پارتيا مۇشەسى 99 ميلليون 185 مىڭ، نەگىزگى ساتى پارتيا ۇيىمى 5 ميلليون 176 مىڭ بولدى

　　جۇڭگو كوممۋنيستىك پارتياسىنىڭ پارتيا مۇشەلەرى قوسىنى قۇرىلىمى ٴۇرتىس ساپالىلاندى

　　نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسى ۇزدىكسىز كۇشەيدى

شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى. ورتالىق كوميتەت ۇيىمداستىرۋ ٴبولىمىنىڭ ەڭ جاڭا پارتيا ىشىندەگى ساناق ساندى مالىمەتىندە كورسەتىلۋىنشە، 2023 ـ جىلدىڭ سوڭىنا دەيىن جۇڭگو كوممۋنيستىك پارتياسى مۇشەلەرىنىڭ جالپى سانى 99 ميلليون 185 مىڭ بولىپ، الدىنداعى جىلداعىدان ناق ٴبىر ميلليون 144 مىڭ ادام كوبەيگەن. پارتيانىڭ نەگىزگى ساتى ۇيىمدارى 5 ميلليون 176 مىڭ بولىپ، الدىنداعى جىلداعىدان ناق 111 مىڭ ارتقان. جۇڭگو كوممۋنيستىك پارتياسىنىڭ نەگىزگى ساتىنى بارىنشا يگەرۋ سىندى ايقىن بەتالىسقا تاباندى بولۋى، ٴۇرتىس نەگىزدى كۇشەيتىپ، تاعاندى بەكەمدەۋى، ولقىلىقتاردى، ٴالسىز تۇستاردى تولىقتاۋى، جوعارى مەن تومەن توعىسقان، اتقارۋى پارمەندى ۇيىمدىق جۇيەنى ۇزدىكسىز قاتايتۋى، پارتيا مۇشەلەرى قوسىنى قۇرىلىسىن جاپپاي كۇشەيتىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ اۆانگاردتىق، ونەگەلىك رولىن تولىق ساۋلەلەندىرۋى پارتيانىڭ باستان ـ اياق تاسقىنداعان ومىرشەڭدىك كۇشتى جانە قۋاتتى جاۋىنگەرلىك كۇشتى ساقتاۋىنا مۇمكىندىك جاسادى.

پارتيا مۇشەلەرىنىڭ جالپى سانى ورنىقتى ارتتى. پارتيا مۇشەلەرىنىڭ جالپى سانى الدىنداعى جىلداعىدان %1.2 ارتتى. تۇتاس جىلدا پارتياعا 2 ميلليون 408 مىڭ مۇشە قابىلداندى، مۇنىڭ ىشىندە ٴوندىرىستىڭ، تۇرمىستىڭ ٴبىرىنشى شەبىنەن ٴبىر ميلليون 276 مىڭ ادام قابىلدانىپ، %53.0 ىن ۇستادى؛ جوعارى تەحنيكۋم جانە ودان جوعارى ماعلۇماتتاعىلاردان ٴبىر ميلليون 280 مىڭ ادام قابىلدانىپ، %53.1ىن ۇستادى؛ 35 جاس نەمەسە ودان تومەنگىلەردەن ٴبىر ميلليون 983 مىڭ ادام قابىلدانىپ، %82.4ىن ۇستادى.

پارتيا مۇشەلەرى قوسىنىنىڭ قۇرىلىمى ۇزدىكسىز ساپالىلاندى. 2023 ـ جىلدىڭ سوڭىنا دەيىن جوعارى تەحنيكۋم جانە ودان جوعارى وقۋ ماعلۇماتىنا يە پارتيا مۇشەسى 55 ميلليون 786 مىڭ بولىپ، %56.2 ىن ۇستاپ، الدىنداعى جىلداعىدان 1.5 پايىز مولايعان؛ ايەل پارتيا مۇشەسى 30 ميلليون 185 مىڭ بولىپ، %30.4ىن ۇستاپ، الدىنداعى جىلداعىدان 0.5 پايىز مولايعان؛ از ۇلت پارتيا مۇشەسى 7 ميلليون 592 مىڭ بولىپ، %7.7ىن ۇستاپ، الدىنداعى جىلداعىدان 0.1 پايىز مولايعان. جۇمىسشىلار مەن ديقاندار ٴالى دە پارتيا مۇشەلەرى قوسىنىنىڭ نەگىزگى تۇلعاسى بولىپ، جالپى ساننىڭ %33.0ىن يەلەدى.

