جاستىق كوكتەم گۇلدەنۋ جورىعىندا نۇر - شۇعىلا شاشتى
− جۇڭگو كوممۋنيستىك جاستار وداعىنىڭ مەملەكەتتىك 19 - قۇرىلتايى اشىلۋ قارساڭىندا
□ شينحۋا اگەنتتىگىنىڭ تىلشىلەرى حۋاڭ يۋە، شۇي جۋاڭ، جاڭ يان
جالىنداعان 6 - ايدا جاستىق كوكتەمنىڭ سالتاناتتى جينالىسىن قارسى الامىز. جۇڭگو كوممۋنيستىك جاستار وداعىنىڭ مەملەكەتتىك 19 - قۇرىلتايى 6 - ايدىڭ 19 - كۇنى اشىلادى.
بۇكىل ەلدىڭ جەر - جەرىنەن كەلگەن جاستار وداعى مەملەكەتتىك 19 - قۇرىلتايىنىڭ 500دەن استام ۋاكىلى بەيجيڭدە باس قوسىپ، جاستىق جىگەرىمەن، جاستىق جالىنىمەن، جاستىق كۇرەسىمەن الداعى 5 جىلدىق دامۋ جوسپارىن بىرگە جاسايدى.
جاستار وركەندەسە، مەملەكەت قۇدىرەتتەنەدى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت ىستەرى دامۋىنىڭ ۇشقىنىن ۇرپاقتان - ۇرپاققا جالعاۋدىڭ، ءىزباسار ادامى بولۋدىڭ ستراتەگيالىق بيىگىندە تۇرىپ، جاستاردىڭ ءوسىپ - جەتىلۋىنە، دارىندى بولۋىنا كوڭىل ءبولىپ، جاستار قىزمەتىنىڭ دامۋىن جوبالاپ، جاستاردى دامىتۋ ىستەرىنىڭ جان - جاقتى العا باسۋىن، تاريحي تابىسقا قول جەتكىزۋىن ىلگەرىلەتتى.
جاڭا جورىق جاڭا جاستىق كوكتەمگە انىقتاما بەردى. جۇڭگو ۇلگىسىندەگى وسىزامانداندىرۋدى جۇزەگە اسىرۋدىڭ ايبىندى ۇردىسىندە جاڭا داۋىردەگى جۇڭگو جاستارىنىڭ ماڭگى بويكۇيەزدىككە سالىنبايتىن رۋحاني كۇيمەن، ماڭگى ايالدامايتىن العا ىلگەرىلەۋ بەينەسىمەن ۇلتتى گۇلدەندىرۋدىڭ بۋىرقانعان كوكتەمگى تاسقىنىن كوتەرەتىندىگى ءشۇباسىز.
جاستىق كوكتەم داۋىرمەن ۇندەس بولدى
”سالەمەتسىزدەر مە! حاتتارىڭىزدى تاپسىرىپ الدىم، كوپشىلىكتىڭ مەكتەپ قۇرعان عىلىم - تەحنيكا شاعىن اۋلاسى ارقىلى اتىز باسىنا جانە قىستاقتارعا، شارۋا وتباسىلارىنا بارىپ،’ اۋىل - قىستاقتى گۇلدەندىرۋگە‘ قىزمەت وتەۋ بارىسىندا حالىق تۇرمىسىنداعى قيىن ماسەلەلەردى شەشكەندىگىنەن، ءبىلىم قۋۋعا دەن قويعاندىعىنان حاباردار بولىپ، قاتتى قۋاندىم“.
2023 - جىلى 4 - مامىر جاستار مەرەكەسى قارساڭىندا جۇڭگو اۋىل شارۋاشىلىق داشۋەسى عىلىم - تەحنيكا شاعىن اۋلاسىنداعى وقۋشىلار باس شۋجي شي جينپيڭنىڭ جاۋاپ حاتىن تاپسىرىپ الدى. ولار قايتا - قايتا وقىپ، باس شۋجيدىڭ شىنايى ءتالىمىن كوكەيدە ساقتادى: ”جاستار’ جاپا - ماشاقات بارىسىندا شىڭدالۋى كەرەك‘ دەپ وتە تاماشا ايتىپسىزدار. جاڭا داۋىردەگى جۇڭگو جاستارىندا وسىنداي ەرىك - جىگەر بولۋ كەرەك“.
عارىش قالاسىنا بارىپ نەگىزگى تاقىرىپتىق وداق كۇنى قيمىلىنا قاتىناستى؛ ۋيميڭحۋ كولىنىڭ جاعاسىنا بارىپ جاستىق كوكتەم جىر ءمۇشايراسىن تىڭدادى؛ چاۋحۋ كولىنىڭ جاعاسىندا جاستاردى باتىلدىقپەن اۆانگارد بولۋعا شابىتتاندىردى؛ ساياسي - زاڭ مەكتەپتەرىنە بارىپ جاستارعا پارتياعا باتىل ىلەسۋدى تاپسىردى... ءار جولى جاستار مەرەكەسى كەلگەندە مەيلى قانشا قاربالاس بولسا دا، باس شۋجي شي جينپيڭ قاشاندا جاستارمەن پىكىر اۋىستىرىپ، سىرلاسىپ، جاستارعا ەسەيىپ - ەرجەتۋ باعدارىن نۇسقاپ وتىردى.
