جۇيەلى شوعىرلاندىرۋعا اناعۇرلىم باسا ٴمان بەرىپ، ٴار جاقتاعى رەفورمانىڭ ٴوزارا ۇشتاسۋىنا، سايكەسىمدى، جوعارى ٴونىمدى بولۋىنا مۇمكىندىك جاسايىق

　　_ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ۇيرەنۋ، دايەكتىلەندىرۋ تۋرالى

　　□ حالىق گازەتىنىڭ شولۋشىسى

جۇيە كوزقاراسىنا تاباندى بولۋ _ جاڭا داۋىردە رەفورمانى جاپپاي تەرەڭدەتۋدىڭ باعالى تاجىريبەسى، رەفورمانى اناعۇرلىم جاپپاي تەرەڭدەتۋدە، ٴسوزسىز، دايەكتىلەندىرۋگە ٴتيىستى كەلەلى پرينسيپ. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسى قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى اناعۇرلىم جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندەگى قاۋلىسى» جۇيەلى شوعىرلاندىرۋعا اناعۇرلىم باسا ٴمان بەرىپ، رەفورمانى تۇلعالىق جوسپارلاۋدى، جۇيەلى ورنالاستىرۋدى كۇشەيتىپ، ٴار جاقتىڭ رەفورمادا ٴوزارا ۇشتاسۋىنا، سايكەسىمدى، جوعارى ٴونىمدى بولۋىنا مۇمكىندىك جاراتتى.

جاڭا داۋىردەگى رەفورما جاساۋ، ەسىك اشۋ كوپتەگەن جاڭا ٴمان جانە ەرەكشەلىك الادى، مۇنىڭ ىشىندە ەڭ ماڭىزدى ٴبىر ٴتۇيىن _ ٴتۇزىم قۇرىلىسىنىڭ سالماعى اناعۇرلىم ارتا ٴتۇستى، رەفورمانىڭ جۇيەلىك سيپاتىنا، تۇلعالىق سيپاتىنا، سەلبەسۋ سيپاتىنا اناعۇرلىم كۇشتى تالاپ قويىلدى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، وراسان زور ساياسي باتىلدىقپەن جانە اقىل ـ پاراساتپەن رەفورمانى جاپپاي تەرەڭدەتۋدى ىلگەرىلەتىپ، رەفورمادا ٴىشىنارالىق ىزدەنىس جاساۋدان قات ـ قابات قورشاۋلاردى بۇزىپ ٴوتىپ جۇيەلى شوعىرلاندىرۋعا، ودان جاپپاي تەرەڭدەتۋگە بۇرىلىس جاساۋدى جۇزەگە اسىرىپ، كوپتەگەن سالادا تاريحي سيپاتتى وزگەرىستى، جۇيەلى سيپاتتى قايتا سومداۋدى، تۇلعالىق سيپاتتى قايتا قۇرۋدى جۇزەگە اسىردى. پارتيا 18 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ دە ”ٴداۋىر بولگىش بولۋىنىڭ“ ٴبىر ماڭىزدى جاعى جۇيە كوزقاراسىنا تاباندى بولىپ، رەفورمانى جۇيەلى، تۇتاس تۇلعالىق جوسپارلاپ ىلگەرىلەتىپ، ەلىمىزدىڭ رەفورما جاساپ، ەسىك اشۋىندا شىت جاڭا جاعداي اشۋىندا.

