسىپ كەتۋ قايشىلىعى اۋىر ەدى...
جاڭا داۋىرگە وتكەندە جاڭا تاقىرىپتارعا جاۋاپ قايتاردى، جاڭا ٴۇمىت - تىلەكتەرگە ٴۇن قاتتى.
وسىناۋ ىرىستى جەرگە دەگەن تەرەڭ سۇيىسپەنشىلىگىن، الاڭ - ۋايىمىن كوڭىلىنە تۇيگەن باس شۋجي شي جينپيڭ بەيجيڭ - تيانجين - حىبەيدىڭ سايكەستى دامۋ ماسەلەسىنە باستان - اياق وسكەلەڭ ٴمان بەردى، تەرەڭ وي جۇگىرتتى.
وسىزاماندانۋعا قاراي ارشىندى قادام تاستاعان جۇڭگو قانداي استانا قۇرۋى كەرەك؟
جوعارى ساپالى دامۋدى ىلگەرىلەتۋ ۇردىسىندە جۇڭگونىڭ وندىرگىش كۇش ورنالاسىمىن جانە كەڭىستىك قۇرىلىمىن ساپالىلاندىرۋدى قالاي ىلگەرىلەتۋ كەرەك؟
ۇلكەن ستراتەگيا ۇلكەن لوگيكانى ايقىنداۋدى قاجەت ەتەدى.
بەيجيڭ - تيانجين - حىبەيدىڭ سايكەستى دامۋى ٴتۇيىندى قامال الۋدى جۇزەگە اسىرىپ، جوعارى ساپالى دامۋدىڭ قوزعاۋشى كۇش قاينارىن قالىپتاستىرادى، سونداي - اق بۇكىل ەلدىڭ وڭىرلىك سايكەستى دامۋىنا كوشىرۋگە، جالپىلاستىرۋعا بولاتىن تاجىريبە الا كەلەدى، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتۋ جانە ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ، ”قوس 100 جىلدىق“ كۇرەس نىساناسىن جانە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىنەن كەلەلى رەال مانگە جانە تەرەڭ تاريحي مانگە يە. باس شۋجي شي جينپيڭ بىلاي دەپ اتاپ كورسەتتى: ”بەيجيڭ - تيانجين - حىبەي جاعراپيالىق جاقتان ىرگەلەس، گۋمانيتارلىق جاقتان جاقىن، وڭىرلەرى ٴبىر تۇلعالانعان، مادەنيەتى تامىرلاس، تاريحي توركىنى تەرەڭ، بارىس - كەلىس راديۋسى ٴوزارا باپ كەلەدى، بۇكىلدەي ٴوزارا توعىسىپ، سايكەستى دامي الادى“.
ۇلكەن ستراتەگيا ۇلكەن ارنانى جوبالاۋدى قاجەت ەتەدى.
پارتيا 18 - قۇرىلتايىنان بەرى باس شۋجي شي جينپيڭ بەيجيڭ، تيانجين، حىبەي وڭىرىنە ىلگەرىندى - كەيىندى تالاي رەت بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، ٴبىر قىدىرۋ قاتىستى ماجىلىستەردى باسقارىپ اشىپ، بەيجيڭ - تيانجين - حىبەيدىڭ سايكەستى دامۋىنىڭ تۇرلىشە ۋاقىت كەزەڭدەرىندە جانە شەشۋشى ساتتەرىندە ماڭىزدى نۇسقاۋ كورسەتتى.
2013 - جىلى 5 - ايدا باس شۋجي شي جينپيڭ تيانجيندە تەكسەرۋ - زەرتتەۋ جۇرگىزگەندە مىنالاردى العا قويدى: بەيجيڭ - تيانجيننىڭ جاڭا مەزگىلدەگى سوتسياليستىك وسىزاماندانعان ”قوس قالا حيكاياسىن“ جازۋ كەرەك؛ سول جىلى 8 - ايدا باس شۋجي بەيدايحىدا حىبەيدىڭ دامۋ ماسەلەسىن زەرتتەۋ ٴماجىلىسىن باسقارىپ اشقانىندا بەيجيڭ - تيانجين - حىبەيدىڭ سايكەستى دامۋىن ىلگەرىلەتۋدى العا قويدى. سونان باستاپ باس شۋجي تۇرلىشە ورىنداردا بەيجيڭ - تيانجين - حىبەيدىڭ سايكەستى دامۋى جونىندە تاعى دا تالاي رەت ماڭىزدى نۇسقاۋ جاسادى.
2014 - جىلى 2 - ايدىڭ 26 - كۇنى باس شۋجي شي جينپيڭ بەيجيڭدە اڭگىمە ٴماجىلىسىن باسقارىپ اشقاندا بەيجيڭ - تيانجين - حىبەيدىڭ سايكەستى دامۋ قىزمەتىنەن بەرىلگەن مالىمەتتى ارناۋلى تىڭدادى. بەيجيڭ، تيانجين، حىبەيدەگى جاۋاپتى ادامداردىڭ الدىندا باس شۋجي مىنالاردى تەرەڭدەي اتاپ كورسەتتى: ”بەيجيڭ - تيانجين - حىبەيدىڭ سايكەستى دامۋىنىڭ ٴمانى زور، بۇل ماسەلە جونىندەگى تانىمدى مەملەكەتتىك ستراتەگيا دەڭگەيىنە كوتەرۋ كەرەك“.
وسى رەتكى ماجىلىستە باس شۋجي شي جينپيڭ بىلاي دەپ باسا دارىپتەدى: ”ارتىقشىلىقتار ارقىلى ٴبىر - ٴبىرىن تولىقتاۋ، ٴوزارا تيىمدىلىك جەتكىزىپ، تەڭ يگىلىككە كەنەلۋ، تىڭعىلىقتى ىلگەرىلەتۋ، عىلمي، باياندى سايكەستىرە دامىتۋ جولىمەن جەدەل ٴجۇرۋ كەرەك“ ٴارى جوعارى دەڭگەيلى جوبالاۋدى كۇش سالا كۇشەيتۋ سياقتى 7 تالاپ قويدى.
جوسپاردى تۇراقتاندىرعاننان كەيىن ىسكە كىرىسۋ كەرەك. اسا ماڭىزدى قىزمەت «بەيجيڭ - تيانجين - حىبەيدى سايكەستى دامىتۋ جوبا باعدارلاماسىن» جاساۋ.
”جوبانىڭ عىلمي بولۋى ەڭ ۇلكەن ونىمدىلىك، جوبادا اعاتتىق جىبەرۋ ەڭ ۇلكەن ىسىراپشىلدىق، جوبادا تەككە ابىگەرلەنۋ − ەڭ ۇلكەن زارداپ“، ”سايكەستى دامۋدى كۇش سالا ىلگەرىلەتىپ، ٴوزىنىڭ ازعانتاي مۇددەسىن عانا كوزدەيتىن ويلاۋ داعدىسىنان سانالىلىقپەن ارىلىپ، ٴبىر اۋىزدىلىقپەن بىرىگىپ، جوعارى دەڭگەيلى جوبالاۋ نىساناسىنا باعىتتاي بىرگە ىستەۋىمىز كەرەك“... باس شۋجي شي جينپيڭ ايقىن نۇسقاۋ كورسەتتى.
وسى جوبا باعدارلاماسىن قاراۋدى ورتالىقتىڭ ماڭىزدى ماجىلىستەرىنىڭ كەڭەستىك تارتىبىنە تالاي رەت ەنگىزدى. باس شۋجي شي جينپيڭ بىلاي دەپ باسا دارىپتەدى: ماندىك جاقتان شوعىرلى دامۋ جاڭا جولىمەن ٴجۇرىپ، جان سانى، ەكونوميكا شوعىرلانعان وڭىرلەردى ساپالىلاندىرىپ اشۋ ۇلگىسى جونىندە ىزدەنىس جاساپ، وڭىرلىك سايكەستى دامۋدى جەبەپ، جاڭا ارتۋ ۇيەگىن قالىپتاستىرۋ كەرەك.
2015 - جىلى 4 - ايدىڭ 30 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ٴماجىلىسىن باسقارىپ اشىپ، «بەيجيڭ - تيانجين - حىبەيدى سايكەستى دامىتۋ جوبا باعدارلاماسىن» قاراپ ماقۇلدادى. بەيجيڭ - تيانجين - حىبەيدىڭ سايكەستى دامۋى جاپپاي اتقارۋدىڭ، جەدەل ىلگەرىلەتۋدىڭ جاڭا كەزەڭىنە ٴوتتى.
”وي جەلىسى ايقىن بولىپ، رەفورمادا الدا جۇرۋگە تاباندى بولىپ، رەفورما شارالارىن ٴتارتىپتى، سايكەستى العا قويۋ كەرەك“؛
”سايكەستى دامۋعا، ٴتۇيىندى قامال الۋعا، رەفورمانى تەرەڭدەتۋگە، ٴتارتىپتى ىلگەرىلەتۋگە تاباندى بولۋ كەرەك“؛
”بەيجيڭ قىسقى وليمپيادا سپورت جارىسىن، قىسقى مۇگەدەكتەر وليمپيادا سپورت جارىسىن ۇيىمداستىرۋدى بەيجيڭ - تيانجين - حىبەيدىڭ سايكەستى دامۋىن ىلگەرىلەتۋدىڭ ماڭىزدى تۇتقاسى ەتۋ كەرەك“...