ءار جىلى 4 - مامىردىڭ الدى - ارتىنداعى وسى ءبىر ۋاقىتتى مەن جاستارعا ارنايمىن. باس شۋجي شي جينپيڭنىڭ وزىنە بەكىتكەن ”كۇن ءتارتىبى“ جاستاردىڭ ونىڭ كوڭىلىندەگى ورنىن ايگىلەدى.
جاستار وركەندەسە، مەملەكەت قۇدىرەتتەنەدى. بۇكىل پارتيا جاستار قىزمەتىن ستراتەگيالىق قىزمەت رەتىندە يگەرۋ كەرەك... 20 - قۇرىلتاي بايانداماسىن جاساعاندا باس شۋجي شي جينپيڭنىڭ سالماقتى دا كەسەتىمدى ءسوزى قالىڭ جاستاردى جىگەرلەندىرىپ، جاستار قىزمەتىنىڭ پارتيا مەن مەملەكەت ىستەرى جالپى جاعدايىنداعى ستراتەگيالىق ورنىن كورسەتتى.
پارتيا قۇرىلعاندىعىنىڭ 100 جىلدىق مەرەيتويىندا ”بولاشاق جاستاردىكى، ءۇمىت جاستاردا“ دەگەن مول مەيىرلى جىگەر بەردى؛
پارتيا 19 - قۇرىلتايىنىڭ بايانداماسىندا ”جاس بۋىن مۇراتتى، قابىلەتتى بولسا، جاۋاپكەرشىلىك ارقالاي بىلسە، مەملەكەتتە بولاشاق، ۇلتتا ءۇمىت بولادى“ دەگەندى ايتتى؛جۇڭگو كوممۋنيستىك پارتياسى قۇرىلعاندىعىنىڭ 95 جىلدىعىن قۇتتىقتاۋ جينالىسىندا ”جاستار − وتانىمىزدىڭ بولاشاعى، ۇلتىمىزدىڭ ءۇمىتى، سونداي - اق پارتيامىزدىڭ بولاشاعى مەن ءۇمىتى“ دەپ اتاپ كورسەتتى؛
...
پارتيا تاريحىنداعى العاش رەتكى ورتالىقتىڭ پارتيانىڭ بۇقارالىق ۇيىمدار قىزمەتى ءماجىلىسىن باسقارىپ اشىپ، جاڭا جۇڭگو تاريحىنداعى تۇڭعىش جاستاردى دامىتۋ جوباسىن جەتەكشىلىك ەتىپ شىعاردى، جاڭا جۇڭگو تاريحىنداعى جاستارعا قاتىستى تۇڭعىش ارناۋلى اق تىستى كىتاپتى جەتەكشىلىك ەتىپ جاريالادى، «كوممۋنيستىك جاستار وداعى ورتالىق كوميتەتىنىڭ رەفورما جوباسىن»، «جۇڭگو كوممۋنيستىك پارتياسى ورتالىق كوميتەتىنىڭ جاڭا داۋىردەگى پيونەرلەر اترەتى قىزمەتىن جاپپاي كۇشەيتۋ جونىندەگى پىكىردى» جەتەكشىلىك ەتىپ جاسادى...
پارتيا 18 - قۇرىلتايىنان بەرى باس شۋجي شي جينپيڭ پارتيا ىستەرىنىڭ ءىزباسار ادامى بولۋدى، قىزىل اكىمياتتىڭ ماڭگى قاسيەتىن جويماۋدى كوزدە ۇستاپ، جاستارعا ءمان بەرۋدى، جاستاردى باۋلۋدى جانە ايالاۋدى باستان - اياق پارتيا مەن مەملەكەت ىستەرىن دامىتۋ كەلەلى جاعدايىنا قويدى.
ءار ۇرپاقتىڭ وزىنە ءتان كەشىرمەلەرى بولادى، ءار ۇرپاق جاستاردىڭ وزىنە ءتان بورىشى بولادى.
تاريح جۇڭگوشا سوتسياليزم جاڭا داۋىرىنە جەتكەندە باس شۋجي شي جينپيڭ جۇڭگو جاستار قوزعالىسىنىڭ داۋىرلىك تاقىرىبى − جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋ ەكەندىگىن تەرەڭدەي ايقىن اتاپ كورسەتتى.
1981 - جىلى بەيجيڭ داشۋەسىنىڭ تۇلەكتەرى يانيۋان باقشاسىندا ”ىنتىماقتاسىپ، جۇڭحۋانى گۇلدەندىرەيىك“ دەگەن اسقاق ۇران كوتەردى.
2018 - جىلى 5 - ايدا بەيجيڭ داشۋەسىندە وقىتۋشى - وقۋشىلارمەن اڭگىمەسكەندە باس شۋجي شي جينپيڭ شىن ىقىلاسپەن: بۇگىنگى تاڭدا ءبىز بۇل ۇراندى ونان ارى اسقاقتاتا كوتەرۋىمىز، جۇدىرىقتاي جۇمىلىپ، جۇڭگو ارمانىن جۇزەگە اسىرۋ جولىندا كۇرەس جۇرگىزۋىمىز كەرەك“، - دەدى.
بۋىرقانعان جۇڭگو ارمانىندا جاستار گۇلدەنۋ سىندى زور مىندەتتى ارقالاپ، قيىنشىلىقتان تايسالماۋ كەرەك.
