شينحۋا اگەنتتىگىنىڭ 8 ـ ايدىڭ 21 ـ كۇنى بەيجيڭنەن بەرگەن حابارى. جاقىندا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «بازارعا كىرۋگە رۇقسات ەتۋ ٴتۇزىمىن كەمەلدەندىرۋ جونىندەگى پىكىردى» باسىپ تاراتتى.

«پىكىردە» بىلاي دەپ اتاپ كورسەتىلدى: بازارعا كىرۋگە رۇقسات ەتۋ ٴتۇزىمى _ سوتسياليستىك بازار شارۋاشىلىعى نەگىزگى تۇزىمدەرىنىڭ ٴبىرى بولىپ، ٴونىمدى بازار مەن ىسكەر ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتۋدىڭ شەشۋشى تەتىگى.

پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، بازارعا كىرۋگە رۇقسات ەتۋ ٴتۇزىمىن كەمەلدەندىرىپ، بازارعا كىرۋدىڭ قامالىن ىشكەرىلەي تالقانداپ، اشىق، جاريا، ولشەمدى، ٴتارتىپتى، تەرەزەسى تەڭ تۇرعىدا باسەكەلەسەتىن، ۇقىعى مەن جاۋاپكەرشىلىگى ايقىن، باقىلاۋ ـ باسقارۋى پارمەندى بولعان بازارعا كىرۋگە رۇقسات ەتۋ ٴتۇزىمى جۇيەسىن ورناتۋ ٴۇشىن، پارتيا ورتالىق كوميتەتىنىڭ، مەملەكەتتىك كەڭەستىڭ ماقۇلداۋىمەن وسى «پىكىر» ارنايى جاسالدى.

«پىكىردە» بازارعا كىرۋگە رۇقسات ەتۋدەگى ۇنامسىز تىزىمدىكتى باسقارۋ ۇلگىسىن كەمەلدەندىرۋ، بازارعا كىرۋگە رۇقسات ەتۋدەگى ولشەمدى عىلمي تۇراقتاندىرۋ، بازارعا كىرۋگە تيىم سالۋ جانە كىرۋگە رۇقسات ەتۋ ىستەرىن ۇيلەسىمدى ورنالاستىرۋ، بازارعا كىرۋگە رۇقسات ەتۋدەگى باسقارۋ شارالارىن، رەتكە سالۋ تارتىپتەرىن ايقىنداۋ، ىشكى ـ سىرتقى كاپيتالدىڭ كىرۋىنە رۇقسات ەتۋ ساياساتىنىڭ سايكەسىمدىلىگىن، ىقپالداستىعىن كۇشەيتۋ، قىزمەت وتەۋ كاسىبىنە كىرۋگە رۇقسات ەتۋ شەكتەمەسىن تارتىپپەن كەڭەيتۋ، جاڭا كاسىپ كۇيىنىڭ، جاڭا سالانىڭ بازارعا كىرۋىنە رۇقسات ەتۋ ورتاسىن ساپالىلاندىرۋ، بازارعا كىرۋگە رۇقسات ەتۋ شارتتارىن جەڭىلدەتۋدى تۇيىندە سىناق ەتۋ تەبىنىن كۇشەيتۋ، بازارعا كىرۋگە رۇقسات ەتۋ ٴتۇزىمىنىڭ تياناقتانۋىن ويداعىداي يگەرۋ سياقتى 10 ٴتۇرلى شارا العا قويىلدى.