− باس شۋجي شي جينپيڭنىڭ مەملەكەتتىك ەكولوگيالىق ورتانى قورعاۋ جينالىسىنداعى ماڭىزدى ءسوزىن ۇيرەنۋ، دايەكتىلەندىرۋ تۋرالى

□ حالىق گازەتىنىڭ شولۋشىسى

پارتيانىڭ ەكولوگيالىق وركەنيەت قۇرىلىسىنا جالپى بەتتىك باسشىلىعىنا تاباندى بولۋ − ەلىمىزدىڭ ەكولوگيالىق وركەنيەت قۇرىلىسىنىڭ ءتۇبىرلى كەپىلى. مەملەكەتتىك ەكولوگيالىق ورتانى قورعاۋ جينالىسىندا باس شۋجي شي جينپيڭ بىلاي دەپ باسا دارىپتەدى: ”كورىكتى جۇڭگو قۇرۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى نىساناسى، ءسوز جوق، پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ كەرەك“.

پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ ەكولوگيالىق وركەنيەت قۇرىلىسىنا جالپى بەتتىك باسشىلىعىن كۇشەيتىپ، ەكولوگيالىق وركەنيەت قۇرىلىسىن جالپى جاعداي قىزمەتىندە كورنەكتى ورىنعا قويىپ، ءبىر قىدىرۋ كەلەلى ستراتەگيالىق ورنالاستىرۋ جاسادى. ”بەستى ءبىر تۇلعالاندىرۋ“ جالپى تۇلعالىق ورنالاستىرۋىندا ەكولوگيالىق وركەنيەت قۇرىلىسى مۇنىڭ ىشىندەگى بىرەۋى؛ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ نەگىزگى جالپى جوباسىندا ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولۋ مۇنىڭ ىشىندەگى ءبىر تارماعى؛ جاڭا دامۋ ۇستانىمىندا جاسىل بولۋ مۇنىڭ ىشىندەگى ءبىر ءتۇرى؛ ءۇش ۇلكەن قامال الۋ شايقاسىندا لاستانۋدان ساقتانۋ جانە ونى وڭاۋ مۇنىڭ ىشىندەگى ءبىر شايقاس؛ وسى عاسىردىڭ ورتا شەنىنە جەتكەندە سوتسياليستىك وسىزاماندانعان قۋاتتى ەل قۇرىپ شىعۋ نىساناسىندا كورىكتى جۇڭگو مۇنىڭ ىشىندەگى بىرەۋى. بۇل پارتيا ورتالىق كوميتەتىنىڭ ەكولوگيالىق وركەنيەت قۇرىلىسىنا وسكەلەڭ ءمان بەرەتىندىگىن تولىق ايگىلەدى، ەكولوگيالىق وركەنيەت قۇرىلىسىنىڭ پارتيا مەن مەملەكەت ىستەرىن دامىتۋ كەلەلى جاعدايىنداعى ماڭىزدى ورنىن ايقىندادى. جاڭا داۋىردەن بەرى ءبىزدىڭ ەكولوگيالىق وركەنيەت قۇرىلىسىندا ۇلىقسان زور تابىسقا قول جەتكىزۋىمىز، كورىكتى جۇڭگو قۇرىلىسىندا كەلەلى قادام تاستاۋىمىز، ”ءتورت كەلەلى بۇرىلىستى“ جۇزەگە اسىرا الۋىمىز، تۇپتەپ كەلگەندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشلىعىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ، اسىرەسە، شي جينپيڭنىڭ ەكولوگيالىق وركەنيەت يدەياسىنىڭ عىلمي جەتەكشىلىگىنىڭ ارقاسى.

