جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ

33 ـ كەزەكتى وليمپيادا سپورت جارىسى جۇڭگو دەنە تاربيە ۋاكىلدەر ۇيىرمەسىنە جولداعان قۇتتىقتاۋ تەلەگرامماسى

جۇڭگو دەنە تاربيە ۋاكىلدەر ۇيىرمەسى:

33 ـ كەزەكتى جازعى وليمپيادا سپورت جارىسىندا ەلىمىز دەنە تاربيە ساڭلاقتارى قايسارلىقپەن شايقاسىپ، ەرلىكپەن العا ۇمتىلىپ، بورىشتارىن وتەپ، 40 التىن مەدال، 27 كۇمىس مەدال، 24 قولا مەدال الىپ، سپورت ناتيجەسىندە جانە رۋحاني وركەنيەتتە بىردەي مول جەمىسكە جەتىپ، وتان مەن حالىققا داڭق اپەردى. پارتيا ورتالىق كوميتەتى مەن مەملەكەتتىك كەڭەس سىزدەردى قىزۋ قۇتتىقتايدى جانە سىزدەردەن شىنايى حال سۇرايدى!

وسى كەزەكتى وليمپيادا سپورت جارىسىندا سىزدەر باستان ـ اياق پارتيا مەن حالىقتىڭ تاپسىرماسىن ەستە بەرىك ساقتاپ، جۇڭحۋانىڭ دەنە تاربيە رۋحىن جانە وليمپيادا رۋحىن زور كۇشپەن اسقاقتاتىپ، ٴمورال التىن مەدالىن، ستيل التىن مەدالىن، كىرشىكسىز التىن مەدال الۋعا تاباندى بولىپ، تاسقىنداعان كۇرەس جىگەرىمەن، مويىماس ستيلمەن، ەرەن شەبەرلىكپەن جۇڭگو دەنە تاربيەسىنىڭ اسقاق جىگەرمەن ەكپىندەي ىلگەرىلەگەن شىت جاڭا تاراۋىن جازىپ، دەنە تاربيە شەبىنىڭ رەفورما جاساپ، جاڭالىق اشقان، ەرلىكپەن العا باسقان ٴداۋىر كەلبەتىن ايگىلەدىڭىزدەر. سىزدەر ”اناعۇرلىم تەز، اناعۇرلىم بيىك، اناعۇرلىم مىقتى - اناعۇرلىم ىنتىماقتى بولۋ“ سىندى وليمپيادا اقىلياسىن بەلسەندىلىكپەن امالياتتا ايگىلەپ، دۇنيە جۇزىندەگى ٴار ەلدىڭ، ٴارقايسى رايوننىڭ سپورتشىلارىمەن ٴادىل باسەكەلەسىپ، دوستىق بارىس ـ كەلىس جاساپ، ونەرلەرىڭىزدى ۇشتاپ، دوستىقتى نىعايتىپ، دۇنيە جۇزىنە جۇڭگو كۇش ـ قۋاتىن جانە جۇڭگو كەلبەتىن ايگىلەپ، جۇڭگو ٴۇنىن جانە جۇڭگو رۋحىن تاراتتىڭىزدار. سىزدەردىڭ ۇزدىك ناتيجەلەرىڭىز جانە تاماشا بەينەلەرىڭىز ەل ٴىشى ـ سىرتىنداعى جۇڭحۋا پەرزەنتتەرىنىڭ وتاندى ٴسۇيۋ سۇيىسپەنشىلىگىن ونان ارى قاۋلاتىپ، ۇلت رۋحىن جەلپىندىرىپ، ەكپىندەي ىلگەرىلەۋ كۇش ـ قۋاتىن ۇيىستىردى.

سىزدەردىڭ شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، دەنە تاربيەدە قۋاتتى ەل قۇرۋ نىساناسىن كوزدەپ، وتانعا داڭق اپەرۋ بورىشىن ەستە بەرىك ساقتاپ، باسەكەلىك دەنە تاربيەنىڭ جاڭا بيىك شىڭىنا ۇزدىكسىز شىعىپ، بۇقارالىق دەنە تاربيەنىڭ، جاستار مەن ورەندەر دەنە تاربيەسىنىڭ قارىشتاي دامۋىنا باستاماشى بولىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە تىڭ ۇلەس قوسۋلارىڭىزدى ٴۇمىت ەتەمىز.

وتان مەن حالىق سىزدەردىڭ جەڭىسپەن ورالۋلارىڭىزدى كۇتەدى!

جۇڭگو كوممۋنيستىك پارتياسى ورتالىق كوميتەتى

مەملەكەتتىك كەڭەس

2024 ـ جىلى 8 ـ ايدىڭ 11 ـ كۇنى

(شينحۋا اگەنتتىگىنىڭ 8 ـ ايدىڭ 11 ـ كۇنى بەيجيڭنەن بەرگەن حابارى)