شينحۋا اگەنتتىگىنىڭ 1 ـ ايدىڭ 16 ـ كۇنى بەيجيڭنەن بەرگەن حابارى. شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ونان ارى تەرەڭ ٴتۇسىنۋ، دالمە ـ ٴدال يگەرۋ، تىڭعىلىقتى تياناقتاندىرۋ ٴۇشىن، ورتالىق كوميتەت ۇيىمداستىرۋ ٴبولىمى ۇيىمداستىرىپ قۇراستىرعان «باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسى تۋرالى جالپى شولۋ» (تومەندە قىسقارتىلىپ «جالپى شولۋ» دەلىنەدى) اتتى كىتاپ پارتيا قۇرىلىسى باسىلىمدار باسپاسىنان باسىلىپ شىعىپ، سول كۇننەن باستاپ بۇكىل ەلدە تاراتىلدى.

پارتيا 18 ـ قۇرىلتايىنان بەرى باس شۋجي شي جينپيڭ قانداي ۇزاق ۋاقىت بيلىك جۇرگىزەتىن ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى داۋىرلىك تاقىرىپتى ارقاۋ ەتىپ، پارتيانى جاپپاي قاتاڭ باسقارۋ سىندى نەگىزگى تاقىرىپتى، نەگىزگى ارقاۋدى كورنەكتىلەندىرىپ، پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ جونىندە ٴبىر قىدىرۋ جاڭا ۇستانىمدى، جاڭا يدەيانى، جاڭا ستراتەگيانى العا قويىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن قالىپتاستىردى. باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنىڭ ويى كەڭ دە تەرەڭ، مازمۇنى باي، ول ٴبىر قىدىرۋ ٴتول جاسامپازدىق جەتىستىكتەر ارقىلى ماركسيزمدىك پارتيا قۇرۋ ٴىلىمىن بارىنشا بايىتتى جانە دامىتتى، پارتيامىزدىڭ ماركسيزمدىك بيلىك باسىنداعى پارتيا قۇرىلىسىنىڭ زاڭدىلىعى جونىندەگى تانىمىنىڭ تىڭ دەڭگەيگە جەتكەندىگىن ايگىلەپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ”پارتيا قۇرىلىسى تاراۋىن“ قالىپتاستىردى، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋگە، جاڭا داۋىردەگى ۇيىمداستىرۋ قىزمەتىن ويداعىداي ىستەۋگە ٴتۇبىرلى بويسۇنۋ ولشەمىن ازىرلەدى.

«جالپى شولۋ» العى ٴسوز، نەگىزگى ٴبولىم، سوڭعى سوزدەن قۇرالعان، جيىنى 121 مىڭ ٴارىپ. تۇتاس كىتاپ باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىنىڭ وزەكتى مازمۇنىن، رۋحاني ٴمانىن، باي مازمۇنىن، امالياتتىق تالابىن جۇيەلى تۇسىندىرگەن، پارتيا قۇرىلىسىنىڭ ٴتۇبىرلى پرينسيبىن، عىلمي ورنالاسىمىن، قۇن تالپىنىسىن، ماڭىزدى مىندەتىن تەرەڭ بايىمداعان، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ پارتيا قۇرىلىسى سالاسىنداعى ٴتول جاسامپازدىق سيپاتتى ۇلەسىن جاپپاي بەينەلەگەن. «جالپى شولۋدىڭ» مازمۇنى باي، كوزقاراسى ايقىن، بايىمداۋى تەرەڭ، لوگيكاسى شىمىر، ساياسي سيپاتى، يدەيالىق سيپاتى، جۇيەلىك سيپاتى، جەتەكشىلىك سيپاتى كۇشتى، قالىڭ پارتيا مۇشەلەرىنىڭ، كادرلاردىڭ باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنۋىندەگى، تۇسىنۋىندەگى قۇزىرلى كومەكشى وقۋلىق.

ورتالىق كوميتەت ۇيىمداستىرۋ ٴبولىمى حابارلاندىرۋ باسىپ تاراتىپ، مىنالاردى تالاپ ەتتى: ٴار دارەجەلى ۇيىمداستىرۋ تاراۋلارى پارتيا مۇشەلەرىن ٴتۇپ نۇسقانى مۇقيات وقۋعا، اۋەلگى ٴماتىندى ۇيرەنۋگە، قاعيدانى تۇسىنۋگە ۇيىمداستىرىپ، «جالپى شولۋدى» تاربيەلەۋ، باۋلۋدىڭ وقۋلىعى جانە ۇيرەنۋدە، ٴسوز جوق، وقۋعا ٴتيىستى كىتاپ مازمۇنى ەتىپ، ”ەكىنى تۇراقتاندىرۋدىڭ“ شەشۋشى ٴمانىن ونان ارى تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، سانالىلىقپەن يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاپ، پارتيا قۇرىلىسى مەن ۇيىمداستىرۋ قىزمەتىنىڭ جاڭا جاعدايىن قۇلشىنا اشىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى ۇيىمدىق كەپىلدىك ازىرلەۋى كەرەك.