پارتيا 20 - قۇرىلتايىندا ”جاسىل دامۋدى ىلگەرىلەتىپ، ادام مەن تابيعاتتىڭ جاراسىمدى، قاتار ءومىر ءسۇرۋىن جەبەۋ“ كەلەلى ورنالاستىرۋى جاسالىپ، ەكولوگيالىق وركەنيەت قۇرىلىسى مەن ەكولوگيالىق ورتانى قورعاۋ قىزمەتىنە تىڭنان ءتىپتى دە جوعارى تالاپتار قويىلدى. پارتيا ورتالىق كوميتەتى، مەملەكەتتىك كەڭەس تاياۋدا كورىكتى جۇڭگو قۇرىلىسىن جاپپاي ىلگەرىلەتۋ جونىندە جۇيەلى ورنالاستىرۋ جاسادى. وڭىرلەر، تاراۋلار جاۋاپكەرشىلىك سەزىمىن، بورىشتىلىق سەزىمىن ۇزدىكسىز كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرۋ، تياناقتاندىرۋ كەرەك. مىنانى ءسوز جوق، تەرەڭ تانۋىمىز كەرەك: ەكولوگيالىق ورتا − پارتيانىڭ بورىشىنا، باس ماقساتىنا قاتىستى كەلەلى ساياسي ماسەلە، سونىمەن بىرگە حالىق تۇرمىسىنا دا قاتىستى كەلەلى قوعامدىق ماسەلە؛ ەلىمىزدىڭ ەكولوگيالىق ورتانى قورعاۋداعى قۇرىلىمدىق سيپاتتى، قاينار سيپاتتى، بەتالىستىق سيپاتتى قىسىم ءالى تۇبەگەيلى باسەڭدەگەنى جوق، ەكولوگيالىق وركەنيەت قۇرىلىسى ءالى دە قىسىم قاباتتاسقان، اۋىر مىندەت ارقالاپ العا باساتىن شەشۋشى كەزەڭدە تۇر. كورىكتى جۇڭگو قۇرىلىسىنىڭ ساياسي جاۋاپكەرشىلىگىن باتىل ارقالاپ، الداعى 5 جىل سىندى كورىكتى جۇڭگو قۇرىلىسىنىڭ وسى ماڭىزدى مەزگىلىن مىقتاپ يگەرىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، حالىقتى وزەك ەتۋگە تاباندى بولىپ، قالا مەن اۋىلدىڭ قونىس ورتاسىنىڭ كورنەكتى جاقسارۋىن، كورىكتى جۇڭگو قۇرىلىسىنىڭ كورنەكتى ونىمدىلىككە قول جەتكىزۋىن ىلگەرىلەتىپ، حالىقتىڭ كۇن سايىن ارتىپ وتىرعان كورىكتى ەكولوگيالىق ورتا قاجەتىن ۇزدىكسىز قاناعاتتاندىرۋ كەرەك.

ەكولوگيالىق ورتانى قورعاۋدى ناقتى تياناقتاندىرا الۋ - الماۋدىڭ تەتىگى باسشى كادرلاردا. جەرگىلىكتى پارتيا، ۇكىمەت باسشى كادرلارىنىڭ ەكولوگيالىق ورتانى قورعاۋ جاۋاپكەرشىلىك ءتۇزىمىن جەدەل اقىلداسىپ جاساپ، جاپپاي قامتيتىن، ۇقىق پەن جاۋاپكەرشىلىك بىردەي بولاتىن، سيلاۋ مەن جازالاۋ انىق، ءاربىر بۋىن ءوزارا ساباقتاسقان جاۋاپكەرشىلىك جۇيەسىن ورناتۋ كەرەك. ەكولوگيالىق وركەنيەت قۇرىلىسى جاۋاپكەرشىلىك تىزىمدىگىن مۇقيات تياناقتاندىرىپ، تەڭ يگەرىپ، بىرگە باسقاراتىن قۋاتتى بىرىككەن كۇش قالىپتاستىرۋ كەرەك. عىلمي، ۇيلەسىمدى بولعان تەكسەرۋ، باعالاۋ جۇيەسىن اقاۋسىزداندىرىپ، تەكسەرۋ قولباسشىلىق تاياقشاسىنىڭ رولىن تولىق ساۋلەلەندىرۋ كەرەك. ءار دارەجەلى باسشى كادرلار ەكولوگيالىق وركەنيەت قۇرىلىسىندا ناقتى قابىلەتتەرىن ۇزدىكسىز كۇشەيتۋلەرى كەرەك.

