ەكولوگيالىق وركەنيەتتى بىرگە جاراتىپ، كورىكتى ىلە قۇرايىق

2022 - جىلعى ىلە ورتانى قورعاۋ ساپارى زاڭ اتقارۋ تەكسەرۋى رەسمي باستالدى

ٴتىلشىمىز كاميلا قالمۇرات حابارلايدى. 5 - ايدىڭ 7 - كۇنى تۇستەن كەيىن 2022 ـ جىلعى ىلە ورتانى قورعاۋ ساپارى زاڭ اتقارۋ تەكسەرۋىنىڭ باستالۋ ٴماجىلىسى قۇلجا قالاسىندا اشىلدى، بۇل «ەكولوگيالىق وركەنيەتتى بىرگە جاراتىپ، كورىكتى ىلە قۇرۋ» باستى تاقىرىپ ەتىلگەن ىلە ورتانى قورعاۋ ساپارى زاڭ اتقارۋ تەكسەرۋى رەسمي باستالعاندىعىن كورسەتەدى. 

2022 ـ جىلعى ىلە ورتانى قورعاۋ ساپارى زاڭ اتقارۋ تەكسەرۋىنە وبلىستىق حالىق قۇرىلتايى تۇراقتى كوميتەتى باستاماشى بولادى، وبلىستىق ەكولوگيالىق ورتا مەكەمەسى، ونەركاسىپ جانە ينفورماتسيالاندىرۋ مەكەمەسى، سۋ يگىلىگى مەكەمەسى، اۋىل شارۋاشىلىعى، اۋىل ـ قىستاق مەكەمەسى، ورمان شارۋاشىلىعى جانە جايىلىم مەكەمەسى سياقتى ورىندار مەن اقپارات قۇرالدارى بىرگە ات سالىسادى. وسى رەتكى قيمىلدا «جۇڭحۋا حالىق رەسپۋبليكاسىنىڭ ورتانى قورعاۋ زاڭىنىڭ»، «شينجياڭ ۇيعۇر اۆتونوميالى رايونىنىڭ ورتانى قورعاۋ ەرەجەسىنىڭ»، «شينجياڭ ۇيعۇر اۆتونوميالى رايونىنىڭ سازدىقتى قورعاۋ ەرەجەسىنىڭ»، «ىلە اڭعارىنىڭ ەكولوگيالىق ورتاسىن قورعاۋ ەرەجەسىنىڭ» (تومەندە قىسقارتىلىپ «ٴبىر زاڭ، ٴۇش ەرەجە» دەلىنەدى) اتقارىلۋ جاعدايى ٴتۇيىندى تەكسەرىلىپ، ورتانى قورعاۋ زاڭ ـ ەرەجەلەرىنىڭ دايەكتىلەندىرىلۋى، اتقارىلۋى ىلگەرىلەتىلىپ، ٴار دارەجەلى ۇكىمەتتەر مەن قاتىستى كاسىپورىنداردىڭ، سونداي ـ اق قالىڭ كادرلار مەن بۇقارانىڭ زاڭمەن جونگە سالۋ كوزقاراسى مەن ورتانى زاڭ بويىنشا قورعاۋ تانىمى جوعارىلاتىلىپ، ورتانى قورعاۋ تاراۋلارىنىڭ زاڭ اتقارۋداعى تۇلعالىق تانىمى كۇشەيتىلىپ، ورتاعا قاتىستى زاڭداردى اتقارۋدى باقىلاۋ ـ باسقارۋ كۇشەيتىلىپ، تۇتاس وبلىسىمىزدىڭ  ورتا ساپاسىن جاقسارتۋعا مۇمكىندىك جاسالادى.

وبلىستىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى جاۋ تيانجيە باستالۋ ماجىلىسىنە قاتىناستى ٴارى ٴسوز سويلەدى، وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى نياز اشىم ٴماجىلىستى باسقاردى. وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى اقجول انەش ۇلى، وبلىستىڭ ورىنباسار باستىعى راپحات توحتام جانە قاتىستى تاراۋلاردىڭ، ورىنداردىڭ نەگىزگى جاۋاپتىلارى، زاڭ اتقارۋ تەكسەرۋ گرۋپپاسىنىڭ بارلىق مۇشەلەرى ماجىلىسكە قاتىناستى.

