ورتالىق اسكەري ىستەر كوميتەتىنىڭ بەكىتۋىمەن

«شي جينپيڭنىڭ جاڭا داۋىردە ارميانى ساياسي جاقتان قۇرۋ جونىندەگى ماڭىزدى بايىمداۋلارىنان تاڭدامالىلار» بۇكىل ارمياعا باسىپ تاراتىلدى

شينحۋا اگەنتتىگىنىڭ 9 ـ ايدىڭ 11 ـ كۇنى بەيجيڭنەن بەرگەن حابارى. ورتالىق اسكەري ىستەر كوميتەتى ساياسي قىزمەت ٴماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جۇڭشياۋ دارەجەلىدەن جوعارى وفيتسەرلەردىڭ ٴتوراعا شي جينپيڭنىڭ جاڭا داۋىردە ارميانى ساياسي جاقتان قۇرۋ جونىندەگى ماڭىزدى بايىمداۋلارىن جان ـ جاقتى، دۇرىس ۇيرەنۋىنە، ۇعىنۋىنا، جاڭا داۋىردە ارميانى ساياسي جاقتان قۇرۋ جالپى جوباسىن ىشكەرىلەي تۇسىنۋىنە، جاڭا جورىقتا ارميانى ساياسي جاقتان قۇرۋدى ىلگەرىلەتۋدەگى ساياسي سانالىلىقتى، يدەيالىق سانالىلىقتى، ارەكەت سانالىلىعىن كۇشەيتۋىنە كومەكتەسۋ ٴۇشىن، ورتالىق اسكەري ىستەر كوميتەتىنىڭ بەكىتۋىمەن اسكەري ىستەر كوميتەتىنىڭ ساياسي قىزمەت ٴبولىمى «شي جينپيڭنىڭ جاڭا داۋىردە ارميانى ساياسي جاقتان قۇرۋ جونىندەگى ماڭىزدى بايىمداۋلارىنان تاڭدامالىلاردى» (تومەندە قىسقارتىلىپ «تاڭدامالىلار» دەلىنەدى) ۇيىمداستىرىپ قۇراستىردى، تاياۋدا رەسمي باسپادان شىعىپ تاراتىلدى.

«تاڭدامالىلارعا» شي جينپيڭ جولداستىڭ ورتالىق اسكەري ىستەر كوميتەتىنىڭ ساياسي قىزمەت ماجىلىسىندە سويلەگەن ٴسوزى ٴبىرىنشى ماقالا بولىپ بەرىلدى، باسقا ماقالالار ۋاقىت رەتى بويىنشا ورنالاستىرىلدى، پارتيا 18 ـ قۇرىلتايىنان بەرگى شي جينپيڭ جولداستىڭ ارميانى ساياسي جاقتان قۇرۋ جونىندەگى 89 ماقالاسى ەنگىزىلىپ، جاڭا داۋىردە ارميانى ساياسي جاقتان قۇرۋ جالپى جوباسىنىڭ دامۋ جۇلگەسى، باي مازمۇنى، ٴداۋىر تالابى جانە اماليات جولى جان ـ جاقتى بەينەلەندى.