تالاي رەتكى قىزمەت تەكسەرۋ، تالاي رەتكى ٴماجىلىس، ٴبىر قىدىرۋ ماڭىزدى نۇسقاۋ، باس شۋجي شي جينپيڭ بەيجيڭ - تيانجين - حىبەيدىڭ سايكەستى دامۋىن ٴارقاشان كوكەيىنەن شىعارمادى.
2019 - جىلى جاڭا جىلدىڭ باسىندا باس شۋجي شي جينپيڭ بەيجيڭ، تيانجين، حىبەيگە تاعى دا بارىپ، تەكسەرۋ - زەرتتەۋ جۇرگىزدى.
بۇكىل الەمدى جالت قاراتقان حىبەي شيۇڭ - ان جاڭا رايونى، ارىدان سىر شەرتەتىن تيانجين، شىت جاڭا تۇسكە ەنگەن بەيجيڭ قالاسىنىڭ قوسالقى ورتالىعى، وسى جولى باس شۋجي 3 كۇن ۋاقىتپەن ىشكەرىلەي قىزمەت تەكسەردى ٴارى بەيجيڭ - تيانجين - حىبەيدى سايكەستى دامىتۋ اڭگىمە ٴماجىلىسىن باسقارىپ اشتى.
بەيجيڭ - تيانجين - حىبەيدىڭ سايكەستى دامۋى جاڭا كەزەڭگە وتكەن ساتتە، وسى جولى باس شۋجي شي جينپيڭ ماڭىزدى نۇسقاۋ بەردى: ”وتكەن 5 جىلدا بەيجيڭ - تيانجين - حىبەيدى سايكەستى دامىتۋ تۇلعالىق جاقتان وي جەلىنى اقىلداسۋ، نەگىز قالاۋ، جاڭالىق قاراستىرۋ كەزەڭىندە تۇردى، كەزەكتە جانە مۇنان بىلايعى ٴبىر مەزگىلدە تاستى دومالاتىپ تاۋعا شىعاتىن، كەزەڭ اسىپ، كەدەرگىلەردەن وتەتىن، قيىنشىلىقتى جەڭىپ قامال الاتىن شەشۋشى كەزەڭگە وتەدى، سول ٴۇشىن قىزمەتتى مۇنان دا زور كۇشپەن ىلگەرىلەتۋ كەرەك“.
”بەيجيڭ، تيانجين، حىبەي ٴبىر وزەكتەن ونگەن گۇل جاپىراقتارى ىسپەتتى، جاپىراقتار بولەك - بولەك بولعانىمەن، وزەگى ٴبىر“ باس شۋجي شي جينپيڭ تەرەڭ ماعىنادا وسىلاي دەدى.
9 جىل ۋاقىت جازدا ٴسانىن، كۇزدە ٴدانىن كورسەتتى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باسشىلىعىندا، بەيجيڭ - تيانجين - حىبەيدىڭ سايكەستى دامۋى ىشكەرىلەي ىلگەرىلەتىلدى، وسى قۇتتى مەكەن كۇن سايىن جاڭارىپ، اي سايىن تۇلەجىپ، جارقىن ناتيجە ٴتىزىمىن تاپسىردى −
2022 - جىلى بەيجيڭ، تيانجين، حىبەي ەكونوميكاسىنىڭ جالپى مولشەرى 10 تريلليون يۋاننان استى، وڭىرلىك تۇتاس تۇلعالىق ناقتى قۋاتى جاڭا ساتىعا كوتەرىلىپ، جوعارى ساپالى دامۋ جىلدام دا ورنىقتى بولدى. بيىل ٴبىرىنشى ماۋسىمدا بەيجيڭ، تيانجين، حىبەي ٴوڭىرىنىڭ يمپورت - ەكسپورت سوماسى ٴبىر تريلليون 230 ميلليارد يۋانعا جەتىپ، سايكەس مەزگىلدەگىدەن %9.3 ارتتى.
بەيجيڭنىڭ سىرتقا باعىتتالعان سەيىلتۋى مەن ىشكى بولىكتە قايتا ۇيىمداسۋى ٴبىرىن - ٴبىرى جەبەگەن دامۋ ارناسى جەدەل كەمەلدەندى. شيۇڭ - ان جاڭا رايونى قۇرىلىسىنىڭ قارقىنى جالپى بەتتىك تەزدەدى، باستاما اۋماقتاعى ”4 ەندىك، 10 بويلىق“ تىرەكتى جول جەلىسى جاپپاي قۇرىلىس باستاپ، كىرىسۋ اۋماعىنداعى ”3 ەندىك، 4 بويلىق“ تىرەكتى جول جەلىسى كولىك قاتىناۋ شارت - جاعدايىن ازىرلەدى؛ بايياڭدياننىڭ سۋ ساپاسى جالپى جاقتان III تۇردەگى ولشەمگە جەتتى، ورمانمەن كومكەرىلۋ مولشەرى %34 كە جەتتى.
بەيجيڭ قالاسىنىڭ قوسالقى ورتالىعى جەدەل قۇرىلىپ، اكىمشىلىك جۇمىس جۇرگىزۋ اۋماعىنىڭ 2 - مەرزىمى قۇرىلىستىڭ اياقتاۋ كەزەڭىنە ٴوتتى، قالانىڭ قوسالقى ورتالىعىنىڭ 3 ۇلكەن مادەنيەت الەۋمەتتىك قۇرىلىسىنىڭ نەگىزگى تۇلعالىق ينجەنەرياسى اياقتادى.
2022 - جىلى بەيجيڭ سيفرلى ەكونوميكاسىنىڭ ارتۋ قۇنىنىڭ GDP دا ۇستاعان سالماعى %40 تەن استى؛ تيانجين بينحاي جاڭا رايونى، سولتۇستىك حالىقارالىق اۆياتسيا تاسىمال وزەكتى رايونى قۇرىلىسى جاڭا قادام تاستادى، كونتينەرلىك تەڭىز جولىنىڭ جالپى سانى 140 تارماققا جەتتى؛ جاڭجياكوۋ جيڭجاڭ دەنە تاربيە، مادەنيەت، ساياحات بەلدەۋى جانە قايتا تۋىندايتىن ەنەرگيادان ۇلگى كورسەتۋ رايونى قۇرىلىسى ىشكەرىلەي ىلگەرىلەتىلىپ، 2022 - جىلى قايتا تۋىندايتىن ەنەرگيا اگراگاتتارى كولەمى 26 ميلليون كيلوۆاتتان استى...
ەرەكشە باستاما، ايبىندى تاراۋ.
2023 - جىلى 5 - ايداعى ساپارىندا باس شۋجي شي جينپيڭ كەلەلى تۇجىرىم جاسادى: ”اماليات پارتيا ورتالىق كوميتەتىنىڭ بەيجيڭ - تيانجين - حىبەي سياقتى كەلەلى وڭىرلىك دامۋ جونىندەگى ستراتەگيالارى ەلىمىزدىڭ جاڭا داۋىردەگى جوعارى ساپالى دامۋ قاجەتىنە ۇيلەسەتىندىگىن، جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدىڭ ٴونىمدى جولى ەكەندىگىن دالەلدەدى“.
(2) ”بۇيدانى“ مىقتاپ يگەردى
”’بۇيدانى‘ مىقتاپ يگەرۋدەن بوساڭسىماي، بەيجيڭنىڭ استانالىق ەمەس فۋنكتسيالارىن بەلسەندى، ورنىقتى، ٴتارتىپتى سەيىلتۋ كەرەك“
بەيجيڭنىڭ استانالىق ەمەس فۋنكتسيالارىن سەيىلتۋ − بەيجيڭ - تيانجين - حىبەيدىڭ سايكەستى دامۋىنىڭ ”بۇيداسى“.
2014 - جىلى 2 - ايدىڭ 25 - كۇنى باس شۋجي شي جينپيڭ بەيجيڭدە قىزمەت تەكسەرگەندە ەڭ الدىمەن بەيجيڭ قالالىق جوبا كورمە سارايىنا باردى.
ٴبىر جارىم ساعاتقا تاياۋ ۋاقىت قىزمەت تەكسەرۋ بارىسىندا باس شۋجي شي جينپيڭ بەيجيڭنىڭ قالا قۇرۋ تاريحى، استانا قۇرۋ تاريحى جانە بەيجيڭ قالاسىنىڭ وزگەرىس جاعدايى تانىستىرىلعان ارناۋلى فيلمدى كورىپ، بەيجيڭنىڭ جاعراپيالىق ورتاسى، جوبا ورنالاسىمى، يقۋاتىن ايقىنداۋ، دامۋ وزگەرىستەرى سياقتى جاعدايلاردى مۇقيات ۇعىستى.