2022 - جىلى 10 - اي، پارتيا 20 - قۇرىلتايىنان كەيىن تۇڭعىش رەت بەيجيڭنەن شىعىپ قىزمەت تەكسەرگەن باس شۋجي شي جينپيڭ حىناننىڭ ان - ياڭىنداعى حۇڭچي توعانىنا باردى.
سول جىلدارى 300 جاستان ۇيىمداسقان ەكپىندىلەر قوسىنى ءبىر جىل 5 اي ۋاقىت ەرلىكپەن شايقاسىپ، جەر ءتۇزىلىسى كۇردەلى، تاستارى قاتتى قۇلاما جارتاستى قاشاپ اشقان سۋ جەتكىزۋ تۋنەلى وسىدان بارىپ جاستار تۋنەلى دەگەن اتپەن تانىلدى.
باس شۋجي بىلاي دەدى: ”جاس ۇرپاقتار جاپاعا شىدامدى بولۋ، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جاساۋ رۋحىنا مۇراگەرلىك ەتىپ جانە ونى ساۋلەلەندىرىپ، داندايسۋشىلىق پەن ەركەلىكتى تاستاپ، ءبىزدىڭ اعا بۋىندارىمىز سياقتى جاستىق جالىندارىن تاريحتىڭ وشپەس ەسكەرتكىشىنە ورنەكتەۋ كەرەك“.
جاستىق كوكتەمدى جالعاستىرىپ، تاريحتىڭ ۇتىلامالى تاياقشاسىن قازىرگى تاڭعا جەتكىزدى؛ گۇلدەنگەن زاماندا ءىس تىندىرىپ، گۇلدەنۋ سىندى ماڭىزدى مىندەتتى باتىل ارقالادى.
باس شۋجي شي جينپيڭ ۇلتتى گۇلدەندىرۋ كوورديناتاسىندا جاس ۇرپاقتاردىڭ ءوسىپ - جەتىلۋىنە، دارىندى بولۋىنا باستان - اياق جول نۇسقادى:
”سىزدەر ’قوس 100 جىلدىقتىڭ‘ الىمدى ىسىمەرى، بەرىك تىرەگى بولاسىزدار. توزۋلەرىڭىز كەرەك. جۇڭگو اتتى وسى ايداعار تىرەكتى كۇشى بولعاندا عانا، ءتوزىمدى بولعاندا عانا، ءتىپتى دە بيىككە سامعايتىن بولادى. مىنە بۇل مەنىڭ ءبىر ءۇمىتىم“.
باس شۋجي شي جينپيڭنىڭ ىقىلاستى تىلەگى، شىنايى تاپسىرماسى جاستارعا الدا ءجۇرىپ، ارمان قۋاتىن اناعۇرلىم كوپ كۇش - قۋات بەردى.
جاستىق كوكتەم دامۋمەن بىرگە ىلگەرىلەدى
”پارتيا تۋى قايدا نۇسقاسا، وداق تۋى سوندا جەلبىرەيدى“.
2018 - جىلى 7 - ايدىڭ 2 - كۇنى وداقتىڭ 18 - قۇرىلتايى جابىلعانىنا بىرنەشە كۇن وتپەي جاتىپ، باس شۋجي شي جينپيڭ وداق ورتالىق كوميتەتىنىڭ جاڭا كەزەكتى باسشىلىق القاسىنىڭ مۇشەلەرىمەن توپتىق اڭگىمەلەسكەندە وسىلاي دەپ باسا دارىپتەدى.
”كوممۋنيستىك جاستار وداعى − پارتيانىڭ قولعاناتى جانە زاپاس كۇشى“. باس شۋجي شي جينپيڭ شىن ىقىلاسپەن بىلاي دەدى: ”وداقتىڭ بارلىق قىزمەتى، تۇپتەن كەلگەندە، جاقسى قولعانات جانە زاپاس كۇش بولۋ“.
پارتيا ىستەرىندە ءىزباسار ادام بولۋ سىندى وسى ءبىر ءتۇبىرلى ءىرى جوسپاردى تياناق ەتىپ، سوتسياليزمنىڭ قۇرىلىسشىلارى مەن ءىزباسارلارىن باۋلۋ سىندى وسى ءبىر ءتۇبىرلى مىندەتتى مىقتاپ يگەرگەن ءار دارەجەلى كوممۋنيستىك جاستار وداعى شي جينپيڭ جاڭا ءداۋىر جۇڭگوشا سوتسياليزم يدەياسىمەن جاستاردى قارۋلاندىرۋعا، جۇڭگوشا سوتسياليزم ىستەرىنىڭ ۇلى تابىسىمەن جاستاردى تاربيەلەۋگە، سوتسياليستىك وزەكتى قۇن كوزقاراسىمەن جاستاردى سومداۋعا تاباندى بولىپ، قالىڭ جاستاردى بار ىنتا - ىقىلاسىن پارتياعا ارناۋعا، بەلسەنە العا باسۋعا جەتەكتەدى.
− جۇڭگو جاستارىن يدەيالىق جاقتان العا باسۋعا جەتەكتەدى.
2023 - جىلى 4 - ايدا ”يدەيانىڭ كۇشى“ − كوممۋنيستىك جاستار وداعىنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، ۇگىتتەۋ، دايەكتىلەندىرۋ ”جاستار اراسىندا 10 مىڭ رەت ۇگىت لەكسيا جاساۋدى“ باستاۋ جانە جاستارعا ارناپ شەشىپ ءتۇسىندىرۋ، ۇلگى كورسەتۋ، ۇگىت لەكسيا ءماجىلىسى بەيجيڭدە وتكىزىلدى.
