ليۋ گوجۇڭ شينجياڭدا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

　　كەدەيلىكتەن ارىلتۋدان قامال الۋ جەتىستىگىن شىنايى بەكەمدەپ، كەڭەيتىپ، سۋ بايلىعىن ۇنەمدەۋدى جانە جوعارى ٴونىمدى پايدالانۋدى كۇشەيتۋ كەرەك

شينحۋا اگەنتتىگىنىڭ 5 ـ ايدىڭ 30 ـ كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ گوجۇڭ 5 ـ ايدىڭ 28 ـ كۇنىنەن 30 ـ كۇنىنە دەيىن شينجياڭدا تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ اۋىل شارۋاشىلىعى، اۋىل ـ قىستاق، شارۋالار قىزمەتى جانە سۋ تىزگىندەۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن مۇقيات تياناقتاندىرىپ، كەدەيلىكتەن ارىلتۋدان قامال الۋ جەتىستىگىن كۇش سالا بەكەمدەپ، كەڭەيتىپ، سۋ يگىلىگى نەگىزدىك قۇرىلعى قۇرىلىسىن كۇشەيتىپ، اۋىل ـ قىستاقتى گۇلدەندىرۋدى جاپپاي ىلگەرىلەتۋگە، اۋىل شارۋاشىلىعىندا قۋاتتى ەلدى جەدەل قۇرۋعا پارمەندى قامتاماسىزدىق ازىرلەۋ كەرەك.

ليۋ گوجۇڭ ىلگەرىندى ـ كەيىندى قاشقار ايماعىنىڭ قاشقار قالاسىنا، قاعىلىق اۋدانىنا بارىپ، كەدەيلىكتەن ارىلعان قىستاققا، قونىس جاڭالاعان الەۋمەتتىك اۋماققا، كاسىپ سالاسى باقشا رايونىنا، قىستاق ەمحاناسىنا بارىپ، كەدەيلىكتەن ارىلعان ەگىنشى ـ مالشىلاردىڭ جاعدايىن ۇعىسىپ، كەدەيلىكتەن ارىلعان بۇقارانىڭ ٴوندىرىس، تۇرمىس جانە ەمدەۋ، وقۋعا ٴتۇسۋ سياقتى جاعدايلارىن ەگجەي ـ تەگجەيلى ۇعىستى. ول بىلاي دەپ باسا دارىپتەدى: كەدەيلىكتەن ارىلتۋدان قامال الۋ جەتىستىگىن بەكەمدەۋ، كەڭەيتۋ _ اۋىل ـ قىستاقتى گۇلدەندىرۋدى جاپپاي ىلگەرىلەتۋدىڭ تومەنگى شەك مىندەتى، جاۋاپكەرشىلىكتى، ٴسوزسىز، قاتايتىپ، ناقتىلاندىرىپ، باستان ـ اياق مىقتى، ويداعىداي يگەرۋ كەرەك. قايتا كەدەيلەسۋدەن ساقتانۋدى قاداعالاۋدى جانە باعىتتامالى كومەكتەسۋ ـ سۇيەمەلدەۋدى كۇشەيتىپ، ”ٴۇشتى قامتاماسىز ەتۋ“ مەن اۋىز سۋ حاۋىپسىزدىگىن قامتاماسىز ەتۋ دەڭگەيىن ۇزدىكسىز بەكەمدەپ، جوعارىلاتىپ، قونىس جاڭالاعاننان كەيىنگى كومەكتەسۋ ـ سۇيەمەلدەۋ جۇمىستارىن كۇشەيتىپ، كولەمدى قايتا كەدەيلەسۋدىڭ تۋىلماۋىنا شىنايى كەپىلدىك ەتۋ كەرەك. ىشكى دامۋ قوزعاۋشى كۇشىن كۇش سالا ارتتىرىپ، ۇلتتار وڭىرلەرىنىڭ دامۋىن تەزدەتۋدى ىلگەرىلەتىپ، كاسىپ سالاسى مەن جۇمىستاندىرۋ بويىنشا كومەكتەسۋدى، سۇيەمەلدەۋدى ۇزدىكسىز كۇشەيتىپ، شارۋالارمەن بايلانىس جاساۋ، شارۋالاردى جەتەكتەۋ مەحانيزمىن اقاۋسىزداندىرىپ، كەدەيلىكتەن ارىلعان ەگىنشى ـ مالشىلاردىڭ كىرىستەرىنىڭ ۇزدىكسىز ارتۋىن جەبەۋ كەرەك. ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسىنىڭ“ تاجىريبەسىنەن ۇيرەنىپ، پايدالانىپ، اۋىل ـ قىستاق قۇرىلىسىن دالمە ـ ٴدال، ناقتى ىلگەرىلەتىپ، كۇشتى شوعىرلاندىرىپ حالىق تۇرمىسىنداعى ناقتى ىستەردى ويداعىداي ٴبىتىرىپ، ٴتىپتى دە كوپ ەگىنشى ـ مالشى قاۋىمىنىڭ باي، تاماشا تۇرمىس كەشىرۋىنە مۇمكىندىك جاساۋ كەرەك.

