«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
جاڭاشا وندىرگىش كۇشتەردى دامىتۋ _ جوعارى ساپالى دامۋدى ىلگەرىلەتۋدىڭ ىشكى تالابى جانە ماڭىزدى كۇش سالۋ ٴتۇيىنى
شينحۋا اگەنتتىگىنىڭ 5 ـ ايدىڭ 31 ـ كۇنى بەيجيڭنەن بەرگەن حابارى. 6 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 11 ـ سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭنىڭ «جاڭاشا وندىرگىش كۇشتەردى دامىتۋ _ جوعارى ساپالى دامۋدى ىلگەرىلەتۋدىڭ ىشكى تالابى جانە ماڭىزدى كۇش سالۋ ٴتۇيىنى» اتتى ماڭىزدى ماقالاسىن جاريالايدى.
ماقالادا مىنالار باسا دارىپتەلدى: جاڭا داۋىردەن بەرى پارتيا ورتالىق كوميتەتى ٴبىر قىدىرۋ كەلەلى شەشىم، ورنالاستىرۋ جاساپ، جوعارى ساپالى دامۋدىڭ بۇكىل پارتيانىڭ، بۇكىل قوعامنىڭ ورتاق تانىمى مەن سانالى ارەكەتىنە اينالۋىن، جوعارى ساپالى دامۋدىڭ جەتەكشى اۋەنگە اينالۋىن ىلگەرىلەتتى. سونىمەن بىرگە جوعارى ساپالى دامۋعا تۇساۋ بولاتىن فاكتورلار ٴالى دە زور مولشەردە ورىن تەبۋدە، بۇعان بارىنشا ٴمان بەرۋ، شىنايى شەشۋ كەرەك. ٴبىز جوعارى ساپالى دامۋدىڭ جاڭا داۋىردەگى بۇلجىماس قاعيدا ەكەندىگىن، ٴسوز جوق، ەستە بەرىك ساقتاپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، وسىزاماندانعان شارۋاشىلىق جۇيەسىن جەدەل قۇرۋ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋ، ٴوزىن الۋەتتەندىرۋدى ىلگەرىلەتۋ، جاڭا دامۋ ارناسىن جەدەل قالىپتاستىرۋ، تەرەڭ قاتپارلى رەفورما مەن جوعارى دەڭگەيدە ەسىك اشۋدى ٴبىر تۇتاس جوسپارلاپ ىلگەرىلەتۋ، جوعارى ساپالى دامۋ مەن جوعارى دەڭگەيدەگى حاۋىپسىزدىكتى ٴبىر تۇتاس جوسپارلاۋ سياقتى ستراتەگيالىق مىندەتتەردى تىڭعىلىقتى تياناقتاندىرىپ، جوعارى ساپالى دامۋدى ىلگەرىلەتۋ بويىنشا ساراپتاۋ، باعالاۋ جۇيەسىن كەمەلدەندىرىپ، جوعارى ساپالى دامۋدى ىلگەرىلەتۋ نەگىزىن بەكەمدەۋىمىز كەرەك.
ماقالادا مىنالار اتاپ كورسەتىلدى: جاڭاشا وندىرگىش كۇشتەردى دامىتۋ _ جوعارى ساپالى دامۋدى ىلگەرىلەتۋدىڭ ىشكى تالابى جانە ماڭىزدى كۇش سالۋ ٴتۇيىنى. مەن جاڭاشا وندىرگىش كۇش دەيتىن وسى ۇعىمدى جانە جاڭاشا وندىرگىش كۇشتەردى دامىتۋ سىندى كەلەلى مىندەتتى ورتاعا قويۋدا، نەگىزىنەن، وندىرگىش كۇش ادامزات قوعامى دامۋىنىڭ ٴتۇبىرلى قوزعاۋشى كۇشى، سونداي ـ اق بارلىق قوعامدىق وزگەرىستىڭ جانە ساياسي وزگەرىستىڭ ٴتۇبىرلى سەبەبى ەكەنىن ويلاستىردىم. جوعارى ساپالى دامۋ جاڭا وندىرگىش كۇش نازارياسىمەن جەتەكشىلىك ەتۋگە مۇقتاج، ال جاڭاشا وندىرگىش كۇش اماليات بارىسىندا قالىپتاسىپ بولدى ٴارى جوعارى ساپالى دامۋدا قۇدىرەتتى ىلگەرىلەتۋ قۋاتىن، تىرەكتىك قۋاتىن ايگىلەپ، نازاريالىق جاقتان قورىتىندىلاۋ، جيناقتاۋ ارقىلى جاڭا دامۋ امالياتىنا جەتەكشىلىك ەتۋىمىزدى قاجەت ەتۋدە. قورىتىپ ايتقاندا، جاڭاشا وندىرگىش كۇش _ جاڭالىق اشۋ باستاماشىلدىق رول اتقاراتىن، ٴداستۇرلى ەكونوميكالىق ارتۋ تاسىلىنەن، وندىرگىش كۇشتەردىڭ دامۋ جولىنان ارىلعان، جوعارى عىلىم ـ تەحنيكا، جوعارى ٴونىم، جوعارى ساپا ەرەكشەلىگىنە يە، جاڭا دامۋ ۇستانىمىنا ۇيلەسەتىن وزىق وندىرگىش كۇشتەردىڭ ساپالىق كۇيى. ول تەحنيكاداعى توڭكەرىستىك سەرپىلىستەن، ٴوندىرىس فاكتورلارىن جاسامپازدىقپەن ۇلەستىرۋدەن، كاسىپ سالالارىنىڭ تەرەڭدەي تيبىن وزگەرتىپ، دارەجەسىن جوعارىلاتۋدان تۋىنداعان، ەڭبەككۇشتەردى، ەڭبەك ماتەريالدارىن، ەڭبەك وبيەكتىلەرىن جانە ولاردىڭ كەمەلدەنىپ بىرىگىپ دەڭگەيىنىڭ جوعارىلاۋىن نەگىزگى ىشكى ٴمان ەتكەن، جالپى فاكتورلىق ٴوندىرىس ونىمدىلىگىنىڭ زور كولەمدە ارتۋىن وزەكتى بەلگى ەتكەن، ەرەكشەلىگى _ جاڭالىق اشۋ، تەتىگى _ ساپانىڭ جاقسى بولۋى، ٴمانى _ وزىق وندىرگىش كۇش.
