□ حالىق گازەتىنىڭ شولۋشىسى

كۇللى جۇرتتىڭ كوز تىگۋىندە، جۇڭگو دەنە تاربيە ۋاكىلدەر ۇيىرمەسى جەڭىسپەن ورالدى. جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ جاڭا جورىعىندا، ەلىمىز دەنە تاربيە ساڭلاقتارى ۇزدىك ناتيجەلەرىمەن جۇڭگو دەنە تاربيەسىنىڭ اسقاق جىگەرمەن ەكپىندەي ىلگەرىلەۋىنىڭ شىت جاڭا تاراۋىن جازىپ، سان ميلليونداعان حالىقتىڭ ٴىس تىندىرىپ، ناتيجە شىعارۋ ىنتاسى مەن جىگەر ـ قايراتىن ونان ارى تاسقىنداتتى.

8 ـ ايدىڭ 20 ـ كۇنى باس شۋجي شي جينپيڭ 33 ـ كەزەكتى وليمپيادا سپورت جارىسىنا قاتىناسقان جۇڭگو دەنە تاربيە ۋاكىلدەر ۇيىرمەسىمەن كەزدەسكەندە ماڭىزدى ٴسوز سويلەپ، جۇڭگو دەنە تاربيە ۋاكىلدەر ۇيىرمەسىنىڭ ٴبىر نيەتپەن ىنتىماقتاسىپ، قايسارلىقپەن شايقاسىپ، ەرلىكپەن العا ۇمتىلىپ، بورىشتارىن وتەپ، ەلىمىزدىڭ شەكارا سىرتىندا جازعى وليمپيادا سپورت جارىسىنا قاتىناسۋ تاريحىنداعى ەڭ تاماشا ناتيجەگە قول جەتكىزىپ، جارىس ناتيجەسى مەن رۋحاني وركەنيەتتەن بىردەي سۇبەلى تابىسقا قول جەتكىزىپ، وتان مەن حالىققا داڭق اپەرگەندىگىن تولىق تۇراقتاندىرىپ، كوپشىلىكتى داندايسۋدان، ۇشقالاقتىقتان ساقتانىپ، كۇش ۇستىنە كۇش قوسىپ، دەنە تاربيەدە قۋاتتى ەل قۇرۋعا تاعى دا تىڭ ۇلەس قوسۋعا شابىتتاندىردى.

دەنە تاربيە _ جالپىلىق مەملەكەت قۋاتىنىڭ جانە مەملەكەتتىڭ باۋرام كۇشىنىڭ ماڭىزدى بەينەسى. جاڭا داۋىردەن بەرى بۇقارالىق دەنە تاربيە، باسەكەلىك دەنە تاربيە، دەنە تاربيە كاسىپ سالاسى، دەنە تاربيە مادەنيەتى سياقتى ٴار جاقتاعى دامۋدى ىلگەرىلەتۋدەن جالپى حالىق دەنە شىنىقتىرۋ مەملەكەتتىك ستراتەگياسىن ىشكەرىلەي اتقارىپ، دەنە تاربيە الەۋمەتتىك قىزمەت وتەۋ دەڭگەيىن جوعارىلاتۋعا دەيىن ەلىمىزدىڭ دەنە تاربيە ىستەرى قارىشتاپ دامىدى.

مەملەكەت گۇلدەنسە، دەنە تاربيە گۇلدەنەدى، مەملەكەت كۇشەيسە، دەنە تاربيە كۇشەيەدى. وليمپيادا سپورت جارىسى الاڭىندا، جۇڭگو دەنە تاربيە ۋاكىلدەر ۇيىرمەسى ەرلىكپەن 40 التىن مەدال، 27 كۇمىس مەدال، 24 قولا مەدال الدى. جۇڭگو سۋعا سەكىرۋ كومانداسى ٴبىر كەزەكتى وليمپيادا سپورت جارىسىندا تۇڭعىش رەت بارلىق التىن مەدالدى تۇگەل قورجىنىنا سالدى، جۇڭگو تاق ـ تۇق دوپ كومانداسى تۇڭعىش رەت 5 التىن مەدالدى تۇگەل قورجىنىنا سالىپ، شۇعىلالى ناتيجە جاراتتى، ەرلەردىڭ 100 مەتر ارالىقتا ەركىن مالتاۋى دۇنيە جۇزىلىك رەكوردتى جاڭالاۋداي ناتيجەمەن تۇڭعىش رەت وليمپيادا سپورت جارىسىنىڭ ەڭ جوعارى سيلىق ساحناسىنا كوتەرىلدى، تور دوپ ايەلدەر جالعىز ادامدىق جارىسىندا وليمپيادا سپورت جارىسىنداعى تۇڭعىش رەتكى التىن مەدالدى الدى، مانەرلەپ مالتاۋدا، كوركەم گيمناستيكادا، ايەلدەر بوكسىندا وليمپيادا سپورت جارىسىندا التىن مەدال الۋدى جۇزەگە اسىردى...