”باس شۋجي ەگجەي - تەگجەيلى سۇرادى، جان سانى تىم كوپ بولۋ، قاتىناس كەپتەلىسى، ٴۇي باعاسىنىڭ قىمباتتاۋى، ەكولوگيالىق ورتانىڭ ناشارلاۋى سياقتى استانانىڭ دامۋىندا ساقتالعان ماسەلەلەرگە ايرىقشا كوڭىل ٴبولدى“. بەيجيڭ قالالىق جوبا كورمە سارايىنىڭ ۇنەمىلىك ىستەرگە جاۋاپتى بۇرىنعى ورىنباسار باستىعى جاۋ ليدىڭ كوكەيىندە سول كەزدەگى جاعداي سايراپ تۇر.
قىزمەت تەكسەرۋ بارىسىندا باس شۋجي شي جينپيڭ بەيجيڭدى دامىتۋ جانە باسقارۋ قىزمەتىن ىلگەرىلەتۋ جونىندە 5 ٴتۇرلى تالاپتى العا قويىپ، ”استانالىق ەمەس وزەكتى فۋنكتسيالارىن رەتتەپ سەيىلتۋ“ ۇلكەن وي جەلىسىن تۇراقتاندىردى.
مەملەكەتتىڭ دامۋ جالپى جاعدايىن وسكەلەڭ تۇرعىدان كەسكىندەدى، ”ٴبىر قالانىڭ، ٴبىر جەردىڭ“ پايدا - زيانىن قايىرىپ تاستاپ ويلانىپ - تولعاندى، بۇل تاريحتا بۇرىن بولماعان ۇلكەن جۇمىس.
2016 - جىلى 5 - ايدىڭ 27 - كۇنى باس شۋجي شي جينپيڭ ورتالىق كوميتەت ساياسي بيۋروسىنىڭ ٴماجىلىسىن باسقارىپ اشىپ، بەيجيڭ قالاسىنىڭ قوسالقى ورتالىعىن جوبالاۋعا، قۇرۋعا جانە حىبەي شيۇڭ - ان جاڭا رايونىن اقىلداسىپ قۇرۋعا قاتىستى احۋالدار جونىندەگى مالىمەتتى تىڭدادى. باس شۋجي شىت جاڭا ستراتەگيالىق ويدى − ”بەيجيڭ قالاسىنىڭ قوسالقى ورتالىعى جانە شيۇڭ - ان جاڭا رايونى سىندى ەكى جاڭا قالانى قۇرىپ، بەيجيڭنىڭ جاڭا ’قوس قاناتىن‘ قالىپتاستىرۋدى“ العا قويدى.
”جاڭا تاريحي كەزەڭدە ەكى جاڭا قالانى شوعىرلى قۇرىپ، بەيجيڭنىڭ دامۋىنىڭ جاڭا جۇلگەسىن قالىپتاستىرۋ زامانالىق ۇلى جوسپار، مەملەكەتتىڭ ٴىرى ٴىسى. باس شۋجي شي جينپيڭ بەيجيڭ - تيانجين - حىبەيدىڭ سايكەستى دامۋىنىڭ ىشكەرىلەي ىلگەرىلەتىلۋىنە جول كورسەتتى.
قايتكەندە ماسەلەنى دالمە - ٴدال تالقانداۋعا، عىلمي كۇش سالۋعا بولادى؟
باس شۋجي شي جينپيڭ تۇرلىشە ورىندا وبرازدى، انىق تۇسىنىك جاسادى −
”كۇش سالۋ ٴتۇيىنى مەن شىعار ٴتۇيىن − سىرتقى وپەراتسيانى ىسكە قوسىپ، بەيجيڭنىڭ استانالىق ەمەس فۋنكتسياسىن سەيىلتىپ، ’ٴىرى قالا دەرتى‘ ماسەلەسىن شەشۋ“؛
”’بۇيدانى‘ مىقتاپ يگەرۋدەن بوساڭسىماي، بەيجيڭنىڭ استانالىق ەمەس فۋنكتسيالارىن بەلسەندى، ورنىقتى، ٴتارتىپتى سەيىلتۋ كەرەك“؛
”استانانىڭ وزەكتى فۋنكتسياسىنا تاباندى بولىپ جانە ونى كۇشەيتىپ، استاناعا ۇيلەسپەيتىن فۋنكتسيالاردى رەتتەپ جانە السىرەتىپ، ٴىشىنارا فۋنكتسيالاردى حىبەيگە، تيانجينگە كوشىرۋ كەرەك“...
تەرەڭ قاتپارلى قايشىلىققا سايعاندا، ٴادىس - امالعا ٴتىپتى دە ٴمان بەرۋ كەرەك. 2019 - جىلى 1 - ايدىڭ 18 - كۇنى باس شۋجي شي جينپيڭ بەيجيڭ - تيانجين - حىبەيدىڭ سايكەستى دامۋى اڭگىمە ماجىلىسىندە ”سەيىلتۋ“ سوزىنە تەرەڭدەي تالداۋ جاسادى، ”سەيىلتۋ − قوس بەتالىستا كۇش سالۋ“، ”شيۇڭ - ان جاڭا رايونى سىرتقا قاراي كۇش سالادى؛ بەيجيڭ ىشكە قاراي رەتتەۋ جۇرگىزىپ، وزەكتى فۋنكتسياسىن ساپالىلاندىرىپ، ’بايساي وزەگىن‘ جاقسارتادى“.
بەيجيڭنىڭ وڭتۇستىگىنەن 100 نەشە كيلومەتر قاشىقتىقتا حىبەيدىڭ شيۇڭ - ان جاڭا رايونى.
جازعى كۇن ساۋلەسى بايياڭدياندا كول بەتىندە ساعىم ويناپ، ”زامانالىق شيۋلين“ جاپ - جاسىل بولىپ قۇلپىرىپ تۇر، جۇمىس باستاعان اۋماقتىڭ وزەكتى بولەگىندە مۇنارا كراندار ىسكە قوسىلىپ قايشالىسىپ، ٴتۇرلى قۇرىلىستار جەدەل ىلگەرىلەتىلۋدە.
2023 - جىلى 5 - ايدىڭ 10 - كۇنى باس شۋجي شي جينپيڭ شيۇڭ - ان جاڭا رايونىندا قىزمەت تەكسەرگەندە شيۇڭ - ان قالا ارالىق ۆوگزالى جانە حالىقارالىق ساۋدا ورتالىعى نىسان قۇرىلىسىنىڭ جۇمىس باسىنا بارىپ، قۇم تاقتالى مودەلدى كورىپ، تۇعىرعا شىعىپ، قۇرىلىس ورنىنا الىستان كوز جىبەرىپ، جۇمىس باستاۋ رايونىنداعى كەلەلى نەگىزدىك قۇرىلعى نىساندارى مەن ٴتۇيىندى سەيىلتۋ نىساندارىنداعى جوبا قۇرىلىسىنىڭ اياق الىسى جاعدايىن ۇعىستى.
”’قالا دەرتىنەن‘ اۋلاق بولاشاقتىق قالا تۇلعالاۋعا كۇش سالىپ، جوعارى ولشەمدى قالا جوسپار - جوباسىن جوعارى ساپالى قالا دامۋىنىڭ ناقتى كارتيناسىنا شىنايى اينالدىرۋ كەرەك“ دەپ باس شۋجي شي جينپيڭ ىقىلاسپەن تاپسىردى.
باس شۋجي شي جينپيڭ شيۇڭ - ان جاڭا رايونىنىڭ جوبا قۇرىلىسىنا ايرىقشا ٴمان بەرىپ، ٴاربىر ماڭىزدى كەزەڭدە، ٴاربىر ماڭىزدى ماسەلەدە دەر كەزىندە وتكەلدى مەڭگەرىپ، بەتالىستى بەلگىلەدى.
6 جىلدان استام ۋاقىتتىڭ الدىندا باس شۋجي شي جينپيڭ حىبەي ولكەسىنىڭ انشين اۋدانىنا ارنايى بارىپ، جوبالانعان جاڭا رايون وزەكتى رايونىنىڭ جالپى كورىنىسىن ۇستىندە تەكسەرىپ، اڭگىمە ٴماجىلىستى باسقارىپ اشىپ، شيۇڭ - ان جاڭا رايونىن قۇرۋدى جوبالاۋدىڭ كەلەلى تاريحي مانگە يە ستراتەگيالىق تالعام ەكەندىگىن، بەيجيڭنىڭ استانالىق ەمەس فۋنكتسيالارىن سەيىلتۋدەگى، بەيجيڭ - تيانجين - حىبەيدىڭ سايكەستى دامۋىن ىلگەرىلەتۋدەگى تاريحي سيپاتتى ينجەنەريا ەكەندىگىن اتاپ كورسەتتى.
4 جىلدان استام ۋاقىتتىڭ الدىندا باس شۋجي شي جينپيڭ شيۇڭ - ان جاڭا رايونىنا بارىپ قىزمەت تەكسەرگەندە جاڭا دامۋ ۇستانىمىن جاپپاي دايەكتىلەندىرىپ، جوعارى ساپالى دامۋ تالابىنا تاباندى بولىپ، جاڭا داۋىردەگى جوعارى ساپالى دامۋدىڭ ولشەمىن قۇلشىنا جاراتۋ كەرەكتىگىن باسا دارىپتەدى.
