شينحۋا اگەنتتىگىنىڭ 7 ـ ايدىڭ 26 ـ كۇنى بەيجيڭنەن بەرگەن حابارى. 7 ـ ايدىڭ 24 ـ كۇنىنەن 26 ـ كۇنىنە دەيىن ورتالىق كوميتەت ۇگىت ٴبولىمى بەيجيڭدە ولكە، اۆتونوميالى رايون، توتە قاراستى قالا پارتكومدارى ۇگىت بولىمدەرىنىڭ، لەكتورلار ۇيىرمەلەرىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ ـ تالقى كۋرسىن وتكىزىپ، جالپى ٴماجىلىس رۋحىن ىشكەرىلەي ۇيرەنىپ، ۇعىنىپ، جەرگىلىكتى ۇگىت لەكسيا تىرەكتىلەرىن باۋلىپ، جالپى ٴماجىلىس رۋحىن ۇيرەنۋ، دايەكتىلەندىرۋ بويىنشا نەگىزگى ساتىدا ۇگىت لەكسيا ورىستەتۋ قىزمەتى جونىندە ورنالاستىرۋ جاسادى.

ماجىلىسكە قاتىناسقان جولداستار باس شۋجي شي جينپيڭنىڭ پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە سويلەگەن ماڭىزدى ٴسوزىنىڭ رۋحىن مۇقيات ۇيرەنىپ، ۇعىنىپ، جالپى ٴماجىلىس رۋحىن ۇيرەنىپ، ۇعىنىپ، ورتالىق ۇگىت لەكسيا ۇيىرمەسى جۇمىلدىرۋ جينالىسىنىڭ رۋحىن ۇيرەنىپ، ۇعىنىپ ٴارى جالپى ٴماجىلىس رۋحىن زەرتتەۋدى، ٴتۇسىندىرۋدى ويداعىداي ىستەپ، نەگىزگى ساتى نازاريالىق ۇگىت لەكسيا قىزمەتىن ٴونىمدى ورىستەتۋ جونىندە ىشكەرىلەي زەرتتەۋ ـ تالقى جۇرگىزىپ، پىكىر اۋىستىردى. كوپشىلىك بىلاي دەپ قارادى: پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ شەشۋشى مەزگىلىندە اشىلعان ٴبىر رەتكى توتەنشە ماڭىزدى ٴماجىلىس. جالپى ٴماجىلىس قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى قاۋلىسى» رەفورما جاساعاننان، ەسىك اشقاننان بەرگى، اسىرەسە، جاڭا داۋىردە رەفورمانى جاپپاي تەرەڭدەتۋدىڭ تاجىريبەلەرىن قورىتىندىلاپ، قولدانىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ٴدوپ كەلگەن جاڭا احۋالدارعا، جاڭا ماسەلەلەرگە ىشكەرىلەي تالداۋ جاساپ، جۇڭگو ۇلگىسىندەگى وسىزامانداندىرۋدى ارقاۋ ەتىپ، رەفورمانى اناعۇرلىم جاپپاي تەرەڭدەتۋدىڭ جالپى تۇلعالىق ورنالاستىرۋىن عىلمي جوسپارلادى، ول پارتيا تاريحىنداعى تاعى ٴبىر ماڭىزدى تۇعىرنامالىق حۇجات بولىپ تابىلادى.

كوپشىلىك مىنالاردى ٴبىلدىردى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ويداعىداي ۇيرەنۋ، ويداعىداي ۇگىتتەۋ، ويداعىداي دايەكتىلەندىرۋ − كەزەكتەگى جانە بۇدان بىلايعى ٴبىر مەزگىلدەگى بۇكىل پارتيانىڭ، بۇكىل ەلدىڭ كەلەلى ساياسي مىندەتى، سونداي ـ اق ۇگىت، يدەيا، مادەنيەت شەبى، ٴسوز جوق، ارقالايتىن كەلەلى ساياسي جاۋاپكەرشىلىك. ۇيرەنۋدەگى، ۇگىتتەۋدەگى، دايەكتىلەندىرۋدەگى ساياسي سانالىلىقتى، يدەيا سانالىلىعىن جانە ارەكەت سـانالىلىـعىن كـۇش سالا نىعايتىـپ، باس شـۋجـي شي جينپيڭنىڭ جالپى ماجىلىستەگى ماڭىزدى ٴسوزىنىڭ رۋحىن جانە جالپى ٴماجىلىستىڭ «قاۋلىسىن» ٴتۇيىندى تۇردە ارقاۋ ەتىپ، قاز ـ قالپىندا ۇيرەنىپ، جاپپاي جۇيەلى ۇيرەنىپ، ىشكەرىلەي ويلانا ۇيرەنىپ، ٴىس جۇزىندىكپەن بايلانىستىرا ۇيرەنىپ، جالپى ٴماجىلىس رۋحىنىڭ باي مازمۇنى مەن وزەكتى ماڭىزىن قۇلشىنا يگەرۋ كەرەك. باعىتتامالىلىق، ناقتى ونىمدىلىك تالابىن كورنەكتىلەندىرىپ، جەرگىلىكتى ورىنداعى ساياسي ساپاسى جاقسى، نازاريالىق ورەسى جوعارى، ۇگىت لەكسيا قابىلەتى كۇشتى مايتالمان كۇشتەردى دەن قويا سارالاپ، نەگىزگى ساتىعا باعىتتالعان وبيەكتىلەندىرىلگەن، قابىلداۋشىلارعا جىكتەلگەن، ىقپالداستىققا يە ۇگىت لەكسيانى ىشكەرىلەي ورىستەتۋ كەرەك. ۇگىت لەكسيا تاسىلىندە جاڭالىق اشىپ، جالپى مەديا ارقىلى تاراتۋدى تولىق قولدانىپ، ٴار ٴتۇرلى جاڭا مەديا تۇعىرلارىنان ويداعىداي پايدالانىپ، ۇگىت لەكسيانىڭ قامتۋ اياسى مەن ىقپال قۋاتىن كەڭەيتۋ كەرەك. كادرلاردىڭ، بۇقارانىڭ يدەيالىق ٴىس جۇزىندىگىمەن، قىزمەت ٴىس جۇزىندىگىمەن تىعىز بايلانىستىرىپ، ناقتى ساندى مالىمەتتى، تيپتىك دەلولاردى قولدانىپ، قيسىندى انىق تۇسىندىرۋگە شەبەر بولىپ، جاندى دا جالىندى، جۇرتقا جاناسىمدى تىلمەن كوزقاراستى ايقىنداپ تۇسىندىرۋگە شەبەر بولىپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ يدەيا مەن ارەكەتتى جالپى ٴماجىلىس رۋحىمەن بىرلىككە كەلتىرۋىن اناعۇرلىم ويداعىداي ىلگەرىلەتۋ كەرەك.

جەر ـ جەردىڭ پارتكوم ۇگىت تاراۋلارىنداعى قاتىستى جاۋاپتى جولداستار، لەكتورلار ۇيىرمەلەرىنىڭ باستىقتارى، نازاريا باسقارمالارىنىڭ باستىقتارى، قاتىستى جوعارى مەكتەپتەردەگى جانە نازاريالىق قىزمەت تۇعىرلارىنداعى جاۋاپتى جولداستار، نەگىزگى ساتى نازاريالىق ۇگىت لەكسياسىنداعى وزاتتاردىڭ ۋاكىلدەرى زەرتتەۋ ـ تالقى كۋرسىنا قاتىناستى.