باس شۋجي شي جينپيڭ بىلاي دەپ اتاپ كورسەتتى: ”ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىنىڭ سەمسەرلىك رولىن ۇزدىكسىز ساۋلەلەندىرۋ كەرەك“. ورتانى قورعاۋدى باقىلاۋ - تەكسەرۋدى ورىستەتۋ − پارتيا ورتالىق كوميتەتىنىڭ، مەملەكەتتىك كەڭەستىڭ ورتانى قورعاۋ قىزمەتىن كۇشەيتۋ ءۇشىن قولدانعان كەلەلى شاراسى، ەكولوگيالىق وركەنيەت قۇرىلىسىن كۇشەيتۋ، حالىق بۇقاراسىنىڭ اڭىسى كۇشتى بولعان ورتانى لاستاۋ جانە ەكولوگيانى ءبۇلدىرۋ ماسەلەسىن شەشۋ جونىنەن ماڭىزدى ءمان الادى. اماليات مىنانى تولىق دالەلدەدى: ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ ءتۇزىمى جاقسى ورناتىلعان، جاقسى قولدانىلعان، باتىلدىقپەن شىنداپ كىرىسىپ، وزگەلەردى رەنجىتۋدەن قورىقپاي، ماسەلەدەن جازباي، جەرگىلىكتى پارتكومدار مەن ۇكىمەتتەردىڭ جانە ولاردىڭ قاتىستى تاراۋلارىنىڭ ەكولوگيالىق ورتانى قورعاۋ جاۋاپكەرشىلىگىن تياناقتاندىراتىن مىعىم شاراسىنا، ناقتى شاراسىنا اينالدى، ەكولوگيالىق وركەنيەت قۇرىلىسىن ىلگەرىلەتەتىن ماڭىزدى تۇتقاعا اينالدى. ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ ءتۇزىمى ورناتىلعاننان، اتقارىلعاننان بەرگى جەتىستىكتەر مەن تاجىريبەلەردى قورىتىندىلاپ، قولدانىپ، وزەكتى ارقاۋ ەتىپ، كەلەلى جاعدايعا قىزمەت وتەپ، ماسەلەنى باعدار ەتۋگە باستان - اياق تاباندى بولىپ، ءتۇيىن مەن تەتىكتى يگەرىپ، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ قىزمەتىنىڭ ۇزدىكسىز تەرەڭدەي دامۋىن ىلگەرىلەتۋ كەرەك. پارتيانى جاپپاي قاتاڭ باسقارۋ تۇلعالىق جاۋاپكەرشىلىگىن قاتايتىپ، ناقتىلاندىرىپ، باقىلاۋ - تەكسەرۋ قوسىنى قۇرىلىسىن ءۇرتىس كۇشەيتىپ، ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋ قىزمەتىن ويداعىداي ىستەۋگە پارمەندى قامتاماسىزدىق ازىرلەۋ كەرەك. ءار دارەجەلى پارتكومدار مەن ۇكىمەتتەر ەكولوگيالىق ورتانى قورعاۋ قوسىنىنا كوڭىل ءبولۋى، قولداۋ كورسەتۋى، ىرىقتى تۇردە ولاردى ۋايىم - قايعىدان ارىلتىپ، قيىنشىلىقتارىن شەشىپ، مەدەت بەرىپ، جىگەرلەندىرۋى كەرەك.

ەكولوگيالىق وركەنيەت قۇرىلىسى − جۇڭحۋا ۇلتىنىڭ ماڭگى ۇزدىكسىز دامۋىنا ساياتىن ءتۇبىرلى ۇلى جوسپار. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ەكپىندەي ىلگەرىلەگەن جاڭا جورىعىندا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى سيپاتتى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىنا، ناقتى ونىمدىلىك كورسەتۋىنە شىنايى كەپىلدىك ەتىپ، قايراتتانا العا ۇمتىلىپ، مويىماس تاباندىلىق كورسەتەتىن بولساق، ءبىز، ءسوز جوق، ەكولوگيالىق وركەنيەت قۇرىلىسىنىڭ تىڭ ساتىعا كوتەرىلۋىن ۇزدىكسىز ىلگەرىلەتىپ، ادام مەن تابيعات جاراسىمدى قاتار ءومىر سۇرگەن وسىزامانداندىرۋدى جەدەل ىلگەرىلەتە الاتىن بولامىز.

(شينحۋا اگەنتتىگىنىڭ 7 - ايدىڭ 22 - كۇنى بەيجيڭنەن بەرگەن حابارى)