ماڭىزدى تاپسىرمانى ەستە بەرىك ساقتاپ، جوعارى ساپاعا، جوعارى ولشەمگە قاي - قاشان دا تاباندى بولىپ، 6 جىلدىق جوبالاۋدى، قۇرۋدى باستان كەشىرگەن شيۇڭ - ان سىندى ”بولاشاق قالا“ بۇگىنگى تاڭدا بىزگە قاراي بەت الۋدا:
قالا - اۋىل كەڭىستىگى ارناسى ايقىن دا اشىق، قالانىڭ جانە قۇرىلىس بەت - بەينەسىنىڭ جوبالانۋى ورنىقتى قاداممەن ىلگەرىلەتىلگەن، قالا سىرتىنداعى جولدىڭ جۇلگەسى، ىشكى جاقتاعى نەگىزگى جول تورابى، ەكولوگيالىق ٴدالىز، جاڭا رايون سۋ جۇيەسى سىندى ”4 ۇلكەن جۇيە“ تۇتاس وڭىرمەن تۇتاستىرىلعان، قالا فۋنكتسياسى ۇزدىكسىز كەمەلدەندىرىلگەن، قالا جۇلگەسى جاپپاي اشىلعان.
كەزەكتە شيۇڭ - ان جاڭا رايونى كەڭ كولەمدى قۇرىلىس جۇرگىزۋ مەن بەيجيڭنىڭ استانالىق ەمەس فۋنكتسيالارىن سەيىلتۋدى مىندەتىنە الۋعا تەڭ ٴمان بەرۋ كەزەڭىنە ٴوتتى، قىزمەت ٴتۇيىنى جوعارى ساپالى قۇرىلىس جۇرگىزۋ، جوعارى دەڭگەيدە باسقارۋ، جوعارى ساپالى سەيىلتىپ دامىتۋدى قاتار جۇرگىزۋگە قاراي ويىستى.
”سەنىمدى بەكەمدەپ، تاباندىلىقتى ساقتاپ، قىزمەتتى تىڭعىلىقتى ىستەپ، ٴىستى باسىنان اياعىنا دەيىن ٴساتتى جۇرگىزىپ، تابىستى اياقتاتىپ، ٴتۇرلى قىزمەتتە ۇزدىكسىز تىڭ ىلگەرىلەۋشىلىككە قول جەتكىزۋدى جەبەۋ كەرەك“. باس شۋجي شي جينپيڭنىڭ ەڭ جاڭا ماڭىزدى تالابى ادامداردى وسى ”بولاشاق قالاعا“ بولعان ىنتىزارلىعىن اناعۇرلىم ارتتىردى.
بەيجيڭنىڭ فۋنكتسيالىق ورنالاسۋىن ساپالىلاندىرىپ قايتا ورنالاستىرىپ، بەيجيڭ قالاسىنىڭ قوسالقى ورتالىعىن قۇرۋ − بەيجيڭنىڭ دامۋىنىڭ تاعى ٴبىر قاناتى.
جاز كەلىسىمەن بەيجيڭ قالاسىنىڭ قوسالقى ورتالىعىنىڭ وزەكتى رايونىندا ٴبىر - بىرلەگەن كەلەلى نىساندار جەدەل ىلگەرىلەتىلىپ، كوپتەگەن بەلگى سيپاتتى ينجەنەريالار پايدالانۋعا بەرىلىپ، ٴبىر جاڭا قالا بوي كوتەردى.
2017 - جىلى 2 - ايدىڭ 24 - كۇنى باس شۋجي شي جينپيڭ بەيجيڭ قالاسىنىڭ قوسالقى ورتالىعى اكىمشىلىك جۇمىس رايونىنىڭ قۇرىلىس باسى قولباسشىلىق شتابىنا بارىپ، قۇمدى تاقتا مودەلىن تەكسەرىپ، قىسقا بەينەكەسكىنىن كورىپ، قوسالقى ورتالىق قۇرىلىسى ۇستانىمى، نىسانالىق ورنىنىڭ تۇراقتاندىرىلۋى، مادەنيەتتى قورعاۋ سياقتى جاعدايلاردى ۇعىستى.
”جوبالاۋ، قۇرۋ، باسقارۋدىڭ بارىندە جوعارى باستاماعا، جوعارى ولشەمگە، جوعارى دەڭگەيگە تاباندى بولۋ، الەمدىك كوز ايا، حالىقارالىق ولشەم، جۇڭگوشا ەرەكشەلىك، جوعارى بەلەستە ورىن تۇراقتاندىرۋ تالابىن تياناقتاندىرۋ كەرەك“ دەپ باسا دارىپتەدى باس شۋجي شي جينپيڭ.
وسى كۇنى تۇستەن كەيىن باس شۋجي شي جينپيڭ بەيجيڭنىڭ قالا جوبا قۇرىلىسى جانە بەيجيڭ قىسقى وليمپيادا سپورت جارىسىن وتكىزۋگە دايىندالۋ قىزمەتى اڭگىمە ٴماجىلىسىن باسقارىپ، وي جەلىنى اناعۇرلىم ايقىندادى:
”بەيجيڭنىڭ استانالىق ەمەس فۋنكتسيالارىن سەيىلتۋ − بەيجيڭ قالاسىنىڭ جوبا قۇرىلىسىنىڭ ’بۇيداسى‘، بۇل ماسەلەدە يدەيانى اناعۇرلىم بىرلىككە كەلتىرىپ، كوشىرە الۋدى، ورنالاستىرا الۋدى ارقاۋ ەتىپ، سايكەستى ساياساتتاردى اقىلداسىپ جاساپ، ٴونىمدى شابىتتاندىرۋ، جەتەكتەۋ مەحانيزمىن قالىپتاستىرۋ كەرەك“.
زامانالىق بايىرعى استانا تۇبەگەيلى وزگەرۋدە.
استانالىق ەمەس فۋنكتسيالاردى سەيىلتۋ العاشقى ونىمدىلىككە قول جەتكىزدى. 2014 - جىلدان بەرى بەيجيڭ ادەتتەگى جاساۋ كاسىپورىندارىنان مولشەرمەن 3000 دى سەيىلتتى، وڭىرلىك سيپاتتى تولايىم ساتۋ بازارلارىنان جانە زات اينالىم ورتالىقتارىنان 1000 عا جۋىعىن سەيىلتىپ دەڭگەيىن ٴوسىردى. 8 ورتالىق كاسىپورىننىڭ باس شتابى بەيجيڭنەن كوشىپ شىقتى ٴارى بەيجيڭنىڭ سىرتىنا ورنالاسىپ قۇرىلىس جۇرگىزدى، العاشقى توپتا سەيىلتىلگەن 4 جوعارى مەكتەپتىڭ، 2 شيپاحانانىڭ ورنى تۇراقتاندىرىلدى. 2022 - جىلى تۇتاس قالاداعى تۇراقتى ناپوس 21 ميلليون 843 مىڭ ادامعا ازايدى.
قالا قوسالقى ورتالىعىنىڭ جوعارى ساپالى دامۋىنىڭ ونىمدىلىگى كورنەكتى بولدى. 2019 - جىلدان بەرى بەيجيڭدەگى قالا دارەجەلى ورگانداردان 17 مىڭ ادام قالا قوسالقى ورتالىعىنا جۇمىس بابىمەن كوشىرىلدى، ٴبىر توپ قاتىناس، سۋ يگىلىگى، ەنەرگيا سياقتى كەلەلى نەگىزدىك قۇرىلعى جانە ەكولوگيالىق ورتانى كەشەندى وڭاۋ نىساندارى بىرتىندەپ سالىنىپ بولىپ، بەيجيڭ مەكتەبى، دوستىق شيپاحاناسىنىڭ تۇڭجوۋ شيپاحانا رايونى سياقتىلار ىركەس - تىركەس ىسكە قوسىلىپ، پايدالانۋعا بەرىلدى...
تاباندىلىقپەن ۇزدىكسىز قاجىماي كۇش سالدى. باس شۋجي شي جينپيڭنىڭ ماڭىزدى نۇسقاۋى ادامدى شابىتتاندىرادى: ”بەيجيڭنىڭ ’جاڭا قوس قاناتى‘ قۇرىلىسىنىڭ اناعۇرلىم زور تابىستارعا قول جەتكىزۋىن ىلگەرىلەتۋ كەرەك“.
(3) رەفورما جاساۋدان، جاڭالىق اشۋدان قوزعاۋشى كۇش قابىلدادى
”رەفورما جاساۋدان، جاڭالىق اشۋدان قوزعاۋشى كۇش قابىلداپ، جوعارى ساپالى دامۋعا جەتەكشىلىك ەتۋدىڭ ماڭىزدى قوزعاۋشى كۇش قاينارى رولىن ساۋلەلەندىرۋ كەرەك“.
بەيجيڭ - تيانجين - حىبەيدىڭ سايكەستى دامۋى ٴبىر جۇيەلى ينجەنەريا، دەرەۋ ورىندالا قويمايدى، بىرنەشە سالادا باستاماشىلدىقپەن قامال الۋدى قاجەت ەتەدى.
