جۇڭگوشا سوتسياليستىك وقۋ ـ اعارتۋدا قۋاتتى ەل قۇرۋ جەدەلدەتىلەدى

شينحۋا اگەنتتىگىنىڭ 1 ـ ايدىڭ 19 ـ كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «وقۋ ـ اعارتۋدا قۋاتتى ەل قۇرىلىسى جوبا باعدارناماسىن (2024 _ 2035 ـ جىل)» (تومەندە قىسقارتىلىپ «باعدارناما» دەلىنەدى) باسىپ تاراتىپ، 2035 ـ جىلعا بارعاندا وقۋ ـ اعارتۋدا قۋاتتى ەل قۇرۋ نىساناسىن بەتكە الىپ، وقۋ ـ اعارتۋدا قۋاتتى ەل قۇرۋدى جەدەلدەتۋ جونىندە جان ـ جاقتى، جۇيەلى ورنالاستىرۋ جاسادى.

«باعدارناما» شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ وقۋ ـ اعارتۋ جونىندەگى ماڭىزدى بايىمداۋلارىن جاپپاي دايەكتىلەندىرىپ، مىنالاردى باسا دارىپتەدى: وقۋ ـ اعارتۋدى الدىمەن دامىتۋعا تاباندى بولىپ، پارتيانىڭ وقۋ ـ اعارتۋ باعىتىن جاپپاي دايەكتىلەندىرىپ، جۇڭگوشا سوتسياليستىك وقۋ ـ اعارتۋدى دامىتۋ جولىمەن بۇلجىماي ٴجۇرىپ، سوتسياليستىك مەكتەپ باسقارۋ بەتالىسىنا تاباندى بولىپ، وقۋ ـ اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن جالپى بەتتىك يگەرىپ، ٴمورال ارقىلى تاربيەلەۋ ٴتۇبىرلى مىندەتىن تياناقتاندىرىپ، پارتيا ٴۇشىن ادام تاربيەلەپ، مەملەكەت ٴۇشىن دارىندى تاربيەلەپ، جۇڭگو ۇلگىسىندەگى وسىزامانداندىرۋ قۇرىلىسىنا جاپپاي قىزمەت وتەپ، جۇڭگونىڭ كەڭ ـ بايتاق دالاسىنا تامىر تارتىپ وقۋ ـ اعارتۋ جۇرگىزىپ، جوعارى ساپالى وقۋ ـ اعارتۋ جۇيەسىن قۇرۋدى جەدەلدەتىپ، احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى دامىعان سوتسياليزمنىڭ قۇرۋشىلارى مەن ٴىزباسارلارىن جەتىلدىرىپ، مىعىم يدەيالىق ـ ساياسي جەتەكتەۋ قۋاتىنا، دارىندىلار باسەكەلىك قۋاتىنا، عىلىم ـ تەحنولوگيا تىرەك قۋاتىنا، حالىق تۇرمىسىن قامتاماسىزداندىرۋ قۋاتىنا، قوعامدىق سايكەسۋ قۋاتىنا، حالىقارالىق ىقپال قۋاتقا يە جۇڭگوشا سوتسياليستىك وقۋ ـ اعارتۋدا قۋاتتى ەل قۇرۋدى جەدەلدەتىپ، سوتسياليستىك وسىزاماندانعان قۇدىرەتتى مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى تىرەك ازىرلەۋ كەرەك.