باس شۋجي شي جينپيڭ بىلاي دەپ باسا دارىپتەدى: ”رەفورمانى جوسپارلاۋ مەن ىلگەرىلەتۋدە، ٴسوز جوق، جۇيە كوزقاراسىنا، جالپى جاعداي كوزقاراسىنا تاباندى بولىپ، ستراتەگيالىق وي جۇگىرتۋدى، ديالەكتيكالىق وي جۇگىرتۋدى كۇشەيتىپ، جەڭىل، اۋىر، باياۋ، شۇعىلىن پارىقتاندىرىپ، جۇيەلى شوعىرلاندىرۋعا اناعۇرلىم باسا ٴمان بەرۋ كەرەك. رەفورما شاراسىنىڭ سايكەستى، تۇلعالى بولۋىن كۇشەيتىپ، ٴارقايسى سالا، ٴارقايسى جاقتاعى رەفورما شارالارىنىڭ ٴبىر باعىتتا كۇش سالۋىن ىلگەرىلەتىپ، تۇلعالىق ونىمدىلىكتى كۇشەيتۋ كەرەك“. جالپى ٴماجىلىس ماقۇلداعان «قاۋلى» ”بەستى ٴبىر تۇلعالاندىرۋ“ جالپى تۇلعالىق ورنالاسىمىن ٴبىر تۇتاس جوسپارلاپ ىلگەرىلەتۋ، ”ٴتورتتى جاپپاي ورىنداۋ“ ستراتەگيالىق ورنالاسىمىن سايكەستى ىلگەرىلەتۋ جۇلگەسىندە رەفورمانى اناعۇرلىم جاپپاي تەرەڭدەتۋدى جوسپارلاپ، ەكونوميكالىق ٴتۇزىلىس رەفورماسىن جانە باسقا سالاداعى رەفورمانى ٴبىر تۇتاس جوسپارلاپ ورنالاستىردى، جاپپاي رەفورما جاساۋعا باسا ٴمان بەرۋ، دامۋ مەن حاۋىپسىزدىكتى ٴبىر تۇتاس جوسپارلاۋعا باسا ٴمان بەرۋ _ونىڭ ماڭىزدى ەرەكشەلىگى.

ٴسوزسىز، مىنالاردى تەرەڭ تانىپ جەتۋىمىز كەرەك: جالپى بارىستىق حالىق دەموكراتياسىن دامىتۋ _ جۇڭگو ۇلگىسىندەگى وسىزامانداندىرۋدىڭ ماندىك تالابى، تەك جۇڭگوشا سوتسياليستىك ساياسي دامۋ جولىمەن اۋىتقىماي ٴجۇرىپ، حالىقتىڭ وزىنە ـ ٴوزى قوجايىن بولۋىن مەملەكەتتىڭ ساياسي تۇرمىسى مەن قوعامدىق تۇرمىسىنىڭ ٴارقايسى جاعىندا ناقتى، شىنايى ايگىلەندە عانا، جاندى دا جالىندى، تىنىش، ىنتىماقتى ساياسي جاعدايدى بەكەمدەۋگە جانە دامىتۋعا بولادى؛ زاڭمەن باسقارۋ _ جۇڭگو ۇلگىسىندەگى وسىزامانداندىرۋدىڭ ماڭىزدى قامتاماسىزدىعى. تەك نەگىزگى زاڭدى جاپپاي دايەكتى اتقارىپ، زاڭ شىعارۋ، زاڭ اتقارۋ، ٴادىليا جۇرگىزۋ، زاڭعا بويسۇنۋ بۋىندارىنداعى رەفورمانى سايكەستى ىلگەرىلەتىپ، مەملەكەتتىڭ ٴارقايسى جاقتاعى قىزمەتىن زاڭمەن باسقارۋدى جاپپاي ىلگەرىلەتكەندە عانا، زاڭمەن باسقارۋ ارناسىندا سوتسياليستىك وسىزاماندانعان مەملەكەتتى جاپپاي قۇرۋعا بولادى؛ جۇڭگو ۇلگىسىندەگى وسىزامانداندىرۋ _ ماتەريالدىق وركەنيەت پەن رۋحاني وركەنيەتتى ٴوزارا سايكەستىرەتىن وسىزامانداندىرۋ، تەك مادەنيەت سەنىمىن كۇشەيتىپ، ينفورماتسيا تەحنيكاسى قارىشتاپ دامىعان جاڭا جاعدايعا جەدەل ۇيلەسكەندە عانا، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن تاسقىنداتۋعا، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە قۇدىرەتتى رۋحاني كۇش ـ قۋات ۇستەۋگە بولادى؛ دامۋ بارىسىندا حالىق تۇرمىسىن قامتاماسىز ەتۋ جانە جاقسارتۋ _ جۇڭگو ۇلگىسىندەگى وسىزامانداندىرۋدىڭ كەلەلى مىندەتى، تەك بار كۇشىمىزدى سالىپ، شاماعا قاراي ٴىس ىستەۋگە تاباندى بولىپ، حالىقتىڭ ەڭ كوڭىل بولەتىن، ەڭ تىكە، ەڭ رەال مۇددە ماسەلەسىن ويداعىداي شەشىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرعاندا عانا، بىرگە بايۋدى تىڭعىلىقتى ىلگەرىلەتۋگە بولادى؛ جۇڭگو ۇلگىسىندەگى وسىزامانداندىرۋ _ ادام مەن تابيعات جاراسىمدى قاتار ٴومىر سۇرەتىن وسىزامانداندىرۋ، تەك ەكولوگيالىق وركەنيەت ٴتۇزىم جۇيەسىن كەمەلدەندىرىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدانۋدى ۇلعايتۋدى، ارتۋدى سايكەستى ىلگەرىلەتىپ، تۇنىق سۋ، جاسىل تاۋ _ باعالى بايلىق ۇستانىمىن تياناقتاندىرۋ ٴتۇزىلىس ـ مەحانيزمىن جەدەل كەمەلدەندىرگەندە عانا، كورىكتى جۇڭگو قۇرۋعا، جاڭا داۋىردەگى ەكولوگيالىق وركەنيەت قۇرىلىسىنىڭ جاڭا تاراۋىن جازۋعا بولادى.