سۋ _ ماڭىزدى ستراتەگيالىق بايلىق. ليۋ گوجۇڭ شينجياڭنىڭ سۋ بايلىعىنىڭ ۋاقىت پەن كەڭىستىك ورنالاسىمىن جانە اشۋ، پايدالانۋ سياقتى جاعدايىن ەگجەي ـ تەگجەيلى ۇعىسىپ، ىلە وبلىسىنىڭ قۇلجا اۋدانى، نىلقى اۋدانى جانە كوكدالا قالاسى سياقتى جەرلەرگە بارىپ، سۋ يگىلىگى قۇرىلعى قۇرىلىسىنىڭ اينالىمى مەن استىق ٴوندىرىسىنىڭ جاعدايىن ۇستىندە تەكسەرىپ كورىپ، جەرگىلىكتى ورىنداعى كادرلارمەن، بۇقارامەن اۋىل شارۋاشىلىعىندا سۋ ۇنەمدەۋدىڭ ەسەبىن تاپتىشتەي ەسەپتەدى. ول بىلاي دەپ باسا دارىپتەدى: جۇيەلى ويلاۋدى كۇشەيتىپ، سۋ ۇنەمدەۋدى الدىڭعى ورىنعا قويۋعا تاباندى بولىپ، سۋ بايلىعىن اشۋدى، پايدالانۋدى جانە باسقارۋدى، قورعاۋدى ٴبىر تۇتاس جوسپارلاپ، وندىرىسكە، تۇرمىسقا، ەكولوگياعا پايدالانىلاتىن سۋدى ۇيلەسىمدى ورنالاستىرۋ كەرەك. شىنىندا قاجەتتى، ەكولوگياسى حاۋىپسىز، باياندى بولۋ پرينسيبىنە بويسۇنىپ، سۋ ۇنەمدەۋ مەن كەلەلى سۋ يگىلىگى ينجەنەريا قۇرىلىسىن ۇشتاستىرىپ، عىلمي دالەلدەۋدى كۇشەيتىپ، وڭىرلىك سۋ تورىن جوبالاۋدى، قۇرۋدى، ورنالاستىرۋدى كەمەلدەندىرىپ، سۋ بايلىعىن ساپالى ورنالاستىرۋ قۋاتىن كۇش سالا جوعارىلاتۋ كەرەك. جوعارى ولشەمدى ەگىنجاي جانە سۋ يگىلىگى قۇرىلعىلارى قۇرىلىسىن ٴبىر تۇتاس جوسپارلاپ ىلگەرىلەتىپ، سۋارمالى وڭىرلەردى وسىزامانداندىرا قۇرۋدى، جاڭالاۋدى ۇزدىكسىز ىلگەرىلەتىپ، ۇنەمدى، ۇيلەسىمدى، جوعارى ٴونىمدى سۋ ۇنەمدەۋ تەحنيكاسىن جەدەل جالپىلاستىرىپ، جەرگىلىكتى جاعدايعا قاراي ەرەكشە، باسىمدىققا يە ەگىن، مال شارۋاشىلىق كاسىپ سالاسىن دامىتۋ كەرەك. سۋ بايلىعىنىڭ قاتاڭ شەكتەمەسىن كۇشەيتىپ، سۋدان پايدالانۋدىڭ جالپى مولشەرىن مەڭگەرۋدى كۇشەيتىپ، سۋ بايلىعىنان ۇنەمدى، شوعىرلى پايدالانۋدى جەبەۋ كەرەك.