2021 - جىلدىڭ باسىندا باس شۋجي شي جينپيڭ بەيجيڭدە، حىبەيدە قىزمەت تەكسەرگەندە، بەيجيڭ 2022 - جىلعى قىسقى وليمپيادا سپورت جارىسىن جانە مۇگەدەكتەر قىسقى وليمپيادا سپورت جارىسىن وتكىزۋگە دايىندالۋ قىزمەتىنەن مالىمەت بەرۋ ٴماجىلىسىن باسقارىپ اشىپ، بەيجيڭ - تيانجين - حىبەيدىڭ سايكەستى دامۋىن ىلگەرىلەتۋدە قاتىناس، قورشاعان ورتا، كاسىپ سالاسى، الەۋمەتتىك قىزمەت وتەۋ سياقتى سالالاردا اناعۇرلىم كوپ جەتىستىكتەرگە قۇلشىنا قول جەتكىزۋ كەرەكتىگىن باسا دارىپتەدى.
تيان - انمىننىڭ وڭتۇستىگىنەن 46 كيلومەتر جەردە.
جاز باسى بەيجيڭ مەن حىبەيدىڭ ىرگەسىندەگى بەيجيڭ داشيڭ حالىقارالىق اۋەجايىنىڭ اۋەجاي ماڭى ەكونوميكالىق اۋماعىندا ماشينالار گۇرىلدەپ، اۆتوكولىكتەر قايشالىستى. كەشەندى قورعامالى باجى رايونى (ٴبىرىنشى مەرزىمدىك) رەسمي تيجارات باستادى. باجىسىز قامبادا ساقتاۋ، زات تاسىمالداۋ ورتالىعى، كوپ ۇلگىدە بىرلەسىپ تاسىمالداۋ قامباسى سياقتىلاردىڭ ىسكە قوسىلۋىمەن ٴبىرسىپىرا كاسىپ سالاسى نىساندارى ٴتارتىپتى سالىنا باستادى...
3 جىلدىڭ الدىندا 2019 - جىلى 9 - ايدىڭ 25 - كۇنى باس شۋجي شي جينپيڭ داشيڭ حالىقارالىق اۋەجايىنىڭ ىسكە قوسىلۋ سالتىنا قاتىناسقاندا مىنانى تالاپ ەتتى: ”داشيڭ حالىقارالىق اۋەجايى − استانانىڭ ماڭىزدى نىشاندىق ينجەنەرياسى، بەيجيڭ - تيانجين - حىبەيدى سايكەستىرە دامىتۋدى ىلگەرىلەتۋدىڭ تىرەكتىك ينجەنەرياسى. بەيجيڭ، تيانجين، حىبەي ٴۇش جەر ورايدى مىقتى يگەرىپ، سايكەسۋدى، سەلبەسۋدى كۇشەيتىپ، ٴوڭىردىڭ جوعارى ساپالى دامۋىن جەدەل ىلگەرىلەتۋى كەرەك“.
قازىر ىندەتتەن ساقتانۋ - تىزگىندەۋ قىزمەتىنىڭ جاڭا كەزەڭگە قادام تاستاۋىنا ىلەسە داشيڭ حالىقارالىق اۋەجايى ۇشاق قاتىناسىن جاپپاي قالپىنا كەلتىردى، جولاۋشىلار لەگى، زات اينالىمى جەدەل قالپىنا كەلدى.
”ٴار كۇنى جۇك كولىكتەرى اۆياتسيا جابدىقتارىن داشيڭ اۋەجايىنىڭ كەشەندى قورعامالى باجى رايونىنداعى قامباعا تاسىپ اكەلىپ جاتادى.“ فۋلايتى (بەيجيڭ) قامداۋ تىزبەگىن باسقارۋ شەكتى سەرىكتەستىگىنىڭ ورىنباسار باس ديرەكتورى ياڭ دۇڭشۇي بىلاي دەدى: ”ٴبىز، نەگىزىنەن، شەتەل اۆياتسيا سەرىكتەستىكتەرىنىڭ ۇشاق رەمونتتاۋىنا قامتاماسىزدىق ازىرلەيمىز، جۋىقتان بەرى تاپسىرىس كوبەيىپ، تيانجيندەگى سەرىكتەستىكپەن زات اينالىمى سەلبەستىگىن اقىلداسۋدامىز“.
”ەكى قاناتپەن“ سامعاۋدان قاتىناس، ەكولوگيالىق ورتانى قورعاۋ، كاسىپ سالاسى سىندى 3 ٴتۇيىندى سالانىڭ دەڭگەيىن جاپپاي كوتەرۋگە دەيىن سەلبەستىك اياسى ۇزدىكسىز كەڭەيىپ، ٴتۇزىلىس - مەحانيزمدە تەرەڭ وزگەرىس تۋىلىپ، نىسان سەلبەستىگى ٴتىپتى دە كوپ نەگىزدى بولىپ، بەيجيڭ - تيانجين - حىبەيدىڭ سايكەستى دامۋىندا نىق قادام تاستالدى.
− قاتىناستى ٴبىر تۇلعالاندىرۋ قۇرىلىسى تارتىپپەن ىلگەرىلەتىلدى، ”رەليس ۇستىندەگى بەيجيڭ - تيانجين - حىبەي“ جەدەل تۇلعالانا باستادى.
بەيجيڭ - جاڭجياكوۋ جوعارى قارقىندى تەمىر جولى، بەيجيڭ - شيۇڭ - ان قالا ارالىق تەمىر جولى، بەيجيڭ - تاڭشان قالا ارالىق تەمىر جولى، بەيجيڭ - بيڭحاي قالا ارالىق تەمىر جولى اشىلىپ ىسكە قوسىلدى، تيانجين - داشيڭ قالا ارالىق تەمىر جولى، بەيجيڭ قالا ارالىق تەمىر جولدارىن تۇتاستىرۋ جەلىسىنىڭ 1 - مەرزىمدىك قۇرىلىسىنىڭ اياق الىسى جاپپاي تەزدەتىلدى. بەيجيڭ - كۇنميڭ، بەيجيڭ - تايبەي، بەيجيڭ - چيڭحۋاڭداۋ سياقتى 9 جوعارى قارقىندى تاس جول ىلگەرىندى - كەيىندى سالىنىپ بولدى.
بۇگىنگى تاڭدا بەيجيڭ - تيانجين - شيۇڭ - اننىڭ وزەكتى رايوندارىنا جارتى ساعاتتا جەتۋ، بەيجيڭ - تيانجين - حىبەيدىڭ باستى قالالارىنا 1 - 5. 1 ساعاتتا جەتۋ قاتىناس شەڭبەرى جەدەل قالىپتاسۋدا، بۇقارانىڭ ٴجۇرىس - تۇرىسىنا ٴتىپتى دە قولايلى بولماق.
− ەكولوگيالىق ورتانى سايكەسە وڭاۋ ٴونىمى كورنەكتى بولىپ، ”جاسىل تاۋ، تۇنىق سۋ − باعالى بايلىق“ بولدى.
بەيجيڭنىڭ تۇڭجوۋى، دايۇنحى ساۋيۇن كەمەجايىندا كوگىلدىر سۋ بەتى بۇيرالانا تولقيدى.
2019 - جىلى 1 - ايدىڭ 18 - كۇنى باس شۋجي شي جينپيڭ بەيجيڭ قالاسىنىڭ قوسالقى ورتالىعىنا كەلدى. كەزىندەگى دۇڭفاڭ حيميا - ونەركاسىپ زاۆودىنىڭ ”قالانىڭ جاسىل جۇرەگىنە“ اينالعاندىعىن كورىپ، باس شۋجي شي جينپيڭ ”ستراتەگيالىق بوستىق قالدىرۋدى“، ”جاسىل بوستىق قالدىرۋدى“ ويداعىداي ىستەۋ كەرەكتىگىن باسا دارىپتەپ ٴوتتى.
”سولتۇستىك جۇڭگونىڭ جاسىل جاقۇتى“ اتالعان سايحانبادا قالىڭ ورمان جاپ - جاسىل بولىپ، بار الاپتان جاسىل لەپ ەستى.
2021 - جىلى 8 - ايدىڭ 23 - كۇنى باس شۋجي شي جينپيڭ سايحانبا مەحانيكالى ورمان الاڭىنا كەلىپ، تەرەڭ سۇيىسپەنشىلىكپەن مىناداي تىلەگىن ٴبىلدىردى: ”مەملەكەتىمىزدى ويداعىداي بىرگە گۇلدەندىرەيىك، جاسىل ەكونوميكانى ويداعىداي دامىتايىق، ەكولوگيالىق وركەنيەت قۇرىلىسىن ويداعىداي جۇرگىزەيىك“!
كورىكتى جۇڭگو ارمانى ٴۇشىن ۇزدىكسىز قۇلشىندى. بۇگىنگى تاڭدا بەيجيڭ - تيانجين - حىبەي ٴوڭىرىنىڭ ەكولوگيالىق ورتاسىن وڭاۋ ساپاسى ونان ارى جوعارىلاتىلىپ، ”ۇزدىكسىز جاقسارۋدان“ ”اسپانى ٴاردايىم اشىق“ بولۋعا وزگەرۋدە.
