شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى

ەكونوميكالىق ٴىرى ولكەلەر جۇكتىڭ اۋىرىن كوتەرىپ، بۇكىل ەلدىڭ دامۋ كەلەلى جاعدايىنا ۇلەس قوسۋى كەرەك

3 ـ ايدىڭ 5 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ ٴوزى قۇرامىندا بولعان 14 ـ كەزەكتى مەملەكەتتىك حالىق قۇرىلتايى 3 ـ ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى.

□ سۋرەتتى شينحۋا اگەنتتىگىنىڭ ٴتىلشىسى يان يان تۇسىرگەن

شينحۋا اگەنتتىگىنىڭ 3 ـ ايدىڭ 5 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 3 ـ ايدىڭ 5 ـ كۇنى تۇستەن كەيىن ٴوزى قۇرامىندا بولعان 14 ـ كەزەكتى مەملەكەتتىك حالىق قۇرىلتايىنىڭ 3 ـ ماجىلىسىندەگى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا بىلاي دەپ باسا دارىپتەدى: ”14 ـ بەسجىلدىق“ دامۋ نىساناسىن تابىسپەن جۇزەگە اسىرۋدا ەكونوميكالىق ٴىرى ولكەلەر جۇكتىڭ اۋىرىن كوتەرۋى كەرەك. جياڭسۋ جۇكتىڭ اۋىرىن كوتەرۋدەگى كۇش سالۋ ٴتۇيىنىن ويداعىداي يگەرىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىن ىلگەرىلەتۋدە اتويلاپ العا شىعۋى، تەرەڭ قاتپارلى رەفورما مەن جوعارى دەڭگەيدە ەسىك اشۋدى ىلگەرىلەتۋدە جۇرەكتىلىكپەن العا ۇمتىلۋى، مەملەكەتتىڭ كەلەلى دامۋ ستراتەگياسىن تياناقتاندىرۋدا الدا ٴجۇرۋى، جالپى حالىقتىڭ بىرگە بايۋىن جەبەۋدە ۇلگى بولۋى كەرەك.

جياڭسۋ ۋاكىلدەر ۇيىرمەسى باياندامانى مۇقيات قارادى، ورتا ەرەكشە دۋماندى بولدى. جاۋ جيانجۇن، شۇي گۋاڭحۇي، جاڭ جۇنجيە، لي شياۋنا، مياۋ حانگىن، كى جۇن قاتارلى 6 ۋاكىل جەكە ـ جەكە جاسىل، تومەن كومىر قىشقىل گازدى تيپ جاڭالاپ دامۋدى جەدەلدەتۋ، كاسىپ سالاسىندا، عىلىم ـ تەحنولوگيادا جاڭالىق اشۋ ورتالىعىن قۇرۋ، نەگىزدىك مەديتسينالىق زەرتتەۋ مەن كلينيكالىق ەمدەۋدى ۇشتاستىرۋ قۇرىلىسىن ىلگەرىلەتۋ، جاراسىمدى دا كورىكتى الەۋمەتتىك اۋماق قۇرۋ، ٴداستۇرلى كاسىپ سالاسىنىڭ دامۋىن جەبەۋ، ٴداستۇرلى تەاتردى قورعاۋ، جالعاستىرۋ سياقتىلار جونىندە ٴسوز سويلەدى.

كوپشىلىكتىڭ ٴسوزىن تىڭداعاننان كەيىن شي جينپيڭ ٴسوز سويلەدى. ول الدىمەن ۇكىمەت قىزمەتىنەن باياندامانى قۇپتايتىندىعىن ٴبىلدىردى، جياڭسۋدىڭ قىزمەتتەرىن تۇراقتاندىردى، جياڭسۋدىڭ جۇكتىڭ اۋىرىن كوتەرۋ جاۋاپكەرشىلىگىن ويداعىداي تياناقتاندىرىپ، تىڭ دا اناعۇرلىم زور ناتيجەلەرگە قول جەتكىزۋگە قۇلشىنۋىن ٴۇمىت ەتتى.

