شينحۋا اگەنتتىگىنىڭ 12 ـ ايدىڭ 3 ـ كۇنى بەيجيڭنەن بەرگەن حابارى. جۋىقتا جۇڭگو كوممۋنيستىك پارتياسى ورتالىق كوميتەتى ۇگىت ٴبولىمى «شي جينپيڭ مادەنيەت يدەياسىن ۇيرەنۋ باعدارلاماسىن» ۇيرەنۋدى مۇقيات ۇيىمداستىرۋ جونىندە حابارلاندىرۋ تاراتتى. تولىق مازمۇنى تومەندەگىدەي:

پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى مادەنيەت قۇرىلىسىن ەل باسقارۋدىڭ كورنەكتى ورنىنا قويۋعا تاباندى بولىپ، ٴبىر قىدىرۋ ماڭىزدى ورنالاستىرۋلار جاساپ، مادەنيەت قۇرىلىسىنىڭ توركىنىن تۇزەپ قاينارىن تازارتۋدا، تۋراشىلدىقتان اينىماي جاڭالىق اشۋدا تاريحي تابىستارعا قول جەتكىزۋىن ىلگەرىلەتىپ، سوتسياليستىك مادەنيەتتە قۋاتتى ەل قۇرىلىسىندا نىق قادام تاستادى. باس شۋجي شي جينپيڭ ٴبىر قىدىرۋ ماڭىزدى ٴسوز سويلەپ، ٴبىر قىدىرۋ ماڭىزدى نۇسقاۋ بەرىپ، ٴبىر قىدىرۋ جاڭا يدەيانى، جاڭا كوزقاراستى، جاڭا تۇجىرىمدى جاسامپازدىقپەن العا قويىپ، ايرىقشا باي نازاريا جەتىستىگىن قالىپتاستىردى. 2023 ـ جىلى 10 ـ ايدا پارتيا ورتالىق كوميتەتى مەملەكەتتىك ۇگىت، يدەيا، مادەنيەت قىزمەتى ٴماجىلىسىن اشىپ، شي جينپيڭ مادەنيەت يدەياسىن رەسمي العا قويىپ جانە جۇيەلى ٴتۇسىندىرىپ، جاڭا جورىقتا پارتيامىزدىڭ مادەنيەت تۋىن بيىك ۇستادى. شي جينپيڭ مادەنيەت يدەياسى _ جاڭا داۋىردەگى پارتيانىڭ مادەنيەت قۇرىلىسىنا باسشىلىق ەتۋدەگى امالياتتىق تاجىريبەلەرىنىڭ نازاريالىق قورىتىندىسى، ”ەكى ۇشتاستىرۋعا“ تاباندى بولۋدىڭ، ماركسيزم مادەنيەت نازارياسىندا جاڭالىق اشۋدى ىلگەرىلەتۋدىڭ كەلەلى جەتىستىگى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ مادەنيەت تاراۋىن قالىپتاستىردى، ول جاڭا ٴداۋىردىڭ جاڭا جورىعىندا ۇگىت، يدەيا، مادەنيەت قىزمەتىن ويداعىداي ىستەۋگە، مادەنيەتتىڭ گۇلدەنىپ ـ كوركەيۋىن ىلگەرىلەتۋگە، مادەنيەتتە قۋاتتى ەل قۇرۋعا قۋاتتى يدەيالىق قارۋ جانە عىلمي ارەكەت باعدارناماسىن ازىرلەدى.

پارتيا ورتالىق كوميتەتىنىڭ ٴبىر تۇتاس ورنالاستىرۋى بويىنشا، شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتىپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ شي جينپيڭ مادەنيەت يدەياسىن جۇيەلى ۇيرەنۋىنە، يگەرۋىنە كومەكتەسۋ ٴۇشىن، ورتالىق كوميتەت ۇگىت ٴبولىمى «شي جينپيڭ مادەنيەت يدەياسىن ۇيرەنۋ باعدارلاماسىن» (تومەندە قىسقارتىلىپ «باعدارلاما» دەلىنەدى) ۇيىمداستىرىپ جازدى. «باعدارلاما» شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ مادەنيەت سالاسىنداعى ٴتول جاسامپازدىق سيپاتتى ۇلەسىن جان ـ جاقتى بەينەلەپ، شي جينپيڭ مادەنيەت يدەياسىنىڭ نەگىزگى رۋحىن، نەگىزگى مازمۇنىن، نەگىزگى تالابىن جۇيەلى ٴتۇسىندىردى، ول شي جينپيڭ مادەنيەت يدەياسىن ىشكەرىلەي ۇيرەنۋدەگى، ۇعىنۋداعى قۇزىرلى كومەكشى وقۋلىق سانالادى.

