كاسىپورىنداردىڭ، جەكە ونەركاسىپ - ساۋداگەرلەردىڭ ٴادىليالىق قاجەتىمەن دالمە - ٴدال ٴتۇيىستىردى

ىلە وبلىسى ورتا، شاعىن كاسىپورىنداردا جاراستىرۋ قىزمەت كەڭسەسىن قۇرىپ، كاسىپورىندارعا ساياتىن داۋ - شارلاردى ٴونىمدى شەشتى

سۋرەتتە: قۇلجا قالالىق سوت مەكەمەسىنىڭ قىزمەتكەرلەرى كاسىپورىندارعا قاتىستى زاڭ بىلىمدەرىن ۇگىتتەۋدە.     حان شاشا فوتوسى

ٴتىلشىمىز حان شاشا، ەرىكتى ٴتىلشى جاڭ تيڭ حابارلايدى. ”داۋ - شارىمنىڭ وسىنشاما تەز شەشىلەرىن ويلاماپپىن، سۋديانىڭ جۇمىستى ٴونىمدى بىتىرگەنىنە العىس ايتامىن“ دەدى 4 - ايدىڭ 3 - كۇنى قۇلجا قالاسى بەلگىلى اشەكەيلەۋ ينجەنەرياسى شەكتى سەرىكتەستىگىنىڭ جاۋاپتىسى ليۋ فاميليالى.

2021 - جىلى 12 - ايدا بۇل سەرىكتەستىك جاۋ فاميليالىنىڭ ٴۇيىن اشەكەيلەۋ ينجەنەرياسىن كوتەرمەگە الادى، جۇمىس بارىسىندا ەكى جاق اراسىندا داۋ - شار تۋىلادى.

ىلە وبلىستىق جەكە كاسىپورىنشىلار قوعامىنىڭ «ورتا، شاعىن كاسىپورىنداردىڭ قايشىلىقتارى مەن داۋ - شارىن جاراستىرۋ قىزمەت كەڭسەسىن» قۇرعانىنان حابار تاپقاننان كەيىن، قاتىستى ەكى جاق جاراستىرۋ قىزمەت كەڭسەسىنىڭ كومەگىنە جۇگىنەدى. قۇلجا قالالىق حالىق سوتى مەكەمەسى دەلو تۇرعىزۋ ٴبولىمىنىڭ ورىنباسار باستىعى فىڭ جيەنىڭ جانە قىزمەت كەڭسەسى ەرەكشە ۇسىنىس ەتكەن جاراستىرۋشى، رىن يۋان ادۆوكاتتىق ىستەر ورنىنىڭ ادۆوكاتى رىن يۇڭگاڭنىڭ جاراستىرۋىندا، ەكى جاق قول الىسىپ تاتۋلاسىپ، داۋ - شار ويداعىداي شەشىلەدى.

”حالىق سوتى مەكەمەمىز جاراستىرۋ تۇعىرى ارقىلى ىرگە تەپكەن ورتا، شاعىن كاسىپورىندار قوعامىنداعى جاراستىرۋ قىزمەت كەڭسەسىنە ادام جىبەرۋ، مىندەتتەۋ ارقىلى دەلولارعا جاراستىرۋ قىزمەتىن ىستەيدى، كاسىپورىنداردىڭ دا كاسىپورىندار قوعامىنىڭ جاراستىرۋ ۇيىمىنا جاراستىرۋ ٴوتىنىشىن تاپسىرۋىنا بولادى، قايشىلىق پەن داۋ - شار دەر كەزىندە شەشىلىپ، كاسىپورىننىڭ ارىز - شاعىم وزىندىك قۇنى ۇنەمدەلەدى“ دەدى قۇلجا قالالىق حالىق سوتى مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى لۋ جيانۋىن.