شي جينپيڭ بىلاي دەپ اتاپ كورسەتتى: عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋ _ جاڭاشا وندىرگىش كۇشتى دامىتۋدىڭ نەگىزگى جولى. عىلىم ـ تەحنولوگيادا جاڭالىق اشۋدى يگەرۋدە وسىزاماندانعان كاسىپ سالاسى جۇيەسىن قۇرۋدى كوزدە ۇستاپ، وقۋ ـ اعارتۋدى، عىلىم ـ تەحنولوگيانى، دارىندىلاردى بىرگە يگەرۋگە تاباندى بولىپ ٴارى كوبىرەك عىلىم ـ تەحنولوگيالىق جەتىستىككە جەتۋ، ٴارى عىلىم ـ تەحنولوگيا جەتىستىكتەرىن ناقتى وندىرگىش كۇشكە اينالدىرۋ كەرەك. كاسىپ سالاسىندا جاڭالىق اشۋدى يگەرۋدە ناقتى ەكونوميكا سىندى وسى ٴتۇبىرلى نەگىزدى مىقتى ساقتاپ، ٴداستۇرلى كاسىپ سالالارىنىڭ جاڭالانۋىن، دەڭگەيىن جوعارىلاتۋدى ىلگەرىلەتۋگە جانە ستراتەگيالىق جاڭادان گۇلدەنگەن كاسىپ سالاسىنىڭ، بولاشاق كاسىپ سالاسىنىڭ جاڭا جارىس جولىن اشۋعا تەڭ ٴمان بەرۋگە تاباندى بولۋ كەرەك. عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسۋىن يگەرۋدە تۇعىر ورناتىپ، ٴتۇزىلىس ـ مەحانيزمدى اقاۋسىزداندىرىپ، كاسىپورىننىڭ جاڭالىق اشۋداعى نەگىزگى تۇلعالىق ورنىن كۇشەيتىپ، جاڭالىق اشۋ تىزبەگى مەن كاسىپ سالاسى تىزبەگىن جىكسىز ٴتۇيىلىستىرۋ كەرەك.

شي جينپيڭ بىلاي دەپ باسا دارىپتەدى: ەكونوميكالىق كولەمنىڭ زور بولۋى العا قاراي دامۋدا اناعۇرلىم زور ىلگەرىلەتۋ كۇشىنىڭ بولۋىن قاجەت ەتەدى. جياڭسۋ الدىمەن اتقارىپ، الدىمەن سىناق ەتىپ، ٴىش پەن سىرتتى قاتار يگەرىپ، رەفورما جاساۋدى، ەسىك اشۋدى تەرەڭدەتۋ ارقىلى ۇزدىكسىز كەدەرگىلەردى الاستاۋى، قوزعالىس قۋاتىن ارتتىرۋى كەرەك. جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، ەل ٴىشىن، حالىقارانى ٴبىر تۇتاس جوسپارلاپ، قالا مەن اۋىلدىڭ توعىسۋىن، وڭىرلەردىڭ بىرلەسە ارەكەتتەنۋىن ويداعىداي يگەرىپ، وندىرگىش كۇشتەردىڭ ورنالاسىمىن ساپالىلاندىرىپ، جوعارى ساپالى دامۋدى كۇش سالا ىلگەرىلەتۋ كەرەك. فاكتورلاردى بازارلاندىرا ۇلەستىرۋ رەفورماسىن تەرەڭدەتىپ، جەرگىلىكتى قورعامپازدىقتى، بازاردى ايىرۋدى جانە ”ىشكى قاراتالاسۋ ۇلگىسىندەگى“ باسەكەنى ىرىقتىلىقپەن جويۋ كەرەك. حالىقتىق كاسىپورىندار اڭگىمە ٴماجىلىسىنىڭ رۋحىن جاپپاي تياناقتاندىرىپ، ٴتۇرلى مەنشىكتەگى كاسىپورىندارعا بىردەي مامىلە جاساپ، شارۋاشىلىق ـ ساۋدا ورتاسىن ۇزدىكسىز ساپالىلاندىرۋ كەرەك. تۇزىمدىك ەسىك اشۋدى ورنىقتى قاداممەن ۇلعايتىپ، حالىقارالىق سەلبەستىك كەڭىستىگىن ۇزدىكسىز كەڭەيتۋ كەرەك.

