ىلە وبلىسى مەملەكەتتىك اپاتتان ساقتانۋ، اپات زيانىن ازايتۋ كۇنى ۇگىت قيمىلىن ورىستەتتى

اپات حاۋىپ ـ قاتەرىنەن ساقتانىپ، جوعارى ساپالى دامۋدى قورعايىق

تىلشىلەرىمىز دۋ لەي، سۋ مين حابارلايدى. 5 - ايدىڭ 12 - كۇنى ىلە وبلىسى ”اپات حاۋىپ - قاتەرىنەن ساقتانىپ، جوعارى ساپالى دامۋدى قورعايىق“ تاقىرىبىنداعى ”12 - مامىر“ مەملەكەتتىك اپاتتان ساقتانۋ، اپات زيانىن ازايتۋ كۇنى ۇگىت قيمىلىن ورىستەتتى. وبلىستىق شۇعىل جاعدايعا توتەپ بەرۋ، قاتىناس - تاسىمال، سالاماتتىقتى ساقتاۋ، تۇرعىن ٴۇي قۇرىلىسى، ٴورت ٴوشىرۋ سياقتى اپات زيانىن ازايتۋ كوميتەتىنە مۇشە 26 ورىن قۇلجا قالاسى حالىق الاڭىندا كەرمە تۋ ٴىلۋ، كورمە تاقتاسىن قويۋ، اقىل - كەڭەس بەرۋ تەكشەسىن قۇرۋ، ۇگىت قاعازىن تاراتۋ سياقتى فورمالار ارقىلى بۇقاراعا اپاتتان ساقتانۋعا، اپات زيانىن ازايتۋعا قاتىستى بىلىمدەردى ۇگىتتەدى.

بيىلعى 5 ـ ايدىڭ 12 ـ كۇنى − 15 - رەتكى مەملەكەتتىك اپاتتان ساقتانۋ، اپات زيانىن ازايتۋ كۇنى، 5 ـ ايدىڭ 6 ـ كۇنىنەن 12 ـ كۇنىنە دەيىن − اپاتتان ساقتانۋ، اپات زيانىن ازايتۋ ۇگىت اپتالىعى. وبلىستىق پارتكوم مەن ۇكىمەتتىڭ ورنالاستىرۋىنا ساي، ىلە وبلىسى اۆتونوميالى رايوندىق اپات زيانىن ازايتۋ كوميتەتىنىڭ قىزمەت تالابىن بەلسەنە تياناقتاندىرىپ، جەرگىلىكتى جاعدايعا ۇيلەسەتىن، ٴونىمى كورنەكتى، الەۋمەتكە جاناسىمدى ۇگىت قيمىلدارىن ورىستەتىپ، اپاتتان ساقتانۋ، اپات زيانىن ازايتۋدىڭ قويۋ ۇگىت اۋانىن قالىپتاستىردى.

وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى، وبلىستىق پارتكومنىڭ تۇراقتى مۇشەسى قايرات اشىك ۇلى قاتارلىلار قيمىل مايدانىنا بارىپ جەتەكشىلىك ەتتى. الاڭدى ورنالاستىرۋ، ۇگىت تاقتاسىن قويۋ، كەرمە تۋ ٴىلۋ، سونداي - اق بۇقاراعا اقىل - كەڭەس بەرۋ سياقتى جاعدايلاردى ەگجەي - تەگجەيلى ۇعىسقاننان كەيىن ەلشات تۇرسىنباي ۇلى بىلاي دەپ اتاپ كورسەتتى: ٴارقايسى ورىندار، ٴارقايسى تاراۋلار اپاتتان ساقتانۋ، اپات زيانىن ازايتۋ كۇنى ۇگىت - تاربيە قيمىلىن مۇقيات ۇيىمداستىرىپ ورىستەتىپ، باي مازمۇندى، بۇقارا قۋانا قابىلدايتىن ۇگىت ٴتاسىلى ارقىلى قاتىستى بىلىمدەردى ٴار ۇلت بۇقاراسىنا جەتكىزىپ، اپاتتان ساقتانۋ، اپات زيانىن ازايتۋ قىزمەتىنە جاپپاي بەلسەنە ات سالىساتىن تاماشا اۋقىم قالىپتاستىرۋعا قۇلشىنىپ، باس اماندىعى قورعانىس شەبىن ۇزدىكسىز قۇرۋ كەرەك. 

