جالپى حالىق ساقشىلارى مەن كومەكشى ساقشىلاردىڭ ساپاسى مەن قابىلەتىن جوعارىلاتۋعا كۇش سالدى

وبلىستىق قوعام حاۋىپسىزدىگى مەكەمەسى پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە ارناۋلى تاقىرىپتىق تاربيەلەۋ كۋرسىن اشتى

ٴتىلشىمىز جاڭ جينفىڭ، ەرىكتى تىلشىلەر لاي شۋەتيڭ، جياۋ چۋان حابارلايدى. 2 - ايدىڭ 21 - كۇنى ىلە وبلىستىق قوعام حاۋىپسىزدىگى مەكەمەسى پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندە ارناۋلى تاقىرىپتىق تاربيەلەۋ كۋرسىن جانە «ٴۇشتى ۇيرەنۋ، ٴۇشتى كورسەتۋ، ٴۇشتى سالىستىرۋ» بويىنشا قاۋىرت جاتتىعۋعا اتتانىسقا كەلتىرۋ جينالىسىن وتكىزدى.

اۆتونوميالى وبلىستىڭ ورىنباسار باستىعى، وبلىستىق قوعام حاۋىپسىزدىگى مەكەمەسى پارتكومىنىڭ شۋجيى، مەكەمە باستىعى ما تاۋ كۋرسانتتارعا «پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىلەنىڭ قوعام حاۋىپسىزدىگى قىزمەتىنىڭ جاڭا جاعدايىن قۇلشىنا اشايىق» دەگەن تاقىرىپتا العاشقى ساباق ٴوتتى.

ٴماجىلىس مىنالاردى تالاپ ەتتى: پارتيا 20 - قۇرىلتايىنىڭ رۋحىن ىشكەرىلەي ۇيرەنىپ جانە مىقتى يگەرىپ، شي جينپيڭنىڭ زاڭمەن باسقارۋ يدەياسىن، باس شۋجي شي جينپيڭنىڭ جاڭا داۋىردەگى قوعام حاۋىپسىزدىگى قىزمەتى جونىندەگى ماڭىزدى بايىمداۋلارىن دايەكتىلەندىرىپ، باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن جانە ساياسي - زاڭ قوسىنى قۇرىلىسى جونىندەگى ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوننىڭ ساياسي - زاڭ قىزمەتى ٴماجىلىسى مەن اۆتونوميالى رايوننىڭ قوعام حاۋىپسىزدىگى مەكەمەسى باستىقتارى ٴماجىلىسىنىڭ رۋحىن جاپپاي دايەكتىلەندىرۋ، تياناقتاندىرۋ كەرەك.

پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاربيەلەۋ كۋرسى − ىلە وبلىسىنا توتە قاراستى قوعام حاۋىپسىزدىگى ورگاندارىنىڭ «ٴۇشتى ۇيرەنۋ، ٴۇشتى كورسەتۋ، ٴۇشتى سالىستىرۋ» بويىنشا قاۋىرت جاتتىعۋ قىزمەتىن باستاۋداعى العاشقى جاتتىعۋى. ٴماجىلىس وبلىسقا توتە قاراستى قوعام حاۋىپسىزدىگى ورگاندارىنداعى جالپى حالىق ساقشىلارى مەن كومەكشى ساقشىلاردان پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋدىڭ ۇلگىسى بولىپ، قاجىرلىلىقپەن ۇيرەنىپ، قاجىرلىلىقپەن جاتتىعىپ، مىندەت اتقارۋ قابىلەتىن جوعارىلاتىپ، زاڭمەن باسقارۋ تانىمىن، زاڭ اتقارۋ كاسىپتىك ورەسىن جانە كاسىپتىك ساپاسىن ونان ارى جوعارىلاتۋدى تالاپ ەتتى.

وبلىستىق قوعام حاۋىپسىزدىگى مەكەمەسى ساياسي ٴبولىمى ورگان قىزمەتى باسقارماسىنىڭ باستىعى مياۋ فانرۇڭ بىلاي دەدى:  «ٴبىز پارتيا 20 - قۇرىلتايىنىڭ رۋحىن جەتەكشى ەتىپ، <ٴۇشتى ۇيرەنۋ، ۇشتى كورسەتۋ، ٴۇشتى سالىستىرۋ> بويىنشا قىزمەت ورنىندا قاۋىرت جاتتىعۋدى ويداعىداي ورىستەتىپ، وبلىسقا توتە قاراستى ورىندارداعى قوعام حاۋىپسىزدىگى ورگانىنداعى جالپى حالىق ساقشىلارى مەن كومەكشى ساقشىلاردىڭ ساپاسى مەن قابىلەتىن كۇش سالا جوعارىلاتامىز».

وبلىستىق قوعام حاۋىپسىزدىگى مەكەمەسى ەرەكشە ساقشى تارماق اترەتىنىڭ حالىق ساقشىسى ياڭ پىڭچىڭ بىلاي دەدى: «مەن وسى جولعى كۋرستى وراي ەتىپ، ۇيرەنگەن نازاريالىق بىلىمدەرىمدى قوعام حاۋىپسىزدىگى قىزمەتىنىڭ ٴىس جۇزىندىگىمەن ٴوزارا ۇشتاستىرىپ، ۇيرەنگەنىمدى قولدانا ٴبىلىپ، ٴتىپتى دە ۇزدىك ناتيجە جاراتۋعا قۇلشىنامىن».

وسى جولعى جينالىس بەينە ەكران فورماسىندا وتكىزىلىپ، نەگىزگى جانە بولىمشە ٴماجىلىس الاڭى ورنالاستىرىلدى، وبلىسقا توتە قاراستى اۋدان - قالالاردىڭ قوعام حاۋىپسىزدىگى مەكەمەسى نەگىزگى ساتى ساقشى بولىمشەسى، وبلىسقا توتە قاراستى اۋدان - قالالاردىڭ قوعام حاۋىپسىزدىگى مەكەمەلەرىنىڭ باسشىلىق القا مۇشەلەرى، پارتيالى حالىق ساقشىلارى مەن كومەكشى ساقشىلار قاتارلىلاردان 5000 نان استام ادام جينالىسقا قاتىناستى.