شينحۋا اگەنتتىگىنىڭ 11 ـ ايدىڭ 11 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى كەڭسەسى «جىلجىمالى پارتيا مۇشەلەرىن باسقارۋ قىزمەتىن اناعۇرلىم كۇشەيتۋ جانە جاقسارتۋ جونىندەگى پىكىردى» (تومەندە قىسقارتىلىپ «پىكىر» دەلىنەدى) باسىپ تاراتىپ، جاڭا داۋىردەگى جىلجىمالى پارتيا مۇشەلەرىن باسقارۋ قىزمەتىن ويداعىداي ىستەۋ جونىندە ورنالاستىرۋ جاسادى.

«پىكىر» شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتىپ، پارتيا ۋستاۆىن جانە پارتيا ىشىندەگى قاتىستى زاڭ ـ بەلگىلەمەلەردى نەگىز ەتىپ، پارتيا ورتالىق كوميتەتىنىڭ جىلجىمالى پارتيا مۇشەلەرىن باسقارۋ قىزمەتى جونىندەگى ماڭىزدى ورنالاستىرۋلارىن جاپپاي دايەكتىلەندىرىپ، ماسەلەنى باعدار ەتۋ مەن نىسانانى باعدار ەتۋدىڭ بىرلىگىنە تاباندى بولىپ، جۇيە كوزقاراسىنا تاباندى بولىپ، شىندىققا جۇگىنىپ ناقتى ٴىس ىستەپ، رەفورما جاساپ، جاڭالىق اشىپ، دالمە ـ ٴدال، ٴونىمدى بولۋدى، مەيىر جەتكىزۋدى، قىزمەت وتەۋدى جىلجىمالى پارتيا مۇشەلەرىن باسقارۋدىڭ تۇتاس بارىسىندا، ٴار جاعىندا بەينەلەپ، جىلجىمالى پارتيا مۇشەلەرىن بارعان جەرىندەگى (ورىنداعى) نەگىزگى ساتى پارتيا ۇيىمدارىنا دەر كەزىندە ەنگىزۋ، نەگىزگى ساتى پارتيا ۇيىمدارىنىڭ باسقارۋ جاۋاپكەرشىلىگىن جانە جىلجىمالى پارتيا مۇشەلەرىنىڭ جاۋاپكەرشىلىك تالابىن تياناقتاندىرۋ، جىلجىمالى پارتيا مۇشەلەرىن كۇندەلىكتى تاربيەلەۋدى، باسقارۋدى ناقتى يگەرۋ، جىلجىمالى پارتيا مۇشەلەرىنىڭ پارتيا ۇيىمى قۇرىلىسىن كۇشەيتۋ، ۇيىمدىق باسشىلىقتى كۇشەيتۋ سياقتى 5 جاقتان جىلجىمالى پارتيا مۇشەلەرىن باسقارۋ قىزمەتىن ونان ارى كۇشەيتۋدىڭ جانە جاقسارتۋدىڭ مىندەتتەرىن، شارالارىن، سونداي ـ اق ناقتى تالاپتارىن العا قويدى.

«پىكىردە» مىنالار باسا دارىپتەلدى: ٴار دارەجەلى پارتكومدار، اسىرەسە، اۋدان دارەجەلى پارتكومدار جىلجىمالى پارتيا مۇشەلەرىن باسقارۋ قىزمەتىن كۇشەيتۋدى جانە جاقسارتۋدى پارتيا قۇرىلىسىنىڭ ماڭىزدى مىندەتى جانە ۇنەمىلىك قىزمەتى ەتىپ، نەگىزگى ساتى پارتيا قۇرىلىسى قىزمەت جاۋاپكەرشىلىگى تۇزىمىنە ەنگىزىپ، باسشىلىقتى جانە جەتەكشىلىكتى كۇشەيتۋى؛ ٴار دارەجەلى پارتكومداردىڭ ۇيىمداستىرۋ تاراۋلارى ناقتى جەتەكشىلىكتى كۇشەيتىپ، پارتكوم قوعامدىق قىزمەت بولىمدەرىمەن، سونداي ـ اق قوعام حاۋىپسىزدىگى، ادام كۇشى بايلىعى جانە قوعامدىق قامتاماسىزداندىرۋ سياقتى تاراۋلارمەن بىرگە جىلجىمالى پارتيا مۇشەلەرىن باسقارۋ قىزمەتىن بەلگىلى مەرزىمدە حابارلاپ جانە اقىلداسىپ، جىلجىمالى پارتيا مۇشەلەرىن باسقارۋ ينفورماتسياسىنان ورتاق پايدالانۋدى، قىزمەتتى بىرگە يگەرۋدى جەبەۋى كەرەك.