ۇگىت لەكسيا ءماجىلىسى ورنىندا وداق ورتالىق كوميتەتىنىڭ ”جاس لەكتورلار ۇيىرمەسىندەگى“ مۇشەلەر ”ۇلى وزگەرىس“، ”يدەيانىڭ ۇلى كۇشى“سياقتى نەگىزگى تاقىرىپتاردى ارقاۋ ەتە وتىرىپ شەشىلە سويلەدى، نازاريانى تەرەڭ دە جان - جاقتىلى شەشىپ ءتۇسىندىرۋ، تابىستاردى جاندى دا جالىندى ءتۇسىندىرۋ، شىنايى دا اسەرلى ۇلەس قوسۋ حيكايالارى سول ورىنداعى كورەرمەندەردى تەبىرەنتىپ، پارتيانىڭ جاسامپاز نازارياسىن جۇرت جۇرەگىنە تەرەڭ ۇيالاتتى.
”جاستار قاۋىرت ۇيرەنۋ“ ينتەرنەتتەگى نەگىزگى تاقىرىپتىق وداق ساباعىن اشىپ، جيىنى 7 ميلليارد 96 ميلليوننان (رەت) استام جاستى قاتىناسۋعا باۋرادى؛ ”جاس لەكتورلار ۇيىرمەسى“ جوباسىن ورىستەتىپ، ءار دارەجەلى ”جاس لەكتورلار ۇيىرمەسىنىڭ“ 21 مىڭنان استام مۇشەسىن نەگىزگى ساتىداعى وداق مۇشەلەرىنە، جاستار مەن ورەندەرگە باعىتتالعان ۇدايىلانعان ۇگىت لەكسيا جاساۋعا ۇيىمداستىردى؛ جاس ماركسيزمشىلدەردى باۋلۋ ينجەنەرياسىن ىشكەرىلەي اتقارىپ، توپ - توپ جاس ساياسي تىرەكتىلەردى باۋلىدى...
پارتياعا ادالدىقتى، جۇڭگوشا سوتسياليزم سەنىمىن، ماركسيزم نانىمىن كوڭىلىنىڭ تەرەڭ تۇكپىرىنە ۇيالاتقان كوممۋنيستىك جاستار وداعى مۇشەلەرىنىڭ، پيونەرلەر اترەتى مۇشەلەرىنىڭ جىگەرى، ارىنى، تەبىنى تاسىپ، ونى پارتيا قۇرىلعاندىعىنىڭ 100 جىلدىعى كەزىندە جۇڭگودا شارىقتاعان ”پارتيا الاڭسىز بولسىن، وتاندى قۇدىرەتتەندىرۋدە مەن بارمىن“ دەگەن اۋەنگە اينالدىردى.
− جاستاردىڭ ۋايىمىمەن، تىلەگىمەن ۇشتاستىرىپ، قامنان ارىلتتى، قيىنشىلىقتارىن شەشتى.
كوكتەمگى حۋانان شىفان داشۋەسىنىڭ داشۋە قالاشىعى مەكتەپ رايونىندا قولدارىنا قىسقاشا تانىستىرۋ ۇستاعان مەكتەپ بىتىرەتىن وقۋشىلار مەكتەپتەگى جالىندى كورىنىسكە اينالدى، 2023 - جىلعى گۋاڭدۇڭ كوممۋنيستىك جاستار وداعىنىڭ جوعارى مەكتەپ وقۋشىلارىنىڭ جۇمىستانۋىن جەبەۋ ارەكەتى بويىنشا تۇڭعىش قىزمەتكە قابىلداۋ جينالىسى وسىندا باستالدى.
قىزمەتكەر قابىلداۋ جينالىسىندا 2400 نەشە جۇمىس ورنى مەكتەپ بىتىرەتىن وقۋشىلارعا مول تالعام ازىرلەدى. سول ورىنداعى كاسىپتىك جەتەكشىلەر تاعى قىزمەت قاراستىرعان وقۋشىلارعا قىسقاشا تانىستىرۋلارىن تەكسەرىپ تۇزەتۋ، شارۋاشىلىق قۇرۋ بويىنشا كەڭەس بەرۋ، تۇرعىن ءۇي ينفورماتسياسىن ءتۇيىلىستىرۋ سياقتى قىزمەتتەر وتەدى. وقۋشىلار وسى رەتكى قىزمەتكە قابىلداۋ جينالىسىن وتە مەيىرلى بولدى دەستى.
پارتيا مەن جاستاردىڭ اراسىنداعى كوپىر، دانەكەر رەتىندە، كوممۋنيستىك جاستار وداعى بۇكىل وداقتىڭ كۇشىن توپتاپ، پارتيا ءۇشىن جاۋاپكەرشىلىك ارقالاپ، بورىش وتەپ، جاستاردىڭ ۋايىمىن، قيىنشىلىعىن شەشۋگە الۋان ءتۇرلى امال قاراستىردى.