ماقالادا مىنالار اتاپ كورسەتىلدى: جاڭاشا وندىرگىش كۇشتىڭ كورنەكتى ەرەكشەلىگى _ جاڭالىق اشۋ، ول تەحنيكالىق جانە كاسىپ كۇيى دەڭگەيىندە جاڭالىق اشۋدى دا، باسقارۋ جانە ٴتۇزىم دەڭگەيىندە جاڭالىق اشۋدى دا قامتيدى. جاڭالىق اشۋ سىندى وسى ۇلكەن ٴىستى، ٴسوز جوق، ۇزدىكسىز ويداعىداي ىستەپ، جاڭاشا وندىرگىش كۇشتەردىڭ جەدەل دامۋىن ىلگەرىلەتۋ كەرەك. ٴبىرىنشى، عىلىم ـ تەحنيكادا جاڭالىق اشۋدى زور كۇشپەن ىلگەرىلەتۋ كەرەك. جاڭاشا وندىرگىش كۇش نەگىزىنەن تەحنيكادا توڭكەرىس سيپاتتى جاڭالىق اشۋدان تۋىنداعان. عىلىم ـ تەحنيكادا جاڭالىق اشۋ جاڭا كاسىپ سالاسىن، جاڭا ۇلگىنى، جاڭا قوزعاۋشى قۋاتتى تۋدىرادى، ول جاڭاشا وندىرگىش كۇشتەردى دامىتۋدىڭ وزەكتى فاكتورى سانالادى. بۇل بىزدەن عىلىم ـ تەحنيكادا جاڭالىق اشۋدى، اسىرەسە، ٴتول جاسامپازدىق سيپاتتى، توڭكەرىس سيپاتتى عىلىم ـ تەحنيكادا جاڭالىق اشۋدى كۇشەيتىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋدى، ٴوزىن الۋەتتەندىرۋدى جەدەل جۇزەگە اسىرۋدى تالاپ ەتەدى. ەكىنشى، عىلىم ـ تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋدى ىلگەرىلەتۋ كەرەك. عىلىم ـ تەحنيكا جەتىستىكتەرىن ناقتى وندىرگىش كۇشكە اينالدىرۋدىڭ بەينەلەنۋ فورماسى جاڭا كاسىپ سالاسىن تۋدىرىپ، كاسىپ سالالارىنىڭ تەرەڭدەي تيبىن وزگەرتىپ، دارەجەسىن جوعارىلاتۋىن ىلگەرىلەتۋ بولىپ تابىلادى. عىلىم ـ تەحنيكادا جاڭالىق اشۋ جەتىستىكتەرىن ناقتى كاسىپ سالاسىندا جانە كاسىپ سالاسى تىزبەگىندە دەر كەزىندە قولدانىپ، ٴداستۇرلى كاسىپ سالالارىن وزگەرتىپ، دەڭگەيىن جوعارىلاتىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، بولاشاق كاسىپ سالالارىن ورنالاستىرىپ، قۇرىپ، وسىزاماندانعان كاسىپ سالاسى جۇيەسىن كەمەلدەندىرۋ كەرەك. ٴۇشىنشى، دامۋ تاسىلىندە جاڭالىق اشۋدى كۇش سالا ىلگەرىلەتۋ كەرەك. جاسىل دامۋ _ جوعارى ساپالى دامۋدىڭ ٴتۇپ بوياۋى، جاڭاشا وندىرگىش كۇشتىڭ ٴوز باسى دا جاسىل وندىرگىش كۇش. ٴسوز جوق، دامۋ تاسىلىندە جاسىلعا ويىسۋدى جەدەلدەتىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋگە، كومىر قىشقىل گازىن بەيتاراپتاندىرۋعا دەم بەرۋ كەرەك. ٴتورتىنشى، ٴتۇزىلىس ـ مەحانيزمدە جاڭالىق اشۋدى تىڭعىلىقتى ىلگەرىلەتۋ كەرەك. وندىرىستىك قاتىناس، ٴسوز جوق، وندىرگىش كۇشتەردىڭ دامۋ تالابىنا ۇيلەسۋى كەرەك. جاڭاشا وندىرگىش كۇشتەردى دامىتۋدا، ٴسوز جوق، رەفورمانى ونان ارى جاپپاي تەرەڭدەتىپ، وعان ۇيلەسەتىن جاڭاشا وندىرىستىك قاتىناستى قالىپتاستىرۋ كەرەك. بەسىنشى، دارىندىلار قىزمەت مەحانيزمىندە جاڭالىق اشۋدى تەرەڭدەتۋ كەرەك. جاڭاشا وندىرگىش كۇشتەردى دامىتۋدىڭ تالابى بويىنشا وقۋ ـ اعارتۋدىڭ، عىلىم ـ تەحنيكانىڭ، دارىندىلاردىڭ ۇتىمدى اينالىسىن ىركىلىسسىزدەندىرىپ، دارىندىلاردى باۋلۋ، ەنگىزۋ، ىستەتۋ، ۇيلەسىمدى اينالىمعا ٴتۇسىرۋ قىزمەت مەحانيزمىن كەمەلدەندىرۋ كەرەك.