ٴار دارەجەلى پارتكوم (پارتيا باسشىلىق گرۋپپاسى) تاباندىلىقپەن شي جينپيڭ جاڭا ٴداۋىر جۇڭگوشا سوتسياليزم يدەياسىمەن وي ـ سانانى قارۋلاندىرۋى، امالياتقا جەتەكشىلىك ەتۋى، قىزمەتتەردى ىلگەرىلەتۋى كەرەك. پارتيا مۇشەلەرىن ٴتۇپ نۇسقانى مۇقيات وقۋعا، اۋەلگى ٴماتىندى ۇيرەنۋگە، قاعيدانى تۇسىنۋگە ۇيىمداستىرىپ، شي جينپيڭ مادەنيەت يدەياسىنىڭ وزەكتى ماڭىزىن، رۋحاني ٴمانىن، باي مازمۇنىن، امالياتتىق تالابىن ىشكەرىلەي ۇيرەنىپ، ۇعىنىپ، وعان سىڭىرىلگەن ماركسيزمدىك تۇرعىنى، كوزقاراستى، ٴادىستى قۇلشىنا يگەرىپ، تانىمدى ۇزدىكسىز تەرەڭدەتىپ، جان ـ جاقتى ٴتۇسىنىپ يگەرۋى كەرەك. «باعدارلامانى» ۇيرەنۋ جوسپارىنا ەنگىزىپ، ونى پارتكومنىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى ۇيرەنۋىنىڭ، كادرلاردى باۋلۋدىڭ، پارتيا مۇشەلەرى ۇيرەنۋىنىڭ ماڭىزدى مازمۇنى ەتىپ، شي جينپيڭ مادەنيەت يدەياسىنىڭ وقۋلىققا ەنۋىن، ساباقحاناعا ەنۋىن، وقۋشىلاردىڭ وي ـ ساناسىنا ٴسىڭۋىن ىلگەرىلەتۋ كەرەك. قاز ـ قالپىندا ۇيرەنىپ، ىشكەرىلەي جۇيەلى ۇيرەنىپ، ٴىس جۇزىندىكپەن بايلانىستىرا، نازاردى ماڭىزدى تۇيىندەرگە شوعىرلاندىرا ۇيرەنىپ، بىرەۋى ارقىلى وزگەسىن ۇعىنىپ، تولىق يگەرىپ، اناعۇرلىم سانالىلىقپەن شي جينپيڭ مادەنيەت يدەياسى ارقىلى ٴىس جۇزىندىك ماسەلەنى شەشۋگە جەتەكشىلىك ەتىپ، مادەنيەتتىڭ دامۋ زاڭدىلىعىن يگەرۋ، مادەنيەتتە قۋاتتى ەل قۇرىلىسىن ىلگەرىلەتۋ قابىلەتىن، دەڭگەيىن ۇزدىكسىز جوعارىلاتىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدى، تانىمدى، سەنىمدى، ارەكەتتى بىرلىككە كەلتىرۋدى شىنايى ىسكە اسىرۋ كەرەك.

كەڭ كولەمدە ۇيرەنۋ، ۇگىتتەۋ، ٴتۇسىندىرۋ قىزمەتى ارقىلى قالىڭ پارتيا مۇشەلەرىن، كادرلاردى، بۇقارانى شي جينپيڭ جاڭا ٴداۋىر جۇڭگوشا سوتسياليزم يدەياسىن اناعۇرلىم جەتە ۇيرەنىپ، جەتە يگەرىپ، شىنايى تياناقتاندىرىپ، شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن ونان ارى تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالىلىقپەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، جىگەرلەنە العا باسىپ، تۋراشىلدىقتان اينىماي جاڭالىق اشىپ، شوگەلدىلىكپەن ىستەپ، ەرلىكپەن العا باسىپ، ۇگىت، يدەيا، مادەنيەت قىزمەتىنىڭ جاڭا جاعدايىن قۇلشىنا اشىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ جولىندا قۇلشىنا كۇرەس جۇرگىزۋگە جەتەكتەۋ كەرەك.