2022 - جىلى بەيجيڭ - تيانجين - حىبەي وڭىرىندە ۇساق توزاڭنىڭ (PM2.5) جىلدىق قويۋلىعى 37 ميكروگرام＼تەكشە مەترگە تومەندەپ، 2013 - جىلداعىمەن سالىستىرعاندا %60 تەن استام تومەندەدى، بەيجيڭ - تيانجين - حىبەي وڭىرىندە جەر بەتى سۋىنىڭ III-I تۇرىندەگى سۋ ساپاسىنىڭ قيما بەت سالىستىرماسى 2013 - جىلداعى%45.1 تەن 2022 - جىلعى %77.5. كە كوتەرىلدى، يۇڭديڭحى وزەنىنە 26 جىلدان بەرى تۇڭعىش رەت تۇتاس ارنا بويىنشا سۋ قويا بەرىلدى.
− كاسىپ سالاسى تىزبەگى، جاڭالىق اشۋ تىزبەگى سەلبەستىگى بارا - بارا تەرەڭدەپ، ”ساتىلاي بىرلەسىپ قيمىلداۋ، باسىمدىقتارمەن ٴبىرىن - ٴبىرى تولىقتاۋ“ جەدەل قالىپتاستى.
باس شۋجي شي جينپيڭ مىنانى اتاپ كورسەتتى: ”شارباققا تەرىپ سالعاننىڭ ٴبارىن كوكونىس دەۋگە كەلمەيدى، ٴبىر تۇلعالانعان دامۋ تەك قانا كەڭىستىك اۋىستىرۋ ەمەس، وسى ورايدا تيبىن وزگەرتىپ، دارەجەسىن جوعارىلاتۋ، كونەنىڭ ورنىنا جاڭانى الماستىرۋ كەرەك“.
بەيجيڭنىڭ جۇڭگۋانسۇنى، تيانجيننىڭ بينحاي جاڭا رايونى. ەكى ۇلكەن جاڭالىق اشۋ بازاسىنىڭ توعىسۋىنان قانداي ۇشقىن لاۋلادى؟
2019 - جىلى 1 - ايدىڭ 17 - كۇنى باس شۋجي شي جينپيڭ تيانجين بينحاي - جۇڭگۋانسۇن عىلىم - تەحنيكا باقشاسىنا كەلدى. ول مىنانى باسا دارىپتەدى: عىلىم - تەحنيكا باقشا رايونىنىڭ تۇزىلىسىندە، مەحانيزمىندە جاڭالىق اشۋدى تەرەڭدەتىپ، شارۋاشىلىق - ساۋدا ورتاسىن ساپالىلاندىرىپ، بەيجيڭدەگى اناعۇرلىم كوپ عىلىم - تەحنيكا بويىنشا قىزمەت وتەۋ بايلىعىن باقشا رايونىنا كەلىپ قارجى قوسۋعا نەمەسە كاسىپتەرىن كەڭەيتۋگە باۋراپ، بەيجيڭ، تيانجين ەكى قالانىڭ شىن مانىندە باسىمدىق جاقتان ٴبىرىن - ٴبىرى تولىقتاۋىن، مىقتىلاردىڭ بىرلەسۋىن جۇزەگە اسىرۋىن جەبەۋ كەرەك.
بىرنەشە جىلدىڭ ىشىندە تيانجيننىڭ بينحاي جاڭا رايونىنداعى كارالە قۇلتەمىر تەحنيكاسى شەكتى سەرىكتەستىگىنىڭ ىرگە تاسىن قالاۋشى يىن لي كاسىپورىننىڭ قادام سايىن دامۋىنا كۋا بولدى.
”كاسىپورىن بەيجيڭدە دۇنيەگە كەلىپ، تيانجيندە ەسەيدى، ەكى جەر باسىمدىق جاقتان ٴبىرىن - ٴبىرى تولىقتادى، دامۋ ٴورىسى كەڭ بولدى“. يىن لي بىلاي دەدى: ٴونىم بەيجيڭدە زەرتتەلىپ، جوبالاندى، تيانجين نەمەسە حىبەيدەگى بازادا جاسالىپ قۇراستىرىلدى، بۇل تيجارات وزىندىك قۇنىن تومەندەتىپ قالماستان، قاباتتاسقان ابزال ساياساتتاردان يگىلىكتەنىپ، كاسىپورىننىڭ زەيىن - زەردەنى زەرتتەپ اشۋعا شوعىرلاندىرۋىنا مۇمكىندىك بەردى.
بۇگىنگى تاڭدا بەيجيڭ - تيانجين - حىبەيدىڭ ”ساتىلاي بىرلەسىپ قيمىلداۋ، باسىمدىقتارمەن ٴبىرىن - ٴبىرى تولىقتاۋ“ سىندى جاڭالىق اشۋ تىزبەگى، كاسىپ سالاسى تىزبەگى قالىپتاسىپ كەلەدى. تيانجين، حىبەي ەكى جەردە، جۇڭگۋانسۇنداعى كاسىپورىندار 9000 نان استام بولىمشە قۇرىلىم اشىپ، بەيجيڭنەن تيانجينگە، حىبەيگە اعىلعان تەحنيكالىق توقتام سوماسى جيىنى 210 ميلليارد يۋاننان اسىپ، كاسىپ سالاسى سەلبەستىگىندە جاڭا بەينە جارىققا شىقتى.
”حالىقتى وزەك ەتۋگە تاباندى بولىپ، نەگىزگى الەۋمەتتىك قىزمەت وتەۋدى بىرگە قۇرۋدى، تەڭ يگىلىكتەنۋدى جەبەۋ كەرەك“. 2019 - جىلى 1 - ايدىڭ 18 - كۇنى باس شۋجي شي جينپيڭ بەيجيڭ - تيانجين - حىبەيدىڭ سايكەستى دامۋى جونىندەگى اڭگىمە ٴماجىلىستى باسقارىپ اشقاندا وسىلاي دەپ باسا دارىپتەپ، اتاپ كورسەتكەن بولاتىن.
تاۋلاردىڭ سىلەمى، سۋلاردىڭ قاينارى ٴبىر، ادامدار اجىراماس سۇيىسپەنشىلىك ورناتقان، جەر تۇتاسقان. بەيجيڭ - تيانجين - حىبەيدىڭ سايكەستى دامۋىنىڭ الا كەلگەنى قاتىناستىڭ قولايلىلىعى، ٴونىم قۇنىنىڭ جوعارىلاۋى عانا ەمەس، قايتا حالىق جۇرتشىلىعىنىڭ كوكىرەك تولى باقىت سەزىمى ەدى.
4 - ايدىڭ 2 - كۇنى تيانجين جۇڭگوشا ەمدەۋ، ٴدارى - دارمەك داشۋەسىنە قاراستى 1 - شيپاحاناعا ەمدەلۋگە كەلگەن حىبەي شيڭتايلىق ناۋقاس ۋاڭ ليچۇن سىرت جەردىڭ ەمدەۋ قامسىزداندىرۋ كارتۋچكاسىمەن قولما - قول ەسەپ جاپقاندا ”ٴبىر كارتۋچكانى بارلىق جەردە قولدانىپ“ اۋرۋ كورسەتۋدىڭ قولايلىلىعىنان يگىلىكتەندى.
بۇگىنگى تاڭدا 3 جەر ەمدەۋ قۇرىلىمدارى اراسىنداعى تەكسەرۋ، ساراپتاۋ ناتيجەسىن ٴوزارا مويىنداۋدى، قايتالاي حيميالىق ساراپتاۋ تەكسەرۋىن جۇرگىزۋىن قاجەت ەتپەۋدى ىلگەرىلەتىپ، وزگە جەردە ەمدەلۋدە ”ٴبىر كارتۋچكانى بارلىق جەردە قولداندى“... ٴتۇرلى شارالار بۇقارانىڭ وزگە جەردە ەمدەلۋىنە بارىنشا قولايلىلىق جاسادى.
9 جىلدان بەرى بەيجيڭ - تيانجين - حىبەي ساپالى الەۋمەتتىك قىزمەت وتەۋ بايلىعىن بىركەلكى ورنالاستىرۋدى تەرەڭدەي ىلگەرىلەتىپ، حالىق تۇرمىسىنىڭ پايداسىن ۇزدىكسىز ايگىلەدى:
جۇمىستاندىرۋ جاعىندا ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ الەۋمەتتىك جۇمىستاندىرۋ بويىنشا قىزمەت وتەۋ ٴتۇزىمىنىڭ بىركەلكىلەنۋىن كەمەلدەندىرۋىمەن بەيجيڭ - تيانجين - حىبەيدەگى جۇمىسسىزدار ٴوڭىر ىشىندەگى كەز كەلگەن ورىندا جۇمىسسىزدىقتى تىزىمگە الدىرىپ، الەۋمەتتىك جۇمىستاندىرۋ بويىنشا قىزمەت وتەۋدەن تەڭ يگىلىكتەنەتىن بولدى.
