سۋرەتتە: 4 - ايدىڭ 26 - كۇنى بەيجيڭ عارىشقا ۇشۋدى مەڭگەرۋ ورتالىعى سۋرەتكە تۇسىرگەن شىنجوۋ 17 - ٴنومىرلى الەم كەمەسىنىڭ عارىشكەرلەر توبىنداعىلار مەن شىنجوۋ 18 - ٴنومىرلى الەم كەمەسىنىڭ عارىشكەرلەر توبىنداعىلاردىڭ توپتىق سۋرەتى.

سۋرەتتى شينحۋا اگەنتتىگىنىڭ ٴتىلشىسى جين لياڭكۋاي تۇسىرگەن.

شينحۋا اگەنتتىگىنىڭ 4 - ايدىڭ 26 - كۇنگى حابارى (ٴتىلشى گو جوڭجىڭ). جۇڭگو عارىشقا ادام الىپ ۇشۋ ينجەنەرياسى كەڭسەسىنىڭ تانىستىرۋىنا قاراعاندا، عارىشكەرلى الەم كەمەسى كەڭىستىك بەكەتى قۇراما تۇلعاسىمەن وزدىگىنەن، شاپشاڭ توعىسىپ ٴتۇيىلىسۋدى ورىنداعان سوڭ، شىنجوۋ 18 - ٴنومىرلى الەم كەمەسىندەگى عارىشكەرلەر الەم كەمەسىنىڭ قايتۋ بولمەسىنەن وربيتا بولمەسىنە قادام تاستادى. بەيجيڭ ۋاقىتى 2024 - جىلى 4 - ايدىڭ 26 - كۇنى ساعات 5 تەن 4 مينۋت وتكەندە، وربيتادا مىندەت اتقارىپ جۇرگەن شىنجوۋ 17 - ٴنومىرلى الەم كەمەسىندەگى عارىشكەرلەر ”ٴۇي ەسىگىن“ ٴساتتى اشىپ، الىستان كەلگەن شىنجوۋ 18 - ٴنومىرلى الەم كەمەسىندەگى عارىشكەرلەردى ”تيانگۇڭعا“ قارسى الىپ كىرگىزدى. سونان سوڭ ەكى عارىشكەرلەر توبى توپتىق سۋرەتكە ٴتۇسىپ، وزدەرىنەن الاڭداپ وتىرعان بۇكىل ەل حالقىنا اماندىقتارىن ٴبىلدىردى. 

الدا ەكى عارىشكەرلەر توبى كەڭىستىك بەكەتىندە وربيتادا كەزەك اۋىستىرادى. وسى كەزدە 6 عارىشكەر كەڭىستىك بەكەتىندە 5 كۇندەي بىرگە قىزمەت ىستەپ، تۇرمىس كەشىرىپ، بەلگىلەنگەن قىزمەتتەردى ورىندايدى.