شينحۋا اگەنتتىگىنىڭ 7 ـ ايدىڭ 5 ـ كۇنى دۋشانبەدەن بەرگەن حابارى. جۇڭگو ورتالىق راديو ـ تەلەۆيزيا باس ستانسياسى جاساعان «كوكەيگە قونىمدى ”سوزدەر“ _ شي جينپيڭ ۇناتاتىن قاناتتى سوزدەردىڭ» 3 ـ بولىگىنىڭ (تاجىك تىلىندەگى نۇسقاسى) تاراتىلۋ سالتى 7 ـ ايدىڭ 5 ـ كۇنى دۋشانبەدە وتكىزىلدى. سول كۇننەن باستاپ، باعدارلاما تاجىكستان ”حابار“ مەملەكەتتىك اگەنتتىگى، ”جاھانناما“ مەملەكەتتىك تەلەۆيزيا ستانسياسى، ”سافينا“ مەملەكەتتىك تەلەۆيزيا ستانسياسى سياقتى نەگىزگى اعىمدىق مەديالار تۇعىرىندا جەلىگە شىعارىلىپ تاراتىلدى.

«كوكەيگە قونىمدى ”سوزدەر“ _ شي جينپيڭ ۇناتاتىن قاناتتى سوزدەردىڭ» 3 ـ بولىگى (تاجىك تىلىندەگى نۇسقاسى) نازاردى حالىقتى بارىنەن جوعارى قويۋ، بىرگە بايۋ، ەكولوگيانى قورعاۋ، مادەنيەتتى جالعاستىرۋ، وركەنيەتتىڭ الۋان تۇرلىلىگى سياقتى نەگىزگى تاقىرىپتارعا شوعىرلاندىرىپ، ٴتوراعا شي جينپيڭنىڭ ەرەن ساياسي اقىل ـ پاراساتىن جانە تەرەڭ تاريحي مادەنيەت مايەگىن ايگىلەپ، تاجىكستان جۇرتشىلىعىنىڭ جۇڭگو باسشىسىنىڭ ەل باسقارۋ يدەياسىن تۇسىنۋىنە تەرەزە اشتى.