شي جينپيڭ بىلاي دەپ اتاپ كورسەتتى: ەكونوميكالىق ٴىرى ولكەلەر مەملەكەتتىڭ كەلەلى دامۋ ستراتەگيالارىن تياناقتاندىرۋدا اناعۇرلىم زور جاۋاپكەرشىلىك ارقالاۋى كەرەك. جياڭسۋ چاڭجياڭ اتىراۋىنىڭ ٴبىر تۇلعالانا دامۋى مەن چاڭجياڭ ەكونوميكالىق بەلدەۋىنىڭ دامۋى سياقتى دامۋ ستراتەگياسىندا ىرىقتىلىقپەن ىسكەرلىك كورسەتۋى، سايكەسە بىرلەسىپ ارەكەتتەنۋى كەرەك. بەيجيڭ _ تيانجين _ حىبەيدى سايكەستى دامىتۋ، گۋاڭدۇڭ _ شياڭگاڭ _ اۋمىن ۇلكەن شىعاناق رايونى قۇرىلىسى سياقتى ستراتەگيالارمەن ٴتۇيىلىسۋدى كۇشەيتىپ، ”ٴبىر بەلدەۋ، ٴبىر جولدى“ جوعارى ساپامەن بىرگە قۇرۋعا تەرەڭدەي توعىسىپ، شيزاڭعا كومەكتەسۋ، شينجياڭعا كومەكتەسۋ سياقتى باعىتتامالى كومەكتەسىپ سۇيەمەلدەۋ قىزمەتىن جاقسى ىستەۋى كەرەك. ەگىستىك جەر قىزىل سىزىعىن باتىل ساقتاۋ، استىق حاۋىپسىزدىگىن قامتاماسىز ەتۋ، ەكولوگيالىق ورتانى قورعاۋ، وڭتۇستىكتىڭ سۋىن سولتۇستىككە جەتكىزۋدە سۋ قاينارى حاۋىپسىزدىگىنە شىنايى كەپىلدىك ەتۋ سياقتى جاقتاردا مىندەتىن، جاۋاپكەرشىلىگىن ادا ەتۋى كەرەك.

شي جينپيڭ بىلاي دەپ باسا دارىپتەدى: ەكونوميكالىق ٴىرى ولكەلەردىڭ دامۋى تەزىرەك بولۋى، جالپى حالىقتىڭ بىرگە بايۋىن جەبەۋدە بەلسەنە تاجىريبە قاراستىرۋى، ۇلگىلىك، جەتەكشىلىك رولىن ساۋلەلەندىرۋى كەرەك. جياڭسۋ اۋىل ـ قىستاقتى جاپپاي گۇلدەندىرۋ جانە قالا مەن اۋىلدىڭ توعىسا دامۋىن ىلگەرىلەتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ سياقتى جاقتاردا ۇزدىكسىز كۇش سالىپ، نەگىزدىك سيپاتتى، جالپىعا ٴتيىمدى سيپاتتى، تومەنگى شەكتەن تۇسىرمەي قامتاماسىزداندىرۋ سيپاتتى حالىق تۇرمىسى قۇرىلىسىن كۇشەيتۋ مەن بۇقارانىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋدە كوبىرەك ناقتى ٴىس ىستەپ، قوعامدىق قامتاماسىزداندىرۋ جۇيەسىن كەمەلدەندىرۋ، نەگىزگى الەۋمەتتىك قىزمەت وتەۋدىڭ بىركەلكى، قولجەتىمدى بولۋىن كۇشەيتۋ جاعىندا تاعى دا دەڭگەيىن جوعارىلاتۋى كەرەك. اسىرەسە، جۇمىستاندىرۋ سىندى ەڭ نەگىزگى حالىق تۇرمىسىن مىقتى يگەرۋ كەرەك. قالا مەن اۋىلدىڭ رۋحاني وركەنيەت قۇرىلىسىن تەرەڭدەتىپ، مادەنيەت ونىمدەرى مەن قىزمەت وتەۋمەن قامداۋدى ساپالىلاندىرىپ، مادەنيەت ارقىلى ەكونوميكانىڭ، قوعامنىڭ دامۋىنا قۋات ۇستەۋ كەرەك.

شي جينپيڭ بىلاي دەپ اتاپ كورسەتتى: ەكونوميكالىق ٴىرى ولكەلەر جۇكتىڭ اۋىرىن كوتەرۋدە، ٴسوز جوق، پارتيانىڭ جالپى بەتتىك باسشىلىعىنا تاباندى بولىپ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتۋى كەرەك. ٴار دارەجەلى پارتيا ۇيىمدارى ساياسي يقۋات پەن ۇيىمدىق يقۋاتتى كۇشەيتۋى، قالىڭ پارتيا مۇشەلەرى، كادرلار جۇرەكتىلىكپەن اۋىر جاۋاپكەرشىلىك ارقالاپ، ٴورىس اشا العا ىلگەرىلەپ، شىندىققا جۇگىنىپ ناقتى ٴىس ىستەۋ، شىنايى يگەرىپ تىڭعىلىقتى ىستەۋ ستيلىمەن جانە قاعيداعا، تارتىپكە بويسۇنۋ، كىرشىكسىز، پاك بولۋ وبرازىمەن حالىق بۇقاراسىن ىنتىماقتاستىرىپ جانە باستاپ، ەكونوميكالىق، قوعامدىق دامۋدىڭ جاڭا جاعدايىن ۇزدىكسىز اشۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي جيىنعا قاتىناستى.

مۋ حۇڭ قاتارلىلار قاتىناستى.