وسىزامانداندىرۋدىڭ تاريحي اياق الىسى مىنانى بىلدىرەدى: دامۋ مەن حاۋىپسىزدىك ٴبىر دەنەدەگى قوس قانات، قوزعالتاتىن قوس دوڭگەلەك بولىپ، ٴبىر تۇتاس جوسپارلاپ، تەڭ ٴمان بەرۋدى، تەڭ قادامدا ىلگەرىلەتۋدى، قوزعالىستى تەپە ـ تەڭدىكتى، ٴبىر ـ بىرىنە ساي كەلۋىن جۇزەگە اسىرۋدى قاجەت ەتەدى. ٴسوزسىز، مىنانى تەرەڭ تانىپ جەتۋىمىز كەرەك: مەملەكەت حاۋىپسىزدىگى _ جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىنىڭ ماڭىزدى نەگىزى، تەك جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، مەملەكەت حاۋىپسىزدىگىن قورعاۋ ٴتۇزىلىس ـ مەحانيزمىن كەمەلدەندىرىپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ۇتىمدى ىقپالداستىعىن جۇزەگە اسىرعاندا عانا، مەملەكەتتىڭ باياندى تىنىشتىعىن شىنايى قامتاماسىز ەتۋگە بولادى؛ مەملەكەت قورعانىسى مەن ارميانى وسىزامانداندىرۋ _ جۇڭگو ۇلگىسىندەگى وسىزامانداندىرۋدىڭ ماڭىزدى قۇرامداس بولىگى، تەك پارتيانىڭ حالىق ارمياسىنا شارتسىز باسشىلىعىنا تاباندى بولىپ، ارميانى رەفورما ارقىلى قۇدىرەتتەندىرۋ ستراتەگياسىن ىشكەرىلەي اتقارعاندا عانا، ارميا قۇرىلعاندىعىنىڭ 100 جىلدىق كۇرەس نىساناسىن ۋاعىندا جۇزەگە اسىرۋعا، مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرۋعا پارمەندى قامتاماسىزدىق ازىرلەۋگە بولادى.

رەفورمانى جاپپاي تەرەڭدەتۋ _ تەرەڭ دە جالپى بەتتىك قوعامدىق وزگەرىس ٴارى كۇردەلى جۇيەلى ينجەنەريا. پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى مىقتاپ ارقاۋ ەتىپ، رەفورمانى اناعۇرلىم جاپپاي تەرەڭدەتىپ، جۇيە كوزقاراسى سىندى نەگىزدىك سيپات العان يدەيا مەن قىزمەت ٴادىسىن ويداعىداي قولدانىپ، جۇيەلى شوعىرلاندىرۋعا اناعۇرلىم باسا ٴمان بەرىپ، رەفورمانى ىلگەرىلەتۋدىڭ بىرىككەن كۇشىن قالىپتاستىرىپ، شىنايى يگەرىپ ناقتى ىستەپ، جاقسى ىستەۋگە، تىندىرىمدى ىستەۋگە شەبەر بولعاندا عانا، جۇڭگو ۇلگىسىندەگى وسىزامانداندىرۋدا، ٴسوزسىز، تولقىن جارىپ، ورنىقتى قاداممەن الىسقا جەتە الامىز.

(شينحۋا اگەنتتىگىنىڭ 7 ـ ايدىڭ 23 ـ كۇنى بەيجيڭنەن بەرگەن حابارى)