پارتيا مۇشەلەرىن تاربيەلەۋ، باسقارۋ ۇزدىكسىز كۇشەيتىلدى. ٴار دارەجەلى پارتيا ۇيىمدارى شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، پارتيا مۇشەلەرىن تاربيەلەۋدى، باۋلۋدى كۇشەيتىپ، تۇتاس جىلدا ٴبىر ميلليون 266 مىڭ كەزەك باۋلۋ كۋرسىن اشقان، اۋدان دارەجەلىدەن جوعارى پارتكومدار نەگىزگى ساتى پارتيا ۇيىمدارىنىڭ شۋجيلەرىن شوعىرلى تۇردە كەزەكپەن 6 ميلليون 173 مىڭ ادام (رەت) تاربيەلەگەن. پارتيانىڭ ۇيىمدىق تۇرمىسى اناعۇرلىم قاتاڭ ارناعا ٴتۇسىپ، جەرگىلىكتى پارتكومنىڭ 3199 باسشىلىق القاسى دەموكراتيالىق تۇرمىس جيىنىن اشقان، 4 ميلليون 443 مىڭ پارتيا ياچەيكاسى ۇيىمدىق تۇرمىس جيىنىن اشىپ، پارتيا مۇشەلەرىنە دەموكراتيالىق باعالاۋ جۇرگىزگەن، 4 ميلليون 549 مىڭ پارتيا ياچەيكاسى بەلگىلەمە بويىنشا ”ٴۇش جيىن، ٴبىر ساباق“ جانە نەگىزگى تاقىرىپتىق پارتيا كۇنىن ورىستەتكەن. پارتيا ىشىندە ماداقتاپ ـ سيلاۋ، ىنتالاندىرۋ، قامقورلىق جاساۋ پارمەندى ىلگەرىلەتىلىپ، ٴار دارەجەلى پارتيا ۇيىمدارى جيىنى 138 مىڭ وزات نەگىزگى ساتى پارتيا ۇيىمىن ماداقتاپ ـ سيلاعان، 693 مىڭ تاڭداۋلى كوممۋنيستىك پارتيا مۇشەسىن ماداقتاپ ـ سيلاعان، 199 مىڭ تاڭداۋلى پارتيا ىستەرى قىزمەتكەرىن ماداقتاپ ـ سيلاعان. تۇتاس جىلدا 795 مىڭ ”پارتيا قۇشاعىنداعى داڭقتى 50 جىل“ ەستەلىك زناگى تاراتىلعان.

نەگىزگى ساتى پارتيا ۇيىمدارى اناعۇرلىم نىعايىپ بەكەمدەلدى. بۇكىل ەل بويىنشا جالپى 298 مىڭ نەگىزگى ساتى پارتكومى، 325 مىڭ باس ياچەيكا، 4 ميلليون 554 مىڭ ياچەيكا قۇرىلىپ، الدىنداعى جىلداعىدان جەكە ـ جەكە 9000،5000 97 مىڭ مولايىپ، ۇيىمدىق قۇرىلىمى اناعۇرلىم عىلمي، جۇيەلى بولدى. پارتيا قۇرىلىسىن يگەرىپ، اۋىل ـ قىستاقتى گۇلدەندىرۋدى جەبەۋ تىڭعىلىقتى ىلگەرىلەتىلىپ، قىستاق پارتيا ۇيىمىنىڭ باستاماشىلار قوسىنى قۇرىلىسى اناعۇرلىم كۇشەيتىلگەن، قىستاق پارتيا ۇيىمدارىنىڭ 488 مىڭ شۋجيىنىڭ اراسىندا جوعارى تەحنيكۋم جانە ودان جوعارى ماعلۇماتتاعىلار %44.0ىن يەلەپ، الدىنداعى جىلداعىدان 1.5 پايىز جوعارىلاعان. قىستاقتا تۇراتىن ٴبىرىنشى شۋجيلىككە ۇزدىكتەردى جىبەرۋ جانە ولاردى ويداعىداي ىستەتۋ ۇزدىكسىز كۇشەيتىلدى، قازىر قىستاقتا تۇراتىن 206 مىڭ ٴبىرىنشى شۋجي بار، بۇكىل ەلدەگى اكىمشىلىك قىستاقتاردىڭ %42.2ىن قامتىدى. پارتيانىڭ نەگىزگى ساتىنى باسقارۋعا جەتەكشىلىك ەتۋ ٴتۇزىلىس ـ مەحانيزمى اناعۇرلىم اقاۋسىزداندىرىلىپ، كەمەلدەندىرىلىپ، قالا، اۋىل الەۋمەتتىك اۋماق پارتيا قۇرىلىسى قىزمەت كۇشتەرى تولىق بولىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋ جالپى تۇلعالىق ونىمدىلىگى ۇزدىكسىز جوعارىلادى. ٴار سالاداعى پارتيانىڭ ۇيىمدىق قامتىمى ۇزدىكسىز بەكەمدەلىپ، كەڭەيىپ، ورگانداردىڭ، ٴىسورىندارىنىڭ، كاسىپورىنداردىڭ جانە قوعامدىق ۇيىمداردىڭ پارتيا قۇرىلىسى قىزمەتىندە تىڭ ونىمدىلىكتەرگە قول جەتىپ، نەگىزگى ساتى پارتيا ۇيىمدارىنىڭ ساياسي فۋنكتسياسى مەن ۇيىمدىق فۋنكتسياسى ۇزدىكسىز كۇشەيدى.