شينحۋا اگەنتتىگىنىڭ 11 ـ ايدىڭ 5 ـ كۇنى ليمادان بەرگەن حابارى (تىلشىلەر ۋ حاۋ، حاۋ يۇنپۋ). جەرگىلىكتى ۋاقىت 11 ـ ايدىڭ 5 ـ كۇنى جۇڭگو مەملەكەتتىك كەڭەس اقپارات كەڭسەسى، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسى ۇيىمداستىرعان، شەتەل تىلدەرى باسپاسى، جۇڭگو شەتەل تىلىندە باسىلىمدار شىعارۋ جانە تاراتۋ مەكەمەسىنىڭ امەريكا قۇرلىعى تاراتۋ ورتالىعى مىندەتىنە الىپ وتكىزگەن «شي جينپيڭ ەل باسقارۋ جونىندە» اتتى كىتاپ بويىنشا جۇڭگولىق، پەرۋلىق وقىرماندار ٴماجىلىسى پەرۋدىڭ استاناسى ليمادا ٴساتتى وتكىزىلدى. جۇڭگو مەن پەرۋ ەكى ەلدىڭ ساياسي سالاسىنان، باسپا ٴسوز سالاسىنان، ٴىلىم سالاسىنان جانە مەديا سالاسىنان كەلگەن شامامەن 150دەي ادام وقىرماندار ماجىلىسىنە قاتىناستى.

ماجىلىسكە قاتىناسقان سيلى قوناقتار بىلاي دەپ قارادى: «شي جينپيڭ ەل باسقارۋ جونىندە» اتتى كىتاپتا ٴتوراعا شي جينپيڭنىڭ ەل باسقارۋ جالپى جوباسى تولىق بەينەلەنىپ، جۇڭگو ۇلگىسىندەگى وسىزامانداندىرۋدىڭ نازاريا جۇيەسى مەن اماليات جولى جان ـ جاقتى ايگىلەنگەن، ول جۇڭگو ۇلگىسىندەگى وسىزامانداندىرۋدىڭ حالىقتى بارىنەن جوعارى قويۋ سىندى قۇن تالپىنىسىن، دەربەس، ٴوز كۇشىنە سۇيەنۋ سىندى ىزدەنىس جاساۋ رۋحىن، اشىق، سيىسىمدى بولۋ سىندى وركەنيەت ٴمانىن جانە سەلبەسىپ تەڭ يگىلىككە كەنەلۋ سىندى بەرىك بەكىمىن تولىق ايگىلەگەن، ول حالىقارالىق قوعامنىڭ جۇڭگو ۇلگىسىندەگى وسىزامانداندىرۋدى تۇسىنۋىنە كومەكتەسەتىن ”يدەيا تەرەزەسى“، پەرۋ مەن لاتىن امەريكاسىنداعى ٴار سالا وقىرماندارىنىڭ جاڭا داۋىردەگى جۇڭگونىڭ دامۋى جونىندە تەرەڭ تانىمعا اناعۇرلىم ويداعىداي، اناعۇرلىم ۋاعىندا يە بولۋىنا جانە جاڭالاۋىنا پايدالى. جۇڭگونىڭ تابىستى تاجىريبەسى پەرۋدى قامتىعان لاتىن امەريكاسىنداعى وڭىرلەرگە جانە قالىڭ وركەندەپ كەلە جاتقان ەلدەرگە پايدالى ۇلگى ازىرلەدى.

قيمىل بارىسىندا جۇڭگو جاق پەرۋ جاققا «شي جينپيڭ ەل باسقارۋ جونىندە» اتتى كىتاپتىڭ 4 ـ تومىنىڭ يسپان تىلىندەگى نۇسقاسىن تارتۋ ەتتى. ەكى ەلدىڭ مامان ـ وقىمىستىلارى جۇڭگو _ پەرۋ، جۇڭگو _ لاتىن امەريكاسى ەل باسقارۋ تاجىريبەلەرى جانە وسىزاماندانۋى جونىندە ىزدەنىس جاساۋدى ارقاۋ ەتە وتىرىپ اۋىس ـ كۇيىس، زەرتتەۋ ـ تالقى ورىستەتتى. «شي جينپيڭ ەل باسقارۋ جونىندە» اتتى كىتاپ 2014 ـ جىلى 9 ـ ايدا جارىق كورگەننەن بەرى 42 ٴتۇرلى تىلگە اۋدارىلىپ باسپادان شىعىپ، دۇنيە جۇزىندەگى 180نەن استام ەلگە جانە وڭىرگە تاراتىلدى.