بۇل جاڭا داۋىردەگى جۇڭگو كۇشىنىڭ تولىق ايگىلەنۋى. ”جۇڭگو دەنە تاربيە ۋاكىلدەر ۇيىرمەسىنىڭ ۇزدىك ناتيجەسى ٴارى ەلىمىزدىڭ دەنە تاربيە ىستەرىنىڭ دامۋىنىڭ، العا باسۋىنىڭ شوعىرلى بەينەسى، ٴارى جۇڭگو ۇلگىسىندەگى وسىزامانداندىرۋ قۇرىلىسى تابىستارىنىڭ ىقشام كورىنىسى“. اماليات ەلىمىزدىڭ دۇنيە جۇزىندەگى دەنە تاربيەدەگى ٴىرى ەل، وليمپيادا سپورت جارىسىنداعى قۋاتتى ەل قاتارىنا كىرە الۋى، تۇپتەپ كەلگەندە، جالپىلىق مەملەكەت قۋاتىنىڭ ۇزدىكسىز كۇشەيگەندىگىنىڭ ارقاسى ەكەندىگىن تولىق دالەلدەدى.

وليمپيادا سپورت جارىسى _ سپورت ناتيجەسى جاعىنداعى بەلدەسۋ عانا ەمەس، مۇنان دا ماڭىزدىسى، رۋحتى اسقاقتاتاتىن، وبرازدى ايگىلەيتىن ساحنا.

”مەملەكەتتىڭ داڭقى ماڭگى جەكە ادامنان ۇستەم تۇرادى“، ”العان التىن مەدالىمدى ۇلى وتانىما ارنايمىن“ دەگەن سياقتى كۇشتى سەرتتەر ەستەن كوتەرىلمەيدى، سپورتشىلار ۇلى وتاندى كوكەيدە ساقتاپ، وتانعا داڭق اپەرۋدى مۇرات ەتىپ، بەس جۇلدىزدى قىزىل تۋدى قايتا ـ قايتا بيىك جەلبىرەتتى.

”قيىنشىلىق نەعۇرلىم زور بولعان سايىن، سولعۇرلىم سايىس جاريالاعىم كەلەدى“، ”مەيلى قانداي بولسا دا، سايىسۋدان ماڭگى كەشپە“ دەگەن سياقتى سوزدەردىڭ وتە جاندى ەكەندىگى ەستەن كوتەرىلمەيدى، ارمان جولىندا بار كۇشپەن سايىسىپ، سوڭىنا دەيىن جالعاستىردى، دەنە تاربيە ساڭلاقتارىنىڭ تاسقىنداعان قۋاتتى كۇشى جاندى تەبىرەنتەدى.

بۇل جاڭا داۋىردەگى جۇڭگو رۋحىنىڭ جاندى تۇسىندىرمەسى. ەلىمىز دەنە تاربيە ساڭلاقتارىنىڭ تاماشا ناتيجەسى ”وتاندى بارىنەن جوعارى قوياتىن، وتانعا داڭق اپەرەتىن قالتقىسىز سۇيىسپەنشىلىكتەرىن ايگىلەدى، قايسارلىقپەن كۇرەس جاسايتىن، تالىقپاي تالپىنىپ، ٴسوز جوق، جەڭىسكە جەتەتىن سەنىمدەرىن ايگىلەدى، ىنتىماقتاسا سەلبەسىپ، تىزە قوسا شايقاس جاسايتىن باعالى قاسيەتىن ايگىلەدى، جۇڭگو جاستارىنىڭ سەنىمدى، ۇمىتكەر، ىقىلاستى، دوستىق جالىندى كەلبەتىن ايگىلەدى“.