«باعدارنامادا» مىنالار العا قويىلدى: پارتيانىڭ وقۋ ـ اعارتۋ ىستەرىنە جاپپاي باسشىلىعىنا تاباندى بولىپ، ادىلدىكتى جەبەۋدى، ساپانى جوعارىلاتۋدى كورنەكتىلەندىرىپ، ستراتەگيالىق جەتەكشىلىكتى كۇشەيتىپ، دامۋعا تىرەك بولىپ، رەفورمانى تەرەڭدەتىپ، جاڭالىق اشىپ، سايكەسە توعىسىپ، ٴوزى باسقارۋعا، وزىنە سەنۋگە، الەمدى كوكەيدە ساقتاۋعا تاباندى بولۋ كەرەك. مەملەكەت ستراتەگياسىنا تىرەك بولۋ مەن حالىق تۇرمىسى قاجەتىن قاناعاتتاندىرۋدىڭ، ٴبىلىم ۇيرەنۋ مەن جان ـ جاقتى دامۋدىڭ، دارىندىلاردى جەتىلدىرۋ مەن قوعامنىڭ قاجەتىن قاناعاتتاندىرۋدىڭ، جۇيەلى، ٴتارتىپتى بولۋ مەن ومىرشەڭ كۇشتى تاسقىنداتۋدىڭ، جۇڭگونىڭ بايتاق دالاسىنا تامىر تارتۋ مەن حالىقارالىق تاجىريبەلەردەن ۇلگى الۋدىڭ قاتىناسىن دۇرىس ٴبىر جاقتى ەتىپ، نەگىزدى بەكەمدەپ، رۋحتى سومدايتىن يدەيالىق ـ ساياسي وقۋ ـ اعارتۋ جۇيەسىن، ٴادىل، ساپالى نەگىزدىك وقۋ ـ اعارتۋ جۇيەسىن، ٴوزىن الۋەتتەندىرەتىن، كورنەكتى جوعارى وقۋ ـ اعارتۋ جۇيەسىن، ٴوندىرىس پەن وقىتۋ توعىسقان كاسىپتىك وقۋ ـ اعارتۋ جۇيەسىن، قولجەتىمدى عۇمىرلىق وقۋ ـ اعارتۋ جۇيەسىن، جاڭالىق اشۋ ارقىلى جەتەكشىلىك ەتەتىن عىلىم ـ تەحنولوگيالىق تىرەك جۇيەسىن، ساپاسى تاماشا وقىتۋشىلار قوسىنى جۇيەسىن، اشىق، ٴوزارا ۇلگى الاتىن حالىقارالىق سەلبەستىك جۇيەسىن جاپپاي ورناتىپ، ۇلكەن بولۋدان قۋاتتى بولۋعا قاراي جۇيەلى جوعارىلاۋدى جۇزەگە اسىرۋ كەرەك.

«باعدارنامادا» 2027 ـ جىلعا جانە 2035 ـ جىلعا دەيىنگى باستى نىسانا ايقىندالىپ، 9 جاقتاعى ٴتۇيىندى مىندەت ورنالاستىرىلدى: ٴمورال ارقىلى تاربيەلەۋ جاڭا جاعدايىن قالىپتاستىرىپ، ۇلتتىڭ گۇلدەنۋى سىندى ۇلى مىندەتتى ارقالايتىن ٴداۋىر جاڭا ادامدارىن تاربيەلەۋ؛ نەگىزدىك وقۋ ـ اعارتۋدى كۇشەيتىپ، ساپالىلاندىرىپ، حالىقتىڭ ساپاسىن جاپپاي جوعارىلاتۋ ستراتەگيالىق نەگىزگى ٴتۇيىنىن بەكەمدەۋ؛ جوعارى وقۋ ـ اعارتۋدىڭ جالپىلىق قۋاتىن كۇشەيتىپ، ستراتەگيالىق جەتەكشى كۇش سومداۋ؛ مەملەكەتتىڭ ستراتەگيالىق عىلىم ـ تەحنولوگيالىق كۇشىن جەتىلدىرىپ، زورايتىپ، جوعارى دەڭگەيدەگى عىلىم ـ تەحنولوگيانىڭ ٴوز كۇشىنە سۇيەنىپ ٴوزىن الۋەتتەندىرۋىنە پارمەندى تىرەك بولۋ؛ وسى زامانعى كاسىپتىك وقۋ ـ اعارتۋ جۇيەسىن جەدەل قۇرىپ، ٴىرى ەل ۇستالارىن، ون ساۋساعىنان ونەر تامعان شەبەرلەردى، اسقان شەبەر دارىندىلاردى جەتىلدىرۋ؛ ۇيرەنۋگە ىنتالى قوعام قۇرىپ، وقۋ ـ اعارتۋدى سيفرلاندىرۋ ارقىلى دامۋدىڭ جاڭا جارىس جولىن اشىپ، دامۋدىڭ جاڭا باسىمدىعىن قالىپتاستىرۋ؛ جوعارى ساپالى ماماندانعان وقىتۋشىلار قوسىنىن قۇرىپ، وقۋ ـ اعارتۋدا قۋاتتى ەل بولۋدىڭ ٴتۇپ نەگىزىن بەكەمدەۋ؛ وقۋ ـ اعارتۋ جالپىلىق رەفورماسىن تەرەڭدەتىپ، وقۋ ـ اعارتۋدىڭ دامۋ ومىرشەڭدىگىن قاۋلاتۋ؛ وقۋ ـ اعارتۋدا سىرتقا ەسىك اشۋ ستراتەگياسى مەن تاكتيكاسىن كەمەلدەندىرىپ، بۇكىل جەر شارىندىق ىقپالعا يە ماڭىزدى وقۋ ـ اعارتۋ ورتالىعىن قۇرۋ.