جاستاردىڭ ءجىتى قاداعالاعان ىستەرىنە مەڭزەس، ادەتتەگى شۋەيۋان، مەكتەپتەردەگى تومەن كىرىستى وتباسىنداعى وقۋشىلارعا تولىق بارىستى جۇمىستاندىرۋ قىزمەت وتەۋىن ازىرلەدى؛ 10نان ارتىق تاراۋدىڭ باسىن قوسىپ، جاستار ىستەرىن دامىتۋ سيپاتىنداعى قالا قۇرۋ سىناق ءتۇيىنىن قانات جايدىردى؛ جوعارى مەكتەپ وقۋشىلارىنىڭ اۋىل - قىستاقتا شارۋاشىلىق قۇرۋىنا كومەكتەسۋ - سۇيەمەلدەۋ جوسپارىن اتقارىپ، ”جاسامپازدىققا تولى جاستىق كوكتەم“ جۇڭگو جاستارىنىڭ جاڭالىق اشۋ، شارۋاشىلىق قۇرۋ جارىسىن ۇيىمداستىردى...
ءىزباسار ادام بولۋ ماسەلەسىنە مەڭزەس، جاس ساياسي دارىندىلارىن باۋلۋ ارەكەتى، جاس عىلىم - تەحنيكا دارىندىلارىن قولداۋ ارەكەتى، جاس شەبەرلىك دارىندىلارىن شىنىقتىرۋ ارەكەتى، جاس تيجارات باسقارۋ دارىندىلارىنا قۋات ۇستەۋ ارەكەتى سياقتىلاردى اتقارىپ، پارتيانىڭ، جاستار وداعىنىڭ، اترەتتىڭ ادام تاربيەلەۋ تىزبەگىنىڭ ۇلاسۋىن، تۇتاسۋىن ىلگەرىلەتىپ، پارتيانىڭ ىستەرىنە پارمەندى دارىندىلار كەپىلدىگىن ازىرلەدى.
جاڭا داۋىردە كوممۋنيستىك جاستار وداعى جاستاردى ۋايىمداتقان، مازالاعان ىستەردى نازارعا الىپ، جاستاردىڭ ءوز ءومىرىن سومداۋىنا ءتىپتى دە باي وراي ازىرلەپ، جاستاردىڭ ۇلەس قوسىپ، ەڭبەك سىڭىرۋىنە ءتىپتى دە پارمەندى شارت - جاعداي ازىرلەدى.
− جاستاردىڭ نەگىزگى كاسىبىن ارقاۋ ەتىپ، رەفورمانى تەرەڭدەتتى.
2015 - جىلى 7 - ايدا اشىلعان پارتيا تاريحىنداعى العاشقى رەتكى ورتالىقتىڭ پارتيانىڭ بۇقارالىق ۇيىمدار قىزمەتى ءماجىلىسى كوممۋنيستىك جاستار وداعىنىڭ رەفورمانى تەرەڭدەتۋىنىڭ شىمىلدىعىن اشتى.
«كوممۋنيستىك جاستار وداعى ورتالىق كوميتەتىنىڭ رەفورما جوباسى»، «مەملەكەتتىك جاستار بىرلەستىگىنىڭ رەفورما جوباسى»، «وقۋشىلار بىرلەستىگىنىڭ، وقۋشىلار ۇيىمىنىڭ رەفورما جوباسى»، «ورتالىق جاستار وداعى مەكتەبىنىڭ رەفورما جوباسى» سياقتىلار ىركەس - تىركەس باسىپ تاراتىلىپ، ءبىر قىدىرۋ كەلەلى رەفورما شارالارى كوممۋنيستىك جاستار وداعىنىڭ ساياسي سيپاتىن، العاباسارلىق سيپاتىن، بۇقارالىق سيپاتىن ۇزدىكسىز كۇشەيتتى.
تۋ ءتىپتى دە اسقاقتادى. رەفورما ارقىلى جاستار وداعىنىڭ باسشىلىق ورگانى ”ءوزىن ىقشامدادى“ جانە ”نەگىزگى ساتىعا بەيىمدەلدى“، جاستار وداعى باسشىلىق ورگانىنىڭ باستى جۇمىسىنىڭ نازاردى شوعىرلاندىرۋ دارەجەسى، ۇلەس قوسۋ دارەجەسى كورنەكتى ارتتى.
نەگىزگى ساتى ءتىپتى دە بەكەمدەلدى. 2019 - جىلى كوممۋنيستىك جاستار وداعىنىڭ اۋدان وڭىرىندەگى نەگىزگى ساتى رەفورما سىناق ءتۇيىنى اتقارىلعاننان بەرى اۋدان دارەجەلى وداق كوميتەتىنىڭ ءتۇرلى قىزمەت كۇشتەرى ورتاشا ەسەپپەن ءبىر ەسە ارتتى، توتە قاراستى وداق ۇيىمدارىنىڭ قىزمەت تىرەكتىلەرى ％3. 80 ارتتى. بۇكىل جاستار وداعى كولەمىندە ”زەردەلى جاستار وداعى قۇرىلىسى“ جۇيەسىن قۇرىپ، جاستار وداعى ۇيىمىنىڭ جانە جاستار وداعى مۇشەلەرىنىڭ ءمان - جايىن ءبىرشاما دۇرىس ءارى يكەمدى يەلەدى.