ورتالىق اسكەري ىستەر كوميتەتى تاياۋدا حابارلاندىرۋ شىعارىپ، بۇكىل ارميادان ورتالىق اسكەري ىستەر كوميتەتى ساياسي قىزمەت ٴماجىلىسىنىڭ رۋحىن جاپپاي ىشكەرىلەي دايەكتىلەندىرىپ، تياناقتاندىرىپ، «تاڭدامالىلاردى» ۇيرەنۋدى، پايدالانۋدى مۇقيات ۇيىمداستىرىپ، ارميانى ساياسي جاقتان قۇرۋدىڭ تەرەڭدەۋىن، ناقتىلانۋىن ىلگەرىلەتۋدى تالاپ ەتتى. جەتە ۇيرەنۋ، جەتە يگەرۋ، شىنايى تياناقتاندىرۋ تالابى بويىنشا، ٴتۇپ نۇسقانى وقۋعا، اۋەلگى ٴماتىندى ۇيرەنۋگە، قاعيدانى تۇسىنۋگە تاباندى بولىپ، ۇيرەنۋ ارقىلى رۋحتى سومداۋعا، ۇيرەنۋ ارقىلى پاراساتتى ارتتىرۋعا، ۇيرەنۋ ارقىلى ستيلدى دۇرىستاۋعا، ۇيرەنۋ ارقىلى ىستەۋدى جەبەۋگە تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ جەتىستىكتەرىن بەكەمدەپ، كەڭەيتىپ، نازاردى ”مىزعىماس نيەتپەن پارتياعا ىلەسىپ، ادالدىقتى سومداۋعا، ٴبىر نيەتپەن ەكپىندەي ىلگەرىلەپ، بورىشتى ارقالاۋعا“ شوعىرلاندىرا وتىرىپ تاربيەنى امالياتتا ايگىلەۋ قيمىلىن تەرەڭدەتىپ، وفيتسەر ـ اسكەرلەردى ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، اسكەري ىستەر كوميتەتىنىڭ ٴتوراعاسى جاۋاپتى بولۋ ٴتۇزىمىن دايەكتىلەندىرۋگە جەتەكتەۋ كەرەك. «تاڭدامالىلاردى» ۇيرەنۋدى پارتكوم نازاريا ۇيرەنۋ وزەكتى گرۋپپاسىنىڭ ۇيرەنۋىنە، اسكەري بولىمدەردىڭ يدەيا ـ ساياسي تاربيەسىنە جانە مەكتەپتەردىڭ ساياسي ـ نازاريا وقىتۋىنا ەنگىزىپ، كادرلاردى نازاريالىق جاقتان تاربيەلەۋ، كەزەكپەن تاربيەلەۋ، ساياسي كادرلاردى ارناۋلى تاقىرىپتىق تاربيەلەۋ سياقتىلاردى ساتىلار بويىنشا ۇيىمداستىرىپ، وسى وقۋلىقتى ماڭىزدى مازمۇن رەتىندە كورنەكتىلەندىرۋ كەرەك. قالىڭ نازاريا قىزمەتكەرلەرى ٴتوراعا شي جينپيڭنىڭ جاڭا داۋىردە ارميانى ساياسي جاقتان قۇرۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، ٴتۇسىنىپ، جاڭا داۋىردەگى ارميانى ساياسي جاقتان قۇرۋ جالپى جوباسى جونىندەگى زەرتتەۋدى، ٴتۇسىندىرۋدى كۇشەيتۋى، ارميانىڭ اقپارات مەديالارى اقپاراتتىق ۇگىتتى ويداعىداي جۇرگىزۋى، باسشى كادرلار وزدەرىنىڭ ۇيرەنۋ جەتىستىكتەرىنەن پايدالانىپ نەگىزگى ساتىداعى وفيتسەر ـ اسكەرلەرگە ۇگىت لەكسيا، پىسىقتاۋ جاساۋدى ويداعىداي ىستەپ، ۇيرەنۋ، دايەكتىلەندىرۋ رايىن قويۋلاتۋى كەرەك. يدەيانى وزگەرتۋدەگى سانالىلىق پەن تۇبەگەيلىلىكتى كۇشەيتىپ، جوعارى دارەجەلى كادرلاردىڭ تاربيەنى الدىمەن قابىلداۋىنا، شىنايى تاربيە الۋىنا تاباندى بولىپ، يدەيالىق تامىرداعى ماسەلەنى كۇش سالا شەشىپ، مۇرات ـ سەنىمدى بەكەمدەپ، پارتياعا ادالدىقتى بەكەمدەۋ كەرەك. نازاريانى امالياتپەن ۇشتاستىرۋ سىندى تاماشا ۇيرەنۋ ستيلىن بارىنشا اسقاقتاتىپ، ٴىس جۇزىندىك ونىمدىلىك ارقىلى ۇيرەنۋ جەتىستىكتەرىن سىننان وتكىزۋ بەتالىسىن مىقتاپ ورناتىپ، ساياسيدا تاباندى، قابىلەتى ىسىلعان مىعىم پارتيا ۇيىمىن شىڭاپ، ادال، كىرشىكسىز، جاۋاپكەرشىلىك ارقالايتىن، ارميانى قۇدىرەتتەندىرۋ اۋىر مىندەتىن ارقالاي الاتىن جوعارى ساپالى كادرلار قوسىنىن سومداپ، ارميانى ساياسي جاقتان قۇرۋدىڭ جاڭا جاعدايىن ۇزدىكسىز اشىپ، ارميانى قۇدىرەتتەندىرۋ ٴىسىن ۇزدىكسىز العا ىلگەرىلەتىپ، ارميا قۇرىلعاندىعىنىڭ 100 جىلدىعىن ۇزدىك ناتيجەلەرمەن قارسى الۋ كەرەك.