يران مەملەكەت مۇددەسىن تۇراقتاندىرۋ كوميتەتى تەكسەرۋ ۇيىرمەسى شينجياڭدا ەكسكۋرسيادا، ساپاردا بولدى _

　　شينجياڭ قارىشتاپ دامۋ كومەسكى كۇشى وراسان زور جەر ەكەن

　　□ انار بۇلت \ شينجياڭ گازەتىنىڭ ٴتىلشىسى سى لۋلۋ

7 ـ ايدىڭ 3 ـ كۇنىنەن 6 ـ كۇنىنە دەيىن يران مەملەكەت مۇددەسىن تۇراقتاندىرۋ كوميتەتى تەكسەرۋ ۇيىرمەسىندەگىلەر ىلگەرىندى ـ كەيىندى ٴۇرىمجى قالاسىندا، قاشقار ايماعىندا ەكسكۋرسيادا، ساپاردا بولىپ، مۇراجايلاردى، تۇرعىندار شاعىن اۋماقتارىن جانە كاسىپورىنداردى ارالاپ، شينجياڭنىڭ قوعامى ورنىقتى، ەكونوميكاسى دامىعان، مادەنيەتى گۇلدەنگەن، ۇلتتارى ىنتىماقتى، ٴدىنى تاتۋ جانە ٴار ۇلت حالقى تىنىش ٴومىر، شات ـ شادىمان تىرشىلىك كەشىرگەن ناقتى احۋالىن شىنايى سەزىندى.

”شينجياڭدا ٴبىز ادامدار جاراسىمدى جاساسقان، ٴوزارا كومەكتەسكەن، بىرگە تۇرمىس كەشىرگەن كورىنىستى كوردىك“. 7 ـ ايدىڭ 3 ـ كۇنى تەكسەرۋ ۇيىرمەسىندەگىلەر ٴۇرىمجى قالاسى تيانشان رايونى ىرداۋچياۋ ٴمالىسى گۋيۋانشياڭ الەۋمەتتىك اۋماعىنا كەلىپ، تۇرعىنداردىڭ تۇرمىس احۋالىن ۇعىسىپ، ٴار ۇلت بۇقاراسىنىڭ جاراسىمدى جاساسقان، بەرەكەلى بەينەسىن سەزىندى.

”جۇڭگونىڭ شينجياڭى كوپتەگەن ەلمەن كورشىلەس، بولاشاقتاعى دامۋ كومەسكى كۇشى وراسان زور ەكەن“. 7 ـ ايدىڭ 4 ـ كۇنى ٴۇرىمجى حالىقارالىق قۇرلىقتىق پورت اۋماعىندا جۇك كولىكتەرىنىڭ ۇزاق قاتارعا ٴتىزىلىپ، تيەۋ ـ ٴتۇسىرۋ اۋماعىنا كىرۋدى كۇتىپ تۇرعاندىعىن، سونداي ـ اق سانى مول، بولات رەليستىڭ جانىنا رەتتى دە ٴتارتىپتى قويىلعان تۇرلىشە ەلدەردىڭ، تۇرلىشە كاسىپورىنداردىڭ بەلگىسى باسىلعان كونتەينەرلەردى كورگەن يران مەملەكەت مۇددەسىن تۇراقتاندىرۋ كوميتەتى ەكونوميكا، ساۋدا ىستەرى جانە اكىمشىلىك كوميتەتىنىڭ ٴتوراعاسى حوجاتۇللا ھاشيم بەگي اسەرلەنىپ وسىلاي دەدى.

شينجياڭ مۇراجايىندا تەكسەرۋ ۇيىرمەسىنىڭ مۇشەلەرى تۇسىندىرۋشىگە ىلەسىپ، تەحنولوگياسى كۇردەلى دە كوركەم سەگىز ايداعار بەدەرلى التىن ايىلباس، مۇراجاي اسىلى ”بەس جۇلدىز شىعىستان كوتەرىلسە جۇڭگوعا قۇت“ حان ٴداۋىرى قامقا بىلەكقابى سياقتى مادەني ەسكەرتكىشتەردى تاماشالاپ، باعالى ساقتالعان بۇيىمدار ارقىلى شينجياڭنىڭ تاريحي مادەنيەتىن ٴتۇسىندى.