قيان ـ كەسكى سايىس الدىندا ٴاربىر ارەكەتتى ەڭ جوعارى شەكتە تاماشا ىستەۋگە قۇلشىنۋ _ ”ەرەجەگە بويسۇنۋداعى، قارسىلاستارىنا قۇرمەت ەتۋدەگى، تورەشىلەرگە قۇرمەت ەتۋدەگى، كورەرمەندەرگە قۇرمەت ەتۋدەگى“ بەرىك تاڭداۋ؛ بۇرىنعى سەرىگى باسەكەلەسەتىن ارىپتەسىنە اينالعاندا ٴبىرىن ـ ٴبىرى شابىتتاندىرىپ، ٴبىر ـ بىرىنە كۇش سيلاۋ _ دەنە تاربيە ٴمورال سالتىن پارمەندى اسقاقتاتقاندىق؛

ارىپتەسى جارالانىپ وكىنىشپەن جارىستان شەگىنگەندە، ونىڭ مەملەكەتىنىڭ وليمپيادا كوميتەتىنىڭ زناگىن ۇستاپ سيلىق ساحناسىنا شىقتى، ”بولماشى دا تاماشا قۇرمەت دۇنيە جۇزىنە تارالدى“، بۇل وليمپيادا اقىلياسىنىڭ جاندى امالياتى...

بۇل جاڭا داۋىردەگى جۇڭگو وبرازىنىڭ تولىق ايگىلەنۋى. ەلىمىز دەنە تاربيە ساڭلاقتارى ٴمورال التىن مەدالىن، ستيل التىن مەدالىن، كىرشىكسىز التىن مەدال الۋعا تاباندى بولىپ، دۇنيە جۇزىندەگى ٴار ەلدىڭ، ٴار ٴوڭىردىڭ سپورتشىلارىمەن ٴادىل باسەكەلەسىپ، دوستىق بارىس ـ كەلىس جاساپ، ونەرىن ۇشتاپ، دوستىقتى نىعايتىپ، جاپپاي قۇرمەتكە جانە قولداۋعا يە بولىپ، جاڭا داۋىردەگى جۇڭگونىڭ سەنىمدى، سۇيىكتى، قادىرلى وبرازىن ايگىلەدى.

جاڭا جورىق _ داڭققا جانە ارمانعا تولى جورىق. بورىش نەعۇرلىم داڭقتى، مىندەت نەعۇرلىم جاپالى بولعان سايىن، جاڭا داۋىردەگى جۇڭگو كۇشىن سولعۇرلىم ۇيىستىرۋ، جاڭا داۋىردەگى جۇڭگو رۋحىن سولعۇرلىم اسقاقتاتۋ، جاڭا داۋىردەگى جۇڭگو وبرازىن سولعۇرلىم ايگىلەۋ كەرەك. العا باسۋ جولىندا دەنە تاربيە ساڭلاقتارى سياقتى ”جۇڭحۋا دەنە تاربيە رۋحى مەن وليمپيادا رۋحىن ساۋلەلەندىرىپ، جۇڭحۋا ۇلتى رۋحى مەن ٴداۋىر رۋحىنىڭ ٴبىر ـ بىرىنە ٴار بەرۋىنە مۇمكىندىك جاساپ“، ”نەعۇرلىم جاپا ـ ماشاقاتتى بولعان سايىن، سولعۇرلىم العا ىلگەرىلەيتىن“ جىگەردى ساقتاپ، ”تاۋ جولىقسا جول سالاتىن، سۋ جولىققاندا كوپىر سالاتىن“ ەرىكتى بەكەمدەپ، ”ومىردە قانشا رەت شايقاس ورايى كەلەدى دەيسىڭ“ دەگەن رۋحتى تاسقىنداتىپ، قايسارلىقپەن شايقاسىپ، ەرلىكپەن العا ۇمتىلعاندا، جۇڭگو ۇلگىسىندەگى وسىزامانداندىرۋ قۇرىلىسىنىڭ كەدەرگىلەردى الاستاپ، ەرلىكپەن ىلگەرىلەيتىندىگى داۋسىز.

(«حالىق گازەتىنىڭ» 8 ـ ايدىڭ 21 ـ كۇنگى سانىنان)