ومىرشەڭدىك كۇش ءتىپتى دە تاسقىندادى. مەملەكەتتىك جاستار بىرلەستىگى مۇشەلەرىنىڭ اراسىندا نەگىزگى ساتىنىڭ ءبىرىنشى شەبىندەگىلەردىڭ سالىستىرماسى ％5. 90كە جەتتى؛ جوعارى مەكتەپتەردىڭ مەكتەپ دارەجەلى وقۋشىلار ۇيىمىنداعى قىزمەتكەرلەردىڭ جالپى كولەمى 2018 - جىلدىڭ اياعىنداعى 499 مىڭ ادامنان 117 مىڭ ادامعا ىقشامدالدى؛ بۇكىل ەلدەگى ％8. 99 ورتا، باستاۋىش مەكتەپتەردە پيونەرلەر قىزمەت كوميتەتى قۇرىلدى.
جاڭا شۇعىلا شاشىپ، جاڭا وبراز ورناتتى.
كوممۋنيستىك جاستار وداعىنىڭ 19 - قۇرىلتايى جاقىنداپ قالدى، ”تۋانتۋان كەلدى“ كوپتەگەن ادامنىڭ الەۋمەتتىك تەكشەلەردە قولداناتىن بەلگىسىنە اينالدى. وسىناۋ قىسقا عانا ءبىر اۋىز سوزدەن سۇيكىمدى دە شىنايى ءوزىمىزدىڭ كوممۋنيستىك جاستار وداعىمىز دەگەن ماعىنا ايقىن ءبىلىنىپ تۇر.
جاستىق كوكتەم ارماندى سەرىك ەتتى
بەيجيڭ قىسقى وليمپيادا سپورت جارىسىندا جۇلدەگەر بولعان سۋ يميڭ جارىستان كەيىن باس شۋجي شي جينپيڭگە ءبىر پارشا حات جازدى. تەز ارادا ول باس شۋجيدىڭ قايتارعان حاتىن تاپسىرىپ الدى.
”سىزدەردىڭ وتاندى كوكەيدە ساقتاپ، اسقاق ارمان ارقالاپ، قۇنتتى دا ۇقىپتى بولىپ، كۇرەس بارىسىندا تارتىمدى دا تاماشا ءومىر ورنەكتەپ، وتان مەن حالىققا جاستىق ورال مەن كۇش - قۋاتتى ارناۋلارىڭىزدى ءۇمىت ەتەمىن“. قىسقا حاتتا ۇلكەن سۇيىسپەنشىلىك، شەكسىز ءۇمىت بەينەلەندى.
2022 - جىلى 6 - ايدا 18 جاستاعى سۋ يميڭ داڭقپەن كوممۋنيستىك جاستار وداعىنا مۇشە بولدى. ول بىلاي دەدى: جاستار وداعى تۋىنىڭ الدىندا ايبىندى سەرت بەرۋ داڭق عانا ەمەس، ءتىپتى، جاپالى بورىش پەن جاۋاپكەرشىلىك ارقالاۋ كەرەكتىگىن اڭعارتادى.
تۋ بيىك جەلبىرەدى، بورىشتى ارقالادى. ۇلەس قوسىپ، ەڭبەك ءسىڭىرۋدىڭ ۇتىلامالى تاياقشاسى جاڭا ۇرپاق جاستاردىڭ قولىنا ءوتتى، ولار الدەقاشان جاقسى دايىندىق جاساپ، جاڭا ءداۋىردىڭ جاڭا الەمىندە ءوز ارمان - ماقساتتارىن ىسكە اسىرىپ، قۇلشىنا جۇيتكۋدە.
ولار بولاشاق ارمانىن سومداۋدا مۇراتتى بولدى −
تاڭ ارايلاپ اتىپ كەلەدى، ۋجىشان تاۋىنىڭ قويناۋىنان جاسىل لەپ ەسىپ تۇر، لۇيدۇڭ ورگانيكالى اۋىل شارۋاشىلىعى كاسىپتىك سەلبەستىك كووپەراتيۆىنىڭ القا باستىعى ۋاڭ چي - ۋاڭ شاي باعىن ىڭعايلاستىرۋمەن ابىگەر. 2010 - جىلى 20 نەشە جاستاعى ۋاڭ چي - ۋاڭ اۋىلىنا قايتىپ شارۋاشىلىق قۇرىپ، ديقان بولدى. 10 نەشە جىلدان بەرى ۋاڭ چي - ۋاڭنىڭ جاستىق ورالىنان ءدامدى شايدىڭ جۇپار ءيىسى اڭقىدى.
ەگىمشىلىكتەن، باسقارۋدان ساتۋعا دەيىن ەپپەن باسىپ، جولىن ىزدەدى، ول بىرتە - بىرتە ەكولوگيالىق اينالمالى ەگىن شارۋاشىلىعى سىناق اتىزىنا ىزدەنىس جاساپ تابىسقا جەتتى. ۋاڭ چي - ۋاڭ بىلاي دەدى: ”كاسىپ سالاسىن ەكولوگيالاندىرۋ، ەكولوگيانى كاسىپ سالالاندىرۋ ءبىزدىڭ قۇلشىنىس باعدارىمىز. مەن اۋىلداستارىمدى باستاپ كوشىرۋگە بولاتىن، اۋقاتتانۋعا باستايتىن ەكولوگيالىق كاسىپ جولىن تابۋعا ىزدەنىس جاساۋدى ءۇمىت ەتەمىن“.
كوڭىلدە بايلام بولسا، سانادا باعىت بولادى.