كاسىپورىندار قوعامى جاراستىرۋ ۇيىمىنىڭ ورتا، شاعىن كاسىپورىندار سالاسىنداعى داۋ - شاردى شەشۋدەگى فۋنكتسيالىق رولىن تولىق ىسكە قوسۋ ٴۇشىن، شينجياڭ ۇيعۇر اۆتونوميالى رايوندىق جوعارى حالىق سوتى مەكەمەسىنىڭ ىلە وبلىستىق بولىمشەسى كاسىپورىنداردىڭ، جەكە ساۋدا - ونەركاسىپشىلەردىڭ كوپ نەگىزدى ٴادىليالىق قاجەتىمەن دالمە - ٴدال تۇيىستىرىپ، 3 - ايدىڭ 1 - كۇنى قۇلجا قالالىق حالىق سوتى مەكەمەسىمەن بىرلەسىپ ىلە وبلىستىق جەكە كاسىپورىنشىلار قوعامىمەن «ورتا، شاعىن كاسىپورىندار سالاسىنداعى قايشىلىق پەن داۋ - شاردى كوپ نەگىزدەندىرىپ شەشۋ، ۇشتاستىرۋ مەحانيزمى قۇرىلىسى جونىندەگى سەلبەستىك ەسكەرتپە حابارلاماسىنا» قول قويىسىپ، اتالعان قوعامدا ورتا، شاعىن كاسىپورىنداردىڭ قايشىلىعى مەن داۋ - شارىن جاراستىرۋ قىزمەت كەڭسەسىن قۇردى. ىلە وبلىسىنا توتە قاراستى ەكى دارەجەلى سوت مەكەمەسى شارتقا ۇيلەسەتىن جاراستىرۋشىلاردى حالىق سوتى مەكەمەسىنىڭ ۇسىنىس ەتىلگەن جاراستىرۋشىلار تىزىمدىگىنە ەنگىزىپ، حالىق سوتى مەكەمەسىنىڭ جاراستىرۋ تۇعىرىنا سۇيەنىپ، تۇتاس بارىستا جەلىدە جانە جەلىدەن تىس ادام جىبەرۋ، مىندەتتەۋ ارقىلى قايشىلىق پەن داۋ - شاردى زاڭ بويىنشا، ٴادىل، ٴونىمدى شەشىپ، ورتا، شاعىن، ۇساق كاسىپورىنداردىڭ، جەكە ساۋدا - ونەركاسىپشىلەردىڭ زاڭدى ۇقىق - مۇددەسىن ٴونىمدى قورعادى. جاراستىرۋ كەڭسەسى قۇرىلعاننان بەرى كاسىپورىندارعا ساياتىن جالپى 22 داۋ - شاردى ارىز - شاعىم بەرۋدەن بۇرىن شەشتى.

”كاسىپورىندار قوعامىندا جاراستىرۋ قىزمەت كەڭسەسىنىڭ قۇرىلۋى كاسىپورىندارعا قولايلى بولىپ، اناعۇرلىم تاماشا زاڭمەن باسقارىلاتىن شارۋاشىلىق - ساۋدا ورتاسى جاراتىلدى“ دەدى ىلە وبلىستىق جەكە كاسىپورىنشىلار قوعامىنىڭ ورىنباسار باس حاتشىسى، قوسىمشا كەڭسە مەڭگەرۋشىسى تاڭ شۇنچىڭ.

”سوت مەكەمەسى سۋديالاردى مەرزىم بويىنشا جاراستىرۋ جۇمىستارىنا قاتىناسۋعا ورنالاستىرىپ، تاربيەلەۋ، اڭگىمە ٴماجىلىس وتكىزۋ، زەرتتەۋ - تالقىلاۋ، سوت تەرگەۋىن كورۋ، زاڭ لەكسياسى ساباعىن اشۋ سياقتى تاسىلدەر ارقىلى ۇسىنىس ەتىلگەن جاراستىرۋشىلاردى باۋلۋ تەبىنىن ارتتىرىپ، جاراستىرۋ قىزمەتى كەڭسەسىنىڭ قايشىلىقتار مەن داۋ ـ شارلاردى شەشۋىنىڭ ساپاسى مەن ونىمدىلىگىن ۇزدىكسىز جوعارىلاتتى“ دەدى ىلە وبلىستىق بولىمشە سوت مەكەمەسى دەلو تۇرعىزۋ 1 - ٴبولىمىنىڭ باستىعى ياڭ جۇنفىڭ.

”ٴبىز ۇسىنىس ەتىلگەن جاراستىرۋ ۇيىمىنىڭ ابزالدىعىن ۇزدىكسىز ساۋلەلەندىرىپ، ىلە وبلىسىندا، قۇلجا قالاسىندا حالىق اراسىنداعى الىم - بەرىم داۋ - شارلارىن جاراستىرۋ كەڭسەسىن قۇرامىز“ دەدى ياڭ جۇنفىڭ. ول تاعى مىنانى ٴبىلدىردى: ”ىلە وبلىستىق بولىمشە سوت مەكەمەسى «سوت مەكەمەسى +  فينانس» سىندى كوپ نەگىزدى قايشىلىقتى، داۋ - شاردى شەشۋ مەحانيزمىن ۇزدىكسىز تەرەڭدەتىپ، ىلە وبلىسىنداعى 16 ساۋدا بانكەسىمەن بىرلەسىپ ىلە وبلىسىنداعى، قۇلجا قالاسىنداعى فينانس داۋ - شارىن جاراستىرۋ ورتالىعىن قۇرىپ، كاسىپورىندارعا ارىز - شاعىم بەرۋدى جوعارى ونىمدىلىكپەن ۇشتاستىرۋ، جەلىدە جانە جەلىدەن تىسقارى ىقپالداسقان كوپ نەگىزدى داۋ - شاردى شەشۋ ٴتاسىلىن ازىرلەپ، كاسىپورىندارعا ساياتىن داۋ - شاردى كوپ نەگىزدى شەشۋ، تۋ باستان شەشۋ قىزمەتىنىڭ ناقتى ونىمدىلىگىن جوعارىلاتادى. بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن بەلسەنە قالىپتاستىرادى“.