ٴماجىلىس مىنالاردى اتاپ كورسەتتى: وسى رەتكى زاڭ اتقارۋ تەكسەرۋى - «ەكىنى قورعاۋدى» امالياتتا ايگىلەۋدەگى ىسجۇزىندىك قيمىل، ورتالىقتىڭ حالىق قۇرىلتايى قىزمەتى ٴماجىلىسىنىڭ رۋحىن ۇيرەنۋ، دايەكتىلەندىرۋدىڭ جاندى امالياتى، حالىق بۇقاراسىنىڭ تاماشا ەكولوگيالىق ورتاعا دەگەن قاجەتىن ۇزدىكسىز قاناعاتتاندىرۋدىڭ ناقتى تالابى، وسى رەتكى ورتانى قورعاۋ زاڭ اتقارۋ تەكسەرۋىن كۇش سالا مىقتى يگەرىپ، ىلەدەگى ٴار ۇلت بۇقاراسىنىڭ تابىس سەزىمى مەن باقىت سەزىمىن ۇزدىكسىز كۇشەيتۋ كەرەك.

 ٴماجىلىس مىنالاردى تالاپ ەتتى: ساياسي دەڭگەيدى جوعارىلاتىپ، ىلە ورتانى قورعاۋ ساپارى زاڭ اتقارۋ تەكسەرۋىن ورىستەتۋدىڭ ماڭىزدى ٴمانىن جەتە تانۋ؛ نازاردى تەكسەرۋ قىزمەتىنىڭ تۇيىنىنە، ٴارقايسى جاقتاردىڭ جاۋاپكەرلىگىن تياناقتاندىرۋعا، اڭىس ەتىلگەن ماسەلەلەردى قاراۋعا جانە رەتتەۋ - تۇزەتۋگە شوعىرلاندىرىپ، زاڭ اتقارۋ تەكسەرۋىن مۇقيات، ٴتارتىپتى ورىستەتۋ؛ دالمە - ٴدال، جوعارى ٴونىمدى ازىرلىك كورۋ، شىندىققا جۇگىنە وتىرىپ تەكسەرۋ جۇرگىزۋ ارقىلى بيڭتۋان مەن جەرگىلىكتى ورىننىڭ سايكەسە ارەكەت جاساۋىن بەلسەنە ىلگەرىلەتىپ، ۇگىت ارقىلى جەتەكشىلىك ەتۋدى كۇشەيتىپ، جان - جاقتى ۇيىمداستىرىپ، زاڭ اتقارۋ تەكسەرۋىنىڭ ٴساتتى ىلگەرىلەۋىنە كەپىلدىك ەتۋ كەرەك. زاڭ اتقارۋ تەكسەرۋ گرۋپپاسىنىڭ مۇشەلەرى جاۋاپكەرلىكتەرىن قاتاڭ اتقارىپ، زاڭدى ولشەم ەتىپ باقىلاۋ جۇرگىزۋگە تاباندى بولۋى؛ ناتيجەنى بەتالىس ەتۋگە تاباندى بولىپ، بۇقارا نازار اۋدارىپ وتىرعان ىستەرگە ىشكەرىلەي جاۋاپ قايتارۋى؛ ٴادىس، ارنالاردى كەڭەيتىپ كاسىپتىك مامانداردىڭ، قاتىستى تاراۋلاردىڭ جانە ٴار دارەجەلى حالىق قۇرىلتايى ۋاكىلدەرىنىڭ  پىكىر - ۇسىنىستارىن كوبىرەك تىڭداپ، بيڭتۋان مەن جەرگىلىكتى ورىننىڭ سايكەسە قيمىلداۋىن بەلسەنە ىلگەرىلەتىپ، زاڭ اتقارۋ تەكسەرۋىن بىرگە جۇرگىزىپ، بايقالعان ماسەلەلەرگە بىرگە رەتتەۋ - وزگەرتۋ جۇرگىزىپ، زاڭ اتقارۋ تەكسەرۋىن اناعۇرلىم تەبىندى، اناعۇرلىم ٴونىمدى ەتىپ، «ٴبىر زاڭ، ٴۇش ەرەجەنىڭ» جان - جاقتى ٴونىمدى اتقارىلۋىن ىلگەرىلەتىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي  ويداعىداي جۇرگىزىپ، اسپانى اشىق، جەرى جاسىل، سۋى تۇنىق كورىكتى ىلە قۇرىپ شىعۋ ٴۇشىن تىڭ ۇلەس قوسۋى كەرەك.

وبلىسقا توتە قاراستى اۋداندىق، قالالىق حالىق قۇرىلتايى تۇراقتى كوميتەتىنىڭ باسشىلارى، ۇكىمەتتىڭ جاۋاپتى باسشىلارى، سونداي - اق قاتىستى تاراۋلاردىڭ جاۋاپتىلارى ٴارقايسى اۋدان، قالالارداعى بولىمشە ٴماجىلىس الاڭدارىندا ماجىلىسكە قاتىناستى.