وقۋ - اعارتۋ جاعىندا بەيجيڭ - تيانجين مەن حىبەي ولكەسىنىڭ نەگىزدىك وقۋ - اعارتۋ اۋىس - كۇيىس نىسانى 500 دەن استى، ورتا، باستاۋىش مەكتەپتەردىڭ 1000 نان استام تىرەكتى مەكتەپ باستىعى، وقىتۋشىسى بەيجيڭگە مىندەتكە ٴىلۋ بويىنشا ۇيرەنۋگە باردى. بەيجيڭ، حىبەي ەكى جەر ورتا دارەجەلى كاسىپتىك مەكتەپ ساتىسىندا حىبەيدە باۋلۋ، جوعارى دارەجەلى كاسىپتىك مەكتەپ ساتىسىندا بەيجيڭدە باۋلۋ سىندى ”2 + 3“ ۇلگىسىن ورىستەتۋ جونىندە ىزدەنىس جاسادى.
ۇكىمەت ىستەرى جاعىندا بىلتىر 6 - ايدا بەيجيڭ قالاسىنىڭ قوسالقى ورتالىق اكىمشىلىك قىزمەت وتەۋ ورتالىعى ”بۇلتتىق تەرەزەنى“ كوبەيتىپ، قاتىستى ىستەردى بىتىرەتىن كاسىپورىن، بۇقارا تيانجيندەگى، حىبەيدەگى كوپتەگەن جەردەگى قىزمەتكەرلەرمەن ناقتى ۋاقىتتا بەينەبايلانىسقا شىعىپ، ماتەريالدارىن قاشىقتان الدىن الا تەكسەرتەتىن بولدى...
حالىق تۇرمىسىندا كىشى - گىرىم ٴىس جوق، بارلىق ىستە سۇيىسپەنشىلىكتى ايگىلەدى.
”بەيجيڭ - تيانجين - حىبەيدىڭ سايكەستى دامۋىن ىلگەرىلەتۋ تۇبىندە حالىقتىڭ قۇت - ىرىسىن ارتتىرىپ، بىرگە دامۋدى جەبەۋدە ايگىلەنۋگە ٴتيىس“. 2023 - جىلى 5 - ايدىڭ 12 - كۇنى باس شۋجي شي جينپيڭ بەيجيڭ - تيانجين - حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ماجىلىسىندە وسىلاي دەپ باسا دارىپتەدى.
باس شۋجي شي جينپيڭنىڭ ماڭىزدى نۇسقاۋىنا بويسۇنىپ، دامۋ جەتىستىكتەرىنەن بىرگە يگىلىكتەنىپ، حالىق تۇرمىسىن قامتاماسىز ەتىپ جانە جاقسارتىپ، بەيجيڭ - تيانجين - حىبەيدىڭ سايكەستى دامۋىندا ايقىن حالىقتىق تۇرعىنى ايگىلەپ، وسىناۋ بايىرعى ٴارى وسى زامانعى جەردىڭ باقىت بوياۋى اناعۇرلىم قويۋلاپ، تاتىمى اناعۇرلىم ارتا ٴتۇستى.
(4) ۇزدىكسىز تىڭ بەلەسكە كوتەرىلدى
”بەيجيڭ - تيانجين - حىبەيدىڭ سايكەستى دامۋىنىڭ ۇزدىكسىز تىڭ بەلەسكە كوتەرىلۋىن ىلگەرىلەتىپ، بەيجيڭ - تيانجين - حىبەيدى جۇڭگو ۇلگىسىندەگى وسىزامانداندىرۋ قۇرىلىسىنىڭ الدىمەن اتقارىلاتىن رايونىنا، ۇلگى كورسەتۋ رايونىنا اينالدىرۋعا قۇلشىنۋ كەرەك“.
شيۇڭ - ان جاڭا رايونىندا جوعارى جىلدامدىقتى تەمىر جول ۆوگزالى، الەۋمەتتىك اۋماق، قۇرىلىس ورنى سياقتىلارعا ىشكەرىلەي باردى؛ ساڭجوۋدا ٴبيداي اتىزىن ارالاپ، ٴبيدايدىڭ ٴوسۋ جاعدايىن زەر سالا كوردى، حۋاڭحۋا پورتىنىڭ كومىر پورت اۋماعى كەمەجايىنا بارىپ، حىبەي ولكەسىنىڭ پورتتاردى بىرىكتىرىپ دامىتۋ سياقتى احۋالدارىن ۇعىستى؛ شىجياجۋاڭدا كاسىپورىنداردىڭ زەرتتەۋ - اشۋ، ٴوندىرۋ جانە جەرگىلىكتى ورىننىڭ بيولوگيالىق ٴدارى - دارمەك كاسىپ سالاسىن دامىتۋدى ىلگەرىلەتۋ سياقتى احۋالدارىن ۇعىستى... وسى رەتكى تەكسەرۋ جۇرگىزۋ ساپارىندا باس شۋجي شي جينپيڭ زەر سالا كورىپ، ىشكەرىلەي سۇراستىردى.
”سەنىمدى بەكەمدەپ، تاباندىلىقتى ساقتاپ، ورايدى يگەرۋ، سىن - سايىسقا توتەپ بەرۋ، داعدارىستى جويۋ، ۇتىمدى ورايدى جەتىلدىرۋ قابىلەتىن كۇشەيتىپ، دامۋ مەن حاۋىپسىزدىكتى ٴبىر تۇتاس جوسپارلاۋ كەرەك“ دەپ باسا دارىپتەدى باس شۋجي شي جينپيڭ.
جوبانى تياناقتاندىرۋ كەڭ ٴارى ەگجەي - تەگجەيلى بولۋ كەرەك.
باستان - اياق تاريحي سابىرلىلىق پەن ستراتەگيالىق تاباندىلىقتى ساقتاپ، جوعارى ساپالى دامۋدى ىشكەرىلەي ىلگەرىلەتىپ، جاڭا دامۋ ارناسىنا ىرىقتىلىقپەن توعىسقان بەيجيڭ - تيانجين - حىبەيدىڭ سايكەستى دامۋى جۇڭگو ۇلگىسىندەگى وسىزامانداندىرۋدى ىلگەرىلەتۋ ۇردىسىندە الدىڭعى لەكتە جۇرۋگە قۇلشىندى.
جاڭالىق اشۋ ارقىلى دەم بەرۋگە تاباندى بولىپ، ەكونوميكالىق دامۋدىڭ ىشكى قوزعاۋشى كۇشى ارتتى −
جاڭالىق اشۋ باس شۋجي شي جينپيڭنىڭ بەيجيڭ - تيانجين - حىبەيدە تەكسەرۋ - زەرتتەۋ جۇرگىزگەندە تالاي رەت باسا دارىپتەگەن ٴتۇيىندى ٴسوزى بولىپ، ”كاسىپ سالاسى قۇرىلىمىن ساپالىلاندىرىپ، دارەجەسىن جوعارىلاتۋدى جانە جاڭالىق اشۋ ارقىلى دامۋعا دەم بەرۋدىڭ جۇزەگە اسۋىن سەلبەستىك ٴتۇيىنى ەتەيىك“، ”سايكەسە جاڭالىق اشۋدى جانە كاسىپ سالاسى ىستەستىگىن كۇشەيتىپ، جوعارى دەڭگەيلى عىلىم - تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جۇزەگە اسىرۋ بارىسىندا ۇلگىلىك، باستاماشىلدىق رولدى ساۋلەلەندىرۋ كەرەك“ دەگەن ەدى...
باسىمدىقتى بىرلەستىرۋدىڭ ”قوسۋ امالىندا“، كاسىپ سالالارىن تۇرلەندىرۋدىڭ ”ازايتۋ امالىندا“ تۇگەلدەي جاڭالىق اشۋ قۇپيالىعى قامتىلىپ، ويلاۋ قالىبىن بۇزاتىن جۇرەكتىلىك ايگىلەندى.
استانانىڭ فۋنكتسيالىق وزەكتى رايونىنداعى جاڭا قوزعاۋشى كۇش فينانس عىلىم - تەحنيكا ورتالىعىنا كىرسەڭىز قوناق قارسى الاتىن قۇلتەمىر قوناقتارعا ىستىق ىقىلاسپەن امانداسادى. بۇل كەڭ دە جارىق، بولاشاق سەزىمىنە تولى عيمارات بىرنەشە جىلدىڭ الدىندا حايۋاناتتار باقشاسىنىڭ تولايىم ساتۋ بازارى بولاتىن، قازىر تيبىن وزگەرتىپ، مەملەكەت دارەجەلى فينانس عىلىم - تەحنيكاسىنان ۇلگى كورسەتۋ رايونىنا اينالدى.