قيمىل مايدانىندا ٴار قايسى تۇيىندەردەگى قىزمەتشىلەر جولدان وتكەن بۇقاراعا «اپاتتان ساقتانۋ، اپات زيانىن ازايتۋ بىلىمدەرى»، «ورمان - جايىلىم ورتىنەن ساقتانۋ بىلىمدەرى»، «ٴورت ٴوشىرۋ حاۋىپسىزدىك بىلىمدەرى»، «جەر سىلكىنىسىنەن قورعانۋ بىلىمدەرى» سياقتى سۋرەتتى جانە جازباشا اپاتتان ساقتانۋ، اپات زيانىن ازايتۋ ۇگىت قولدانباسى، ۇگىت قاعازى، بۇكتەمە بەت سياقتى ماتەريالدار مەن شالعىش، قاعاز ستاكان، كۇن نۇرىنان قورعانۋ باس كيىمى سياقتى ۇگىت بۇيىمدارىن تاراتىپ، بۇقاراعا قاراپايىم، ۇعىنىقتى تىلمەن جەر سىلكىنىسى، ٴورت اپاتى، تاسقىن - لاي كوشكىنى سياقتى ٴتۇرلى جاراتىلىستىق اپاتتاردان ساقتانۋ بىلىمدەرىن، سونداي - اق ٴوزىن قۇتقارۋ، ٴوزارا قۇتقارۋ ونەرىن جانە توسىن وقيعالارعا توتەپ بەرۋ ٴادىس - شارالارىن ۇگىتتەپ، ٴتۇسىندىرىپ، جەر سىلكىنىسى اپاتىنىڭ قالىپتاسۋى سياقتى جاقتارداعى بىلىمدەردى ٴتۇسىندىرىپ، ورمان - جايىلىمداعى ٴورت ٴوشىرۋ، ورتتەن ساقتانۋ جابدىقتارىن كورسەتىپ، جاراتىلىستىق اپاتتاردان قالاي ساقتانۋ جونىندە تۇسىنىك جاساپ، قاتەردەن ساقتانۋ، جان ساۋعالاۋ، ٴوزارا قۇتقارۋ شەبەرلىگىن كۇشەيتىپ، ٴار ۇلت بۇقاراسىنا كۇندەلىكتى تۇرمىستاعى اپاتتان ساقتانۋ، اپات زيانىن ازايتۋ، اپاتتان قۇتقارۋ بىلىمدەرىن ۇعىندىرىپ، اپاتتان ساقتانۋ، اپات زيانىن ازايتۋ تانىمىن جاپپاي جوعارىلاتتى. 

قۇلجا قالاسىنىڭ تۇرعىنى كاميلا نۇردان قىزى: ”قىزمەتكەرلەردىڭ ٴتۇسىندىرۋى ماعان اپاتتان ساقتانۋ، اپات زيانىن ازايتۋ قىزمەتىنىڭ ماڭىزدىلىعىن اناعۇرلىم تەرەڭ ٴتۇسىندىردى، كۇندەلىكتى تۇرمىستا ٴبىز حاۋىپسىزدىك، ساقتانۋ تانىمىن اناعۇرلىم جوعارىلاتۋىمىز كەرەك ەكەن“ دەدى.

وبلىستىق شۇعىل جاعدايعا توتەپ بەرۋدى باسقارۋ مەكەمەسى تەكسەرۋ - باعالاۋ جانە ساناق باسقارماسىنىڭ جاۋاپتىسى جياڭ يۇڭ بىلاي دەدى: وسى رەتكى قيمىلدا 60 نەشە كورمە تاقتاسى قويىلدى، 40 نەشە كەرمە تۋ ٴىلىندى، 30 مىڭ پارشادان استام ۇگىت ماتەريالى تاراتىلىپ، بۇقاراعا 30 مىڭ ادام - رەت اينالاسىندا اقىل - كەڭەس بەرىلدى، ”جان - جاقتى، كوپ ساتىلى، جاپپاي قامتۋ“ شىن مانىندە جۇزەگە اسىرىلىپ، اپاتتان ساقتانۋ، اپات زيانىن ازايتۋ، شۇعىل جاعدايعا توتەپ بەرۋ بىلىمدەرى بۇقارانىڭ كوز الدىندا ايگىلەنىپ، تاماشا ۇگىت ونىمدىلىگىنە قول جەتكىزىپ، بۇكىل قوعام ورتاق كوڭىل بولەتىن، اپاتتان ساقتانۋ جانە اپات زيانىن جەڭىلدەتۋ قىزمەتىنە اتسالىساتىن تاماشا ورتا قالىپتاستىرىلىپ، كادرلار مەن بۇقارانىڭ اپاتتان ساقتانۋ جانە اپات زيانىن ازايتۋ تانىمى كۇشەيتىلىپ، ٴوزىن - ٴوزى قۇتقارۋ جانە ٴوزارا قۇتقارۋ قابىلەتى جوعارىلاتىلدى.

سۋرەتتە: قىزمەتكەرلەر بۇقاراعا اپاتتان ساقتانۋ، اپات زيانىن ازايتۋ جونىندەگى بىلىمدەردى تۇسىندىرۋدە.   دۋ لەي فوتوسى