”تەڭىز سۋىندا وسىرىلگەن كۇرىشتىڭ ٴونىمى قالاي“؟ ”تۇقىمى قايدان اكەلىنەدى“؟ قاشقار ايماعى قاشقار قالاسى پاحتاكلا اۋىلى داۋشياڭچۋان قىستاعىنىڭ تەڭىز سۋىندا كۇرىش ٴوسىرۋ بازاسىندا اۋماق قالىپتاستىرعان كۇرىش اتىزى رەتتى ٴتىزىلىپ، الىسقا كوز جىبەرسەڭىز ەرەكشە ايبىندى كورىنەدى. تەكسەرۋ ۇيىرمەسىندەگىلەر اۋىل اراسىنداعى كورىنىستى تاماشالاپ، اۋىل تىنىسىن سەزىنۋمەن بىرگە، تەڭىز سۋىندا وسىرىلەتىن كۇرىش ەگىمشىلىگىن باسقارۋ تەحنيكاسى، كاسىپ سالاسى كولەمى جانە ەكونوميكالىق ونىمدىلىگى سياقتى احۋالداردى ەگجەي ـ تەگجەيلى سۇراستىردى.

جاڭاٴشار اۋدانىنداعى جۇڭگو شينجياڭ ۇلتتىق مۋزيكا اسپاپتارى قىستاعىندا تەكسەرۋ ۇيىرمەسىنىڭ مۇشەلەرى ۇلتتىق مۋزيكا اسپاپتارىنىڭ جاسالۋ بارىسىن قىزىعا تاماشالاپ، مۋزيكا اسپاپتارىنىڭ وزگەشە ٴپىشىنى مەن ادەمى ورنەكتەرىن القادى.

قاشقار بايىرعى قالاسىندا تەكسەرۋ ۇيىرمەسىندەگىلەر قاشقار قالاسى كونە قالا رايونىن قورعاۋ، كەشەندى باسقارۋ ەسكەرتكىش سارايىن تاماشالاپ، قاشقار قالاسى كونە قالا رايونى جاڭالانۋدىڭ الدى ـ ارتىنداعى وراسان زور وزگەرىستەردى ۇعىستى. ”مەن قاشقار بايىرعى قالاسىن كەشەندى باسقارۋ، جاڭالاۋ نىسانى بويىنشا جاسالعان قۇلشىنىستار مەن قول جەتكەن تابىستاردى كوردىم“. يران مەملەكەت مۇددەسىن تۇراقتاندىرۋ كوميتەتى ساياسات، مەملەكەت قورعانىسى جانە حاۋىپسىزدىك كوميتەتىنىڭ ٴتوراعاسى جادير نەزاميپۇر بىلاي دەدى: ”قاشقار قالانىڭ بەت ـ بەينەسىن جاقسارتىپ، حالىققا وسىزاماندانعان تۇرمىس شارت ـ جاعدايىن ازىرلەۋمەن بىرگە، تاعى جەرگىلىكتى ورىننىڭ ۇزاق تاريحي مادەنيەتىن قورعاۋعا دا توتەنشە ٴمان بەرىپ، اناعۇرلىم ويداعىداي جالعاستىرۋعا شارت ـ جاعداي ازىرلەپتى“.

قاشقار بايىرعى قالاسى كوشەسىنىڭ ەكى جاعىنداعى ساۋدا دۇكەندەرىندە، جايمالاردا تەحنولوگياسى ادەمى قىش بۇيىمدار، اعاش بۇيىمدار، تەمىر بۇيىمدار جانە كوزدىڭ جاۋىن الاتىن ۇلتتىق كيىمدەر تەكسەرۋ ۇيىرمەسىندەگىلەردىڭ نازارىن اۋداردى، ولار تاماشالاي ٴجۇرىپ، قايتا ـ قايتا توقتاپ سۋرەتكە ٴتۇستى.

”يران مەن جۇڭگونىڭ بارىس ـ كەلىس تاريحى ۇزاق، ەكى ەل مادەنيەتىنىڭ ورتاق تۇيىندەرى دە وتە كوپ، بولاشاقتا يران جۇڭگومەن ٴارقايسى جاقتارداعى اۋىس ـ كۇيىستى، سەلبەستىكتى كۇشەيتىپ، دامۋدى بىرگە كوزدەۋدى ٴۇمىت ەتەدى“، ـ دەدى جادير نەزاميپۇر.