نەشە ميلليون جاس وقۋشىلار ”ءۇشتى اۋىل - قىستاققا جەتكىزۋ“ قوعامدىق اماليات قيمىلىنا قاتىناسىپ، كەدەيلىكتەن قامال الۋعا جانە اۋىل - قىستاقتى گۇلدەندىرۋگە كۇش ۇستەدى؛ 2021 - جىلعا دەيىن 470 مىڭ ”ءۇشتى قولداۋ، ءبىردى سۇيەمەلدەۋ“ قىزمەتكەرى نەگىزگى ساتىعا بارىپ وقۋ - اعارتۋعا، اۋىل شارۋاشىلىعىنا، ەمدەۋگە قولداۋ كورسەتتى... جاڭا داۋىردەگى جۇڭگو جاستارى جەكە باسىنىڭ كۇرەستەگى ”كىشكەنە نىساناسىن“ پارتيا مەن مەملەكەتتىڭ ”ۇلى جوباسىمەن“ توعىستىرىپ، ءومىر قۇنىن ىسكە اسىرىپ، ءومىر دەڭگەيىن كوتەردى.
ولار قىسىلتاياڭ ساتتە باتىلدىقپەن جاۋاپكەرشىلىك ارقالادى −
”مەن ءبىرىنشى شەپتە قىزمەت ىستەۋدى ۇناتامىن، بۇل ارادا مەنىڭ جەتىلۋىمە قاجەتتى توپىراق بار“. ”دوكتور توكشى“ شيە باڭپىڭ جوعارى ەڭبەكاقىلى قىزمەت ورايىنان كەشىپ، مەملەكەت ەلەكتر تورى شاڭحاي پۋدۇڭ ەلەكترمەن قامداۋ سەرىكتەستىگىنىڭ ءبىر قاراپايىم نەگىزگى ساتى قىزمەتكەرى بولدى.
2020 - جىلى ىندەت ۇدەگەندە شيە باڭپىڭ ۇجىمىن باستاپ، قاراستىلىعىنداعى اۋماقتاعى قىزۋ امبولاتورياسى شيپاحانالارىندا كومەسكى كىناراتتاردى تەكسەرۋدى ورىستەتىپ، ەلەكترمەن قامداۋدىڭ ەش قاتەرسىز بولۋىنا كەپىلدىك ەتتى. شۇعىل سيىمدىلىقتى كوتەرىپ ەلەكترمەن قامداۋ مىندەتىن تاپسىرىپ العاندا، ول ءوزى اتقا قونىپ، ءبىر اپتا ىشىندە سىرتقى جەلىدەگى ينجەنەرياداعى قۇرىلىس شارت - جاعدايى تۇگەلدەي تياناقتاندىرىلعان ”شاڭحاي جىلدامدىعىن“ جارىققا شىعاردى.
500 نەشە مىڭ جاستار ەكپىندىلەر اترەتى، 9 ميلليوننان استام جاس ىندەتكە قارسى اتتانۋدىڭ ءبىرىنشى شەبىندە شايقاس جۇرگىزدى. حۋبەيعا كومەككە بارعان ەمدەۋ اترەتىندەگى 28 مىڭ 600 سەسترانىڭ اراسىندا ”80 -، 90 - جىلداردىڭ تۇلەكتەرى“ ％90تەن استامىن يەلەدى...
پارتيا مەن حالىق قاجەت ەتكەندە، ءداۋىر جاستارى ءۇن قوستى. مەيلى قاي كەزدە، قاي جەر، قاي جۇمىس ورنىندا بولسىن، قاشاندا جاستىقتىڭ بەينەسى بار، ولار قيىنشىلىققا قاراي قاسقايا ىلگەرىلەپ، يىقتارىمەن تاۋداي اۋىر جۇكتى ارقالادى.
ولار قامال الىپ قيىندىقتاردى جەڭىپ، جاپا - ماشاقاتتان تايسالمادى −
لياۋگاڭ توبى داليان پورتى مۇناي ونىمدەرى كەمەجايى سەرىكتەستىگىندە ”90 - جىلداردىڭ تۇلەگى“ شيكى مۇنايدى تيەۋ - ءتۇسىرۋدى كەشەندى ولشەۋ جۇمىسشىسى لي يۇنلۇڭ مۇناي كۇبىلەرى مەن قۇبىرلاردىڭ اراسىندا شاپقىلاپ، ەلىمىزدىڭ وسىزاماندانعان مۇناي پورتىنداعى مۇناي جەتكىزۋ ”كۇرە تامىرىن“ قورعادى.
”ولشەۋ قىزمەتىندە، ءسوزسىز، اسا ۇقىپتى بولۋ كەرەك، ءبىر ميلليمەترلىك پارىق 5000 ليتر شيكى مۇناي“. تەك تەكسەرۋ قىزمەتى بار بولسا بولعانى، مەيلى ءوزىنىڭ كۇبىگە شىعۋ كەزەگى بولسىن - بولماسىن، لي يۇنلۇڭ باسقالارعا ىلەسىپ كۇبىنىڭ توبەسىنە شىعىپ، ساقا ۇستازداردىڭ جۇمىس ىستەگەنىن دەن قويا كورەدى. 24 مەتر بيىكتىكتەگى مۇناي كۇبىسىنە ول ءبىر كۇندە 5 − 6 رەت شىعىپ تۇسەدى.