«باعدارنامادا» مىنالار تالاپ ەتىلدى: وقۋ ـ اعارتۋدا قۋاتتى ەل قۇرۋدا، ٴسوز جوق، پارتكوم ٴبىر تۇتاس باسشىلىق ەتەتىن، پارتيا مەن ۇكىمەت تەڭ يگەرىپ، بىرگە باسقاراتىن، تاراۋلار ٴوز جاۋاپكەرشىلىگىن ارقالايتىن وقۋ ـ اعارتۋ باسشىلىق ٴتۇزىلىسىن كەمەلدەندىرۋ كەرەك. ٴار دارەجەلى، ٴار ٴتۇرلى مەكتەپتەردىڭ پارتيا قۇرىلىسىن جاپپاي ىلگەرىلەتىپ، وقۋ ـ اعارتۋ جۇيەسىنىڭ ساياسي حاۋىپسىزدىگى مەن جاراسىمدىلىعىن، ورنىقتىلىعىن قورعاۋ كەرەك. ورتالىق وقۋ ـ اعارتۋ قىزمەتى باسشىلىق گرۋپپاسىنىڭ ٴبىر تۇتاس جوسپارلاپ سايكەستىرۋ، جالپى تۇلعالىق ىلگەرىلەتۋ، قۋزاۋ، تياناقتاندىرۋ رولىن تولىق ساۋلەلەندىرىپ، وقۋ ـ اعارتۋدا قۋاتتى ەل قۇرىلىسىنداعى كەلەلى ماسەلەلەردى شەشۋدى ىلگەرىلەتىپ، وقۋ ـ اعارتۋدا قۋاتتى ەل قۇرىلىسىن باقىلاۋ ـ باعالاۋدى كۇشەيتۋ كەرەك. ٴار دارەجەلى پارتكومدار مەن ۇكىمەتتەر وقۋ ـ اعارتۋدا قۋاتتى ەل قۇرىلىسىنىڭ ساياسي جاۋاپكەرشىلىگىن شىنايى ارقالاپ، وقۋ ـ اعارتۋدا قۋاتتى ەل قۇرىلىسىن ىلگەرىلەتۋدى ماڭىزدى كەڭەستىك كۇن تارتىپكە ەنگىزىپ، ٴىس جۇزىندىك جاعدايمەن ۇشتاستىرىپ، دايەكتىلەندىرۋدى، تياناقتاندىرۋدى ويداعىداي يگەرۋى كەرەك. تۇتاس قوعام وقۋ ـ اعارتۋدا قۋاتتى ەل قۇرىلىسىنا بىرگە كوڭىل بولەتىن، قولداۋ كورسەتەتىن تاماشا ورتا جاراتىپ، مەكتەپتەردىڭ، وتباسىلاردىڭ، قوعامنىڭ سايكەسە ادام تاربيەلەۋ مەحانيزمىن اقاۋسىزداندىرىپ، وقۋ ـ اعارتۋدا قۋاتتى ەل قۇرۋدىڭ قۋاتتى بىرىككەن كۇشىن قالىپتاستىرۋ كەرەك.