”قازىر ۇلگى كورسەتۋ رايونى ىشىندەگى فينانس عىلىم - تەحنيكا كاسىپورىندارى مەن ماماندانعان قىزمەت وتەۋ قۇرىلىمدارىنىڭ جالپى سانى 200 دەن اسىپ، فينانس، عىلىم - تەحنيكا كاسىپ سالالارى دامۋىنىڭ جالىندى بەينەسىن بەلسەنە قالىپتاستىردى“ دەدى جاڭا قوزعاۋشى كۇش فينانس عىلىم - تەحنيكا ورتالىعى جۇمىس جۇرگىزۋ ۇجىمىنىڭ جاۋاپتىسى لي چيان.
جاسىل دامۋعا تاباندى بولىپ، دامۋ مەن قورعاۋدىڭ سايكەستى قاتار ٴومىر ٴسۇرۋ جولىن ىزدەدى −
”’زامانالىق ۇلى جوسپار‘، ’زامانالىق شيۋليننەن‘ باستالادى، جاسىل جامىلعى مەن تۇنىق سۋ ۇشتاسقان، ادام مەن تابيعات جاراسىمدى قاتار ٴومىر سۇرەتىن كوركەم كارتينانى ۇزدىكسىز كەستەلەۋگە قۇلشىنۋ كەرەك“. 2019 - جىلى 1 - ايدىڭ 16 - كۇنى باس شۋجي شي جينپيڭ شيۇڭ - ان جاڭا رايونىندا قىزمەت تەكسەرگەندە وسىلاي دەپ اتاپ كورسەتتى.
بۇگىنگى تاڭدا شيۇڭ - ان توبى ەكولوگيالىق قۇرىلىس سەرىكتەستىگى پارتكومىنىڭ ورىنباسار شۋجيى پىڭ شۇيگىڭنىڭ باس شۋجيدىڭ سوزىنە تۇسىنىگى بارعان سايىن تەرەڭدەي ٴتۇستى.
الدىمەن جاسىل جامىلعى ەگىپ، ونان سوڭ قالا قۇردى. 2017 - جىلى 11 - ايدىڭ 13 - كۇنى العاشقى كوشەتتى ەگۋدەن باستاپ، قازىر شيۇڭ - ان جاڭا رايونىندا ”زامانالىق شيۋلين“ 470 مىڭ مۋدان اسىپ، ورمانمەن كومكەرىلۋ مولشەرى %34 كە جوعارىلادى.
سالىنىپ جاتقان جۇمىس باستاۋ اۋماعىنا كىرسەڭىز وڭتۇستىك پەن سولتۇستىكتى تۇتاستىرعان ورتالىق جاسىل اڭعار مەن شىعىس بولىكتەگى سۋلى اڭعاردا كوگىلجىم تولقىن ويناپ، ەكى جاعالاۋداعى كورىنىس وڭىرلەرىنىڭ نوبايى قالىپتاسىپ بولعاندىعىن كورەسىز. پىڭ شۇيگىڭ بىلاي دەدى: ”سۇيەم جەرى التىنعا بارابار“ جۇمىس باستاۋ اۋماعى ەكولوگيالىق ”ەكى اڭعار“ قۇرىپ، ”پورت، ۆوگزال، قالا، كول“ ٴبىر تۇلعالانىپ، قالاعا ەكولوگيالىق تارتىمدىلىق جانە تابيعات قاسيەتىن سيلادى.
”سولتۇستىكتەگى قۇمنان قورعانۋ بەلدەۋى سياقتى ەكولوگيانى قورعاۋ جانە قالپىنا كەلتىرۋ ٴتۇيىندى ينجەنەريالار قۇرىلىسىن ۇزدىكسىز ويداعىداي يگەرىپ، جاسىل ەكولوگيالىق قالتقى قۇرىلىسى سياقتى كەلەلى ەكولوگيالىق ينجەنەريالاردى ۇزدىكسىز ىلگەرىلەتۋ كەرەك.“ باس شۋجي شي جينپيڭ بەيجيڭ - تيانجين - حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ماجىلىسىندە وسىلاي تىڭ ورنالاستىرۋ جاسادى.
جوعارى دەڭگەيدە سىرتقا ەسىك اشۋدى كەڭەيتىپ، جوعارى ساپالى دامۋدىڭ تىڭ ومىرشەڭدىك كۇشىن قاۋلاتتى −
4 - ايدىڭ 6 - كۇنى ساعات 8، تيانجين پورتى كەمەجايى.
جۇك تيەۋ مولشەرى 24 مىڭ كونتەينەردەن اساتىن ”وسى زامانعى كوپەنگاگەن“ كەمەسى باياۋ كەلىپ توقتادى، زەردەلى ساۋساقپەن توقتاتۋ جۇيەسى جەتەكشىلىك ەتكەن جاعالاۋ كرانى دالمە - دال جايعاسىپ، جىلدام جۇمىس جۇرگىزۋدە. سول كۇنى كەشتە بۇل جۇك كەمەسى تيانجين پورتىنان شىعىپ، ەۆروپاداعى نەگىزگى پورتقا اتتاندى. جۇڭگو مەن ەۆروپانى تۇتاستىراتىن ەرەكشە ۇلكەن كەمە ساناتىنداعى كونتەينەرلى جۇك كەمەسىنىڭ جاڭا تەڭىز جولى رەسمي اشىلدى.
بوحاي شىعاناعىنىڭ جاعالاۋىنداعى تىڭ تولقىن. باس شۋجي شي جينپيڭ 2019 - جىلى 1 - ايدىڭ 17 - كۇنى وسى ارادا تەكسەرۋ جۇرگىزگەندە بىلاي دەپ باسا دارىپتەدى: ”شالقار ٴورىستى مۇرات ەتىپ، دۇنيە جۇزىندە ماڭداي الدى پاراساتتى پورت، جاسىل پورت قۇرۋعا قۇلشىنىپ، بەيجيڭ - تيانجين - حىبەيدى سايكەستىرە دامىتۋعا جانە ’ٴبىر بەلدەۋ، ٴبىر جولدى‘ بىرگە قۇرۋعا اناعۇرلىم ويداعىداي قىزمەت ەتۋ كەرەك“.
”باس شۋجيدىڭ ٴسوزى ٴبىزدى ۇنەمى جىگەرلەندىرىپ كەلەدى“. 4 جىلدىڭ الدىنداعى كورىنىستى ەسكە العاندا تيانجين پورتى توبىنىڭ القا باستىعى چۋ بين ٴالى دە تەبىرەنەدى.
2021 - جىلى تيانجين پورتىنىڭ جىلدىق كونتەينەر قابىلداۋ - جونەلتۋ مولشەرى تۇڭعىش رەت 20 ميلليون ولشەمدى كونتەينەردەن استى، 2022 - جىلى 21 ميلليون ولشەمدى كونتەينەردەن استى؛ حىبەي پورتىمەن سەلبەسىپ، بوحاي تەڭىزىن اينالىپ وتەتىن ىشكى تارماق لەنيادا ”كۇندە ىستەيتىن“ قىزمەت وتەۋ تۇلعالاپ، بەيجيڭ پيڭگۋىمەن اراداعى تەڭىز - تەمىر جول بىرلەسپە تاسىمالىن اشىپ، بەيجيڭ وڭىرلىك باس شتابىن جانە شيۇڭ - ان جاڭا رايونى قىزمەت وتەۋ ورتالىعىن قۇردى ...
5 - ايدىڭ 12 - كۇنگى اڭگىمە ماجىلىستە باس شۋجي شي جينپيڭ بىلاي دەپ باسا دارىپتەدى: ”ٴتۇزىلىس - مەحانيزم رەفورماسىن جانە سىرتقا ەسىك اشۋدىڭ كەڭەيۋىن ونان ارى ىلگەرىلەتىپ، شارۋاشىلىق - ساۋدا ورتاسىن زور كۇشپەن ساپالىلاندىرىپ، ەل ٴىشى - سىرتىنداعى باسقا وڭىرلەرمەن بەلسەنە بايلانىس جاساپ، ۇشتاسىپ، بۇكىل ەلدىڭ سىرتقا ەسىك اشۋداعى بيىك بەلەسىن تۇلعالاۋ كەرەك“.
بەيجيڭ - تيانجين - حىبەيدىڭ سايكەستى دامۋىن ىشكەرىلەي ىلگەرىلەتۋ ٴساتى ٴدال قوزعاۋشى قۋات اۋىساتىن تاريحي وراي مەزگىلىنە تۋرا كەلدى. جاڭا دامۋ ارناسىن قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ ۇلى اۋقىمى بەيجيڭ - تيانجين - حىبەيدىڭ سايكەستى دامۋىنا تىڭ ٴورىس اشتى.
بولاشاققا بەت العاندا باس شۋجي شي جينپيڭنىڭ جەتەكشىلىگى ايقىن دا بەرىك بولدى: ”بەيجيڭ - تيانجين - حىبەيدى جۇڭگو ۇلگىسىندەگى وسىزامانداندىرۋ قۇرىلىسىنىڭ الدىمەن اتقارىلاتىن رايونىنا، ۇلگى كورسەتۋ رايونىنا اينالدىرۋعا قۇلشىنۋ كەرەك“.
شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى (تىلشىلەر زوۋ ۋي، فان شي، ۋي يۇيكۇن، لي كۇن، چي لەيجە، گو يۇيجيڭ)