ءومىر ۇشقىنىن لاۋلاتىپ، جاستىق كوكتەمدى شۇعىلا شاشتىردى، جاس ۇرپاقتار بەينەتكە بەلى قايىسپاي، شەبەرلەنە ءتۇسىپ، جاپا - ماشاقات بارىسىندا شىڭدالىپ، اماليات بارىسىندا ەرجەتتى.
ولار قۇلشىنا جان قيارلىقپەن شايقاستى، كۇرەس جۇرگىزدى −
جۇڭگو تەڭىز - مۇحيت مۇناي توبىنىڭ تەرەڭ تەڭىز سۋ استى قۇلتەمىرىنە جول باستاۋشى حان چاۋدىڭ جۇمىس ورنى ۇشى - قيىرسىز تەڭىزدە.
ءزاۋلىم عيماراتتار بوي كوتەرىپ، تەڭىز اتتاعان كوپىرلەر بوگەتتەردى بۇزعان كەزدە، حان چاۋ مەن كاسىپتەستەرى ”تەرەڭ تەڭىز تۇبىندە عيمارات سالىپ جاتتى“. ول ورتاشا جاسى 30 جاسقا جەتپەيتىن ۇجىمدى باستاپ سۋ استىنداعى قۇلتەمىردى مەڭگەرىپ، ەلىمىزدەگى تۇڭعىش 1500 مەترلىك تەڭىز ءتۇبى قۇبىرىن جاتقىزۋدى، دۇنيە جۇزىندەگى تۇڭعىش 100 مىڭ توننا دارەجەلى جارتىلاي سۇڭگۋىر ۇلگىسىندەگى مۇناي ءوندىرۋ، مۇناي ساقتاۋ تۇعىرىن اسا تەرەڭ سۋ استىندا ياكور شىنجىرىمەن بەكەمدەۋدى ورىندادى.
تەرەڭ تەڭىزدە جۇمىس ىستەۋ ”قولعاپ كيىپ كەستە تىگۋمەن“ بىردەي، حان چاۋ ۇزدىكسىز جاڭا مىندەتتەردى تاپسىرىپ الىپ، سۋ استىندا 300 مەتردەن 1500 مەترگە دەيىن قايتا - قايتا تەرەڭدىكتەگى مۇمكىن ەمەستەرگە سايىس جاريالاپ، كوگىلدىر تەڭىز تۇبىندە ءوز جاستىق كوكتەمىنىڭ كوركىن قالدىردى.
جاستاردىڭ ونەرىن ۇشتاۋىنا كەڭ ساحنا، تاماشا وراي ازىرلەندى.
”مۇراتتى بولىپ، جاۋاپكەرشىلىك ارقالاۋعا باتىل، جاپاعا شىدامدى، كۇرەس جۇرگىزۋگە پەيىلدى جاڭا داۋىردەگى جاقسى جاستار بولۋعا بەل بايلاۋ كەرەك“ باس شۋجي شي جينپيڭنىڭ تەرەڭ سۇيىسپەنشىلىگى مەن ەرەكشە قامقورلىعىندا قالىڭ جاستار اسقاق جىگەرمەن، قايراتتانا شايقاسىپ، جۇڭحۋا ۇلتىنىڭ تىرشىلىك تىنىسى جالىنداعان، ارىنداي العا تارتقان كوركەم كورىنىسىنە اينالدى.
”70 - جىلداردىڭ، 80 - جىلداردىڭ، 90 - جىلداردىڭ، 2000 - جىلداردىڭ تۇلەكتەرى، ولار سىرتقا شىعىپ ەل كورىپ، جەر كورىپ بولعانشا، جۇڭگو الدەقاشان مىنا دۇنيەگە ءتۇزۋ قاراي الاتىن بولدى“، 2021 - جىلى مەملەكەتتىك ەكى ءماجىلىس كەزىندە باس شۋجي شي جينپيڭنىڭ ءسوزى ادامداردىڭ كۇشتى اڭىسىن قوزعادى.
ءبىر جىلدان كەيىن، جۇڭگو حالىق داشۋەسىنە بارعاندا باس شۋجي شي جينپيڭ ”جۇڭگو جاستارىنىڭ دۇنيەگە ءتۇزۋ قاراۋى“ تاقىرىبىن تاعى اۋىزعا الىپ: ”مەن قوعامنىڭ دامۋىن ىلگەرىلەتەتىن كۇشتى سەنىم كۇشىنىڭ باسىم كوبىنىڭ جاستاردان كەلگەندىگىن ەرەكشە قۋانا كوردىم“، - دەدى.
بولاشاق جاستارعا ءتان، ءۇمىت جاستاردا.
جەلكەن جايىپ ەكپىندەي ىلگەرىلەپ، ارمانعا قانات قاقتى. جاڭا جورىقتا وتانىمىزدىڭ بايتاق دالاسىن قادامدارىمەن ولشەپ، جۇرەكپەن ءداۋىر تىنىسىن سەزىنىپ، تالپىنىسپەن تاماشا ءومىردى كەسكىندەدى، جاڭا داۋىردەگى جاقسى جاستار شەكسىز مۇمكىندىككە يە، جاڭا داۋىردەگى جاقسى جاستاردىڭ ءوزى شەكسىز مۇمكىندىك.
(شينحۋا اگەنتتىگىنىڭ 6 - ايدىڭ 18 - كۇنى بەيجيڭنەن بەرگەن حابارى)